Matìyò 4:24 - Meta’

²⁴ Ɨchî nɨ wɨ̀ nyaʼə ghɨ̀ əne, mɨkâ məd nyaʼa jàŋ ɨŋga Sirià jìm. Əze ə nyaʼa ghɨ̀ ni bə̂d mbe rəŋgu nɨŋ bə̂d mbe nɨ nyaʼə wɔ̀nə̀ tɨkwɨrɨ əwɔn jìm wò əsɨ məd. Wɨ̀ nyaʼa vɨ̀ bə̂d əwɔn mbe mɨjìm. Bə̂d əwɔn mbɔ̂ yɨ mbe nɨ ɨsɨ ɨnyod nyaʼə seə, mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, mbe nɨ ə̀fìrɨ̀ ə nyaʼə gywɨ̀ə̀ fɔrɨ mbe nɨ nyaʼa buʼrə.

Ikan feg

²⁴ Icheg ne wì yaya ghìyə̀ ane, bəd ya ghà inug imbə̀ʼ aməd ghò mà isiŋi ijìm inga Sirìyà. Bəd ya niŋ bəd ighɔn ne ghɔ̰̀ tiku ighɔn nɔʼ nɔʼ ghò ibo. Aku bəd ne wì ya ghu ya; bəd ne isiŋi nyɔd mbe taŋ se, tì bəd ne izwighi tibɔ̀ŋ yaʼi inga inɔb, tì bəd ne izwighi tibɔ̀ŋ yaya chə awɔb, tì bəd aghɔn tìsùʼ fɔrɔ bəd ne ya buʼrə.

Matìyò 4:24 ပူးပေါင်းရင်းမြစ်များ

Matìyò 12:22

Bə̂d mɔʼɔ nyaʼa nɨŋ mbaŋə̀ nɨ əzwî rɨbɔ̀ŋ ə nyaʼa ɨŋga məd wò əsɨ Yeso mbɨ məd. Mbaŋə̀ ze yɨə nyaʼa ɨfɨgɨ bə̀ fɔrɨ tɨ̀ghàm. Mbɨ nyaʼa wò əne, Yeso vɨ̀ əməd, wɨ̀ wɨrɨ kɔ ghamɨ bə̀ kɔ zə ɨsɨ.

Matìyò 14:1

À nyaʼa ənɨ ə nyùmə̀ we, Herɔ̀d we nɨ nyaʼə tùmbɨ̀ ə Galiliî nyaʼa zu mɨkâ Yeso.

Matìyò 15:22

Əyi mɔʼɔ nɨ nyaʼa rɨ ə Kanàan, nɨ nyaʼə chub əbà əbeŋ ze nyaʼa wò əsɨ məd pè kyeŋ rɨkǎ ghà ni, “Masà! Wan Dèvîd! Diirɨ əmɨ! Əzwî rɨbɔ̀ŋ ə fə nyɨ ɨŋga mɨ wan əyi. Ə zɨə kàŋə̀ chə əməd kwàʼ rɨŋgəʼ.”

Matìyò 17:15

“Masà, diirɨ mɨ wan. Ɨ wɨə gù ə̀fìrɨ̀. Ɨ wɨə bə̀ kàŋə̀ zəə ŋgəʼ əku. Ɨ wɨə sàʼə̀ gù ɨjə̀ŋ, bə̀ sàʼə̀ gù ɨŋga mɨnib.

Matìyò 17:18

Ənɨ mbɨ nyaʼa nɨŋ wò nàʼ ɨ bɔ, wɨ̀ nyaʼa ghàm əbɔʼ əzwî rɨbɔ̀ŋ ze, zɨə jwɨ̀ rɨŋga wan we. Əne wan we nyaʼa bɔtɨ i àmei əwu əwən.

Matìyò 4:23

Yeso nyaʼa ghanə yènə̀ ɨŋga Galiliî jìm. Wɨ̀ nyaʼə yènə̀ chwi ɨnû ɨŋga nəb tɨ ə̀kàtɨ̀ te rɨŋga ɨsɨ mbe, bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ. Wɨ̀ nyaʼə bə̀ yènə̀ vɨ̀ə̀ tɨkwɨrɨ əwɔn jìm bə̀ vɨ̀ə̀ tɨkwɨrɨ ɨnɔʼɔ jìm.

Matìyò 8:28

Ənɨ Yeso nyaʼa pe ɨnjin ə sà ze, əne yɨ ɨŋga əbà əbeŋ ze rɨ ə Gàdarà, mbaŋə̀ rɨ̀be nɨ ɨzwî rɨbɔ̀ŋ nyaʼa ɨŋga mɨ̀mə̌d, nyaʼa jwɨ̀ rɨŋga mɨ̀sì nɨ mbɨ chəb ɨŋga ɨwɔ̌, wò kɔɔrɨ əməd. Mbɨ nyaʼa tɔə kwàʼ rɨŋgəʼ. Əze ə nyaʼa ghɨ̀ ni tɨ bə̂d yen ə ɨnə̂njɨ̀ we.

Matìyò 8:33

Bə̂d mbe nɨ nyaʼə nə̀ŋgɨ mɨ̀kuŋə mbe nyaʼa nòrə̀ wò ɨŋga əsɨ ze, pè ghà ɨnû jìm bə̀ ghà ənû ze nɨ nyaʼa ghɨ ənɨ ə bə̂d mbe nɨ ɨzwî rɨbɔ̀ŋ mbe nyaʼa ɨŋga mɨ̀mə̌d.

Matìyò 8:6

ghà ni, “Masà, mɨ wə̀d ə̀fàʼì wɨə wɔ̀n ɨgun əbàʼ ɨŋga nəb. Wɨ̀ fə buʼrə. Ɨ wɨə kàŋə̀ zəə ŋgəʼ.”

Matìyò 9:26

Ɨkə̂n ɨmbə̀ʼ ənû ze nyaʼa jàŋ ɨŋga əbà əbeŋ ze ə jìm.

Matìyò 9:35

Yeso nyaʼa ghanə yèn ɨŋga ɨsɨ kyeŋ jìm bə̀ fɔrɨ ɨŋga ɨsɨ kwa jìm. Wɨ̀ nyaʼə yènə̀ chwiə ɨnû ɨŋga nəb tɨ ə̀kàtɨ̀ te nɨ nyaʼa ɨŋga ɨsɨ mbe. Wɨ̀ nyaʼə bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ, bə̀ yènə̀ vɨ̀ ɨwɔn jìm bə̀ yènə̀ vɨ̀ ɨnɔʼɔ jìm.

Mk 1:28

Àmei əwu əwən, mɨkâ məd nyaʼa kɔ jaŋ ɨŋga ɨsɨ jìm mbe nɨ nyaʼa kad ə Galiliî.

Mk 1:32

À nyaʼa ɨkwirɨ ɨkwirɨ we, ənɨ ə nyùmə̀ nyaʼə sɨə wo nyɨ ɨkòb, mbɨ nyaʼa nɨŋ bə̂d əwɔn mɨjìm bə̀ nɨŋ mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, wò əsɨ Yeso.

Mk 2:3

Mbaŋə̀ rɨkwè nyaʼa bèʼ mbaŋə̀ mɔʼɔ nɨ nyaʼa buʼrə wò əsɨ məd mbɨ wɨwən.

Mk 2:4

Ənɨ chəi ənɨ tɨ̀ mbaŋə̀ te nyaʼa tindɨ ɨban məd ɨmbə̀ʼ ɨnɔ̂n bə̂d we, mbɨ nyaʼa tòʼ ɨdom nəb ɨgwɨ əsɨ ze nɨ wɨ̀ nyaʼə əŋgu. Ənɨ mbɨ nyaʼa toʼ ɨbɨgɨ, mbɨ nyaʼa swi mbaŋə̀ ze nɨ nyaʼa buʼrə ɨgun ə matə̀ we nɨ mbɨ kəʼ bèʼ əməd ɨgun.

Mk 2:9

À kɨ ənû zi ə zam ə? À kɨ ɨ ghà əmbɨ ə mbaŋə̀ zɔ̂ nɨ buʼrə ni, 'Mə fə waʼ mbe ɨnû rɨbɔ̀ŋ,' kɨ ɨ ghà ni, 'Nɔʼ rətiə, nɨŋ e matə̀ yèn ə?'

Lk 2:2

Wɔ̂ yɨ ɨghəm rɨtu nɨ mbɨ nyaʼa taŋ bə̂d. À yɨə Kwìriniùs nyaʼə gɔmnà we nɨ nyaʼə tùmbɨ̀ ə Sirià ənɨ ə nyùmə̀ we.

Lk 4:14

Yeso nyaʼa bə̀ndɨ̀ wò ə Galiliî. Əzwî ə Ŋwiə̀ ə nyaʼa fə nàʼ ɨka ɨ bɔ ɨ swi. Ɨnû ɨmbə̀ʼ əməd nyaʼa jàŋ ɨŋga əba əbeŋ ze əjìm.

Lk 4:38

Yeso nyaʼa nɔ̀ʼ sàŋ nəb ə̀kàtɨ̀ ze, wò nyɨ ɨŋga nəb Saimòn we nɨ nyaʼə ə̀mə̀ə̀nɨ̀-ɨnû məd. Nyɔ̂ Saimòn wɨə nyaʼə wɔ̀nə̀ mbɨ ɨfə ka ka, əne mbɨ nyaʼa buʼ ɨbɔ əmbɨ Yeso ni wɨ̀ vɨ əməd.

Lk 5:15

Àyɨə ɨnû ɨmbə̀ʼ ə Yeso nyaʼa yi jeŋgɨ jàŋ. Mɨnɔ̂n bə̂d nɨ nyaʼa kwàʼ wɨ kyeŋ nyaʼa wò ɨmbə̀ʼ zu ɨnû mbe nɨ wɨ̀ nyaʼə ghàə̀. Wɨ̀ nyaʼa bə̀ wò ɨmbə̀ʼ wɨ̀ vɨ ɨnɔʼɔ mɨ̀mə̌d.

Lk 5:24

Àyɨə mə bɨrɨ ghɨ mbə̀ kyerɨ ni Wan Wə̀d ə berɨ ɨka ɨgwɨ ə si nɨ waʼ ɨnû rɨbɔ̀ŋ.” Ənɨ wɨ̀ nyaʼa ghà əne, wɨ̀ nyaʼa ghà əmbɨ ə mbaŋə̀ ze nɨ nyaʼa buʼrə ni, “Nɔʼ rətiə, bèʼ e ɨkon, wò əwe ɨnuʼ.”

Lk 7:17

Ɨkə̂n wɔ̂ ɨmbə̀ʼ ə Yeso nyaʼa jàŋ ɨŋga əba əbeŋ ze rɨ ə Jùdeyà jìm bə̀ jàŋ ɨŋga ɨbeŋ jìm mbe nɨ nyaʼa ɨban ɨban.

Jn 10:21

Mbɨ mɔʼɔ nyaʼa ghà ni, “Ka ɨŋgam wɔ̂ yɨ i wɨ wə̀d nɨ əzwî rɨbɔ̀ŋ ə yeʼ ɨŋga məd. Tɨ əzwî rɨbɔ̀ŋ ə fìʼ əghə ə wə̀d nɨ fɨg ə?”

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Ɨ̀fàʼì 15:23

Mbɨ nyaʼa tom mɨ̀mə̌d mbɨ ə̀ŋwàʼnɨ̀ nɨ nyaʼa gha ni: “À yɨə mbà mbə bɔŋgɔb bə̂d tom Kristo mbɨ ə bə̂d mbe nɨə chà ɨfetɨ we rɨ ə Jèrusalèm ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən, mbə̀n mba bɔŋgɔb mbe nɨ kaʼi mɨ̀Jû nɨ yeʼ ə Antiɔ̀k, ə Sirià bə̀ fɔrɨ ə Selisià. Tɨ̀ wɨə chàʼrɨ̀ əwən.

Ɨ̀fàʼì 15:41

Pɔ̂l nyaʼa wò chè ə Sirià fɔrɨ Selisià, yènə̀ tìmbɨ̀ ə bə̂d Kristo rɨŋga tɨfetɨ te nɨ nyaʼa ɨsɨ mbe.

Ɨ̀fàʼì 28:9

Ənɨ wɨ̀ nyaʼa ghɨ əne, ə̀bùʼ ə bə̂d əwɔn mbe rɨŋga əkəm əsɨ ze nyaʼa wò əsɨ Pɔ̂l, wɨ̀ vɨ̀ mɨ̀mə̌d.

Ɨ̀fàʼì 8:7

Ɨzwî rɨbɔ̀ŋ nyaʼa jwɨ̀ rɨŋga bə̂d mɨ̀nɔnɔʼ. Mbɨ nyaʼə jwɨ̀ə̀ kyeŋə rɨ̀kǎ. Ɨbuʼrɨ bə̂d nɔnɔʼ mbɨ ə bə̂d nɨ nyaʼa tèʼ ɨwu nyaʼa bɔtɨ.