Matìyò 6:30 - Meta’

³⁰ Ŋwìə̀ mɨ yeʼə zɨ̀ə̀ ngywɨ̌ ənɨ ɨfu nɨ yeʼ ɨkǎ rə̀chɔ̀ŋ, ɨsɔ mbɨ maʼ ɨŋga ɨwid, njɨ ka məd wa bɨrɨ zɨ i ngywɨ̌ ɨgwɨ nən chè ɨchî nɨ wɨ̀ zɨ ənɨ ɨfu ə? Ə ɨbenɨ ə kàŋ kə!

Ikan feg

³⁰ Ŋwiye mə ya zìyè ndwi ibə̀m abə agyen ne yaʼi izɔm tèchɔ̀ŋ nɔ̀ʼ isu mbi təm màʼ inga iywid, àkə chəyi məd biri zì ndwi igun inən chè icheg ne we zìyè igun agyen? Mbə̰ ya kwàʼ bəd ne ibḛfiŋ kə!

Matìyò 6:30 ပူးပေါင်းရင်းမြစ်များ

Lk 12:28

Àyɨə Ŋwìə̀ mɨ yeʼə zɨ̀ə̀ ngywɨ̌ ənɨ ɨfu nɨ yeʼ ɨkǎ rə̀chɔ̀ŋ, ɨsɔ mbɨ màʼ ɨŋga ɨwid, njɨ ka məd wa bɨrɨ zɨ i ngywɨ̌ ɨgwɨ nən chè ɨchî nɨ wɨ̀ zɨ ənɨ ɨfu ə? Ə ɨbenɨ ə kàŋ kə!

Matìyò 14:31

Àmei əwu əwən, Yeso nyaʼa chà əbɔ, yim əməd, ghà ɨ bɔ ni, “E ɨbenɨ ə kə ɨmbə̀ʼ ə yè ə? À bid ɨmbə̀ʼ ə yè ə?”

1 Pità 1:24

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Bə̂d mɨjìm yɨ ɨghabɨ ɨfu, ɨwumnɨ mɨ̀mə̌d yɨ ɨghabɨ wɨ rɨ̀kwě. Ɨfu wɨə kwɨə, rɨ̀kwě nə̀ŋə̀ feŋgɨə,

Matìyò 16:8

Yeso nyaʼa kyerɨ ənû ze nɨ mbɨ nyaʼə ghàə̀, əne wɨ̀ nyaʼa ghà ni, “Ə ɨbenɨ ə kàŋ kə! Mbə̀ kɨə ghà ɨmbə̀ʼ ɨchî nɨ chəi mbə̀ berɨ ŋgə̀ŋ ɨmbə̀ʼ ə yè ə?

Matìyò 8:26

Yeso nyaʼa wììrɨ̀ əmbɨ mɨ̀mə̌d ni, “Ə ɨbenɨ ə kàŋ kə! Mbə kɨə bɔə ye ə?” Wɨ̀ nyaʼa ghà əne, nɔ̀ʼ ghàm əbɔʼ əfim ze bə̀ fɔrɨ əbɔʼ ə sà ze, əne ɨsɨ nyaʼa bɔd rɨ gwèèd.

Jn 20:27

Ənɨ wɨ̀ nyaʼa ghà əne, wɨ̀ nyaʼa ghà əmbɨ Tomas ni, “Zɨ fe fi əbɔ əgha bə̀ zə mbɨ ɨbɔ. Sem e əbɔ zɨ ɨŋga fum ɨbeŋ. Tɨrə̀ bə̀ bìd e, benɨ!”

Mk 4:40

Yeso nyaʼa sɨ ghà əmbɨ mə̀mə̀ə̀nɨ̀-ɨnû mbe ni, “Mbə̀ kɨə bɔ ɨmbə̀ʼ ə yè ə? Chəi mbə̀ kɨrɨ berɨ ɨbenɨ ə?”

Mə̀Hibrù 3:12

Mbə̀ we əwən, kyɨə bɔŋgɔb, ɨmbə̀ʼ tɨ wə̀d mɔʼɔ rəbɔʼ nən berɨ i fîŋ rɨbɔ̀ŋ nɨ chəi zɨ ben ə Ŋwiə̀, əne ghɨ̀ mbə̀ sàŋ Ŋwìə̀ we nɨ yeʼ ɨkǎ.

Lk 9:41

Yeso nyaʼa wììrɨ̀ ni, “Chəi ɨghəm bə̂d wɔ̂ tɨ̀nîn berɨ ɨbenɨ. Ɨ mbɨə ghɨ̀ ɨnû nɨ chəi mbɨ kuʼnɨ. Mə kɨə wo chubɨ mbɨ nən, kɨ̀ bè yim fîŋ mbɨ nən ənɨ əgha nɨ sa rɨ ye ə?” Ənɨ wɨ̀ nyaʼa ghɨ̀ əne, wɨ̀ nyaʼa ghà əmbɨ mbaŋə̀ ze ni, “Nɨŋ e wan yeʼe əgha.”

Mk 9:19

Yeso nyaʼa ghà əmbɨ mɨ̀mə̌d ni, “Chəi ɨghəm bə̂d wɔ̂ berɨ ɨbenɨ! Mə̀ kɨə wò chubɨ mbɨ nən ənɨ əgha nɨ sa rɨ ye ə? Mə̀ kɨə wò yim fîŋ mbɨ nən ənɨ əgha nɨ sa rɨ ye ə? Mbə nɨŋ əməd yeʼe nàʼ ɨ num!”

Matìyò 17:17

Yeso nyaʼa wììrɨ̀ ni, “Chəi ɨghəm bə̂d wɔ̂ rɨ̀nîn berɨ ɨbenɨ. Ɨ mbɨə ghɨ̀ ɨnû nɨ chəi mbɨ kuʼu. Mə̀ kɨə wò chubɨ mbɨ nən ənɨ əgha nɨ sa rɨ ye ə? Mə̀ kɨə wò yim fîŋ mbɨ nən ənɨ əgha nɨ sa rɨ ye ə? Mbə̀ nɨŋ wan mbaŋə̀ we yeʼe naʼ ɨ num.”