Matìyò 9:6 - Meta’

⁶ Àyɨə mə bɨrɨ ghɨ mbə̀ kyerɨ ni Wan Wə̀d ə berɨ ɨka ɨgwɨ ə si nɨ waʼ ɨnû rɨbɔ̀ŋ.” Ənɨ wɨ̀ nyaʼa ghàm əne, wɨ̀ nyaʼa ghà əmbɨ mbaŋə̀ ze nɨ nyaʼa buʼrə ni, “Nɔʼ rətiə, beʼ e ɨkon, wò əwe ɨnuʼ.”

Ikan feg

⁶ Mə ghàm anìŋ ni gha mbə̀ kyeri gha Ŋwan Wə̀d bèrì ika ni waʼ inug tibɔ̀ŋ abə bəd igun isəg.” Wì ya si ghàbri ghà abə abuʼrə wə̀d ze gha, “Àghò nɔ̀ʼɔ təm, kad àze abaʼ ghò ine achan.”

Matìyò 9:6 ပူးပေါင်းရင်းမြစ်များ

Matìyò 4:24

Ɨchî nɨ wɨ̀ nyaʼə ghɨ̀ əne, mɨkâ məd nyaʼa jàŋ ɨŋga Sirià jìm. Əze ə nyaʼa ghɨ̀ ni bə̂d mbe rəŋgu nɨŋ bə̂d mbe nɨ nyaʼə wɔ̀nə̀ tɨkwɨrɨ əwɔn jìm wò əsɨ məd. Wɨ̀ nyaʼa vɨ̀ bə̂d əwɔn mbe mɨjìm. Bə̂d əwɔn mbɔ̂ yɨ mbe nɨ ɨsɨ ɨnyod nyaʼə seə, mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, mbe nɨ ə̀fìrɨ̀ ə nyaʼə gywɨ̀ə̀ fɔrɨ mbe nɨ nyaʼa buʼrə.

Matìyò 8:20

Yeso nyaʼa ghà ɨ bɔ ni, “Kyerɨ ni mɨ̀seŋə ə berɨ tə rɨbɨgɨ, tɨnən bə̀ berɨ tə kàn, àyɨə chəi Wan Wə̀d berɨ əsɨ nɨ nuŋ e ətu əŋgu.”

Matìyò 9:2

Ənɨ wɨ̀ nyaʼa pè əŋgu, bə̂d mɔʼɔ nyaʼa bèʼ mbaŋə̀ ɨgwɨ ɨkon wò əsɨ məd. Mbaŋə̀ ze nyaʼa fə buʼrə. Ənɨ Yeso nyaʼa zə ɨchî nɨ bə̂d mbe nyaʼa nuŋ fîŋ ɨgwɨ ni, wɨ̀ nyaʼa ghà əmbɨ mbaŋə̀ ze nɨ nyaʼa buʼrə ni, “Yim fîŋ kyɨə wan. Mə fə waʼ mbe ɨnû rɨbɔ̀ŋ.”

Matìyò 9:5

À kɨ ənû zi ə zam ə? À kɨ ɨ ghà ni, 'Mə fə waʼ mbe ɨnû rɨbɔ̀ŋ', kɨ̀ ɨ gha ni, 'Nɔʼ rətiə yèn ə?'

Matìyò 9:7

Mbaŋə̀ ze nyaʼa nɔ̀ʼ rətiə, wò əwi ɨnuʼ.

Mk 2:10

Àyɨə mə bɨrɨ ghɨ mbə̀ kyerɨ ni Wan Wə̀d ə berɨ ɨka ɨgwɨ ə si nɨ waʼ ɨnû rɨbɔ̀ŋ.” Ənɨ wɨ̀ nyaʼa ghà əne, wɨ̀ nyaʼa ghà əmbɨ ə mbaŋə̀ ze nɨ nyaʼa buʼrə ni,

Mk 2:7

“Mbaŋə̀ zɔ̂ kɨə ghàm əni ɨmbə̀ʼ ə yè ə? Ɨ wɨə zɔ̀m ə Ŋwìə̀! À kɨə we nɨ tɨ̀ wɨ̀ waʼ ɨnû rɨbɔ̀ŋ chè rɨ ənɨ ə Ŋwiə̀ tə̀zìʼ wi ə?”

Lk 5:21

Məchwiə̀ rɨ̀kə̌ mbɨ mɨ̀Farisiî nyaʼa zu əne kɔ biirɨ mbənə mbənə ni, “Mbaŋə̀ zɔ̂ nɨə zɔ̀m ə Ŋwiə̀ kɨə we ə? À kɨə we nɨ tɨ̀ wɨ̀ waʼ ɨnû rɨbɔ̀ŋ bə̂d chè rɨ ənɨ ə Ŋwiə̀ rə̀zìʼ wi ə?”

Jn 10:28

Mə wɨə nàʼ ɨ̀tènɨ̀ rɨ mì əmbɨ tɨ njɨ̀g. Chəi tɨ bɨrɨ nɔ kwɨ. Chəi wə̀d nɨ tɨ wɨ̀ fe mɨ̀mə̌d rɨ num.

Jn 17:2

À fə nàʼ ɨka ɨ bɔ ni wɨ̀ tumbɨ bə̂d mɨjìm rɨŋga ɨsɨg, ɨmbə̀ʼ wɨ̀ naʼ ɨ̀tènɨ̀ rɨ mì əmbɨ ə bə̂d mbe nɨ à naʼ ɨ bɔ.

Jn 5:27

Mbǎʼ fə bə̀ nàʼ ɨka ɨ bɔ ni wɨ̀ saʼ bə̂d, ɨmbə̀ʼ ɨghəm nɨ məd yɨə Wan Wə̀d.

Jn 5:8

Yeso nyaʼa gha ɨ bɔ ni, “Nɔʼ rətiə, nɨŋ e matə̀, yèn wò e.”

Ɨ̀fàʼì 5:31

Ŋwìə̀ nyaʼa nɔ əməd nùŋ ənɨ e əbà əbɔ ə jɨgɨ ni wɨ̀ chub ənɨ Ə̀chà bə̂d fɔrɨ ənɨ Wə̀d nɨə chɨ̀ə̀ bə̂d rəŋgəʼ, ɨmbə̀ʼ wɨ̀ ghɨ ni mɨ̀Izre beŋ tə fîŋ, Ŋwìə̀ waʼ ɨnû rɨbɔ̀ŋ mɨ̀mə̌d.

Ɨ̀fàʼì 9:34

Pità nyaʼa ghà ɨ bɔ ni, “Eniàs, Yeso Kristo fə vɨ əwe. Nɔʼ rətiə tekɨ e baʼ.” Eniàs nyaʼa nɔ̀ʼ àmei əwu əwən.

2 Kɔrèn 2:10

Mbə mɨ fə waʼ ɨnû rɨbɔ̀ŋ wə̀d mɔʼɔ, mə fə bə̀ waʼ. Mə mɨ fə waʼ, njɨ ənû ze nɨ mə̀ fə waʼa, mə fə waʼ ɨfě Kristo ɨmbə̀ʼ əwən.

2 Kɔrèn 5:20

Tɨ̀ yɨə bə̂d nɨ təm ənɨ ɨkum Kristo. Ŋwiə̀ wɨə che ənjìm na buʼ ɨbɔ əmbɨ ə bə̂d. Əne tɨ̀ wɨə buʼ ɨbɔ ɨ nən ənɨ ɨkum Kristo ni mbə maanɨ taŋ mbɨ ə Ŋwiə̀.

Efesùs 4:32

Àyɨə mbə ghɨ ɨ̀chɔ̀m ənɨ mbə bɔŋgɔb, berɨ ɨbɔtɨ fîŋ bə̀ waʼ ɨnû rɨbɔ̀ŋ mbə bɔŋgɔb, ɨchî nɨ Ŋwiə̀ fə che ənjìm ə Kristo waʼ mba ɨnû rɨbɔ̀ŋ.

Kòlosè 3:13

Əne mbə̀ yim fîŋ mbənə mbənə bə̀ waʼ tɨ̀gurɨ-ɨnû wə̀d we nɨ gu ənû əmbɨ aŋgɔb. Ɨchî nɨ Ə̀nùŋɨ̀sɨg fə waʼ mbə ɨgu ɨnû, əne bə̂, mbə berɨ bɨ waʼ mbɨ bə̂d cherə.