Matìyò 8:5 - Meta’

⁵ Ənɨ Yeso nyaʼa wo nyɨ ə Kàpenàhom, ətu ɨgwɨ mɨ̀sɔgyɨ̀ ɨkɨ fibɨ̀ nyaʼa wò buʼ ɨbɔ ɨ bɔ

Ikan feg

⁵ Anyumə̀ ne Yeso ya nyi inga Kàpenàwum, atog wə̀d igun mə̀sogyì iki ya ghò ni gha Yeso wete aməd.

Matìyò 8:5 ပူးပေါင်းရင်းမြစ်များ

Matìyò 11:23

À yeʼ ɨmbə̀ʼ əwe, àwɔ̀ Kàpenàhom, mbɨ wa bɨrɨ nɔ əwe ɨkaŋ ə? Chə̂, mbɨ bɨrɨ swi əwe màʼ ɨŋga əbeŋ ɨvɨ bə̂d, ɨmbə̀ʼ ɨghəm nɨ à kɨ nɨ ɨnû yiirɨ mbe nɨ mbɨ nyaʼa ghɨ ɨŋga ne, yɨ mbɨ nyaʼa ghɨ ə Sodòm, njɨ Sodòm wɨə kɨrɨ i pè rə̀chɔ̀ŋ!

Matìyò 27:54

Ənɨ ətu ɨgwɨ mɨ̀sɔgyɨ̀ mbɨ mɨ̀sɔgyɨ̀ mbe nɨ nyaʼə nə̀ŋgɨ ə Yeso, nyaʼa zə ɨchî nɨ si nyaʼa wùrɨ bə̀ zə ɨnû jìm mbe nɨ nyaʼa ghɨ̌, mbɨ nyaʼa bɔ kwàʼ rɨŋgəʼ, əne ghà ni, “À yɨ rəsìʼ ni mbaŋə̀ zɔ̂ yɨ kə̀ʼ ə Wan Ŋwìə̀!”

Matìyò 4:13

Àyɨə chəi wɨ̀ nyaʼa pè chub ə Nazàret. Wɨ̀ nyaʼa chè wò chubɨ yeʼ ə Kàpenàhom nɨ nyaʼa ɨban ə sà, əne yɨ ɨŋga ɨba ɨbeŋ mbe rɨ ə Zebulùn fɔrɨ ə Naftalì.

Matìyò 9:1

Yeso nyaʼa nyɨ əbaŋ ɨgyɨ̀ baanɨ wò ɨŋga əsɨ ze nɨ wɨ̀ nyaʼə chub əŋgu.

Mk 15:39

Ənɨ ətu ɨgwɨ mɨ̀sɔgyɨ̀ mbe, nɨ nyaʼa təm ɨ neŋ əməd, nyaʼa zə ni wɨ̀ fə mèndɨ̀, wɨ̀ nyaʼa ghà ni, “À yɨ rəsìʼ ni mbaŋə̀ zɔ̂ yɨə kə̀ʼ ə Wan Ŋwìə̀!”

Mk 2:1

Ənɨ ɨni mɔʼɔ nyaʼa che, Yeso nyaʼa bə̀ndɨ̀ wo ə Kàpenàhom. Ɨkə̂n nyaʼa jàŋ ni wɨ̀ fə sɨ i ɨnuʼ.

Ɨ̀fàʼì 22:25

Àyɨə ənɨ mbɨ nyaʼa kod əməd ənɨ mɨniʼ, wɨ̀ nyaʼa ghà əmbɨ ətu ɨgwɨ mɨ̀sɔgyɨ̀ ɨkɨ fibɨ̀ nɨ nyaʼa təm ɨban ni, “Tɨkə ə wa chwiə ni mbə̀ te wə̀d Rom ənɨ ə ŋgwad nɨ chəi mbɨ sob ɨsaʼi ni wɨ̀ fə gù ə?”

Ɨ̀fàʼì 23:17

Pɔ̂l nyaʼa zu əne tɔŋ ətu ə mɔʼ ɨgwɨ mɨ̀sɔgyɨ̀ ɨkɨ fibɨ̀ ghà ɨ bɔ ni, “Nɨŋ əjɔŋ zɔ̂ wò mbɨ məd əsɨ ətu ɨgwɨ mɨ̀sɔgyɨ̀. Wɨ̀ berɨ ənû ə mɔʼɔ nɨ gha ɨ bɔ.”

Ɨ̀fàʼì 23:23

Ətu ə kyeŋ ɨgwɨ mɨ̀sɔgyɨ̀ nyaʼa tɔŋ ɨtu be ɨgwɨ mɨ̀sɔgyɨ̀ ɨkɨ fibɨ̀, ghà əmbɨ mɨ̀mə̌d ni, “Mbə̀ nɨŋ mɨ̀sɔgyɨ̀ əkɨ ə be, nɨŋ mbe nɨə kɔʼə ngyi ɨwum sambe, bə̀ nɨŋ mbe nɨə bèʼ ɨwɔŋ əkɨ ə be. Mbə̀ bɨrɨ nɔ̀ʼ ɨzimɨ ənɨ mɨ̀nyùmə̀ əbuə wò ə Kàisàriyà.

Ɨ̀fàʼì 27:13

Ənɨ əfim ze rɨ əbà rɨ əton ə nyaʼa kɔ chě tɨpiî rɨ̀piî, mbaŋə̀ te nyaʼa kɔndɨ ni tɨ̀ fə berɨ ənû ze nɨ tɨ̀ nyaʼə kə̀bə̀. Əne tɨ nyaʼa sùŋ ətənɨ ze nɨə ghɨ̀ əbaŋ ə təm ɨŋga ɨgyɨ̀, chɨ̀. Tɨ̀ nyaʼa ghɨ əne, kɔ yen ɨban ə Kret, kwàʼ ɨban mboŋ.

Ɨ̀fàʼì 27:31

Pɔ̂l nyaʼa ghà əmbɨ ətu ɨgwɨ mɨ̀sɔgyɨ̀ ɨkɨ fibɨ̀ bə̀ ghà əmbɨ mɨ̀sɔgyɨ̀ mbe ni, “Mbaŋə̀ tɔ̂ mɨ ton chub ə ɨŋga əbaŋ zɔ̂, chəi ənɨ tɨ̀ mbə jwɨ̀ rəŋgəʼ.”

Ɨ̀fàʼì 27:43

Àyɨə ətu ɨgwɨ mɨ̀sɔgyɨ̀ we nyaʼa kə̀b ni njɨ tə chɨ ə Pɔ̂l rəŋgəʼ, əne wɨ̀ nyaʼa sob ni tɨ mbɨ zwiirɨ ə bə̂d ndəŋ mbe. Wɨ̀ nyaʼa ghà əmbɨ ə mbaŋə̀ te nɨ nyaʼa kyerɨ ɨchî nɨ zɔʼ ɨgyɨ̀ ni mbɨ be tòm ɨŋga rɨ̀bàà we zɔʼ wo jwɨ̀ əsaŋ.

Ɨ̀fàʼì 9:38

Lidà wɨə nyaʼa ɨban ə Jopà. Ənɨ bə̂d mbe nɨ nyaʼa ben ə Kristo nyaʼa zu ni Pità wɨ ə Lidà, mbɨ nyaʼa tom mbaŋə̀ rɨ̀be əsɨ məd ni mbɨ pe buʼ ɨbɔ ɨ bɔ ghà ni, “Aŋgɔb, zambɨ yeʼe əsɨ na ə Jopà.”