Matìyò 5:18 - Meta’

¹⁸ Mə ghà rəsìʼ ɨ nən ni, pè ənɨ ɨkaŋ fɔrɨ si fə che, chəi əchəb kɨ̀ ɨghə ə̀ŋwàʼnɨ̀ mɔʼ tɨ ənɨ rɨkə te bɨrɨ nim, kɨrɨ ənɨ mbɨ fə ghɨ̀ ɨnû mbɔ̂ jìm.

Ikan feg

¹⁸ Mə gha tesiʼ inən gha, ghò pè ane nyumə̀ ne ikaŋ fɔrɔ isəg biri chè nim, chəyi iki achəpi ane ighə àŋwàʼrì ifibì inga inug mbo̰ ne mbi ŋwàʼri inga mə̀nɔ̀ʼɔ̀ Muse biri chè ako witì inug mbo̰ ijìm dù ane tesiʼ.

Matìyò 5:18 ပူးပေါင်းရင်းမြစ်များ

Matìyò 10:15

Mə ghà rəsìʼ ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm bə̀ dììrɨ̀ mbe rɨ ə Gòmorà chè ɨchî nɨ wɨ̀ bɨrɨ diirɨ bə̂d mbe rɨŋga əsɨ ze.

Matìyò 10:23

Ənɨ mbɨ nwendɨ tə rɨkyerɨ-ɨwu ɨŋga əsɨ ə mɔʼ, mbə̀ norə wò ɨŋga əsɨ ə cherə. Mə ghà rəsìʼ ɨ nən ni, Wan Wə̀d bɨrɨ wɨrɨ yeʼe bɔŋ mbə̀ sɨə kad ɨsɨ jìm ɨŋga Izre.

Matìyò 10:42

Wə̀d mɔʼɔ we nɨ naʼ ka àbei toʼ mɨnib zwɨrɨ-zwɨrɨ əmbɨ wɨ kwa mɔʼɔ rəbɔʼ mbɔ̂ ɨmbə̀ʼ ɨghəm nɨ məd yɨ mɨ ə̀mə̀ə̀nɨ̀-ɨnû, njɨ mə ghà rəsìʼ ɨ nən ni, ka wɨ bɨrɨ nim i i ɨchɔʼ ə̀fàʼì.”

Matìyò 11:11

Mə ghà rəsìʼ ɨ nən ni, rəbɔʼ bə̂d mɨ̀jìm mbe nɨ məyi gywɨ, chəi wɨ mɔʼɔ əŋgu nɨ dabə chè ə Jɔ̌n we nɨə nàʼə̀ mɨnib. Àyɨə wə̀d we nɨ kə chè mbɨ mɨjìm ɨŋga ənû ɨfɔ̀n rɨkaŋ ə dabə chè əməd.

Matìyò 13:17

Mə ghà rəsìʼ ɨ nən ni, bə̂d ɨ̀kə̀n Ŋwiə̀ nɔnɔʼ mbɨə bə̂d nɨə ghɨ̀ ɨnû nɨ kuʼnɨ nyaʼa kàŋ kə̀b zə ɨnû mbe nɨ mbən ə zəə, àyɨə chəi mbɨ nyaʼa zə. Mbɨ nyaʼa bə̀ kə̀b nɨ zu ɨnû mbe nɨ mbən ə zuə, àyɨə chəi mbɨ nyaʼa zu.

Matìyò 16:28

Mə ghà rəsìʼ ɨ nən ni chəi bə̂d mɔʼɔ rəbɔʼ mbɔ̂ nɨ təmbɨ əgha bɨrɨ kwɨ ə zɨ rɨ tɨ̀ mbɨ zə Wan Wə̀d nɨə yeʼe ɨghabɨ ɨfɔ̀n.”

Matìyò 17:20

Wɨ̀ nyaʼa wììrɨ̀ əmbɨ mɨ̀mə̌d ni, “À yɨ ɨmbə̀ʼ ɨghəm nɨ mbə̀ berɨ ɨbenɨ nɨ kə. Mə ghà rəsìʼ ɨ nən ni, mbə mɨ berɨ ɨbenɨ nɨ kə ɨghabɨ sǎm ə̀wɔ̀mɨ, mbə bɨrɨ gha əmbɨ ɨwum wɔ̂ ni, 'Nɔʼ rɨ əgha wò ə yɨə,' wɨ bə̀ nɔ̀ʼ wò. Chəi ənû ə mɔʼɔ bɨrɨ chè əwən.”

Matìyò 18:18

“Mə ghà rəsìʼ ɨ nən ni, ɨnû mbe nɨ mbə̀ ben ɨgwɨ ə si, Ŋwìə̀ bɨrɨ bɨ ben ɨkaŋ, mbe nɨ mbə̀ ton ɨgwɨ ə si, Ŋwìə̀ bɨrɨ bɨ ton ɨkaŋ.

Matìyò 18:3

əne ghà ni, “Mə ghà rəsìʼ ɨ nən ni, mbə mɨ rɨ beŋ əwən sɨ ɨghabɨ bɔn kwa, njɨ chəi mbə bɨrɨ nɔ nyɨ ɨŋga ənû ɨfɔ̀n rɨkaŋ.

Matìyò 19:23

Yeso nyaʼa sɨ ghà əmbɨ mbi mə̀mə̀ə̀nɨ̀-ɨnû ni, “Mə ghà rəsìʼ ɨ nən ni zɨə bɨrɨ se əmbɨ wə̀d mbɔ̂n nɨ nyɨ ɨŋga ənû ɨfɔ̀n rɨkaŋ.

Matìyò 19:28

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, ənɨ Wan Wə̀d bɨrɨ chub ɨgun e ətən ɨfɔ̀n ɨŋga ɨsɨg fi, mbə̀n mbɔ̂ nɨə beenɨ əbɔʼ num bɨrɨ bɨ chub ɨgun ɨtən ɨfɔ̀n wum chɔ̀b rɨ̀be, ɨ saʼ mɨnəbɨ mɨ̀Izre mbe wum chɔ̀b rɨ̀be.

Matìyò 21:21

Yeso nyaʼa wììrɨ̀ əmbɨ mɨ̀mə̌d ni, “Mə ghà rəsìʼ ɨ nən ni, mbə mɨ berɨ ɨbenɨ nɨ chəi mbə̀ə bìrə̀, njɨ chəi mbə bɨrɨ ghɨ àmei ənû zɔ̂ nɨ mə̀ ghɨ ənɨ əzed ə fîg. Mbə mbe tɨ̀ mbə bə̀ ghà əmbɨ ɨwum wɔ̂ ni, 'Mən e wò feŋ ɨŋga rɨ̀bàà', wɨ bə̀ ghɨ̀ əne.

Matìyò 21:31

À kɨ wi rəbɔʼ bɔn mbaŋə̀ mbɔ̂ mɨ̀be nɨ nyaʼa ghɨ ənû ze nɨ mbǎʼ məd nyaʼa kə̀b ə?” Mbɨ nyaʼa wììrɨ̀ ni, “À yɨ wɨ rɨtu.” Əne Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, məfetɨ mɨ̀tagsɨ̀ mbɨ ɨ̀kùnɨ̀ bɨrɨ be nyɨ ɨŋga ənû ɨfɔ̀n ə Ŋwiə̀ bɔŋ ə mbə̀nə.

Matìyò 23:36

Mə ghà rəsìʼ ɨ nən ni, ɨnû mbɔ̂ jìm bɨrɨ ghɨ̀ ɨgwɨ ɨghəm bə̂d wɔ̂ rɨ̀nîn.

Matìyò 24:2

Wɨ̀ nyaʼa wììrɨ̀ əmbɨ mɨ̀mə̌d ni, “Mbə̀ zə ɨghɨ mbɔ̂ jìm ə? Mə ghà rəsìʼ ɨ nən ni chəi ɨti mɔʼ bɨrɨ chub ɨgun wɨ cherə. Mbɨ bɨrɨ kɔd əti ze əjìm ə si.”

Matìyò 24:47

Mə ghà rəsìʼ ɨ nən ni mbǎʼ ə̀fàʼì we bɨrɨ nuŋ əməd ni wɨ̀ sɨə nəŋgɨ mbi ɨghɨjìm.

Matìyò 25:12

Wɨ̀ nyaʼa wììrɨ̀ ni, 'Mə ghà rəsìʼ ɨ nən ni chəi mə̀ kyerɨ əwən.'

Matìyò 25:40

Ɨfɔ̂n we bɨrɨ wììrɨ̀ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ mbə̀ nyaʼə ghɨ̀ ɨnû mbɔ̂ ənɨ wɨ kwa mɔʼɔ rəbɔʼ bɔŋgɔb mbɔ̂ num, əne mbə̀ nyaʼa ghɨ yeʼ ənɨ ə num.'

Matìyò 25:45

Wɨ̀ bɨrɨ wiirɨ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ chəi mbə̀ nyaʼa ghɨ ɨnû mbɔ̂ ənɨ wɨ kwa mɔʼɔ rəbɔʼ mbɔ̂, əne chəi mbə̀ nyaʼa bə̀ ghɨ̀ ənɨ ə num.'

Matìyò 5:26

Mə ghà rəsìʼ ɨ ne ni, chəi à bɨrɨ jwɨ̀ rɨ ə ndəŋ pè ənɨ à fə wǐ ɨkab məd jìm.

Matìyò 6:16

“Ənɨ mbə̀ chub rɨ jɨg, tɨ mbə̀ ghɨ ə ɨghabɨ ə bə̂d nɨə kə̀nə̀, ɨchî nɨ ɨbekɨ bə̂d ə ghɨ̀ə̀. Ɨ mbɨə ŋgɨ̀ndɨ̀ tə rɨfě ɨmbə̀ʼ bə̂d zə ni ɨ mbɨə chubə rɨ jɨg. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 6:2

“Əne ənɨ àwɔ̀ ə nàʼ ɨghɨ əmbɨ wə̀d ŋgəʼ, tɨrə̀ fə e tàŋ ɨchî nɨ ɨbekɨ bə̂d ə ghɨ̀ ɨŋga nəb tɨ ə̀kàtɨ̀ bə̀ ghɨ̀ ɨtu ɨzib. Ɨ mbɨə ghɨ̀ əne ɨmbə̀ʼ bə̂d yiirɨ mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 8:10

Ənɨ Yeso nyaʼa zu ənû ze, wɨ̀ nyaʼa yiirɨ, əne ghà əmbɨ ə bə̂d mbe nɨ nyaʼə beenɨ əbɔʼ məd ni, “Mə ghà rəsìʼ ɨ nən ni chəi mə kweʼ zə wə̀d mɔʼɔ ɨŋga Izre nɨ berɨ ɨkwɨ ɨbenɨ wɔ̂.

Mk 10:15

Mə ghà rəsìʼ ɨ nən ni, ka wə̀d mɔʼɔ we nɨ chəi wɨ̀ ben ənû ɨfɔ̀n ə Ŋwiə̀ ɨghabɨ ə wan kwa bɨrɨ nɔ nyɨ i ɨŋga ənû ɨfɔ̀n ze.”

Mk 10:29

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, chəi wə̀d mɔʼɔ we nɨ saŋ i nəb, kɨ̀ mbi bɔŋgɔb, kɨ̀ ti njàbɨ, kɨ̀ i nɨ̌ŋ, kɨ̀ i mbǎʼ, kɨ̀ mbi bɔn, kɨ̀ mbi ɨsɨ si ɨmbə̀ʼ əmɨ fɔrɨ ɨmbə̀ʼ ɨkə̂n chɔ̀m,

Mk 11:23

Mə ghà rəsìʼ ɨ nən ni, wə̀d mɔʼɔ we nɨ gha əmbɨ ɨwum wɔ̂ ni, 'Mən e, wò feŋ ɨŋga rɨ̀bàà,' zɨə bɨrɨ bɨ ghɨ àmei ɨchî nɨ wɨ̀ ghǎ. Ənû ze nɨ yeʼ əŋgu yɨ ni tɨ wɨ̀ bid i ɨŋga i fîŋ, àyɨə wɨ̀ ben ni ənû ze nɨ tə gha ə bɨrɨ ghɨ àmei ɨchî we.

Mk 12:43

Yeso nyaʼa zə əne tɔŋ mbi mə̀mə̀ə̀nɨ̀-ɨnû əsɨ ni ghà əmbɨ mɨ̀mə̌d ni, “Mə ghà rəsìʼ ɨ nən ni ɨku əyi kwaŋ wɔ̂ fə zɨ̀ ɨkab nɨ nɔʼɔ chè wɨ bə̂d mɨ̀jìm mbe nɨə zɨ̀ ɨkab ɨŋga rɨkub ze,

Mk 13:30

Mə ghà rəsìʼ ɨ nən ni, kaʼ ɨghə̀m bə̂d wɔ̂ bɨrɨ che i zɨ rɨ tɨ̀ ɨnû mbɔ̂ jìm ghɨ̀.

Mk 14:18

Ənɨ mbɨ nyaʼə jɨgə, Yeso nyaʼa ghà ni, “Mə ghà rəsìʼ ɨ nən ni wə̀d mɔʼɔ rəbɔʼ nən bɨrɨ fen əmɨ. Təŋgàŋ yɨ we nɨə jɨgə mbɨ num.”

Mk 14:25

Mə ghà rəsìʼ ɨ nən ni, chəi mə bɨrɨ wɨrɨ nɔ mɨnoʼ pè əni ze nɨ mə bɨrɨ nɨ nɔ ənɨ ɨghəm fi ɨŋga ənû ɨfɔ̀n ə Ŋwiə̀.”

Mk 14:30

Yeso nyaʼa ghà ɨ bɔ ni, “Mə ghà rəsìʼ ɨ ne ni, àmei ɨzimɨ wɔ̂, bɔŋ ɨnoŋgub sɨə tɔŋ ɨghəm be, à bɨrɨ fə ton əmɨ ɨghəm tad.”

Mk 14:9

Mə ghà rəsìʼ ɨ nən ni ɨsɨ jìm mbe nɨ mbɨ bɨrɨ ghà ɨkə̂n chɔ̀m wɔ̂ ɨŋga ɨsɨg, mbɨ bɨrɨ ghà ənû ze nɨ əyi wɔ̂ ghɨ̌, əne sɨə kɔndɨ əməd.”

Mk 3:28

“Mə ghà rəsìʼ ɨ nən ni, Ŋwìə̀ bɨrɨ waʼ ɨnû rɨbɔ̀ŋ jìm bə̀ waʼ mɨzɔ̂m jìm mbe nɨ bə̂d ə zɔ̀m əməd,

Mk 6:11

À mɨ yeʼ nɨ chəi mbɨ nɨŋ əwən əsɨ ə mɔʼɔ kɨ̀ nɨ chəi mbɨ zu ənû ze nɨ mbə̀ə ghàə̀, mbə̀ kud əgywɨ rɨ ənɨ mbə ɨwu ənɨ mbə̀ə nɔʼə. Əze ə bɨrɨ yeʼ ənweenɨ əmbɨ mɨ̀mə̌d ni mbɨ fə ton ɨkə̂n chɔ̀m. [Mə ghà rəsìʼ ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm bə̀ dììrɨ̀ mbe rɨ ə Gòmorà chè ɨchî nɨ wɨ̀ bɨrɨ diirɨ bə̂d mbe rɨŋga əsɨ ze.]”

Mk 8:12

Ənû ze ə nyaʼa bètɨ̀ fîŋ məd, wɨ̀ zwi rɨ fùùm əne ghà ni, “Ɨghəm bə̂d wɔ̂ kɨə kə̀b ənû ə yiirɨ ɨmbə̀ʼ ə yè ə? Mə ghà rəsìʼ ɨ nən ni chəi mbɨ bɨrɨ chwi ənû ə yiirɨ ə mɔʼɔ əmbɨ mɨ̀mə̌d.”

Mk 9:1

Yeso nyaʼa yì ghà əmbɨ mɨ̀mə̌d ni, “Mə ghà rəsìʼ ɨ nən ni chəi bə̂d mɔʼɔ rəbɔʼ mbɔ̂ nɨ təmbɨ əgha bɨrɨ kwɨ zɨ rɨ tɨ̀ mbɨ zə ɨchî nɨ Ŋwìə̀ ə tùmbɨ̀ə̀ mbi bə̂d ɨchî nɨ kaanɨ.”

Mk 9:41

Mə ghà rəsìʼ ɨ nən ni chəi wə̀d mɔʼɔ we nɨ naʼ toʼ mɨnib ɨ nən ni mbə̀ nɔ ɨmbə̀ʼ ɨghəm nɨ mbə̀ ben ɨkum Kristo bɨrɨ nim i ɨchɔʼ ə̀fàʼì.

Lk 11:51

Mbɨ bɨrɨ kɔ rɨ ənɨ ənəm ə Ebèl wò pè ənɨ ənəm ə Zèkariyà we nɨ mbɨ nyaʼa zwiirɨ əsàn ɨkwi ɨjə̀ŋ Ŋwiə̀ mbɨ əsɨ ɨwumnɨ. Ee, mə ghà ɨ nən ni mbɨ bɨrɨ biirɨ ənəm ze rɨ əmbɨ ɨghəm bə̂d wɔ̂ rɨ̀nîn.

Lk 12:37

Ŋwìə̀ zɨ əbɔrəbɔd ɨgun ə bə̂d ə̀fàʼì mbe nɨ ənɨ mbǎʼ ə̀fàʼì mɨ̀mə̌d yeʼe, wɨ̀ pè zə mɨ̀mə̌d ɨkyèʼe. Mə ghà rəsìʼ ɨ nən ni wɨ̀ bɨrɨ zɨ i ngywɨ̌ ə̀fàʼì, ghà ni mbɨ chub ə si, əne nàʼ ɨghɨjɨg əmbɨ mɨ̀mə̌d.

Lk 13:35

Zə, mbɨ fə waʼ e nəb. Mə ghà ɨ ne ni chəi à bɨrɨ wɨrɨ zə əmɨ pè əni ze à gha ni, 'Ŋwìə̀ zɨ əbɔrəbɔd ɨgun ə wə̀d we nɨə yeʼe ənɨ ɨkum Ə̀nùŋɨ̀sɨg!'”

Lk 16:17

Zɨə zàm əmbɨ ɨkaŋ fɔrɨ əmbɨ si nɨ chè, chè ɨchî nɨ tɨ̀ ɨghə ə̀ŋwàʼnɨ̀ mɔʼ rɨŋga tɨkə rɨ Ŋwiə̀ bɨrɨ nim.

Lk 18:17

Mə ghà rəsìʼ ɨ nən ni, ka wə̀d mɔʼɔ we nɨ chəi wɨ̀ ben ənû ɨfɔ̀n ə Ŋwiə̀ ɨghabɨ wan kwa bɨrɨ nɔ nyɨ i ɨŋga ənû ɨfɔ̀n ze.”

Lk 18:29

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, chəi wə̀d mɔʼɔ we nɨ saŋ i nəb, kɨ̀ i ɨwi, kɨ̀ mbi bɔŋgɔb, kɨ̀ i mbǎʼ mbɨ i nɨŋ, kɨ̀ mbi bɔn ɨmbə̀ʼ ənû ɨfɔ̀n ə Ŋwiə̀,

Lk 23:43

Yeso nyaʼa ghà ɨ bɔ ni, “Mə ghà rəsìʼ ɨ ne ni tə̀chɔ̀ŋ à bɨrɨ chubɨ mbɨ num ə Paradaìs. ”

Lk 4:24

Wɨ̀ nyaʼa yì ghà ni, “Mə ghà rəsìʼ ɨ nən ni, chəi bə̂d ə benə wə̀d ɨ̀kə̀n ɨŋga əsɨ ze nɨ mbɨ gywɨ əməd.

Jn 1:51

Yeso nyaʼa ghàm əne ghà əmbɨ mɨ̀mə̌d ni, “Mə ghà rəsìʼ ɨ nən ni mbə bɨrɨ zə ɨkaŋ əfìʼə mbɨ mbɨ̀aŋgɨrə̀ nɨə kɔʼə bə̀ swiʼə ɨgun ə Wan Wə̀d.”

Jn 10:1

Yeso nyaʼa ghà ni, “Mə ghà rəsìʼ ɨ nən ni wə̀d we nɨ chəi wɨ̀ che ɨchû ɨkam nyɨ ɨŋga əkad ə njɨ̀g, àyɨə wɨ̀ kɔʼ nyɨ ɨnə̂njɨ̀ cherə yɨ ɨjɨ fɔrɨ ə̀bàgɨ.

Jn 10:7

Yeso nyaʼa yì ghà ni, “Mə ghà rəsìʼ ɨ nən ni, mɔ̌ yɨ ɨchû ɨkam əmbɨ ə njɨ̀g.

Jn 12:24

Mə ghà rəsìʼ ɨ nən ni fɨtam kywɨ̀ mɨ rɨ nyɨ i ɨŋga si, kwɨ, fɨ bɨrɨ ten tə̀zìʼ wi. Fɨ mɨ kwɨ, fɨ bɨrɨ kɔ rɨtam nɔnɔʼ.

Jn 13:16

Mə ghà rəsìʼ ɨ nən ni chəi wə̀d ə̀fàʼì mɔʼɔ nɨ dabə chè i mbǎʼ ə̀fàʼì, kɨ̀ wə̀d tom nɨ dabə chè wə̀d we nɨ tom əməd.

Jn 13:38

Yeso nyaʼa wììrɨ̀ ni, “À bɨrɨ kaŋ kwɨ ɨmbə̀ʼ əmɨ ə? Mə ghà rəsìʼ ɨ ne ni bɔŋ ɨnoŋgub sɨə tɔŋə, à bɨrɨ fə ton əmɨ ɨghəm tad.”

Jn 14:12

Mə ghà rəsìʼ ɨ nən ni wə̀d we nɨ ben ɨnû mbe nɨ mɨə ghàə̀ bɨrɨ bɨ ghɨ ɨnû mbe nɨ mɨə ghɨ̀ə̀. Məd bɨrɨ ghɨ ɨnû nɨ che mbɔ̂, ɨmbə̀ʼ ɨghəm nɨ mə wɨə wò əsɨ Mbǎʼ.

Jn 16:20

Mə ghà rəsìʼ ɨ nən ni mbə bɨrɨ chweŋ mɨsɨ, bə̀ dì, àyɨə ɨsɨg bɨrɨ ghaʼ i. Mbə bɨrɨ kə̀nə̀, àyɨə ə̀kə̀nɨ̀ ze ə bɨrɨ bèŋ sɨ ɨghaʼi.

Jn 16:23

À sɨ əni ze, chəi mbə̀ bɨrɨ wɨrɨ biirɨ ənû ə mɔʼɔ ɨ num. Mə̀ ghà rəsìʼ ɨ nən ni mbə mɨ biirɨ ənû ə mɔʼɔ tɨ əmbɨ mɨ Mbǎʼ ənɨ mɨ ɨkum, wɨ̀ bɨrɨ ghɨ ənû ze ɨ nən.

Jn 21:18

Mə ghà rəsìʼ ɨ ne ni ənɨ à nyaʼə ŋgwàʼ wə̀d, à wɨə nyaʼə zɨ̀ə̀ te ngywɨ̌ wò əsɨ ze nɨ à nyaʼa ghaʼ nɨ wò əŋgu. Àyɨə ənɨ à bɨrɨ fə nùn e, à bɨrɨ sem mbe ɨbɔ, wə̀d cherə zɨ̀ ngywɨ̌ ɨgwɨ ne, kod əwe nɨŋ wò əsɨ ze nɨ chəi à kəb nɨ wò.”

Jn 3:11

Mə wɨə ghà rəsìʼ ɨ ne ni tɨ̀ wɨə ghà ɨnû mbe nɨ tɨ̀ kyerɨ, bə̀ ghàə̀ mbe nɨ tɨ̀ fə zə, àyɨə chəi mbə̀ ben ɨnû mbe nɨ tɨə ghàə̀.

Jn 3:3

Yeso nyaʼa wììrɨ̀ ɨ bɔ ni, “Mə ghà rəsìʼ ɨ ne ni chəi wə̀d mɔʼɔ əŋgu nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə.”

Jn 3:5

Yeso nyaʼa wììrɨ̀ ni, “Mə ghà rəsìʼ ɨ ne ni chəi wə̀d nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə ənɨ mɨnib bə̀ fɔrɨ ənɨ Əzwî ə Ŋwìə̀.

Jn 5:19

Yeso nyaʼa ghà əmbɨ ə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû ni, “Mə ghà rəsìʼ ɨ nən ni, chəi ənɨ tɨ̀ Wan ghɨ̀ ənû ə mɔʼɔ ənɨ i ɨghəm. Məd wɨə ghɨ̀ àmei ɨnû mbe nɨ wɨ̀ zə ənɨ Mbǎʼ ə ghɨ̀ə̀. Ənû ze nɨ Mbǎʼ ə ghɨ̀ə̀, Wan bɨrɨ bɨ ghɨ̀.

Jn 6:26

Yeso nyaʼa wiirɨ əmbɨ mɨ̀mə̌d ni, “Mə gha rəsìʼ ɨ nən ni mbə mbɨə kə̀b əmɨ ɨmbə̀ʼ ɨchî nɨ mbə nyaʼa jɨg ŋgə̀ŋ kod, kaʼi ənû ə yiirɨ ze nɨ mə̀ nyaʼa ghɨ̌.

Jn 6:32

Yeso nyaʼa sɨ ghà əmbɨ mɨ̀mə̌d ni, “Mə ghà rəsìʼ ɨ nən ni, kaʼi Mose nyaʼa naʼ ŋgə̀ŋ ze nɨ nyaʼa nɔʼ rɨkaŋ ɨ nən. À yɨ mɨ Mbǎʼ ə nàʼ ŋgə̀ŋ ze nɨ yeʼ zɨ rəsìʼ ze nɨ nɔʼ rɨkaŋ.

Jn 6:47

Mə ghà rəsìʼ ɨ nən ni, wə̀d we nɨ ben ənû ze nɨ mə̀ gha bɨrɨ jɨg ɨ̀tènɨ̀ rɨ mì.

Jn 6:53

Ənɨ Yeso nyaʼa zu əne, wɨ̀ nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, à mɨ yeʼ ni chəi mbə̀ kud nyamnyod Wan Wə̀d bə̀ nɔ ənəm əməd, chəi mbə̀ bɨrɨ jɨg ɨ̀tènɨ̀.

Jn 8:34

Yeso nyaʼa wììrɨ̀ əmbɨ mɨ̀mə̌d ni, “Mə ghà rəsìʼ ɨ nən ni wə̀d jìm we nɨə ghɨ̀ ənû rɨbɔ̀ŋ yɨ ə̀bòʼò əmbɨ ənû rɨbɔ̀ŋ.

Jn 8:51

Mə ghà rəsìʼ ɨ nən ni, wə̀d mɔʼɔ mɨ yeʼə ghɨ̀ ɨnû mbe nɨ mɨə ghàə̀, njɨ ka wɨ̀ bɨrɨ nɔ kwɨ i.”

Jn 8:58

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni bɔŋ mbɨ nyaʼa sɨə gywɨ ə Abràham, mə nyaʼa fə sɨ əmɨ əŋgu!”

1 Pità 1:25

àyɨə ɨŋgam Ə̀nùŋɨ̀sɨg ə ten i koŋ.” Ɨŋgam we yɨ ɨkə̂n chɔ̀m we nɨ mbɨ gha ɨ nən.

Ɨnû 20:11

Mə nyaʼa zə ətən ɨfɔ̀n ə kyeŋ ə fufu bə̀ zə məd we nɨ nyaʼa chub ɨgun. Ɨkaŋ mbɨ ə si nyaʼa nim rɨ ɨfě məd. Chəi mbɨ nyaʼa wɨrɨ zə mɨ̀mə̌d.