Matìyò 7:24 - Meta’

²⁴ “Wə̀d jìm we nɨ zu ɨnû mbɔ̂ nɨ mə gha bə̀ ghɨ̀ ɨnû rəŋgu, yɨ ɨghabɨ wə̀d ɨwe nɨ nyaʼa bɔm i nəb ɨgun ɨwɔ̌.

Ikan feg

²⁴ Yeso ya bə̀ ywìrì ghà inɔb gha, “Wə̀d ijìm we ne zùghə àmə anug bə̀ fàʼà ikuchèg ne ze yaʼi, wì ya icheg wə̀d iwe ne ya kɔri nəb igun igho.

Matìyò 7:24 ပူးပေါင်းရင်းမြစ်များ

Matìyò 12:50

Wə̀d mɔʼɔ we nɨə ghɨ ɨnû mbe nɨ mɨ Mbǎʼ rɨkaŋ kə̀bɨ yɨ wum aŋgɔb, yɨ mɨ njàbɨ, bə̀ fɔrɨ mɨ nɨŋ.”

Matìyò 16:18

Əne mə ghà ɨ ne ni, àwɔ̀ yɨə Pità, mə bɨrɨ bɔm mɨ ɨfetɨ ɨgun ɨwɔ̌ wɔ̂, ɨchî nɨ ka àbei ɨvɨ, ka wɨ bɨrɨ nimnɨ i ɨfetɨ we.

Matìyò 24:45

“Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ bə̂d ə̀fàʼì ɨŋga i nəb, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ nɨ kuʼu kɨ wi ə?

Matìyò 25:2

Mbɨ mɨtân nyaʼa fundə. Mbɨ mɨtân nyaʼa berɨ ɨwe.

Matìyò 25:4

Mbe nɨ nyaʼa berɨ ɨwe nyaʼa nɨŋ mbə ɨnam bə̀ yim mɨwud ə̀nàm cherə.

Matìyò 25:9

Àyɨə mbe nɨ nyaʼa berɨ ɨwe nyaʼa wììrɨ̀ ni, 'Ɨghə̀m ka mbɨ bɨrɨ kuʼ i ɨ na bə̀ fɔrɨ ɨ nən. Mbə̀ wo zon mbən tɨ əmbɨ ə bə̂d mbe nɨə fènə̀.'

Matìyò 7:25

Mbə̀ŋ nyaʼa nɔ, mɨgyɨ̂ swi gwèə̀, əfim ə chè nun nəb ze, àyɨə chəi zɨ̀ nyaʼa buʼ ə, ɨmbə̀ʼ ɨghəm nɨ mbɨ nyaʼa bɔm ɨgun ɨwɔ̌.

Matìyò 7:26

Àyɨə wə̀d jìm we nɨ zu ɨnû mbɔ̂ nɨ mə ghamɨ əne chəi wɨ̀ ghɨ ɨnû mbe nɨ mə̀ ghǎ yɨ ɨghabɨ əneŋ nɨ nyaʼa bɔm i nəb ɨgwɨ rɨsi.

Lk 11:28

Àyɨə Yeso nyaʼa wììrɨ̀ ni, “Ŋwìə̀ bɨrɨ zɨ əbɔrəbɔd yeʼ ɨgun ə bə̂d mbe nɨə zu ɨŋgam məd bə̀ ghɨ̀ ɨnû mbe nɨ wɨə ghàə̀!”

Jn 13:17

Tɨ̀nîn nɨ mbə̀ fə kyerɨ ɨnû mbɔ̂, Ŋwìə̀ zɨ əbɔrəbɔd ɨgwɨ nən ənɨ mbə̀ ghɨ mbɨwən!

Jn 14:15

Yeso nyaʼa bə̀ yi ghà əmbɨ mbi mə̀mə̀ə̀nɨ̀-ɨnû ni, “Mbə mɨ ghaʼ əmɨ, mbə bɨrɨ nuŋ tum rɨkə.

Jn 15:10

Mbə mɨ nùŋ tum rɨkə, mə bɨrɨ ghaʼ əwən, ɨchî nɨ mə̀ fə bə nùŋ tɨkə tɨ mɨ Mbǎʼ, əne məd ə bə̀ ghaʼ əmɨ.

Jn 15:14

Mbə yɨ mbɨ mɨ̀sə̀ʼ ənɨ mbə̀ ghɨ ənû ze nɨ mə gha ɨ nən.

Rm 2:13

ɨmbə̀ʼ ɨghəm nɨ kaʼi bə̂d mbe nɨə zu rɨkə mbe ə ghɨ̀ ɨnû nɨ kuʼnɨ. À yɨ mbe nɨə ghɨ̀ ɨnû mbe nɨ tɨkə ə ghàə̀ nɨ Ŋwìə̀ bɨrɨ ben ni ɨnû mɨ̀mə̌d ə kùʼnɨ̀.

1 Jɔn 2:3

Tɨ̀ mɨ yeʼə nùŋə̀ rɨkə rɨ Ŋwiə̀, njɨ zɨə chwi ni tɨ̀ ə kyerɨ əməd.