Matìyò 9:4 - Meta’

⁴ Yeso nyaʼa kyerɨ tɨkɔndɨ tɨ mɨ̀mə̌d, əne wɨ̀ nyaʼa ghà ni, “Mbə̀ kɨə kɔndɨ ɨnû rɨbɔ̀ŋ ɨŋga tə fîŋ ɨmbə̀ʼ ə yè ə?

Ikan feg

⁴ Yeso ya kyeri anug ne mbɔb yaya kɔ̀ndɔ, si ghà inɔb gha, “Aton ne mbə̀ kɔ̀ndɔ inug tibɔ̀ŋ inən inga fìŋ àkə gha?

Matìyò 9:4 ပူးပေါင်းရင်းမြစ်များ

Matìyò 12:25

Yeso nyaʼa kyerɨ tɨkɔndɨ tɨ mɨ̀mə̌d, əne wɨ̀ nyaʼa ghà əmbɨ mɨ̀mə̌d ni, “Əbeŋ ə mɨ ghàbrə̀ əkəmɨ kəmɨ, kɔ zɔŋɨ mbənə mbənə, əbeŋ ze ə bɨrɨ beŋ ənɨ rɨ̀fùm. Əsɨ mɔʼɔ kɨ̀ əkwɨ mɔʼɔ ə mɨ ghàbrə̀ əkəmɨ kəmɨ kɔ zɔŋɨ, ka əsɨ ze kɨ̀ əkwɨ ze ə bɨrɨ təm i.

Mk 12:15

Tɨ̀ maʼa kɨ̀ tɨ rɨ̀ maʼ əwa ə?” Yeso nyaʼa kyerɨ ɨbekɨ ɨnû mɨ̀mə̌d, əne wɨ̀ nyaʼa ghà əmbɨ mɨ̀mə̌d ni, “Mbə̀ kɨə kəb kwaʼnɨ əmɨ ɨmbə̀ʼ ə yè ə? Mbə̀ yeʼe mbɨ ɨkab ətənɨ mɔʼɔ mə zə.”

Mk 2:8

Yeso nyaʼa kyerɨ tɨkɔndɨ tɨ mɨ̀mə̌d àmei əwu əwən, əne wɨ̀ nyaʼa ghà əmbɨ mɨ̀mə̌d ni, “Mbə̀ kɨə kɔndɨə tɨkwɨrɨ ɨnû tɔ̂ ɨŋga tə fîŋ ɨmbə̀ʼ ə yè ə?

Lk 11:17

Wɨ̀ nyaʼa kyerɨ tɨkɔndɨ tɨ mɨ̀mə̌d, əne wɨ̀ nyaʼa ghà əmbɨ mɨ̀mə̌d ni, “Əbeŋ ɨfɔ̀n ə mɔʼɔ ə mɨ saanɨ əkəmɨ kəmɨ, kɔ zɔŋ mbənə mbənə, əbeŋ ze ə bɨrɨ beŋ ənɨ rɨ̀fùm. Bə̂d rɨŋga nəb mɨ saanɨ, njɨ nəb ze bɨrɨ jàŋə̀.

Lk 5:22

Yeso nyaʼa kyerɨ ənû ze nɨ mbɨ nyaʼə biirɨə, əne wɨ̀ nyaʼa wììrɨ̀ əmbɨ mɨ̀mə̌d ni, “Mbə kɨə biirɨ ɨnû mbɔ̂ ɨŋga tə fîŋ ɨmbə̀ʼ ə ye ə?

Lk 6:8

àyɨə Yeso nyaʼa kyerɨ tɨkɔndɨ mɨ̀mə̌d. Əne wɨ̀ nyaʼa ghà əmbɨ ə mbaŋə̀ ze nɨ əbɔ əməd ə nyaʼa nə̀ŋɨ ni, “Nɔʼ rətiə yeʼe təm əgha.” Mbaŋə̀ ze nyaʼa nɔ̀ʼ wò təm ɨfě mɨ̀mə̌d.

Lk 7:40

Yeso nyaʼa wììrɨ̀ ɨ bɔ ni, “Saimòn, mə berɨ ənû ə mɔʼɔ nɨ gha ɨ ne.” Saimòn nyaʼa biirɨ ni, “À kɨ ənû ə ye ə, Əchwiə̀-ɨnû ə?”

Jn 16:19

Yeso nyaʼa kyerɨ ni mbɨ nyaʼa kəb biirɨ ɨŋgam we ɨ ni. Əne wɨ̀ nyaʼa ghà əmbɨ mɨ̀mə̌d ni, “Mə kə̀ʼ ghà ni, 'Chəi mbə̀ bɨrɨ wɨrɨ zə əmɨ ənɨ ɨkə nyùmə̀. À sɨ ənɨ ɨkə nyùmə̀ cherə, mbə bɨrɨ wɨrɨ zə əmɨ.' Ɨmbə̀ʼ wɔ̂ yɨ ɨŋgam we nɨ mbə̀ə biirɨə mbənə mbənə ə?

Jn 16:30

Tɨ̀ fə kyerɨ tɨ̀nîn ni à kyerɨ ɨnû jìm, əne chəi əton nɨ tɨ̀ wə̀d mɔʼɔ wɨrɨ biirɨ ənû ɨ ne. Əzɔ̂ ə fə ghɨ̀ tɨ̀ ben ni à yɨə Ŋwìə̀ nyaʼa tom əwe.”

Jn 21:17

Yeso nyaʼa yì biirɨ ɨ bɔ ənɨ ɨghəm nɨ pè tad ni, “Saimòn, àwɔ̀ wan Jɔ̌n, à ghaʼ əmɨ ə?” Pità nyaʼa kə̀n ɨmbə̀ʼ ɨchî nɨ Yeso nyaʼa biirɨ ɨ bɔ ənɨ ɨghəm nɨ pè tad ni, “À ghaʼ əmɨ ə?” Əne wɨ̀ nyaʼa wììrɨ̀ əmbɨ Yeso ni, “Ə̀nùŋɨ̀sɨg, à kyerɨ ɨnû jìm. À kyerɨ ni mə ghaʼ əwe!” Yeso nyaʼa ghà ɨ bɔ ni, “Jə tɨ njɨ̀g.

Jn 6:61

Chəi wə̀d nyaʼa gha ənû ə mɔʼɔ ɨ bɔ, àyɨə wɨ̀ nyaʼa kyerɨ ɨŋga i fîŋ ni mə̀mə̀ə̀nɨ̀-ɨnû ɨməd mbɨə nyaʼə dùmbɨ̀ə̀. Əne wɨ̀ nyaʼa ghà əmbɨ mɨ̀mə̌d ni, “Ɨŋgam wɔ̂ ə wa ghɨ̀ mbə sə ɨtəm ə?

Jn 6:64

Àyɨə chəi bə̂d mɔʼɔ rəbɔʼ nən kɨrɨ benɨ.” Yeso nyaʼa ghà əne ɨmbə̀ʼ ɨghəm nɨ wɨ̀ nyaʼa fə bè kyerɨ bə̂d mbe nɨ chəi mbɨ bɨrɨ benɨ. Wɨ̀ nyaʼa fə bə̀ kyerɨ wə̀d we nɨ bɨrɨ fen əməd.

Ɨ̀fàʼì 5:9

Pità nyaʼa ghà ɨ bɔ ni, “À kɨə ye ə ghɨ ni mbə̀ fɔtɨ ben ni mbə̀ kwaʼnɨ Əzwî Ə̀nùŋɨ̀sɨg ə? Zə, bə̂d mbe nɨ tweŋ e nom mbɨ ɨchû nəb tɨ̀nîn. Mbɨ bɨrɨ bɨ beʼ əwe wò ɨsɨg.

Ɨnû 2:23

Mə bɨrɨ zwiirɨ bɔn məd. Tɨfetɨ bə̂d Kristo rɨ̀jìm bɨrɨ kyerɨ ni mɔ̌ yɨə wə̀d nɨə kyèʼrɨ̀ə̀ tɨkɔndɨ bə̂d bə̀ kyèʼrɨ̀ə̀ fîŋ tɨ mɨ̀mə̌d. Mə bɨrɨ chwɨ wə̀d mɔʼ mɔʼ rəbɔʼ nən beenɨ əbɔʼ ɨnû mbe nɨ mbə̀ ghɨ̌.