Matìyò 5:19 - Meta’

¹⁹ Mbɨ bɨrɨ tɔŋ wə̀d mɔʼɔ we nɨ gu ɨkə we nɨ yeʼ wɨ kwa rəbɔʼ rɨkə tɔ̂, bə̀ ghà ni bə̂d ghɨ əne ni məd yɨ wɨ kwa ɨŋga ənû ɨfɔ̀n rɨkaŋ. Àyɨə mbɨ bɨrɨ tɔŋ we nɨə nùŋ rɨ̀kə tɔ̂ bə̀ ghà ni bə̂d ghɨ̀ əne ni məd yɨ wɨ kyeŋ ɨŋga ənû ɨfɔ̀n rɨkaŋ.

Ikan feg

¹⁹ Ane, wə̀d mɔ̀ʼɔ mə̀ gùg ka bèyi nɔ̀ʼɔ̀ we ne taŋ kə chè mə̀nɔ̀ʼɔ̀ mbo̰ məjìm, bə̀ ywìrì ghì bəd ndəŋ gùg nɔ̀ʼɔ̀ we, mbi biri kàrì tengàŋ ane wə̀d ne kə chè bəd məjìm inga anug ìfɔ̀n ikaŋ. Àsi wə̀d ne nɔ̀ŋɔ̀ mə̀nɔ̀ʼɔ̀ mbo̰ bə̀ ghìyə̀ bəd ndəŋ nɔ̀ŋɔ̀ mə̀nɔ̀ʼɔ̀ mbo̰, mbi biri kàrì aməd ane wə̀d kyen inga anug ìfɔ̀n ikaŋ.

Matìyò 5:19 ပူးပေါင်းရင်းမြစ်များ

Matìyò 11:11

Mə ghà rəsìʼ ɨ nən ni, rəbɔʼ bə̂d mɨ̀jìm mbe nɨ məyi gywɨ, chəi wɨ mɔʼɔ əŋgu nɨ dabə chè ə Jɔ̌n we nɨə nàʼə̀ mɨnib. Àyɨə wə̀d we nɨ kə chè mbɨ mɨjìm ɨŋga ənû ɨfɔ̀n rɨkaŋ ə dabə chè əməd.

Matìyò 19:28

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, ənɨ Wan Wə̀d bɨrɨ chub ɨgun e ətən ɨfɔ̀n ɨŋga ɨsɨg fi, mbə̀n mbɔ̂ nɨə beenɨ əbɔʼ num bɨrɨ bɨ chub ɨgun ɨtən ɨfɔ̀n wum chɔ̀b rɨ̀be, ɨ saʼ mɨnəbɨ mɨ̀Izre mbe wum chɔ̀b rɨ̀be.

Matìyò 20:26

Tɨ zɨə yeʼi əne əkaʼ nən. Àyɨə wə̀d mɔʼɔ we nɨə kə̀b yeʼ wɨ kyeŋ əkaʼ nən berɨ yeʼ we nɨə fàʼ ɨ nən.

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Lk 1:15

Wɨ̀ bɨrɨ yeʼ ədabɨ ə wə̀d ɨfě Ə̀nùŋɨ̀sɨg. Kaʼ wɨ̀ bɨrɨ nɔ i mɨnoʼ əgɔ̂ kɨ̀ mɨnoʼ kǎ kǎ. Əzwî ə Zeŋɨ ə bɨrɨ swi ɨŋga məd kɔ rɨ ənɨ mbɨ gywɨ əməd.

Lk 11:42

“Ŋgəʼ kyeŋ bɨrɨ nyɨ ɨgwɨ nən mbə̀nə mɨ̀Farisiî! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə ghàpə̀ tɨtiirɨ te nɨ mbɨə tɔŋ ənɨ mint bə̀ ghapɨ ə rue mbɨ tɨkwɨrɨ mbòb jìm ɨsɨ wum, əne nàʼ əsɨ ə fibɨ̀ əmbɨ ə Ŋwiə̀, àyɨə mbə mbɨə waʼ ənû nɨ ghɨ ɨnû nɨ kuʼnɨ mbɨ ənû nɨ ghaʼ ə Ŋwiə̀. Njɨ mbə ghɨ ɨnû mbɔ̂ jìm nɨ chəi mbə̀ waʼ mbɨ mɔʼɔ.

Lk 9:48

ghà əmbɨ mə̀mə̀ə̀nɨ̀-ɨnû mbe ni, “Wə̀d mɔʼɔ we nɨ nɨŋ wan kwa ɨghabɨ wɔ̂ ənɨ mɨ ɨkum, fə bə̀ nɨŋ əmɨ. We nɨ nɨŋ əmɨ fə bə̀ nɨŋ wə̀d we nɨ nyaʼa tom əmɨ. Əne we nɨ yeʼ wɨ kwa əkaʼ mbə̀n mbɔ̂ mɨ̀jìm, yɨ we nɨ yeʼ wɨ kyeŋ.”

Ɨ̀fàʼì 1:1

Wə̀d kyeŋ Tiofilùs, ɨŋga ə̀ŋwàʼnɨ̀ rɨtu ze nɨ mə̀ nyaʼa ŋwàʼnɨ̀, mə nyaʼa ŋwàʼnɨ̀ ɨnû jìm mbe nɨ Yeso nyaʼə ghɨ̀ə̀ fɔrɨ mbe nɨ wɨ̀ nyaʼə chwiə kɔ rɨ ənɨ wɨ̀ nyaʼa kɔ e ə̀fàʼì

Rm 3:8

Njɨ mbə̀ ghà ni, “Tɨ̀ ghɨ ɨbə ɨmbə̀ʼ ɨ̀chɔ̀m yeʼe,” ɨchî nɨ bə̂d mɔʼɔ ə chə̀kɨ̀ əwa ni ɨŋgam wɔ̂ yɨ rɨ na ə? Ŋwìə̀ bɨrɨ zɨ ɨsaʼi ɨgwɨ mɨ̀mə̌d ɨchî nɨ kuʼnɨ.

Rm 6:1

Tɨ̀ kɨə wo gha ni yè ə? Tɨ̀ wa wo ɨmbì ghɨ̀ ɨnû rɨbɔ̀ŋ ɨmbə̀ʼ ɨ̀chɔ̀m Ŋwiə̀ nɔʼ ə?

Rm 6:15

À kɨ ənû ə ye ə? Tɨ̀ wa ghɨ ɨnû rɨbɔ̀ŋ ɨmbə̀ʼ ɨghəm nɨ tɨ̀ yeʼ əton ɨ̀chɔ̀m Ŋwiə̀, kaʼi əton rɨkə ə? Chə̂!

1 Timotì 6:11

À yeʼ ɨmbə̀ʼ əwe, àwɔ̀ wə̀d Ŋwìə̀, fə ton ɨnû mbɔ̂ jìm. Ghɨ yeʼ ənû mbe nɨ kuʼnɨ bə̀ ghɨ̀ yeʼ mbe nɨ Ŋwìə̀ kəbɨ. Nuŋ fîŋ ɨgun ə Kristo, ghaʼ bə̂d, chi ɨnû bə̀ berɨ ɨbɔtɨ fîŋ.

Tayitùs 3:8

Ɨnû mbɔ̂ jìm nɨ mə̀ fə gha ɨ nən yɨ ɨnû rəsìʼ. Mə kə̀b ni à gha ɨnû mbɔ̂ kòmbɨ̀, ɨmbə̀ʼ bə̂d mbe nɨ ben ə Ŋwìə̀ we əwən bə̀ ghɨ̀ ɨnû chɔ̀m. Ɨnû mbɔ̂ yɨ ɨnû chɔ̀m. Mbɨ bɨrɨ bɨ wèèrɨ̀ wə̀d jìm.

1 Pità 5:4

Ənɨ Ənə̂ŋgɨ̀-njɨ̀g kyeŋ yeʼe, mbə bɨrɨ nɨŋ əchwɨ̂ əgu ə zeŋɨ ze nɨ chəi zɨə bɨrɨ nɔ chɔʼrɨ.

1 Jɔn 3:4

Wə̀d jìm we nɨə ghɨ̀ ənû rɨbɔ̀ŋ fə gù ɨkə, ɨmbə̀ʼ ɨghəm nɨ ənû rɨbɔ̀ŋ yɨ ənû nɨ gu ɨkə.

Ɨnû 2:20

Àyɨə mə berɨ ənû ə mɔʼɔ ɨmbə̀ʼ əwe. Ənû ze yɨ ni, chəi à təmnɨ əyi we nɨ mbɨə tɔŋ ənɨ ə Jesebèl. Ɨ wɨə ghàə̀ ni tə yɨə wə̀d ɨ̀kə̀n əyi. Ɨ wɨə chwi ɨnû ɨmbə̀ʼ febrɨ mbɨ bə̂d ə̀fàʼì ni mbɨ ghɨ ɨfabrɨ-ɨnû fɔrɨ ni mbɨ jɨg tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ.