Matìyò 4:23 - Meta’

²³ Yeso nyaʼa ghanə yènə̀ ɨŋga Galiliî jìm. Wɨ̀ nyaʼə yènə̀ chwi ɨnû ɨŋga nəb tɨ ə̀kàtɨ̀ te rɨŋga ɨsɨ mbe, bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ. Wɨ̀ nyaʼə bə̀ yènə̀ vɨ̀ə̀ tɨkwɨrɨ əwɔn jìm bə̀ vɨ̀ə̀ tɨkwɨrɨ ɨnɔʼɔ jìm.

Ikan feg

²³ Yeso yaya yḛ̀ mà isiŋi ijìm inga Galìli. Wì yaya nè chwìte inug inga ìmbɔb məchamì Ŋwiye bə̀ nè chètè ikən chɔm imbə̀ʼ anug ìfɔ̀n ikaŋ. Wì yaya ghùyə̀ aku aghɔn ajìm ne yaʼi igun bəd.

Matìyò 4:23 ပူးပေါင်းရင်းမြစ်များ

Matìyò 11:5

Mɨfɨgɨ̀ mbɨə sɨə zə ɨsɨ, bə̂d nɨə tèʼ ɨwu mbɨə sɨə yèn ɨchî chɔ̀m, əpabɨ ə mì i rɨ ənɨ bə̂d mbe nɨ nyaʼə wɔ̀n əpabɨ, mbɨ̀rɨko mbɨə sɨə zu ɨnû, ɨvɨ bə̂d zwemə, ɨ mbɨə bə̀ ghà ɨkə̂n chɔ̀m əmbɨ bə̂d ɨkwaŋ.

Matìyò 12:9

Yeso nyaʼa nɔ̀ʼ rɨ əsɨ ze, wò nyɨ ɨŋga nəb ə̀kàtɨ̀ ze nɨ nyaʼa əsɨ ze.

Matìyò 13:19

Bə̂d mbe nɨ zu ɨnû ɨmbə̀ʼ ənû ɨfɔ̀n rɨkaŋ, àyɨə chəi ɨtu mɨ̀mə̌d zeŋɨ yɨ ɨghabɨ ɨghɨ mbe nɨ nyaʼa feŋ ɨgwɨ ɨnə̂njɨ̀. Wə̀d rɨbɔ̀ŋ nyaʼa wò fè ɨnû mbe nɨ mbɨ nyaʼa kon ɨŋga fîŋ tɨ mɨ̀mə̌d.

Matìyò 13:54

Ənɨ wɨ̀ nyaʼa pe ɨŋga e əbeŋ, wɨ̀ nyaʼa chwi ɨnû əmbɨ ə bə̂d ɨŋga nəb ə̀kàtɨ̀ ze nɨ nyaʼa əŋgu. Bə̂d mbe nɨ nyaʼa zu ɨnû mbe nyaʼa yiirɨ, əne biirɨ ni, “Mbaŋə̀ zɔ̂ ə nɨŋ ɨkwɨ ɨwe wɔ̂ mbɨ ɨka nɨ ghɨ ɨnû yiirɨ mbɔ̂ rɨ ə yi ə?

Matìyò 14:14

Ənɨ wɨ̀ nyaʼa jwɨ rɨŋga əbaŋ ɨgyɨ̀ ze wò əsaŋ, wɨ̀ nyaʼa zə bə̂d kwàʼ mɨ̀nɔnɔʼ. Ə̀kə̀n ə nyaʼa swi ɨŋga fîŋ məd ɨmbə̀ʼ bə̂d mbe, əne wɨ̀ nyaʼa vɨ̀ mbe nɨ nyaʼə wɔ̀nə̀.

Matìyò 24:14

Bə̂d bɨrɨ gha ɨkə̂n chɔ̀m wɔ̂ ɨmbə̀ʼ ənû ɨfɔ̀n rɨkaŋ ɨŋga ɨsɨg jìm, ɨmbə̀ʼ ɨbeŋ jìm zu. Mbɨ mɨ ghɨ̀ əne, ɨnwǐ ɨsɨg bɨrɨ sɨ yeʼe.

Matìyò 3:2

ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Matìyò 9:35

Yeso nyaʼa ghanə yèn ɨŋga ɨsɨ kyeŋ jìm bə̀ fɔrɨ ɨŋga ɨsɨ kwa jìm. Wɨ̀ nyaʼə yènə̀ chwiə ɨnû ɨŋga nəb tɨ ə̀kàtɨ̀ te nɨ nyaʼa ɨŋga ɨsɨ mbe. Wɨ̀ nyaʼə bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ, bə̀ yènə̀ vɨ̀ ɨwɔn jìm bə̀ yènə̀ vɨ̀ ɨnɔʼɔ jìm.

Mk 1:14

Ənɨ mbɨ nyaʼa yim ə Jɔ̌n wò zɨ̀ ə ndəŋ, Yeso nyaʼa wò ə Galiliî pè kɔ gha ɨkə̂n chɔ̀m ɨmbə̀ʼ ənû ɨfɔ̀n ə Ŋwìə̀.

Mk 1:21

Yeso mbɨ mbi mə̀mə̀ə̀nɨ̀-ɨnû nyaʼa wò nyɨ ə Kàpenàhom. À nyaʼa əni əkwɨ mɨ̀Jû ze nɨ nyaʼa beenɨ, wɨ̀ nyaʼa wo nyɨ kɔ chwi ɨnû ɨŋga nəb ə̀kàtɨ̀ ze nɨ nyaʼa əsɨ ze.

Mk 1:39

Wɨ̀ nyaʼa yèn ɨŋga Galiliî jìm, yènə̀ ghà ɨŋgam Ŋwiə̀ ɨŋga nəb rɨ ə̀kàtɨ̀ te nɨ nyaʼa ɨŋga ɨsɨ mbe, bə̀ yènə̀ chɨ̀ ɨzwî rɨbɔ̀ŋ rɨŋga bə̂d.

Mk 3:10

Wɨ̀ nyaʼa fə vɨ̀ bə̂d mɨ̀nɔnɔʼ, əne əze ə nyaʼa ghɨ̀ ni bə̂d mɨ̀jìm mbe nɨ nyaʼa berɨ ɨwɔn zɔŋ nɨ betɨ əməd.

Mk 6:2

À sɨ əni əkwɨ mɨ̀Jû, wɨ̀ nyaʼa kɔ chwi ɨnû ɨŋga nəb ə̀kàtɨ̀. Bə̂d mɨ̀nɔnɔʼ mbe nɨ nyaʼa əŋgu nyaʼa zu ɨnû mbe yiirɨ, əne biirɨ ni, “Mbaŋə̀ zɔ̂ ə nɨŋ ɨnû mbɔ̂ jìm rɨ əyi ə? Wɨ̀ ə nɨŋ ɨkwɨ ɨwe wɔ̂ rɨ əyi ə? Mbə̀ zə ɨnû yiirɨ mbe nɨ wɨə ghɨ̀ə̀!

Mk 6:6

Zɨə nyaʼa chè əməd ɨchî nɨ chəi mbɨ nyaʼa berɨ ɨbenɨ fîŋ. Yeso nyaʼa ghanə yènə̀ chwi ɨnû ɨŋga ɨsɨ mbe nɨ nyaʼa ɨban ɨban.

Lk 10:9

Mbə̀ vɨ bə̂d əwɔn ɨŋga əsɨ ze, bə̀ ghà əmbɨ ə bə̂d mbe rɨŋga əsɨ ze ni, 'Ənû ɨfɔ̀n ə Ŋwiə̀ ə fə tiinɨ!'

Lk 13:10

Yeso wɨə nyaʼə chwi ɨnû ɨŋga nəb ə̀kàtɨ̀ mɔʼɔ əni əkwɨ.

Lk 16:16

“Tɨkə rɨ Mose mbɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨə nyaʼə saʼə bə̂d wò pè ənɨ ə nyùmə̀ Jɔ̌n we nɨ nyaʼə nàʼ mɨnib. Ɨ kɔ rɨ ənɨ ə nyùmə̀ we, ɨ mbɨə ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀, əne wə̀d jìm wɨə kəb nyɨ ə ɨŋga ənû ɨfɔ̀n ze ənɨ ɨka.

Lk 20:1

À nyaʼa əni ə mɔʼɔ ənɨ Yeso nyaʼə chwi ɨnû ɨŋga mbàn Ŋwìə̀ bə̀ ghà ɨkə̂n chɔ̀m, bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ fɔrɨ bə̂d kyeŋ mbe rɨŋga əbeŋ nyaʼa wò

Lk 4:14

Yeso nyaʼa bə̀ndɨ̀ wò ə Galiliî. Əzwî ə Ŋwiə̀ ə nyaʼa fə nàʼ ɨka ɨ bɔ ɨ swi. Ɨnû ɨmbə̀ʼ əməd nyaʼa jàŋ ɨŋga əba əbeŋ ze əjìm.

Lk 5:17

À nyaʼa əni ə mɔʼɔ, ənɨ Yeso nyaʼə chwi ɨnû, mɨ̀Farisiî mɔʼɔ mbɨ məchwiə̀ rɨ̀kə̌ mɔʼɔ nyaʼa bə̀ chub əŋgu. Mbɨ nyaʼa yeʼe rɨŋga ɨsɨ jìm mbe rɨ ə Galiliî, yeʼe rɨ ə Jùdeyà bə̀ yeʼe rɨ ə Jèrusalèm. Ɨka Ə̀nùŋɨ̀sɨg nyaʼa ɨgwɨ məd nɨ vɨ bə̂d əwɔn.

Lk 6:17

Yeso nyaʼa swiʼ rɨkaŋ ɨwum we mbɨ ə bə̂d tom mbe pè təm əsɨ ɨbad mbɨ ɨnɔ̂n mə̀mə̀ə̀nɨ̀-ɨnû ɨməd fɔrɨ mbɨ ɨnɔ̂n bə̂d nɨ nyaʼa kwàʼ wɨ kyeŋ nɨ nyaʼa nɔʼ rɨŋga ɨsɨ jìm mbe rɨ ə Jùdeyà fɔrɨ ə Jèrusalèm fɔrɨ ɨban rɨ̀bàà we rɨ ə Taì mbɨ ə Sidòn.

Lk 6:6

À nyaʼa əni əkwɨ mɨ̀Jû ə cherə, Yeso nyaʼa wò nyɨ ɨŋga nəb ə̀kàtɨ̀ kɔ chwi ɨnû. Mbaŋə̀ mɔʼɔ nyaʼa əŋgu nɨ əbɔ ə jɨg əməd ə nyaʼa nə̀ŋɨ.

Lk 7:21

Àmei ənɨ ə nyùmə̀ we, Yeso nyaʼa vɨ̀ bə̂d mɨ̀nɔnɔʼ nɨ nyaʼə wɔ̀n tɨkwɨrɨ ɨwɔn nɔnɔʼ, wɨ̀ nyaʼa chɨ̀ ɨzwî rɨbɔ̀ŋ bə̀ ghɨ̀ ni mɨfɨgɨ̀ nɔnɔʼ zə ɨsɨ.

Lk 7:22

Ənɨ wɨ̀ nyaʼa ghɨ əne, wɨ̀ nyaʼa wììrɨ̀ əmbɨ mɨ̀mə̌d ni, “Mbə wò ghà ɨnû mbe nɨ mbə̀ fə zə bə̀ zu əmbɨ Jɔ̌n. Mɨfɨgɨ̀ mbɨə sɨə zə ɨsɨ, bə̂d nɨ nyaʼə tèʼ ɨwu mbɨə sɨə yèn ɨchî chɔ̀m, əpabɨ ə mì rɨ ənɨ bə̂d mbe nɨ nyaʼə wɔ̀n əpabɨ, mbɨ̀rɨko mbɨə sɨə zu ənû, ɨvɨ bə̂d zwemə, ɨ mbɨə bə̀ ghà ɨkə̂n chɔ̀m əmbɨ ə bə̂d ɨkwaŋ.

Lk 8:1

Chəi əgha ə nyaʼa saarɨ, Yeso nyaʼa wò chè ɨŋga ɨsɨ nɔnɔʼ. Wɨ̀ nyaʼə yènə̀ ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwìə̀. Mə̀mə̀ə̀nɨ̀-ɨnû ɨməd mbe wum chɔ̀b rɨ̀be nyaʼa mbɨ məd,

Lk 9:11

Ənɨ mɨnɔ̂n bə̂d mbe nyaʼa zu ni ɨ wɨ əŋgu, mbɨ nyaʼa beenɨ əbɔʼ məd. Wɨ̀ nyaʼa nɨŋ mɨ̀mə̌d, ghà ɨmbə̀ʼ ənû ɨfɔ̀n ə Ŋwiə̀ əmbɨ mɨ̀mə̌d bə̀ vɨ̀ bə̂d mbe nɨ nyaʼa wo ni wɨ̀ vɨ mɨ̀mə̌d.

Lk 9:60

Yeso nyaʼa wììrɨ̀ ɨ bɔ ni, “Saŋ ɨvɨ bə̂d tweŋ mbə ɨvɨ bə̂d. À yeʼ ɨmbə̀ʼ əwe, ndə̀ wo saʼ ni ənû ɨfɔ̀n ə Ŋwiə̀ ə zɨə yeʼe.”

Jn 18:20

Yeso nyaʼa wììrɨ̀ ɨ bɔ ni, “Mə wɨə nyaʼa kɨə ghàm əsaŋ əsaŋ əmbɨ wə̀d jìm. Mə wɨə nyaʼə chwi ɨnû ɨŋga nəb tɨ ə̀kàtɨ̀ bə̀ chwi ɨŋga mbàn Ŋwìə̀ ənɨ mɨ̀nyùmə̀ jìm. Mbɔ̂ yɨ ɨsɨ mbe nɨ mɨ̀Jû mɨ̀jìm ə fetɨə. Chəi mə nyaʼə ghà ənû ə mɔʼɔ ənə̀mə.

Jn 6:59

Yeso nyaʼa ghà ənû zɔ̂ ənɨ wɨ̀ nyaʼə chwi ɨnû ɨŋga nəb ə̀kàtɨ̀ mɨ̀Jû ze rɨ ə Kàpenàhom.

Jn 7:1

Ənɨ ənû ze ə nyaʼa fə che i, Yeso nyaʼa ghanə yèn ɨŋga ɨsɨ mbe rɨ ə Galiliî. Chəi wɨ̀ nyaʼa ghaʼ nɨ yèn ɨŋga ɨsɨ mbe rɨ ə Jùdeyà ɨmbə̀ʼ ɨghəm nɨ bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼə kə̀b zwiirɨ əməd.

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Ɨ̀fàʼì 18:4

Ɨ wɨə nyaʼə tàŋə̀ mbɨ mɨ̀Jû ɨŋga nəb ə̀kàtɨ̀ ɨni ɨkwɨ jìm. Əne wɨ̀ nyaʼa fi ɨtu mɨ̀Jû bə̀ fi ɨtu bə̂d mbe nɨ kaʼi mɨ̀Jû ɨmbə̀ʼ mbɨ ben ə Kristo.

Ɨ̀fàʼì 20:25

“Əne tɨ̀nîn mə kyerɨ ni chəi wə̀d mɔʼɔ rəkaʼ mbə̀n mbe nɨ nyaʼə yènə̀ ghà ɨŋgam ɨmbə̀ʼ ənû ɨfɔ̀n ə Ŋwiə̀ bɨrɨ wɨrɨ zə əmɨ.

Ɨ̀fàʼì 28:31

Ɨ wɨə nyaʼə ghà ɨmbə̀ʼ ənû ɨfɔ̀n ə Ŋwiə̀, bə̀ chwi ɨnû ɨmbə̀ʼ Ə̀nùŋɨ̀sɨg Yeso Kristo əsaŋ əsaŋ mbɨ ə fîŋ nɨ kǎ. Chəi wə̀d mɔʼɔ nyaʼa kən əməd.

Rm 10:15

Mbɨ kɨə wo gha ɨŋgam Ŋwiə̀ ɨmbə̀ʼ əməd rɨ yè nɨ chəi mbɨ tom mɨ̀mə̌d ə? Ə zɨ ɨŋga Ə̀ŋwàʼnɨ̀ ə Ŋwiə̀ ni, “À yɨə kàŋ ənû ə chɔ̀m ni bə̂d mbe nɨə ghà ɨkə̂n chɔ̀m mbɨə yeʼe!”