Mk 1:34 - Meta’

³⁴ Yeso nyaʼa vɨ̀ bə̂d mɨ̀nɔnɔʼ nɨ nyaʼa wɔ̀nə̀ tɨkwɨrɨ ɨwɔn nɔnɔʼ. Wɨ̀ nyaʼa bə̀ chɨ̀ ɨzwî rɨbɔ̀ŋ nɔnɔʼ rɨŋga bə̂d. Chəi wɨ̀ nyaʼa ben ni ɨzwî rɨbɔ̀ŋ mbe ghàmə̀, ɨmbə̀ʼ ɨghəm nɨ mbɨ nyaʼa kyerɨ wə̀d we nɨ wɨ̀ yeʼ wɨwən.

Ikan feg

³⁴ Yeso ya ghù bəd nɔʼ nɔʼ ne yaya ghɔ̰̀ tiku ighɔn nɔʼ nɔʼ. Wì ya bə̀ chì izwighi tibɔ̀ŋ nɔʼ nɔʼ inga bəd. Chəyi wì yaya bḛ gha izwighi tibɔ̀ŋ mbe ghama imbə̀ʼ icheg ne mbi ya kyeri wə̀d we ne wì yaʼ ìwiwən.

Mk 1:34 ပူးပေါင်းရင်းမြစ်များ

Matìyò 4:23

Yeso nyaʼa ghanə yènə̀ ɨŋga Galiliî jìm. Wɨ̀ nyaʼə yènə̀ chwi ɨnû ɨŋga nəb tɨ ə̀kàtɨ̀ te rɨŋga ɨsɨ mbe, bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ. Wɨ̀ nyaʼə bə̀ yènə̀ vɨ̀ə̀ tɨkwɨrɨ əwɔn jìm bə̀ vɨ̀ə̀ tɨkwɨrɨ ɨnɔʼɔ jìm.

Matìyò 4:24

Ɨchî nɨ wɨ̀ nyaʼə ghɨ̀ əne, mɨkâ məd nyaʼa jàŋ ɨŋga Sirià jìm. Əze ə nyaʼa ghɨ̀ ni bə̂d mbe rəŋgu nɨŋ bə̂d mbe nɨ nyaʼə wɔ̀nə̀ tɨkwɨrɨ əwɔn jìm wò əsɨ məd. Wɨ̀ nyaʼa vɨ̀ bə̂d əwɔn mbe mɨjìm. Bə̂d əwɔn mbɔ̂ yɨ mbe nɨ ɨsɨ ɨnyod nyaʼə seə, mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, mbe nɨ ə̀fìrɨ̀ ə nyaʼə gywɨ̀ə̀ fɔrɨ mbe nɨ nyaʼa buʼrə.

Mk 1:25

Yeso nyaʼa ghàm əbɔʼ əzwî rɨbɔ̀ŋ ze ghà ni, “Kəm rəziə, jwɨ̀ rɨŋga məd!”

Mk 3:12

Yeso nyaʼa jeŋgɨ patɨ ɨzwî rɨbɔ̀ŋ mbe ni tɨ mbɨ tɔ ghɨ̀ ə ni bə̂d kyerɨ wə̀d we nɨ tə yeʼ wɨwən.

Lk 4:41

Ɨzwî rɨbɔ̀ŋ nyaʼa bə̀ jwɨ̀ rɨŋga bə̂d mɨ̀nɔnɔʼ. Mbɨ nyaʼə kyeŋə ghàə̀ ni, “Àwɔ̀ yɨə Wan Ŋwìə̀!” Àyɨə wɨ̀ nyaʼa ghàm əbɔʼ mɨ̀mə̌d. Chəi wɨ̀ nyaʼa ben ni mbɨ ghàmə̀, ɨmbə̀ʼ ɨghəm nɨ mbɨ nyaʼa kyerɨ ni məd yɨə Wə̀d we nɨ Ŋwiə̀ zɔʼɔ.