Matìyò 9:8 - Meta’

⁸ Ənɨ mɨnɔ̂n bə̂d mbe nyaʼa zə ənû ze, mbɨ nyaʼa bɔ, əne yiirɨ ə Ŋwiə̀ ɨchî nɨ wɨ̀ naʼ ɨkwɨ ɨka wɔ̂ əmbɨ ə bə̂d.

Ikan feg

⁸ Anyumə̀ ne inɔ̰ bəd we ya bàri anug ne du, mbi ya bɔ, se ghùmnə Ŋwiye we ne nàʼi iku ika gho̰ abə bəd.

Matìyò 9:8 ပူးပေါင်းရင်းမြစ်များ

Matìyò 12:23

Bə̂d mɨ̀jìm nyaʼa zə əne yiirɨ ghà ni, “Tɨ̀ mbɨ nàʼ wɔ̂ yɨə Wan Dèvîd ə?”

Matìyò 15:31

Bə̂d mbe nyaʼa yiirɨ ɨchî nɨ mbɨ nyaʼa zə nɨ mbɨ̀rɨ̀ghàm ə ghàmə̀, mbe nɨ ɨbɔ nyaʼa kwɨ bɔtɨ, mbe nɨ nyaʼə tèʼ ɨwu yèn ɨchî chɔ̀m bə̀ yiirɨ ɨchî nɨ mɨfɨgɨ̀ ə zə ɨsɨ. Əne mbɨ nyaʼa yiirɨ Ŋwìə̀ mɨ̀Izre.

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

Matìyò 5:16

À yɨə bə̀ ɨchî nɨ ə ɨzeŋɨ zeŋɨ berɨ te ɨfě bə̂d, ɨmbə̀ʼ mbɨ zə ɨnû chɔ̀m mbe nɨ mbə̀ə ghɨ̀ə̀, əne yiirɨ ə Mbǎʼ we nɨ yeʼ ɨkaŋ.”

Matìyò 9:7

Mbaŋə̀ ze nyaʼa nɔ̀ʼ rətiə, wò əwi ɨnuʼ.

Mk 2:12

Mbaŋə̀ ze nyaʼa nɔ̀ʼ əwu əwən, nɨŋ i matə̀, jwɨ̀ wò i ɨfě mɨ̀mə̌d mɨjìm. Ənû ze ə nyaʼa chè bə̂d mbe mɨ̀jìm, əne mbɨ nyaʼa yiirɨ ə Ŋwiə̀ ghàə̀ ni, “Chəi tɨ̀ kweʼ zə ənû ɨghabɨ ə zɔ̂!”

Mk 7:37

Bə̂d mbe nyaʼa yiirɨ kwàʼ rɨŋgəʼ, əne ghà ni, “Wɨ̀ fə ghɨ ɨnû jìm ɨchî chɔ̀m. Wɨ̀ fə ghɨ̀ ni mbɨ̀rɨko zu ɨnû bə̀ ghɨ̀ ni mbɨ̀rɨ̀ghàm ghamə.”

Lk 13:13

Wɨ̀ nyaʼa ghà əne, zab mbi ɨbɔ ɨgwɨ məd. Àmei əwu əwən, ɨnyod əyi we nyaʼa sèmə̀, wɨ̀ yiirɨ ə Ŋwiə̀.

Lk 17:15

Ənɨ wɨ̀ fibɨ̀ rəbɔʼ mɨ̀mə̌d nyaʼa zə ni i ɨnyod fə zeŋ i, wɨ̀ nyaʼa bə̀ndɨ̀ wò rəbɔʼ, yènə̀ yiirɨ ə Ŋwiə̀ ənɨ gɨ̂ nɨ kǎ

Lk 17:18

Chəi wɨ mɔʼɔ nɨ bə̀ndɨ̀ yeʼe yiirɨ ə Ŋwiə̀ chè rɨ ənɨ wə̀d rɨ̀sɔ̀ʼɔ̀ wɔ̂ ə?”

Lk 18:43

Àmei əwu əwən, wɨ̀ nyaʼa wɨrɨ kɔ zə ɨsɨ, əne wɨ̀ nyaʼa nɔʼ beenɨ əbɔʼ ə Yeso, yènə̀ yiirɨ ə Ŋwiə̀. Bə̂d mɨjìm mbe nɨ nyaʼa zə ənû ze nyaʼa bə̀ yiirɨ ə Ŋwiə̀.

Lk 2:20

Mənə̂ŋgɨ̀-njɨ̀g mbe nyaʼa bə̀ndɨ̀ wò yènə̀ kwerɨə mɨkyî yiirɨ ə Ŋwiə̀ ɨmbə̀ʼ ɨnû jìm mbe nɨ mbɨ nyaʼa zu bə̀ zə. Ɨnû mbe nyaʼa àmei ɨchî nɨ mbɨ̀aŋgɨrə̀ mbe nyaʼa ghà əmbɨ mɨ̀mə̌d.

Lk 23:47

Ətu ɨgwɨ mɨ̀sɔgyɨ̀ nyaʼa zə ənû ze nɨ nyaʼa ghɨ̌, əne wɨ̀ nyaʼa yiirɨ ə Ŋwiə̀ ghà ni, “À yɨ rəsìʼ ni chəi mbaŋə̀ zɔ̂ kaŋ gù ənû ə mɔʼɔ.”

Lk 7:16

Ɨbɔɔ nyaʼa swi ɨŋga bə̂d mbe mɨjìm, əne ɨ mbɨə nyaʼə yiirɨ ə Ŋwiə̀ ghàə̀ ni, “Wə̀d ɨ̀kə̀n Ŋwìə̀ nɨ dabə fə jwɨ̀ əkaʼ na!” fɔrɨ ni, “Ŋwìə̀ fə yeʼe ɨ weerɨ mbi bə̂d!”

Jn 15:8

Ənû ze nɨ bɨrɨ nàʼ ɨwumnɨ əmbɨ mɨ Mbǎʼ yɨ ni mbə̀ kɔ rɨtam nɔnɔʼ. Əze ə bɨrɨ chwi ni mbə̀ yɨ mbɨ mə̀mə̀ə̀nɨ̀-ɨnû.

Ɨ̀fàʼì 11:18

Ənɨ mbɨ nyaʼa zu ənû zɔ̂, chəi mbɨ nyaʼa wɨrɨ berɨ ənû ə cherə nɨ ghà. Əne mbɨ yiirɨ ə Ŋwiə̀, ghà ni, “Ŋwìə̀ fə bə̀ nàʼ əpan əmbɨ bə̂d mbe nɨ kaʼi mɨ̀Jû ni mbɨ beŋ tə fîŋ jɨg ɨ̀tènɨ̀.”

Ɨ̀fàʼì 21:20

Ənɨ mbɨ nyaʼa zu ənû zɔ̂, mbɨ nyaʼa yiirɨ ə Ŋwiə̀, ghà əmbɨ Pɔ̂l ni, “Aŋgɔb, zə ɨchî nɨ mɨ̀Jû, chuʼ mbɨ ə chuʼ fə ben ə Kristo. Mɨ̀mə̌d mɨjìm fə zɨ̀ ətu nɨ nuŋ tɨkə rɨ Mose.

Ɨ̀fàʼì 4:21

Ənɨ mbɨ nyaʼa ghà əne, mə̀saʼ əbeŋ mbe nyaʼa yì patɨ mɨ̀mə̌d kwàʼ rɨ̀kǎ, sàŋ ni mbɨ wo ə. Chəi mbɨ nyaʼa zə ɨnə̂njɨ̀ nɨ chə mɨ̀mə̌d, ɨmbə̀ʼ ɨghəm nɨ bə̂d mɨ̀jìm mbɨə nyaʼə yiirɨ ə Ŋwiə̀ ɨmbə̀ʼ ənû ze nɨ nyaʼa ghɨ̌.

2 Kɔrèn 9:13

Mbə mɨ yeʼə ghɨ̀ ɨnû ɨghabɨ mbɔ̂, njɨ mbə fə chwi ɨkwɨ bə̂d mbe nɨ mbə̀ yeʼ mbɨwən. Əne bə̂d mɨ̀nɔnɔʼ bɨrɨ yiirɨ ə Ŋwiə̀ ɨmbə̀ʼ ɨchî nɨ mbə̀ beenɨ əbɔʼ ɨkə̂n chɔ̀m we nɨ mbə̀ nyaʼa ben ɨmbə̀ʼ ə Kristo. Mbɨ bɨrɨ bɨ naʼ məben-əwe əmbɨ ə Ŋwiə̀ ɨmbə̀ʼ ɨghɨ mbe nɨ mbə̀ naʼ əmbɨ mɨ̀mə̌d fɔrɨ ɨmbə̀ʼ mbe nɨ mbə̀ naʼ əmbɨ ə bə̂d cherə.

Gàlesìyà 1:24

Əne mbɨ nyaʼa wumnɨ ə Ŋwiə̀ ɨmbə̀ʼ əmɨ.

1 Pità 2:12

Mbə mɨchî əkaʼ bə̂d mbe nɨ kaʼi mɨ̀Jû berɨ bɔ̀ŋ, ɨmbə̀ʼ ka mbɨ bè gha ə ni mbə yɨə bə̂d nɨə ghɨ̀ ɨnû rɨbɔ̀ŋ, mbɨ bɨrɨ zə ɨnû chɔ̀m mbe nɨ mbə̀ə ghɨ̀ əne yiirɨ ə Ŋwiə̀ əni ze nɨ wɨ̀ bɨrɨ wɨrɨ yeʼe.