Matìyò 5:10 - Meta’

¹⁰ Ŋwìə̀ zɨ əbɔrəbɔd ɨgun ə bə̂d mbe nɨ bə̂d ə nwèndɨ̀ tɨkyerɨ-ɨwu mɨ̀mə̌d ɨmbə̀ʼ ɨghəm nɨ mbɨə ghɨ̀ ɨnû nɨ kuʼnɨ, ɨmbə̀ʼ ɨghəm nɨ mbɨ bɨrɨ jɨg ənû ɨfɔ̀n rɨkaŋ.

Ikan feg

¹⁰ Ŋwiye zì àbɔrɔ̀bɔd igun bəd mbe ne bəd mbe chɔ̀ʼɔ ìmbɔb ibɔʼì ighog anjìm icheg ne mbɔb mbe ghìyə̀ inug ne təmi kòʼ, imbə̀ʼ icheg ne mbɔb biri jəg anug ìfɔ̀n ikaŋ.

Matìyò 5:10 ပူးပေါင်းရင်းမြစ်များ

Matìyò 10:23

Ənɨ mbɨ nwendɨ tə rɨkyerɨ-ɨwu ɨŋga əsɨ ə mɔʼ, mbə̀ norə wò ɨŋga əsɨ ə cherə. Mə ghà rəsìʼ ɨ nən ni, Wan Wə̀d bɨrɨ wɨrɨ yeʼe bɔŋ mbə̀ sɨə kad ɨsɨ jìm ɨŋga Izre.

Matìyò 19:14

Àyɨə Yeso nyaʼa ghà ni, “Mbə̀ saŋ bɔn kwa mbe yeʼe əsɨ num. Tɨ mbə̀ kən ə mɨ̀mə̌d, ɨmbə̀ʼ ɨghəm nɨ à yɨə bə̂d ɨghabɨ mbɔ̂ bɨrɨ jɨg ənû ɨfɔ̀n rɨkaŋ.”

Matìyò 25:34

Əne ɨfɔ̂n we bɨrɨ gha əmbɨ ə bə̂d mbe nɨ yeʼ əbɔ ə jɨgɨ ni, 'Mbə̀ yeʼe, kyɨə mbə̀n mbe nɨ mɨ Mbǎʼ fə zɨ əbɔrəbɔd ɨgwɨ nən. Mbə̀ yeʼe jɨg ənû ɨfɔ̀n ze nɨ mɨ Mbǎʼ nyaʼa fə tekɨ nùŋ ɨ nən tɨ ənɨ wɨ̀ nyaʼa tekɨ ɨsɨg.

Matìyò 5:3

“Ŋwìə̀ zɨ əbɔrəbɔd ɨgun ə bə̂d mbe nɨ saŋ mbə ɨnû jìm ɨŋga tɨkyerɨ-ɨbɔ məd, ɨmbə̀ʼ ɨghəm nɨ mbɨ bɨrɨ jɨg ənû ɨfɔ̀n rɨkaŋ.

Mk 10:14

Àyɨə ənɨ Yeso nyaʼa zə ənû ze, wɨ̀ nyaʼa sə ɨtəm, əne ghà əmbɨ mbi mə̀mə̀ə̀nɨ̀-ɨnû ni, “Mbə̀ saŋ bɔn kwa mbe yeʼe əsɨ num. Tɨ mbə̀ kən ə mɨ̀mə̌d, ɨmbə̀ʼ ɨghəm nɨ à yɨə bə̂d ɨghabɨ mbɔ̂ bɨrɨ jɨg ənû ɨfɔ̀n ə Ŋwiə̀.

Mk 10:30

nɨ chəi wɨ̀ bɨrɨ wɨrɨ nɨŋ ɨghɨ mbɔ̂ tɨ̀nîn ənɨ ə nyùmə̀ wɔ̂ ɨghəm ɨkɨ fibɨ̀. Wɨ̀ bɨrɨ nɨŋ nəb, nɨŋ bɔŋgɔb mbɨ ə njàbɨ, nɨŋ mɨ̀nɨ̌ŋ, nɨŋ bɔn bə̀ nɨŋ ɨsɨ si, mbɨ bə̀ nwèndɨ̀ tɨkyerɨ-ɨwu ɨməd. Wɨ̀ bɨrɨ jɨg ɨ̀tènɨ̀ rɨ mì ənɨ ə nyùmə̀ we nɨə yeʼe.

Lk 21:12

Àyɨə bɔŋ ɨnû mbɔ̂ jìm sɨə ghɨ̀ə̀, mbɨ bɨrɨ gywɨ əwən, nwèndɨ̀ tə rɨkyerɨ-ɨwu, nàʼ əwən ni mbɨ saʼ ɨŋga nəb rɨ ə̀kàtɨ̀, zɨ̀ əwən ə ndəŋ bə̀ nɨŋ əwən wò ɨfě mɨfɔ̂n mbɨ ɨfě mɨ̀gɔmnà ɨmbə̀ʼ əmɨ.

Lk 22:29

Ɨchî nɨ mɨ mbǎʼ fə naʼ ənû ɨfɔ̀n ɨ num, mə bɨrɨ bɨ naʼ ɨ nən,

Lk 6:20

Yeso nyaʼa nɔ̀ɔ̀rɨ̀ əghə nèŋ mbi mə̀mə̀ə̀nɨ̀-ɨnû ghà ni, “Ŋwìə̀ zɨ əbɔrəbɔd ɨgwɨ nən, mbə̀n bə̂d ɨkwaŋ, ɨmbə̀ʼ ɨghəm nɨ à yɨə mbə̀nə bɨrɨ jɨg ənû ɨfɔ̀n ə Ŋwiə̀.

Lk 6:22

“Ŋwìə̀ zɨ əbɔrəbɔd ɨgwɨ nən, əwù ze nɨ bə̂d ə bàn əwən, chɨ̀ə̀ əwən rəkaʼ mɨ̀mə̌d, zɔ̀m əwən, bə̀ ghàə̀ ni mbə̀ yɨə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mbə̀ ben Wan Wə̀d!

Jn 15:20

Mbə̀ kɔndɨ ɨŋgam we nɨ mə̀ nyaʼa gha ɨ nən ni, 'Chəi wə̀d ə̀fàʼì dabə chè i mbǎʼ ə̀fàʼì.' À mɨ yeʼ nɨ mbɨ nyaʼa nwendɨ tum rɨkyerɨ-ɨwu, njɨ mbɨ bɨrɨ bɨ nwendɨ tən. À mɨ yeʼ nɨ mbɨ nyaʼa zu mɨ ɨŋgam, njɨ mbɨ bɨrɨ bɨ zu wən.

Ɨ̀fàʼì 5:40

Mə̀saʼ əbeŋ mbe nyaʼa zu ɨkə Gàmalièl. Ənɨ mbɨ nyaʼa wɨrɨ tɔŋ bə̂d tom mbe, mbɨ nyaʼa te mɨ̀mə̌d ənɨ ə ŋgwad, patɨ mɨ̀mə̌d ghà ni tɨ mbɨ tɔ gha ə ənû ə mɔʼɔ ənɨ ɨkum Yeso. Mbɨ nyaʼa ghɨ̀ əne sàŋ mɨ̀mə̌d mbɨ wò əwən.

Ɨ̀fàʼì 8:1

Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.

2 Kɔrèn 4:17

Ka ŋgəʼ kwa kwa zɔ̂ nɨ tɨə zəə bɨrɨ tandɨ i. Ɨ zɨə tekɨ əwa ni mbɨ naʼ ɨwumnɨ we nɨ ten i koŋ ɨ na. Ɨwumnɨ we ə chè ŋgəʼ zɔ̂ jìm.

Fìlipì 1:28

Tɨ mbə̀ bɔ ə mbə bə̂d pə̀n. Əzɔ̂ ə bɨrɨ chwi əmbɨ mɨ̀mə̌d ni mbɨ bɨrɨ nim, àyɨə mbə bɨrɨ jwɨ rəŋgəʼ. Ŋwìə̀ fə ghà ni zɨə bɨrɨ yeʼ əne.

2 Timotì 2:12

Tɨ̀ mɨ nyiʼ, tɨ̀ bɨrɨ bɨ tumbɨ ɨsɨg mbɨ məd. Tɨ̀ mɨ ton əməd, wɨ̀ bɨrɨ bɨ ton əwa.

2 Timotì 3:11

À fə kyerɨ e ɨchî nɨ mbɨ nyaʼə nwèndɨ̀ tum rɨkyerɨ-ɨwu bə̀ kyerɨ ɨchî nɨ mə̀ nyaʼə zəə ŋgəʼ. À fə kyerɨ e ənû ze nɨ nyaʼa ghɨ ənɨ ə num ə Antiɔ̀k, ə Ikoniùm fɔrɨ ə Listrà, ɨchî nɨ mə nyaʼa nyiʼ ənɨ mbɨ nyaʼə nwèndɨ̀ tum rɨkyerɨ-ɨwu kwàʼ rɨkǎ. À yɨ Ə̀nùŋɨ̀sɨg nyaʼa chɨ əmɨ rɨŋga ŋgəʼ tɔ̂ rɨ̀jìm.

Jems 1:12

Ŋwìə̀ zɨ əbɔrəbɔd ɨgun ə wə̀d we nɨə nyìʼ ənɨ ə̀kwàʼnɨ̀ ə nyɨ ɨgwɨ məd, ɨmbə̀ʼ ɨghəm nɨ ənɨ wɨ̀ chè ə̀kwàʼnɨ̀ ze, wɨ̀ bɨrɨ nɨŋ ɨneʼe. Ɨneʼe we yɨ ɨ̀tènɨ̀ rɨ mì we nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Jems 5:11

Mbə̀ zə, Ŋwìə̀ nyaʼa zɨ̀ əbɔrəbɔd ɨgwɨ mɨ̀mə̌d ɨmbə̀ʼ ɨghəm nɨ mbɨ nyaʼa nyiʼi. Mbə fə zu ɨchî nɨ Job nyaʼa nyiʼi bə̀ zə ɨchî nɨ Ŋwìə̀ nyaʼa ghɨ ɨ̀chɔ̀m ənɨ məd ənɨ ɨnwǐ. Ŋwìə̀ wɨə kɔə mɨsin bə̀ dììrɨ̀ə̀ bə̂d.

1 Jɔn 3:12

Tɨ rɨ̀ yeʼ a ɨghabɨ ə Kaìn nɨ nyaʼə wan wə̀d rɨ̀bɔ̀ŋ. Wɨ̀ nyaʼa zwiirɨ wi aŋgɔb Abèl. Wɨ̀ nyaʼa zwiirɨ əməd ɨmbə̀ʼ ə yè ə? Wɨ̀ nyaʼa zwiirɨ əməd ɨmbə̀ʼ ɨghəm nɨ tɨ̀gurɨ-ɨnû məd nyaʼa bə, àyɨə mbɨ aŋgɔb məd nyaʼa bɔ̀ŋ.

Ɨnû 2:10

Tɨrə̀ bɔ e ənû ze nɨ à bɨrɨ zə ŋgəʼ ɨmbə̀ʼ əzɨ əwən. Zə, Debɨ̀rə̀ bɨrɨ zɨ mbən mɨmɔʼɔ ə ndəŋ, ɨmbə̀ʼ zweʼrɨ əwən. Mbɨ bɨrɨ nwendɨ tə rɨkyerɨ-ɨwu ɨni wum. Mbə̀ nuŋ fîŋ ɨgun ə Kristo wò pè ənɨ mbɨ zwiirɨ əwən. Mə bɨrɨ neʼ əwən mbɨ ɨ̀tènɨ̀.