Matìyò 5:29 - Meta’

²⁹ E ɨghə jɨgɨ mɨ ghɨ̀ ni à gù ənû, chɔʼ waʼ. Zɨə bɔ̀ŋ ni à nimnɨ əsɨ ɨnyod ə mɔʼ, chè ɨchî nɨ Ŋwìə̀ bɨrɨ maʼ e ɨnyod jìm ɨŋga əsɨ ɨchə.

Ikan feg

²⁹ Ìwe ighə aba abo jəghi mə̀ ya ghìyə̀ gha àghò ya gùghə̀ inug, chìye ighə we waʼ. Ze bɔ̀ŋ ine ni gha àze asiŋi nyɔd amɔʼ ze nim, chè icheg ne Ŋwiye biri màʼ ìze nyàmnyɔd ijìm inga asiŋi ichə.

Matìyò 5:29 ပူးပေါင်းရင်းမြစ်များ

Matìyò 10:28

Tɨ̀ mbə̀ bɔ ə bə̂d mbe nɨə zwiirɨə nyamnyod, àyɨə chəi ənɨ tɨ̀ mbɨ zwiirɨ əzwî. Mbə̀ bɔ yeʼ məd we nɨ tɨ̀ wɨ̀ nimnɨ nyamnyod bə̀ nimnɨ əzwî ɨŋga əsɨ ɨchə.

Matìyò 11:6

Ŋwìə̀ zɨ əbɔrəbɔd ɨgun ə wə̀d we nɨ chəi wɨ̀ bid ənû ə mɔʼɔ ɨmbə̀ʼ əmɨ.”

Matìyò 16:26

Njìm nɨ wə̀d bɨrɨ jɨg əwù ze nɨ wɨ̀ berɨ ɨsɨg wɔ̂ jìm əne sam i ɨ̀tènɨ̀ kɨə yè? Kɨ̀ wə̀d bɨrɨ naʼ ye ɨ kob ɨ̀tènɨ̀ we əŋgu ə?

Matìyò 17:27

Àyɨə ɨmbə̀ʼ tɨ fîŋ bə̂d mbɔ̂ bə i, ndə̀ wò màʼ saʼ ɨŋga ə sà. Ɨgwi rɨtu we nɨ à gywɨ̌, fiʼ ɨchû ɨməd, à bɨrɨ zə ɨkab ətənɨ ɨŋga. Chɨ ɨkab we wò nàʼ əmbɨ mɨ̀mə̌d ənɨ e ɨghəm bə̀ fɔrɨ ənɨ wum.”

Matìyò 19:12

Əton nɨ chəi mbaŋə̀ rɨ mɔʼɔ ə namə yɨ ni: à yɨ ɨchî nɨ mbɨ gywɨ mbɨ mɔʼɔ, à yɨə bə̂d zaʼ mbɨ mɔʼɔ, mbɨ mɔʼɔ ton ɨnamɨ ɨmbə̀ʼ ənû ɨfɔ̀n rɨkaŋ. Wə̀d we nɨ tɨ̀ wɨ̀ ben ənû zɔ̂, wɨ̀ benɨ.”

Matìyò 23:15

“Ŋgəʼ kyeŋ bɨrɨ nyɨ ɨgwɨ nən mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə baanɨ rɨ̀bàà bə̀ yèn ɨbeŋ jìm ɨmbə̀ʼ beŋ wə̀d mɔʼ ni wɨ̀ ben ənû ə Ŋwiə̀. Ənɨ wɨ̀ benɨ, mbə ghɨ̀ wɨ̀ kùʼ nɨ nyɨ ɨŋga əsɨ ɨchə chè əwən ɨghəm be.

Matìyò 23:33

Mbə yɨə jɔ! Mbə yɨə kàŋ ə jɔ tɨ rɨbɔ̀ŋ! Mbə̀ kɨə wo chè rɨ yè bɔŋ vɨ rɨŋga əsɨ ɨchə ə?

Matìyò 5:22

Àyɨə mə wɨə ghà ɨ nən ni: Wə̀d mɔʼɔ mɨ sə ɨtəm əbɔʼ wi aŋgɔb, mbɨ bɨrɨ saʼ əməd. Wə̀d mɔʼɔ mɨ zɔ̀m wi aŋgɔb, mbɨ bɨrɨ nɨŋ əməd wò ni mə̀saʼ əbeŋ saʼ əməd. Wə̀d mɨ ghà əmbɨ wi aŋgɔb ni, 'Àwɔ̀ yɨ əneŋ!' mbɨ bɨrɨ maʼ əməd ɨŋga əsɨ ɨchə nɨ chəi ɨwid ə nɔ nìmə.

Matìyò 5:30

E əbɔ ə jɨgɨ ə mɨ ghɨ̀ ni à gù ənû, sob waʼ. Zɨə bɔ̀ŋ ni à nimnɨ əsɨ ɨnyod ə mɔʼ, chè ɨchî nɨ Ŋwìə̀ bɨrɨ cha e ɨnyod jìm ɨŋga əsɨ ɨchə.

Mk 8:36

Njìm ze nɨ wə̀d bɨrɨ jɨg kɨə ye əwù ze nɨ wɨ̀ berɨ ɨsɨg wɔ̂ jìm əne sam i ɨ̀tènɨ̀ ə?

Lk 12:5

Àyɨə mə bɨrɨ patɨ əwən ɨmbə̀ʼ wə̀d we nɨ tɨ̀ mbə bɔ. Mbə̀ bɔ yeʼ Ŋwiə̀, ɨmbə̀ʼ ɨghəm nɨ ənɨ wɨ̀ zwiirɨ bə̂d, wɨ̀ kɨrɨ berɨ ɨka nɨ maʼ mɨ̀mə̌d ɨŋga əsɨ ɨchə. Ee, mə ghà ɨ nən ni mbə̀ bɔ əməd!

Rm 6:6

Tɨ̀ kyerɨ ni mbɨ nyaʼa fə kòmbɨ̀ à nyamnyod ənun əzed ə baʼnɨ mbɨ məd, ɨmbə̀ʼ nimnɨ nyamnyod ɨnû rɨbɔ̀ŋ. Əne chəi ənɨ tɨ̀ rɨ̀ wɨrɨ chub ənɨ ɨ̀bòʼò əton ɨnû rɨbɔ̀ŋ,

Rm 8:13

Mbə mɨ chub ɨchî nɨ nyamnyod kəbɨ, mbə bɨrɨ kwɨ, àyɨə mbə mɨ che ənjìm Əzwî zwiirɨ ɨnû rɨbɔ̀ŋ mbe nɨ nyamnyod ə ghɨ̀ə̀, mbə bɨrɨ tènə̀.

1 Kɔrèn 9:27

Mə wɨə yimbɨ mɨ ɨnyod ɨmbə̀ʼ wɨ ben ə̀bòʼò ɨ num, ɨmbə̀ʼ mə mɨ ghà ɨkə̂n chɔ̀m əmbɨ ə bə̂d cherə, tɨ mə̀ sam əmɨ ɨchwɨ we.

Gàlesìyà 5:24

Bə̂d Kristo Yeso fə kòmbɨ̀ tə nyamnyod bə̀ kòmbɨ̀ ɨnû mbe nɨ nyamnyod ə kə̀bə̀ bə̀ feenɨ əzed ə baʼnɨ.

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)