Matìyò 6:12 - Meta’

¹² Waʼ mba ɨnû rɨbɔ̀ŋ, ɨchî nɨ tɨ̀ fə waʼ ɨnû rɨbɔ̀ŋ bə̂d mbe nɨ gù ɨnû ɨ na.

Ikan feg

¹² Waʼ ìmba inug tibɔ̀ŋ icheg ne tì fə waʼi inug tibɔ̀ŋ abə bəd mbe ne gughi inug ina.

Matìyò 6:12 ပူးပေါင်းရင်းမြစ်များ

Matìyò 26:28

Əzɔ̂ yɨ mɨ ənəm nɨ Ŋwìə̀ fə nɨŋ san fɨso fi mbɨ nən. Ənəm zɔ̂ yɨ əze nɨ mbɨ chəmnɨ ɨmbə̀ʼ ɨtu bə̂d mɨ̀nɔnɔʼ, ɨmbə̀ʼ Ŋwìə̀ waʼ ɨnû rɨbɔ̀ŋ mɨ̀mə̌d.

Matìyò 9:2

Ənɨ wɨ̀ nyaʼa pè əŋgu, bə̂d mɔʼɔ nyaʼa bèʼ mbaŋə̀ ɨgwɨ ɨkon wò əsɨ məd. Mbaŋə̀ ze nyaʼa fə buʼrə. Ənɨ Yeso nyaʼa zə ɨchî nɨ bə̂d mbe nyaʼa nuŋ fîŋ ɨgwɨ ni, wɨ̀ nyaʼa ghà əmbɨ mbaŋə̀ ze nɨ nyaʼa buʼrə ni, “Yim fîŋ kyɨə wan. Mə fə waʼ mbe ɨnû rɨbɔ̀ŋ.”

Mk 11:25

Ənɨ mbə̀ təm ɨ kɔŋgɨ ə Ŋwiə̀, mbə̀ waʼ ɨnû mbe nɨ mbə bɔŋgɔb ghɨ ənɨ ə nən, ɨmbə̀ʼ ə Mbǎʼ we nɨ yeʼ ɨkaŋ bə waʼ mbə ɨnû rɨbɔ̀ŋ. [

Lk 11:4

Waʼ mba ɨnû rɨbɔ̀ŋ, ɨmbə̀ʼ ɨghəm nɨ tɨ̀ wɨə waʼ ɨnû rɨbɔ̀ŋ wə̀d jìm we nɨ gu ənû ɨ na. Tɨrə̀ ben e ni ənû ə mɔʼɔ ə numbɨ əwa.'”

Lk 13:4

Mbə bə̀ kɔn ni ye ɨmbə̀ʼ bə̂d mbe wum chɔ̀b famɨ nɨ nəb ɨkaŋ ze rɨ ə Silòàm nyaʼa su ɨgwɨ mɨ̀mə̌d zwiirɨ ə? Mbɨ wa nyaʼa gu ənû nɨ bə chè mbɨ bə̂d mɨjìm mbe nɨ nyaʼə chub ə Jèrusalèm ə?

Lk 6:37

“Tɨ mbə̀ saʼ ə bə̂d cherə, ɨmbə̀ʼ tɨ Ŋwìə̀ bɨ saʼ i əwən. Tɨ mbə̀ chə̀kɨ̀ ə rɨkum bə̂d, ɨmbə̀ʼ tɨ Ŋwìə̀ bɨ chəkɨ i tən. Mbə̀ waʼ ɨnû rɨbɔ̀ŋ bə̂d, ɨmbə̀ʼ Ŋwìə̀ bə waʼ mbən.

Ɨ̀fàʼì 13:38

Əne kyɨə bɔŋgɔb, mbə̀ kyerɨ ni tɨ̀ wɨə chè ənjìm wə̀d wɔ̂ ghà ɨnû ɨ nən ɨmbə̀ʼ ɨchî nɨ Ŋwìə̀ ə waʼ ɨnû rɨbɔ̀ŋ bə̂d.

Efesùs 1:7

Ŋwìə̀ fə choʼ mba ɨtu ənjìm ənəm ə Kristo ze nɨ wɨ̀ nyaʼa chəmnɨ əzed ə baʼnɨ. Wɨ̀ fə bə̀ waʼ mba ɨgu ənû ənjìm ɨ̀chɔ̀m məd we nɨ kaŋ nɔʼ.

Efesùs 4:32

Àyɨə mbə ghɨ ɨ̀chɔ̀m ənɨ mbə bɔŋgɔb, berɨ ɨbɔtɨ fîŋ bə̀ waʼ ɨnû rɨbɔ̀ŋ mbə bɔŋgɔb, ɨchî nɨ Ŋwiə̀ fə che ənjìm ə Kristo waʼ mba ɨnû rɨbɔ̀ŋ.

Kòlosè 3:13

Əne mbə̀ yim fîŋ mbənə mbənə bə̀ waʼ tɨ̀gurɨ-ɨnû wə̀d we nɨ gu ənû əmbɨ aŋgɔb. Ɨchî nɨ Ə̀nùŋɨ̀sɨg fə waʼ mbə ɨgu ɨnû, əne bə̂, mbə berɨ bɨ waʼ mbɨ bə̂d cherə.