Matìyò 5:7 - Meta’

⁷ Ŋwìə̀ zɨ əbɔrəbɔd ɨgun ə bə̂d mbe nɨə dììrɨ̀ mbɨ cherə, ɨmbə̀ʼ ɨghəm nɨ məd ziə bɨrɨ dììrɨ̀ mɨ̀mə̌d.

Ikan feg

⁷ Ŋwiye zì àbɔrɔ̀bɔd igun bəd mbe ne dìgrè igun mə̀mbin, imbə̀ʼ icheg ne məd biri dìgrì igun inɔb.

Matìyò 5:7 ပူးပေါင်းရင်းမြစ်များ

Mk 11:25

Ənɨ mbə̀ təm ɨ kɔŋgɨ ə Ŋwiə̀, mbə̀ waʼ ɨnû mbe nɨ mbə bɔŋgɔb ghɨ ənɨ ə nən, ɨmbə̀ʼ ə Mbǎʼ we nɨ yeʼ ɨkaŋ bə waʼ mbə ɨnû rɨbɔ̀ŋ. [

Lk 6:35

Àyɨə mbə ghaʼ mbə bə̂d pə̀n bə̀ ghɨ̀ ɨ̀chɔ̀m ənɨ mɨ̀mə̌d. Mbə̀ bə chɔʼ ɨkab nàʼ əmbɨ bə̂d mbe nɨ chəi mbɨə wòmə̀ ni mbɨ bɨrɨ wi ɨ nən. Mbə mɨ ghɨ̀ əne, mbə bɨrɨ berɨ ɨchɔʼ ə̀fàʼì kyeŋ bə̀ yeʼ bɔn Ə̀chè-ɨsɨg, ɨmbə̀ʼ ɨghəm nɨ məd wɨə ghɨ̀ ɨ̀chɔ̀m ənɨ ə bə̂d mbe nɨ chəi mbɨə nàʼ məben-əwe ɨ bɔ. Ɨ wɨə bə̀ ghɨ̀ ɨ̀chɔ̀m ənɨ mbe nɨə ghɨ̀ ɨzɨg.

Rm 11:30

Ɨchî nɨ mbə̀ nyaʼa kweʼ ghɨ̀ rɨ̀zuə̀ əmbɨ ə Ŋwiə̀, əne tɨ̀nîn wɨ̀ fə dììrɨ̀ əwən ɨmbə̀ʼ ɨghəm nɨ mɨ̀Jû nyaʼa bə̀ ghɨ rɨ̀zuə̀.

1 Kɔrèn 7:25

Tɨ̀nîn, ɨmbə̀ʼ məyi mbe nɨ chəi mbɨ kɨrɨ nam: chəi mə berɨ ɨkə rɨ əmbɨ Ə̀nùŋɨ̀sɨg nɨ gha ɨ nən. Àyɨə mə bɨrɨ naʼ mɨ ɨkɔndɨ ɨghabɨ wə̀d nɨ Ə̀nùŋɨ̀sɨg fə diirɨ əne ghɨ̀ mə yeʼ wə̀d nɨ tɨ̀ mbə ben ənû ze nɨ mɨə ghàə̀.

2 Kɔrèn 4:1

Ŋwìə̀ fə diirɨ əwa nàʼ ə̀fàʼì zɔ̂ ɨ na, əne chəi ta fîŋ bɨrɨ bɔd.

Efesùs 4:32

Àyɨə mbə ghɨ ɨ̀chɔ̀m ənɨ mbə bɔŋgɔb, berɨ ɨbɔtɨ fîŋ bə̀ waʼ ɨnû rɨbɔ̀ŋ mbə bɔŋgɔb, ɨchî nɨ Ŋwiə̀ fə che ənjìm ə Kristo waʼ mba ɨnû rɨbɔ̀ŋ.

Kòlosè 3:12

Əne mbə̀n mbe nɨ Ŋwìə̀ fə chɔʼ ni mbə̀ yeʼ mbi bə̂d berɨ yeʼ bə̂d zeŋɨ nɨ wɨ̀ ghaʼi kwàʼ rɨŋgəʼ. Mbə berɨ diirɨ bə̂d cherə. Mbə berɨ berɨ ɨbɔŋ fîŋ. Mbə berɨ berɨ bɔtɨ ɨnyod. Mbə berɨ berɨ ɨbɔtɨ fîŋ bə̀ berɨ ɨyim fîŋ.

1 Timotì 1:13

Ka à bè yeʼi ni mə wɨə nyaʼə ghà ɨnû rɨbɔ̀ŋ ɨgwɨ məd, nwèndɨ̀ə̀ tɨkyerɨ-ɨwu bə̂d mbe nɨ nyaʼə beenɨ əbɔʼ məd bə̀ zɔ̀m əməd, àyɨə wɨ̀ nyaʼa dììrɨ̀ əmɨ ɨmbə̀ʼ ɨghəm nɨ chəi mə nyaʼa kyerɨ ənû ze nɨ mə nyaʼə ghɨ̀ə̀. Wɨ̀ nyaʼa bə̀ dììrɨ̀ əmɨ ɨmbə̀ʼ ɨchî nɨ chəi mə̀ nyaʼa bə kɨrɨ ben əməd.

1 Timotì 1:16

Àyɨə Ŋwìə̀ nyaʼa dììrɨ̀ əmɨ ɨmbə̀ʼ Kristo Yeso chwi ɨchî nɨ wɨ̀ kaŋ jeŋgɨ yim fîŋ ɨmbə̀ʼ əmɨ, mɔ̌ we nɨ yeʼ wə̀d ɨnû rɨbɔ̀ŋ nɨ bə̌ chè mbɨ mɨjìm. Wɨ̀ nyaʼa ghɨ̀ əne ɨmbə̀ʼ mə yeʼ ənweenɨ əmbɨ ə bə̂d mɨjìm mbe nɨ bɨrɨ nɨ ben əməd əne jɨg ɨ̀tènɨ̀ rɨ mì.

Mə̀Hibrù 4:16

Əne tɨ̀ nɨŋ fîŋ nɨ kǎ tindɨ ɨban ətən ɨfɔ̀n ə Ŋwiə̀ we nɨə ghɨ̀ ɨ̀chɔ̀m, ɨmbə̀ʼ məd we tɨ̀ wɨ̀ dììrɨ̀ əwa bə̀ ghɨ̀ ɨ̀chɔ̀m ənɨ ə na ənɨ ə nyùmə̀ we nɨ tɨ̀ kəb ə̀wèèrɨ̀.

Mə̀Hibrù 6:10

Ŋwìə̀ wɨə ghɨ̀ àmei ɨnû nɨ kuʼnɨ. Kaʼ məd bɨrɨ neb i ɨnû mbe nɨ mbə̀ fə ghɨ. Kaʼ məd bɨrɨ bɨ neb i ɨghaʼi we nɨ mbɨə chwi ɨ bɔ ənɨ mbə̀ nyaʼə weerɨ bə̂d məd bə̀ kɨrɨ wò ɨmbì wèèrɨ̀ə̀.

Jems 2:13

ɨmbə̀ʼ ɨghəm nɨ ənɨ Ŋwìə̀ ə saʼə bə̂d, chəi wɨ̀ bɨrɨ diirɨ mbe nɨ chəi mbɨə bə̀ dììrɨ mbɨ cherə. Wə̀d mɨ yeʼə dììrɨ̀ə̀ bə̂d, Ŋwìə̀ bɨrɨ bɨ diirɨ əməd ənɨ ə nyùmə̀ we nɨ wɨə sob mɨsaʼi.

Jems 3:17

Ɨwe we nɨ Ŋwiə̀ ə nàʼə̀ wɨə ghɨ̀ə̀ ni tɨ̀ chub zeŋɨ zeŋɨ, chub ənɨ əbɔrəbɔd, berɨ ɨbɔtɨ fîŋ, zwetɨ ɨnû nɨ bə̂d ə ghàə̀, diirɨ bə̂d bə̀ ghɨ̀ ɨ̀chɔ̀m. Ɨ wɨə bə̀ ghɨ̀ ni tɨ rɨ̀ ghɨ a ɨghə mbɨ ni tɨ rɨ̀ ghɨ a ɨbekɨ ɨnû.

1 Pità 2:10

À nyaʼa ənɨ ə nyùmə̀ mɔʼɔ, ka mbə yɨə nyaʼə əwən bə̂d Ŋwiə̀, àyɨə tɨ̀nîn mbə yɨə sɨə bə̂d ɨməd. À nyaʼa ənɨ ə nyùmə̀ mɔʼɔ, chəi Ŋwìə̀ nyaʼa kɨrɨ diirɨ əwən, àyɨə tɨ̀nîn wɨ̀ fə dììrɨ̀ əwən.