Matìyò 8:16 - Meta’

¹⁶ À nyaʼa ɨkwirɨ kwirɨ əni ze, bə̂d nyaʼa nɨŋ bə̂d mɨ̀nɔnɔʼ nɨ ɨzwî rɨbɔ̀ŋ nyaʼa ɨŋga mɨ̀mə̌d wò əsɨ Yeso. Wɨ̀ nyaʼa chɨ̀ ɨzwî rɨbɔ̀ŋ mbe àmei ənɨ ɨŋgam. Wɨ̀ nyaʼa bə̀ vɨ̀ bə̂d əwɔn mɨjìm mbe nɨ mbɨ nyaʼa yeʼe mbɨ mbɨwən.

Ikan feg

¹⁶ Anyumə̀ ikwìri, mbi ya niŋ bəd ndan ndàn ne izwighi tibɔ̀ŋ ya yaʼi inga inɔb yèʼe abə Yeso. Wì ya kamni izwighi tibɔ̀ŋ mbe ane ìngam ichug məd, bə̀ ghù bəd məjìm ne yaya ghɔ̰̀.

Matìyò 8:16 ပူးပေါင်းရင်းမြစ်များ

Matìyò 12:22

Bə̂d mɔʼɔ nyaʼa nɨŋ mbaŋə̀ nɨ əzwî rɨbɔ̀ŋ ə nyaʼa ɨŋga məd wò əsɨ Yeso mbɨ məd. Mbaŋə̀ ze yɨə nyaʼa ɨfɨgɨ bə̀ fɔrɨ tɨ̀ghàm. Mbɨ nyaʼa wò əne, Yeso vɨ̀ əməd, wɨ̀ wɨrɨ kɔ ghamɨ bə̀ kɔ zə ɨsɨ.

Matìyò 14:14

Ənɨ wɨ̀ nyaʼa jwɨ rɨŋga əbaŋ ɨgyɨ̀ ze wò əsaŋ, wɨ̀ nyaʼa zə bə̂d kwàʼ mɨ̀nɔnɔʼ. Ə̀kə̀n ə nyaʼa swi ɨŋga fîŋ məd ɨmbə̀ʼ bə̂d mbe, əne wɨ̀ nyaʼa vɨ̀ mbe nɨ nyaʼə wɔ̀nə̀.

Matìyò 8:15

Ənɨ wɨ̀ nyaʼa bètɨ̀ əbɔ əməd, ɨfə we nyaʼa sàŋ əməd. Əne wɨ̀ nyaʼa nɔ̀ʼ, kə̀b əghɨjɨg nàʼ ɨ bɔ.

Matìyò 8:33

Bə̂d mbe nɨ nyaʼə nə̀ŋgɨ mɨ̀kuŋə mbe nyaʼa nòrə̀ wò ɨŋga əsɨ ze, pè ghà ɨnû jìm bə̀ ghà ənû ze nɨ nyaʼa ghɨ ənɨ ə bə̂d mbe nɨ ɨzwî rɨbɔ̀ŋ mbe nyaʼa ɨŋga mɨ̀mə̌d.

Matìyò 9:2

Ənɨ wɨ̀ nyaʼa pè əŋgu, bə̂d mɔʼɔ nyaʼa bèʼ mbaŋə̀ ɨgwɨ ɨkon wò əsɨ məd. Mbaŋə̀ ze nyaʼa fə buʼrə. Ənɨ Yeso nyaʼa zə ɨchî nɨ bə̂d mbe nyaʼa nuŋ fîŋ ɨgwɨ ni, wɨ̀ nyaʼa ghà əmbɨ mbaŋə̀ ze nɨ nyaʼa buʼrə ni, “Yim fîŋ kyɨə wan. Mə fə waʼ mbe ɨnû rɨbɔ̀ŋ.”

Mk 2:3

Mbaŋə̀ rɨkwè nyaʼa bèʼ mbaŋə̀ mɔʼɔ nɨ nyaʼa buʼrə wò əsɨ məd mbɨ wɨwən.

Mk 5:8

Wɨ̀ nyaʼa ghà əne ɨmbə̀ʼ ɨghəm nɨ Yeso nyaʼa be gha ɨ bɔ ni, “Àwɔ̀ əzwî rɨbɔ̀ŋ, jwɨ e rɨŋga mbaŋə̀ zɔ̂!”

Mk 9:25

Ənɨ Yeso nyaʼa zə ənɨ ɨnɔ̂n bə̂d nyaʼə nòrə̀ yeʼe fetɨə, wɨ̀ nyaʼa ghàm əbɔʼ əzwî rɨbɔ̀ŋ ze ni, “Àwɔ̀ əzwî ze nɨə ghɨ̀ ni tɨ wə̀d gham i bə̀ ghɨ̀ə̀ ni tɨ wɨ̀ zu i ənû, mə ghà ɨ ne ni à jwɨ̀ e rɨŋga wan mbaŋə̀ wɔ̂. Tɨrə̀ tɔ wɨrɨ nyɨ e ɨŋga məd.”

Lk 13:12

Ənɨ Yeso nyaʼa zə əməd, wɨ̀ nyaʼa tɔŋ əməd ghà ɨ bɔ ni, “Əyî, Ŋwìə̀ fə chɨ̀ əwɔn zɔ̂ rɨ ɨgwɨ ne.”

Lk 4:40

Ənɨ nyùmə̀ nyaʼa sɨə wo nyɨ ɨkòb, bə̂d mɨ̀jìm mbe nɨ nyaʼa berɨ bə̂d nɨ nyaʼə wɔ̀nə̀ tɨkwɨrɨ əwɔn jìm, nyaʼa nɨŋ bə̂d əwɔn mbe wò əsɨ məd. Wɨ̀ nyaʼa zab mbi ɨbɔ ɨgun mɨ̀mə̌d, vɨ mɨ̀mə̌d.

Lk 4:41

Ɨzwî rɨbɔ̀ŋ nyaʼa bə̀ jwɨ̀ rɨŋga bə̂d mɨ̀nɔnɔʼ. Mbɨ nyaʼə kyeŋə ghàə̀ ni, “Àwɔ̀ yɨə Wan Ŋwìə̀!” Àyɨə wɨ̀ nyaʼa ghàm əbɔʼ mɨ̀mə̌d. Chəi wɨ̀ nyaʼa ben ni mbɨ ghàmə̀, ɨmbə̀ʼ ɨghəm nɨ mbɨ nyaʼa kyerɨ ni məd yɨə Wə̀d we nɨ Ŋwiə̀ zɔʼɔ.

Ɨ̀fàʼì 5:15

Ɨnû yiirɨ mbe nɨ bə̂d tom Kristo nyaʼə ghɨ̀ə̀, nyaʼa ghɨ̀ ni bə̂d beʼ mbə bə̂d əwɔn wò nùŋ ɨgun mɨkon fɔrɨ ɨgun mɨmatə̀ ɨban ɨnə̂njɨ̀, ɨmbə̀ʼ ənɨ Pità ə chèə̀, əzîŋ əməd ə ze tɨ̀ zɨə chè ɨgwɨ mbɨ mɔʼɔ, vɨ̀ mɨ̀mə̌d.