Mk 10:22 - Meta’

²² Ənɨ mbaŋə̀ ze nyaʼa zu ənû zɔ̂, ɨnyod ɨməd bɔd, əne wɨ̀ nyaʼa nɔ̀ʼ wò i yènə̀ kə̀nə̀, ɨmbə̀ʼ ɨghəm nɨ wɨ̀ nyaʼa kaŋ berɨ ɨghɨ nɔnɔʼ.

Ikan feg

²² Anyumə̀ ne mbaŋà ze ya zug anug azo̰, anug ya chè aməd. Ane, wì ya nɔ̀ʼ ghò yi se yḛ̀ nè sɔ̀mnɔ̀ imbə̀ʼ icheg ne wì ya taŋ bèrì ighi nɔʼ nɔʼ.

Mk 10:22 ပူးပေါင်းရင်းမြစ်များ

Matìyò 13:22

Ɨghɨ mbe nɨ nyaʼa feŋ ɨŋga ɨ̀jə̀ŋɨ̀ yɨ ɨghabɨ bə̂d mbe nɨ zu ɨŋgam Ŋwiə̀, əne ənû nɨ nwiʼ ɨnyod ɨmbə̀ʼ ɨghɨ rɨŋga ɨsɨg mbɨ ənû nɨ berɨ mbɔ̂n, mbɨ fumnɨ ɨŋgam we, chəi wɨ kɔ rɨtam.

Matìyò 19:22

Ənɨ əjɔŋ ze ə nyaʼa zu ənû zɔ̂, wɨ̀ nyaʼa kə̀nə̀, əne nɔ̀ʼ wò i, ɨmbə̀ʼ ɨghəm nɨ wɨ̀ nyaʼa kaŋ berɨ ɨghɨ nɔnɔʼ.

Matìyò 27:3

Ənɨ Judàs we nɨ nyaʼa fen ə Yeso, nyaʼa zə ni mbɨ fə sob ni mbɨ zwiirɨ əməd, wɨ̀ nyaʼa beŋ i fîŋ wɨrɨ wò wì ɨkab mɨ̀sɨrɨvà mbe ɨwum tad əmbɨ ə bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ.

Mk 10:21

Yeso nyaʼa nèŋ əməd ghaʼ, əne ghà ɨ bɔ ni, “À kwaŋ əghɨ ə mɔʼɔ. Ndə̀ wò fèndɨ̀ ɨghɨ mbe nɨ à berɨ, wò nàʼ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

Mk 10:23

Yeso nyaʼa nèŋ ɨsɨ kad, əne ghà əmbɨ mbi mə̀mə̀ə̀nɨ̀-ɨnû ni, “Zɨə bɨrɨ nɨ se əmbɨ ə bə̂d mbɔ̂n nɨ nyɨ ɨŋga ənû ɨfɔ̀n ə Ŋwiə̀!”

Mk 6:20

ɨmbə̀ʼ ɨghəm nɨ Herɔ̀d wɨə nyaʼə bɔ ə Jɔ̌n. Wɨ̀ nyaʼa kyerɨ ni Jɔ̌n yɨə wə̀d zeŋɨ fɔrɨ ni ɨ wɨə nyaʼə ghɨ̀ ɨnû nɨ kuʼnɨ. Əne ɨ wɨə nyaʼə nə̀ŋgɨ əməd ni tɨ ənû ə mɔʼɔ ə ghɨ i ənɨ məd. Ɨ wɨə nyaʼə kàŋə̀ ghaʼə nɨ zu ɨnû mbe nɨ Jɔ̌n nyaʼə ghàə̀, àyɨə wɨ̀ nyaʼa mɨ zu, fîŋ tɔb əməd kwàʼ rɨŋgəʼ.

Mk 6:26

Ɨfɔ̂n we nyaʼa kàŋ kə̀nə̀ kwàʼ rɨŋgəʼ. Àyɨə ɨchî nɨ wɨ̀ nyaʼa fə kaʼi kàn bə̀ fɔrɨ ɨchî nɨ bə̂d mbe nɨ wɨ̀ nyaʼa won nyaʼa əŋgu, chəi ɨchî nɨ tɨ̀ wɨ̀ nyaʼa wɨrɨ ton.

Lk 12:15

Ənɨ wɨ̀ nyaʼa ghà əne, wɨ̀ nyaʼa ghà əmbɨ ə bə̂d mbe ni, “Mbə̀ chub ɨkyèʼe, we əwən ɨmbə̀ʼ ənû nɨ feenɨ ɨghɨ, ɨmbə̀ʼ ɨghəm nɨ ka ɨ̀tènɨ̀ wə̀d yɨ i ɨmbə̀ʼ ɨchî nɨ wɨ̀ berɨ ɨghɨ nɔnɔʼ.”

Lk 18:23

Ənɨ mbaŋə̀ ze nyaʼa zu ənû zɔ̂, wɨ̀ nyaʼa kə̀nə̀ kwàʼ rɨŋgəʼ, ɨmbə̀ʼ ɨghəm nɨ wɨ̀ nyaʼa wom berɨ mbɔ̂n.

2 Kɔrèn 7:10

Ɨkwɨ ə̀kə̀nɨ̀ we nɨ Ŋwiə̀ kəb ə zɨə ghɨ̀ ni bə̂d beŋ tə fîŋ. Ə zɨə ghɨ̀ ni bə̂d jwɨ rəŋgəʼ. Chəi bə̂d berɨ nɨ kə̀n ɨmbə̀ʼ ənû zɔ̂! Àyɨə ɨkwɨ ə̀kə̀nɨ̀ we nɨ bə̂d rɨŋga ɨsɨg kəb ə zɨə ghɨ̀ ni bə̂d kwɨ.

Efesùs 5:5

Mbə kyerɨ ni chəi wə̀d we nɨə ni əyi kɨ̀ mbaŋə̀ əbəŋ əbəŋ, kɨ̀ we nɨə nyɔɔnɨə, kɨ̀ we nɨə feenɨ ɨghɨ bə̂d (əne yɨə wə̀d nɨə wumnɨə mbɨ̀anèŋ) berɨ əghɨ ə mɔʼɔ nɨ wɨ̀ bɨrɨ jɨg ɨŋga ənû ɨfɔ̀n ə Kristo mbɨ ə Ŋwiə̀.

2 Timotì 4:10

ɨmbə̀ʼ ɨghəm nɨ Demàs fə waʼ əmɨ wo əwi ə Tèsàlonikà. Wɨ̀ fə wò əŋgu ɨmbə̀ʼ ɨghəm nɨ wɨ̀ ghaʼ ɨnû rɨŋga ɨsɨg wɔ̂. Kresèn fə wò ə Gàlesià. Taitùs fə bə̀ wò ə Dalmatià.