Matìyò 7:22 - Meta’

²² Bə̂d mɨ̀nɔnɔʼ bɨrɨ gha ɨ num əni ze nɨ Ŋwìə̀ ə sob mɨsaʼi ni, 'Ə̀nùŋɨ̀sɨg, Ə̀nùŋɨ̀sɨg, ɨmbə̀ʼ tɨ̀ nyaʼa ghà ɨkə̂n Ŋwiə̀ ənɨ e ɨkum, bə̀ chɨ̀ ɨzwî rɨbɔ̀ŋ ənɨ e ɨkum, bə̀ ghɨ̀ ɨnû yiirɨ ənɨ e ɨkum ə?'

Ikan feg

²² Inga nyùmə̀ we ne Ŋwiye biri saʼ bəd, bəd nɔʼ nɔʼ biri ghà inum gha, ‹Anɔŋisəg, imbə̀ʼ à ya inga ìwe ikum ne tì yaya ghà ikən Ŋwiye, bə̀ kàmna izwighi tibɔ̀ŋ, bə̀ fàʼà iyeti inug?›

Matìyò 7:22 ပူးပေါင်းရင်းမြစ်များ

Matìyò 10:15

Mə ghà rəsìʼ ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm bə̀ dììrɨ̀ mbe rɨ ə Gòmorà chè ɨchî nɨ wɨ̀ bɨrɨ diirɨ bə̂d mbe rɨŋga əsɨ ze.

Matìyò 24:36

“Chəi wə̀d mɔʼɔ kyerɨ əni ze kɨ̀ nyùmə̀ we nɨ ɨnû mbɔ̂ bɨrɨ ghɨ̀, ka àbei mbɨ̀aŋgɨrə̀ mbe nɨ yeʼ ɨkaŋ kɨ̀ bè ə Wan. Àmei Mbǎʼ rə̀zìʼ wi kyerɨ.

Matìyò 25:11

“Ənɨ əmad ə nyaʼa zombɨ, bɔn məyi mbə̂ nyaʼa bə̀ yeʼe pè kɔ gha ni, 'Masà! Masà! Fiʼ nəb ɨ na!'

Matìyò 7:21

“Kaʼi wə̀d jìm we nɨə tɔŋ əmɨ ni, 'Ə̀nùŋɨ̀sɨg, Ə̀nùŋɨ̀sɨg,' bɨrɨ nyɨ ɨŋga ənû ɨfɔ̀n rɨkaŋ. Àmei we nɨə ghɨ̀ ɨnû mbe nɨ mɨ Mbǎʼ rɨkaŋ kəbɨ bɨrɨ nyɨ.

Lk 10:12

Mə ghà ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm chè ɨchî nɨ tɨ̀ wɨ̀ dììrɨ̀ bə̂d mbe rɨŋga əsɨ ze!”

Jn 11:51

Chəi wɨ̀ nyaʼa ghà ənû zɔ̂ ənɨ i ɨghəm, àyɨə ɨchî nɨ wɨ̀ yɨə nyaʼə ətu ɨgwɨ ə bə̂d mbàn Ŋwìə̀ əghəm əwù ze, wɨ̀ nyaʼa gham ɨghabɨ ə wə̀d ɨ̀kə̀n Ŋwìə̀ ni Yeso bɨrɨ kwɨ ɨgwɨ ətu əbeŋ mɨ̀Jû.

1 Tèsàlonikà 5:4

Àyɨə mba bɔŋgɔb, chəi mbən ə ghɨ̀ ɨnû rɨbɔ̀ŋ ɨghabɨ ə bə̂d mbe nɨ yeʼ ɨŋga ɨsɨ firɨ, nɨ əni ze ə bɨrɨ saʼ yeʼe ɨgwɨ nən ɨchî nɨ ɨjɨ ə yeʼe.

2 Tès 1:10

Ɨgwɨ əni ze nɨ wɨ̀ bɨrɨ yeʼe, bə̂d məd bɨrɨ yiirɨ, bə̂d mɨjìm mbe nɨ ben əməd bə̀ nàʼ ɨwumnɨ ɨ bɔ. Mbə̀n bə bɨrɨ yeʼ əbɔʼ mɨ̀mə̌d, ɨmbə̀ʼ ɨghəm nɨ mbə̀ ben ənû ze nɨ tɨ̀ nyaʼə ghà ɨ nən.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

2 Timotì 1:18

Mə wɨə kɔ̀ŋgɨ̀ Ə̀nùŋɨ̀sɨg Yeso ni wɨ̀ diirɨ əməd əni ze nɨ wɨ̀ bɨrɨ saʼ ɨsɨg! À kyerɨ e ɨchî nɨ wɨ̀ nyaʼa weerɨ əmɨ ə Efesùs.

2 Timotì 4:8

Əne Ə̀nùŋɨ̀sɨg we nɨə saʼə bə̂d ɨchî nɨ kuʼnɨ bɨrɨ naʼ əjwɨ-əgu ɨ num əni ze nɨ wɨ̀ bɨrɨ yeʼe ɨ saʼ ɨsɨg. Wɨ̀ bɨrɨ naʼ ɨmbə̀ʼ ɨghəm nɨ mə wɨə ghɨ̀ ɨnû nɨ kuʼnɨ. Chəi wɨ̀ bɨrɨ naʼ àmei ɨ num. Wɨ̀ bɨrɨ bɨ naʼ əmbɨ ə bə̂d mbe nɨə wòmə̀ ni wɨ̀ wɨrɨ yeʼe.