Matìyò 5:12 - Meta’

¹² Mbə̀ ghaʼrɨ bə̀ gyendɨ əwən, ɨmbə̀ʼ ɨghəm nɨ Ŋwìə̀ bɨrɨ naʼ ɨneʼe kyeŋ ɨ nən ɨkaŋ. À yɨə bə̀ ɨchî nɨ bə̂d nyaʼə nwèndɨ̀ rɨkyerɨ-ɨwu bə̂d ɨ̀kə̀n Ŋwiə̀ mbe nɨ nyaʼa ɨmbì ɨ nən.

Ikan feg

¹² Mbə̀ taŋ gyèndi imbə̀ʼ icheg ne Ŋwiye biri nàʼ ineʼi kyen inən ikaŋ àbɔ̀ŋɔ. À ya bə̀ icheg ne bəd ya bə chɔʼ ibɔʼì ighog abə bədkə̀n Ŋwiye mbe ne ya bi yaʼ bɔŋ awən.”

Matìyò 5:12 ပူးပေါင်းရင်းမြစ်များ

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Matìyò 6:16

“Ənɨ mbə̀ chub rɨ jɨg, tɨ mbə̀ ghɨ ə ɨghabɨ ə bə̂d nɨə kə̀nə̀, ɨchî nɨ ɨbekɨ bə̂d ə ghɨ̀ə̀. Ɨ mbɨə ŋgɨ̀ndɨ̀ tə rɨfě ɨmbə̀ʼ bə̂d zə ni ɨ mbɨə chubə rɨ jɨg. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Lk 13:34

“Wəi! Jèrusalèm, Jèrusalèm! À wɨə zwiirɨə bə̂d ɨ̀kə̀n Ŋwiə̀ bə̀ tumbɨə mbe nɨ Ŋwìə̀ tom əsɨ nən ənɨ əti! À kɨ ɨghəm səʼə nɨ mə̀ fə kweʼ kə̀b ni njɨ mə fetɨ mbe bɔn ɨchî nɨ ɨŋgɔŋgub ə fetɨ mbi bɔn əton ti rɨbabɨ̀, àyɨə chəi à ben nɨ mə̀ ghɨ əne!

Lk 6:23

Mbə̀ ghaʼ əwən əni ze nɨ ənû ze ə bɨrɨ ghɨ̀. Ɨghaʼi we ghɨ ni mbə̀ sɨə tòmbə̀, ɨmbə̀ʼ ɨghəm nɨ ɨchɔʼ ə̀fàʼì kyeŋ wɨ ɨ nən ɨkaŋ. À yɨə bə̀ ɨchî nɨ mɨ̀mbǎʼ mɨ̀mə̌d rəŋwe nyaʼa ghɨ̌ ənɨ ə bə̂d ɨ̀kə̀n Ŋwiə̀.

Lk 6:35

Àyɨə mbə ghaʼ mbə bə̂d pə̀n bə̀ ghɨ̀ ɨ̀chɔ̀m ənɨ mɨ̀mə̌d. Mbə̀ bə chɔʼ ɨkab nàʼ əmbɨ bə̂d mbe nɨ chəi mbɨə wòmə̀ ni mbɨ bɨrɨ wi ɨ nən. Mbə mɨ ghɨ̀ əne, mbə bɨrɨ berɨ ɨchɔʼ ə̀fàʼì kyeŋ bə̀ yeʼ bɔn Ə̀chè-ɨsɨg, ɨmbə̀ʼ ɨghəm nɨ məd wɨə ghɨ̀ ɨ̀chɔ̀m ənɨ ə bə̂d mbe nɨ chəi mbɨə nàʼ məben-əwe ɨ bɔ. Ɨ wɨə bə̀ ghɨ̀ ɨ̀chɔ̀m ənɨ mbe nɨə ghɨ̀ ɨzɨg.

Ɨ̀fàʼì 16:25

À nyaʼa sɨ ɨghabɨ ɨzimɨ ka, Pɔ̂l mbɨ Sailàs mbɨə nyaʼə kɔ̀ŋgɨ̀ ə Ŋwiə̀, bə̀ kwerɨ mɨkyî yiirɨ ə Ŋwiə̀. Bə̂d ndəŋ mbe nɨ nyaʼa əŋgu mbɨə nyaʼə zwetɨə.

Ɨ̀fàʼì 5:41

Bə̂d tom mbe nyaʼa sàŋ mə̀saʼ əbeŋ mbe yènə̀ ghaʼə ni Ŋwìə̀ fə zə əwən ni mbə kuʼ nɨ zə ŋgəʼ bə̀ berɨ tɨ̀nìd ətu ɨmbə̀ʼ ə Yeso.

Rm 5:3

Ka àmei əne, tɨ̀ bɨrɨ bɨ goŋ ɨgɔ̂ ɨmbə̀ʼ ɨchî nɨ tɨə zəə ŋgəʼ, ɨmbə̀ʼ ɨghəm nɨ tɨ̀ kyerɨ ni ɨzə-ŋgəʼ wɨə ghɨ̀ ni bə̂d nyiʼ fîŋ,

1 Kɔrèn 3:8

Wə̀d we nɨ konɨ mbɨ we nɨ chubɨ mbɨə ghɨ̀ àmei ənû ə mɔʼ, àyɨə Ŋwìə̀ bɨrɨ chwɨ wə̀d mɔʼ mɔʼ rəbɔʼ mɨ̀mə̌d ɨchî nɨ wɨ̀ fàʼi.

2 Kɔrèn 4:17

Ka ŋgəʼ kwa kwa zɔ̂ nɨ tɨə zəə bɨrɨ tandɨ i. Ɨ zɨə tekɨ əwa ni mbɨ naʼ ɨwumnɨ we nɨ ten i koŋ ɨ na. Ɨwumnɨ we ə chè ŋgəʼ zɔ̂ jìm.

Fìlipì 1:29

Ŋwìə̀ fə nàʼ əpan ɨ nən ni mbə̀ faʼ əmbɨ Kristo, kaʼ àmei nɨ ben əməd, à yɨ bə̀ nɨ zə ŋgəʼ ɨmbə̀ʼ əməd.

Fìlipì 2:17

Kɨ̀ mə be kwɨ, mɨ ənəm ə bɨrɨ yeʼ ɨghabɨ ɨchəmnɨ nɨ mbɨ zɨ ɨgun ɨghɨ ə̀fà. Ɨghɨ ə̀fà mbe yɨ ɨbenɨ we nɨ mbə̀ nuŋ ɨgun ə Ŋwiə̀. Əne mɨ ɨnyod wɨə bɔ̀ŋə̀, mə bə̀ ghaʼrɨ ɨchî nɨ mbə̀n ə bə̀ ghaʼrɨə.

Kòlosè 1:24

Mə wɨə ghaʼə rɨ̀nîn ɨchî nɨ mɨə zəə ŋgəʼ ɨmbə̀ʼ əwən, ɨmbə̀ʼ ɨghəm nɨ mə wɨə màànɨ̀ ɨchî nɨ Kristo nyaʼa zə ŋgəʼ ɨmbə̀ʼ i nyamnyod. Nyamnyod ze yɨ ɨfetɨ bə̂d məd.

Kòlosè 3:24

Mbə mɨ yeʼə fàʼə̀, mbə̀ kyerɨ ni Ə̀nùŋɨ̀sɨg bɨrɨ chɔʼ ə ə̀fàʼì ənɨ ɨghɨ mbe nɨ wɨ nuŋ ɨ nən ɨkaŋ. Mbə mbɨə fàʼə̀ yeʼ əmbɨ Ə̀nùŋɨ̀sɨg Kristo.

1 Tèsàlonikà 2:15

Mbɨ mɔʼɔ nyaʼa zwiirɨ ə Yeso, mbɨ mɔʼɔ nyaʼa zwiirɨ bə̂d ɨ̀kə̀n Ŋwiə̀, mbɨ mɔʼɔ nyaʼa fid əwa tɨ ɨŋga ɨbeŋ mɨ̀mə̌d. Ɨ mbɨə nyaʼə ghɨ̀ ɨnû nɨ chəi fîŋ Ŋwìə̀ nyaʼa bɔŋ əbɔʼ mɨ̀mə̌d. Mbɨ yɨə bə̂d pə̀n əmbɨ wə̀d jìm,

Mə̀Hibrù 10:34

Mbə mbɨə nyaʼə dììrɨ̀ə̀ bə̂d mbe nɨ nyaʼa ə nəb ndəŋ. Ənɨ mbɨ nyaʼa fe mbə ɨghɨ, mbə̀ nyaʼa ben ənɨ ɨghaʼi. Mbə mbɨə nyaʼa ghɨ̀ əne ɨmbə̀ʼ ɨghəm nɨ mbə̀ nyaʼa kyerɨ ni mbə berɨ ɨghɨ nɨ bɔŋ chè mbe, nɨ yeʼ ɨghɨ nɨ bɨrɨ ten i koŋ.

Mə̀Hibrù 11:26

Wɨ̀ nyaʼa zə ni ənû nɨ zə ŋgəʼ ɨmbə̀ʼ Wə̀d we nɨ Ŋwìə̀ zɔʼɔ ə bɔ̀ŋ chè mbɔ̂n ze rɨ ə Ijìpt, ɨmbə̀ʼ ɨghəm nɨ ɨ wɨə nyaʼə nèŋ ɨmbì ɨmbə̀ʼ ɨchɔʼ ə̀fàʼì we nɨ wɨ̀ bɨrɨ berɨ.

Mə̀Hibrù 11:33

mbe nɨ ɨbenɨ mɨ̀mə̌d nyaʼa ghɨ mbɨ mɔʼɔ màʼ bid mbɨ ɨbeŋ mɨfɔ̀n cherə chè, mbɨ mɔʼɔ saʼ bə̂d ɨchɨ nɨ kuʼnɨ, mbɨ mɔʼɔ berɨ ɨnû mbe nɨ Ŋwìə̀ nyaʼa kaʼ əmbɨ mɨ̀mə̌d, mbɨ mɔʼɔ kubrɨ mɨchû mɨ̀ŋgwàbaʼ,

Mə̀Hibrù 11:6

Ɨbenɨ mɨ bù i, chəi ənɨ tɨ̀ bə̂d ghɨ̀ fîŋ Ŋwìə̀ bɔ̀ŋ, ɨmbə̀ʼ ɨghəm nɨ wə̀d we nɨə kəb tindɨ ɨban ə Ŋwiə̀ berɨ ben ni Ŋwìə̀ wɨ əŋgu bə̀ ben ni wɨ̀ bɨrɨ chɔʼ ə̀fàʼì bə̂d mbe nɨə kə̀b əməd ənɨ tə fîŋ rɨ̀jìm.

Jems 1:2

Mbɨ bɔŋgɔb, mbə̀ ghaʼrɨ əwən ənɨ mɨ̀nyùmə̀ jìm mbe nɨ tɨkwɨrɨ ɨ̀kwàʼnɨ̀ nɔnɔʼ nyɨ ɨgwɨ nən.

Jems 5:10

Mbɨ bɔŋgɔb, mbə̀ kɔndɨ bə̂d ɨ̀kə̀n mbe nɨ nyaʼə ghà ɨnû ənɨ ɨkum Ə̀nùŋɨ̀sɨg. Mbə̀ nɨŋ ənweenɨ rɨ əmbɨ mɨ̀mə̌d nɨ yim fîŋ əton ə ŋgəʼ.

1 Pità 4:13

Àyɨə mbə̀ ghaʼ ɨchî nɨ mbə̀ə zəə ŋgəʼ ɨchî nɨ Kristo nyaʼa bə zə. Ɨghaʼi bɨrɨ swi ɨŋga tə fîŋ ənɨ wɨ̀ wɨrɨ yeʼe ɨŋga ɨzeŋɨ zeŋɨ məd.