Matìyò 5:16 - Meta’

¹⁶ À yɨə bə̀ ɨchî nɨ ə ɨzeŋɨ zeŋɨ berɨ te ɨfě bə̂d, ɨmbə̀ʼ mbɨ zə ɨnû chɔ̀m mbe nɨ mbə̀ə ghɨ̀ə̀, əne yiirɨ ə Mbǎʼ we nɨ yeʼ ɨkaŋ.”

Ikan feg

¹⁶ Ane, mbə̰ bə ghì gha ìwən ìzḛzḛ ya zùʼə bəd məjìm ya bàrà. Bəd biri se bàrà ìmbən inug chɔm se nàʼà ighumni abə ìwən Mbaʼ we ne yaʼi ikaŋ àbɔ̀ŋɔ.”

Matìyò 5:16 ပူးပေါင်းရင်းမြစ်များ

Matìyò 23:5

Ɨ mbɨə ghɨ̀ ɨnû jìm ɨmbə̀ʼ bə̂d zə mɨ̀mə̌d. Ɨ mbɨə tekɨə mbə mbɨ̀rɨkub gôb nɨ mbɨ zɨ ɨŋgam Ŋwiə̀ ɨŋga ni mbɨ kaŋ faŋ. Ɨ mbɨə nyaʼə taə tə ngywɨ̌ ghɨ̀ rɨtɔŋ jeŋgɨ sà.

Matìyò 23:9

Tɨ mbə̀ tɔŋ ə wə̀d mɔʼɔ ɨgwɨ ə si ni 'mbǎʼ', ɨmbə̀ʼ ɨghəm nɨ mbə̀ berɨ àmei Mbǎʼ mɔʼ. Məd wɨ ɨkaŋ.

Matìyò 5:45

ɨmbə̀ʼ mbə̀ yeʼ bɔn ə Mbǎʼ we nɨ yeʼ ɨkaŋ. Mbə̀ ghɨ əne ɨmbə̀ʼ ɨghəm nɨ məd wɨə ghɨ̀ə̀ ni nyùmə̀ te ɨgwɨ ə bə̂d rɨbɔ̀ŋ bə̀ fɔrɨ ɨgwɨ ə bə̂d chɔ̀m. Ɨ wɨə ghɨ̀ə̀ ni mbə̀ŋ nɔ ɨgwɨ ə bə̂d mbe nɨə ghɨ̀ ɨnû nɨ kuʼnɨ bə̀ fɔrɨ ɨgwɨ mbe nɨ chəi mbɨə ghɨ̀ ɨnû nɨ kuʼnɨ.

Matìyò 6:16

“Ənɨ mbə̀ chub rɨ jɨg, tɨ mbə̀ ghɨ ə ɨghabɨ ə bə̂d nɨə kə̀nə̀, ɨchî nɨ ɨbekɨ bə̂d ə ghɨ̀ə̀. Ɨ mbɨə ŋgɨ̀ndɨ̀ tə rɨfě ɨmbə̀ʼ bə̂d zə ni ɨ mbɨə chubə rɨ jɨg. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 6:9

Mbə̀ kɔŋgɨ ə Ŋwiə̀ əni: 'A Mbǎʼ nɨ yeʼ ɨkaŋ, ghɨ ni bə̂d wumnɨ e ɨkum.

Matìyò 9:8

Ənɨ mɨnɔ̂n bə̂d mbe nyaʼa zə ənû ze, mbɨ nyaʼa bɔ, əne yiirɨ ə Ŋwiə̀ ɨchî nɨ wɨ̀ naʼ ɨkwɨ ɨka wɔ̂ əmbɨ ə bə̂d.

Lk 11:2

Əne wɨ̀ nyaʼa ghà əmbɨ mɨ̀mə̌d ni, “Ənɨ mbə̀ə kɔ̀ŋgɨ̀ ə Ŋwiə̀, mbə̀ gha ni: 'A Mbǎʼ, Ghɨ ni bə̂d wumnɨ e ɨkum, E ənû ɨfɔ̀n ə yeʼe.

Jn 15:8

Ənû ze nɨ bɨrɨ nàʼ ɨwumnɨ əmbɨ mɨ Mbǎʼ yɨ ni mbə̀ kɔ rɨtam nɔnɔʼ. Əze ə bɨrɨ chwi ni mbə̀ yɨ mbɨ mə̀mə̀ə̀nɨ̀-ɨnû.

Ɨ̀fàʼì 9:36

À nyaʼa ənɨ ə nyùmə̀ we, əyi mɔʼɔ nɨ nyaʼa ben ə Kristo wɨə nyaʼə chub ə Jopà. Ɨkum məd yɨə nyaʼə Tabità. Ɨkum məd ənɨ ɨŋgam Grik yɨə Dokàs. Ɨ wɨə nyaʼə ghɨ̀ ɨnû chɔ̀m. Ɨ wɨə nyaʼə bə̀ wèèrɨ̀ə̀ bə̂d ɨkwaŋ.

1 Kɔrèn 14:25

Ɨnû mbe nɨ yeʼ ənə̀mə ɨŋga fîŋ məd bɨrɨ jwɨ əsaŋ. Əne wɨ̀ bɨrɨ gundɨ ə si wumnɨ ə Ŋwiə̀ ghà ni, “À yɨ rəsìʼ ni Ŋwìə̀ wɨ mbɨ nən.”

2 Kɔrèn 9:13

Mbə mɨ yeʼə ghɨ̀ ɨnû ɨghabɨ mbɔ̂, njɨ mbə fə chwi ɨkwɨ bə̂d mbe nɨ mbə̀ yeʼ mbɨwən. Əne bə̂d mɨ̀nɔnɔʼ bɨrɨ yiirɨ ə Ŋwiə̀ ɨmbə̀ʼ ɨchî nɨ mbə̀ beenɨ əbɔʼ ɨkə̂n chɔ̀m we nɨ mbə̀ nyaʼa ben ɨmbə̀ʼ ə Kristo. Mbɨ bɨrɨ bɨ naʼ məben-əwe əmbɨ ə Ŋwiə̀ ɨmbə̀ʼ ɨghɨ mbe nɨ mbə̀ naʼ əmbɨ mɨ̀mə̌d fɔrɨ ɨmbə̀ʼ mbe nɨ mbə̀ naʼ əmbɨ ə bə̂d cherə.

Gàlesìyà 1:24

Əne mbɨ nyaʼa wumnɨ ə Ŋwiə̀ ɨmbə̀ʼ əmɨ.

Efesùs 2:10

Tɨ̀ yɨ əbɔ ə̀fàʼì ə Ŋwiə̀ nɨ wɨ̀ nyaʼa tekɨ ɨmbə̀ʼ tɨ chubɨ ənɨ ɨfɔtɨ mbɨ Kristo Yeso sɨə ghɨ̀ ɨnû chɔ̀m mbe nɨ Ŋwìə̀ nyaʼa fə be tekɨ rɨmbì ni tɨ̀ sɨə ghɨ̀ə̀.

Efesùs 5:8

À nyaʼa ənɨ ə nyùmə̀ mɔʼɔ, mbə mbɨə nyaʼa ɨŋga ɨsɨ firɨ, àyɨə tɨ̀nîn nɨ mbə̀ sɨ bə̂d Ə̀nùŋɨ̀sɨg, mbə mbɨ ɨŋga ɨzeŋɨ zeŋɨ. Əne mbə̀ chub ɨghabɨ ə bə̂d nɨ yeʼ ɨŋga ɨzeŋɨ zeŋɨ,

1 Tèsàlonikà 2:12

Tɨ̀ wɨə nyaʼə tìmbɨ̀ əwən, nəərɨə əwən bə̀ ghà ɨ nən ni mbə̀ chub ɨchî nɨ bɨrɨ ghɨ ni fîŋ Ŋwìə̀ bɔŋə. À yɨə məd tɔŋ əwən ni mbə̀ yeʼe nyɨ ɨŋga ənû ɨfɔ̀n əməd fɔrɨ ɨŋga ɨwumnɨ məd.

1 Timotì 2:10

Mbɨ yèʼ ə ɨnyod yeʼ ənɨ ɨnû chɔ̀m mbe nɨ mbɨə ghɨ̀ə̀, nɨ yeʼ ɨnû mbe nɨ məyi mbe nɨ gha ni mbə mbɨə wumnɨ ə Ŋwiə̀ ə ghɨ̀ə̀.

1 Timotì 5:10

Bə̂d berɨ kyerɨ əməd ɨmbə̀ʼ ɨnû chɔ̀m mbe nɨ wɨə ghɨ̀ə̀, ɨghabɨ ɨchî nɨ wɨə nìə̀ bɔn ɨchî chɔ̀m, ɨchî nɨ wɨə nɨŋə bə̂d əkwɨ ni, ɨchî nɨ wɨə sò ɨwu bə̂d Ŋwiə̀ ɨchî nɨ wɨə weerɨ bə̂d mbe nɨ yeʼ ə ŋgəʼ mbɨ ɨchî nɨ wɨə nàʼ i ɨnyod nɨ ghɨ ɨnû chɔ̀m ənɨ tɨkwɨrɨ ɨnə̂njɨ̀ jìm.

1 Timotì 5:25

Əndəŋ əndəŋ bə, bə̂d mbɨə zəə ɨnû chɔ̀m mbe nɨ bə̂d ə ghɨ̀ə̀. Ka à bè yeʼi mbe nɨ chəi bə̂d ə zəə, àyɨə chəi ənɨ tɨ mbɨ nə̀m.

1 Timotì 6:18

Gha əmbɨ mɨ̀mə̌d ni mbɨ ghɨ̀ tɨkwɨrɨ chɔ̀m jìm bə̀ ghà ni mbɨ saŋnɨ mbɨ ni mbɨ naʼ ɨghɨ əmbɨ ə bə̂d mbe nɨ kwaŋ ɨghɨ.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Tayitùs 2:7

Chwi ənɨ ɨnû jìm ni àwɔ̀ yɨ əmɨg ɨchî nɨ àwɔ̀ ə ghɨ̀ ɨnû chɔ̀m. Chwi ɨnû ɨchî chɔ̀m ənɨ e fîŋ jìm.

Tayitùs 3:14

Bə zə ni mba bə̂d kwembɨ ənû nɨ ghɨ ɨ̀chɔ̀m, ɨmbə̀ʼ mbɨ weerɨ mbe nɨ kwaŋ ɨghɨ. Tɨ mbɨ yeʼ ə bə̂d nɨ chəi mbɨə ghɨ̀ ɨ̀chɔ̀m.

Tayitùs 3:4

Àyɨə ənɨ Ŋwìə̀ we nɨə chɨ̀ əwa rəŋgəʼ nyaʼa chwi ɨ̀chɔ̀m məd ɨ na bə̀ chwi ɨchî nɨ wɨ̀ ghaʼ əwa,

Mə̀Hibrù 10:24

Tɨ̀ kɔndɨ ɨchî nɨ timbɨ əwa mbǎ mbǎ, ɨmbə̀ʼ tɨ̀ ghaʼ a ɨnyod bə̀ sɨə ghɨ̀ ɨnû chɔ̀m.

1 Pità 2:12

Mbə mɨchî əkaʼ bə̂d mbe nɨ kaʼi mɨ̀Jû berɨ bɔ̀ŋ, ɨmbə̀ʼ ka mbɨ bè gha ə ni mbə yɨə bə̂d nɨə ghɨ̀ ɨnû rɨbɔ̀ŋ, mbɨ bɨrɨ zə ɨnû chɔ̀m mbe nɨ mbə̀ə ghɨ̀ əne yiirɨ ə Ŋwiə̀ əni ze nɨ wɨ̀ bɨrɨ wɨrɨ yeʼe.

1 Pità 2:9

À yeʼ ɨmbə̀ʼ əwən, mbə̀ yɨ ɨnəbɨ nɨ Ŋwiə̀ nyaʼa chɔʼɔ. Mbə yɨə bə̂d mbàn Ŋwìə̀ nɨə fàʼ əmbɨ ɨfɔ̀n kyeŋ. Mbə yɨ əbeŋ nɨ zeŋɨ. Mbə yɨə bə̂d Ŋwiə̀ ɨmbə̀ʼ gha ɨnû yiirɨ mbe nɨ wɨ̀ fə ghɨ̌. À yɨə məd nyaʼa tɔŋ əwən rɨŋga ɨsɨ firɨ əne zɨ̀ ɨŋga əsɨ ə zeŋɨ ze nɨ wɨ̀ naʼ əmbɨ ə bə̂d.

1 Pità 3:1

À yɨ əndəŋ əndəŋ ni mbə̀n məyi berɨ zuunɨ mbə mɨnom, ɨmbə̀ʼ à mɨ yeʼ nɨ chəi wɨ mɔʼɔ rəbɔʼ mɨ̀mə̌d kɨrɨ ben ɨŋgam Ŋwiə̀, məyi mɨ̀mə̌d mbe tɨ mbɨ beŋ mɨ̀mə̌d ənɨ tə rɨghɨrɨ-ɨnû, nɨ chəi mbɨ gha ənû ə mɔʼɔ.

1 Pità 3:16

Mbə̀ berɨ fîŋ nɨ zeŋɨ, ɨmbə̀ʼ ɨtu nid bə̂d mbe nɨə ghà ɨnû rɨbɔ̀ŋ ɨmbə̀ʼ mɨchî chɔ̀m mbe nɨ mbə̀ berɨ ɨchî nɨ mbə̀ yeʼ bə̂d Kristo,

1 Pità 4:11

Wə̀d mɔʼɔ mɨ yeʼə ghà ɨŋgam Ŋwiə̀, wɨ̀ gha àmei ənû ze nɨ Ŋwìə̀ gha ɨ bɔ. Wɨ̀ mɔʼɔ mɨ yeʼə fàʼə̀, wɨ̀ faʼ àmei ənɨ ɨka we nɨ Ŋwìə̀ naʼ ɨ bɔ, ɨmbə̀ʼ ənɨ ɨnû jìm, bə̂d mbe tɨ̀ mbɨ yiirɨ ə Ŋwiə̀ ənjìm ə Yeso Kristo. Ɨwumnɨ jìm mbɨ ɨka jìm yɨ wɨ məd koŋ koŋ. À yɨ əne.

1 Pità 4:14

Bə̂d mɨ yeʼə zɔ̀m əwən ɨmbə̀ʼ ɨchî nɨ mbə̀ ben ə Kristo, Ŋwìə̀ bɨrɨ zɨ əbɔrəbɔd ɨgwɨ nən. Əne yɨ ni Əzwî ə Zeŋɨ ze nɨ yeʼ Əzwî ə Ŋwiə̀ ə fə sɨ i ɨgwɨ nən.