Mk 10:52 - Meta’

⁵² Yeso nyaʼa ghà ɨ bɔ ni, “Sɨ wò e. E ɨbenɨ fə ghɨ̀ ni à bɔtɨ e.” Àmei əwu əwən, mbaŋə̀ ze nyaʼa wɨrɨ kɔ zə ɨsɨ, əne wɨ̀ nyaʼa nɔʼ beenɨ əbɔʼ ə Yeso wò əsɨ ze nɨ wɨ̀ nyaʼə wòə̀.

Ikan feg

⁵² Yeso ya ghà ibo gha, “Ìwe ibḛfiŋ fə ghì àghò bɔti. Si ghò awe.” Kwàʼ ati ati, mbaŋà ze ya ywìrì ko se bàd isiŋi. Ane, wì ya nɔ̀ʼ beni abɔ̀ʼ Yeso ghò a asiŋi ze ne Yeso yaya ghò.

Mk 10:52 ပူးပေါင်းရင်းမြစ်များ

Matìyò 11:5

Mɨfɨgɨ̀ mbɨə sɨə zə ɨsɨ, bə̂d nɨə tèʼ ɨwu mbɨə sɨə yèn ɨchî chɔ̀m, əpabɨ ə mì i rɨ ənɨ bə̂d mbe nɨ nyaʼə wɔ̀n əpabɨ, mbɨ̀rɨko mbɨə sɨə zu ɨnû, ɨvɨ bə̂d zwemə, ɨ mbɨə bə̀ ghà ɨkə̂n chɔ̀m əmbɨ bə̂d ɨkwaŋ.

Matìyò 12:22

Bə̂d mɔʼɔ nyaʼa nɨŋ mbaŋə̀ nɨ əzwî rɨbɔ̀ŋ ə nyaʼa ɨŋga məd wò əsɨ Yeso mbɨ məd. Mbaŋə̀ ze yɨə nyaʼa ɨfɨgɨ bə̀ fɔrɨ tɨ̀ghàm. Mbɨ nyaʼa wò əne, Yeso vɨ̀ əməd, wɨ̀ wɨrɨ kɔ ghamɨ bə̀ kɔ zə ɨsɨ.

Matìyò 15:28

Yeso nyaʼa wììrɨ̀ ɨ bɔ ni, “Əyi, e ɨbenɨ ə kà! Əne əghɨ ze nɨ à kə̀bɨ, à bɨrɨ berɨ.” Àmei əwu əwən, wan əyi məd we nyaʼa bɔtɨ i.

Matìyò 21:14

Mɨfɨgɨ̀ mbɨ ə bə̂d nɨ nyaʼə tèʼ ɨwu nyaʼa wò əsɨ məd ɨŋga mbàn Ŋwìə̀, wɨ̀ vɨ̀ mɨ̀mə̌d.

Matìyò 8:3

Yeso nyaʼa sèm əbɔ bètɨ̀ əməd ghà ni, “Mə ghaʼ nɨ ghɨ əne. Ɨnyod, zeŋ!” Àmei əwu əwən, əpabɨ ze ə nyaʼa mì rɨ ɨgwɨ ə mbaŋə̀ ze.

Matìyò 9:22

Ənɨ wɨ̀ nyaʼa betɨ, Yeso nyaʼa bèŋ zə əməd, ghà ɨ bɔ ni, “Yim fîŋ, kyɨ ɨŋgɔbə! E ɨbenɨ fə ghɨ̀ ni à bɔtɨ e.” Àmei əwu əwən əyi we nyaʼa bɔtɨ i.

Mk 1:31

Yeso nyaʼa wò ɨban məd, pè yim əbɔ əməd nɔ̀, wɨ̀ nɔ̀ʼ chubɨ. Ɨfə we nyaʼa saŋ əməd, wɨ̀ nɔ̀ʼ nàʼ ɨghɨjɨg əmbɨ mɨ̀mə̌d.

Mk 5:34

Yeso nyaʼa zu əne ghà ɨ bɔ ni, “Wân, e ɨbenɨ fə ghɨ̀ ni à bɔtɨ e. Ndə̀ əwe ənɨ əbɔrəbɔd, e əwɔn ə fə mì i.”

Mk 8:25

Yeso nyaʼa wɨrɨ yì bètɨ̀ əghə ə mbaŋə̀ ze. Ənɨ wɨ̀ nyaʼa bètɨ̀ əne, mbaŋə̀ ze nyaʼa sɔ̀ŋgɨ̀ əghə neŋ ɨsɨ, əne əghə əməd ə nyaʼa zeŋ, wɨ̀ zə ɨghɨjìm kwàʼ ɨchî chɔ̀m.

Lk 7:50

Yeso nyaʼa ghà əmbɨ əyi we ni, “E ɨbenɨ fə chɨ̀ əwe rɨ əŋgəʼ. Sɨ wò e ənɨ əbɔrəbɔd.”

Lk 9:48

ghà əmbɨ mə̀mə̀ə̀nɨ̀-ɨnû mbe ni, “Wə̀d mɔʼɔ we nɨ nɨŋ wan kwa ɨghabɨ wɔ̂ ənɨ mɨ ɨkum, fə bə̀ nɨŋ əmɨ. We nɨ nɨŋ əmɨ fə bə̀ nɨŋ wə̀d we nɨ nyaʼa tom əmɨ. Əne we nɨ yeʼ wɨ kwa əkaʼ mbə̀n mbɔ̂ mɨ̀jìm, yɨ we nɨ yeʼ wɨ kyeŋ.”

Jn 9:32

Tɨ ənɨ Ŋwìə̀ nyaʼa tekɨ ɨsɨg, chəi bə̂d kweʼ zu ni wə̀d mɔʼɔ fə fìʼ əghə ə wə̀d nɨ mbɨ nyaʼa gywɨ əfɨgə.

Jn 9:39

Yeso nyaʼa ghà ni, “Mə nyaʼa yeʼe ɨ saʼ ɨsɨg wɔ̂ ɨmbə̀ʼ mɨfɨgɨ̀ zə ɨsɨ, mbe nɨə zə ɨsɨ beŋ ənɨ mɨfɨgɨ̀.”

Ɨ̀fàʼì 26:18

ni à fiʼ əghə mɨ̀mə̌d ɨmbə̀ʼ mbɨ jwɨ rɨŋga ɨsɨ firɨ wò ɨŋga ɨzeŋɨ zeŋɨ, bə̀ jwɨ̀ rɨ əsɨ ze nɨ Satàn ə tùmbɨ̀ə̀ wo əsɨ ə Ŋwiə̀. Mbɨ mɨ ghɨ̀ əne, Ŋwìə̀ bɨrɨ waʼ ɨnû rɨbɔ̀ŋ mɨ̀mə̌d bə̀ nùŋ mɨ̀mə̌d əkaʼ bə̂d mbe nɨ wɨ̀ fə zeŋnɨ ɨmbə̀ʼ ɨchî nɨ mbɨ nuŋ tə fîŋ ɨgwɨ num.'