Matìyò 3:2 - Meta’

² ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Ikan feg

² Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Matìyò 3:2 ပူးပေါင်းရင်းမြစ်များ

Matìyò 10:7

Ənɨ mbə̀ə wòə̀, mbə yènə̀ ghà ɨŋgam Ŋwiə̀ əmbɨ ə bə̂d ni, 'Ənû ɨfɔ̀n rɨkaŋ ə fə tiinɨ.'

Matìyò 11:20

Yeso nyaʼa kɔ gham əbɔʼ ɨsɨ mbe nɨ wɨ̀ nyaʼa ghɨ ɨnû yiirɨ nɔnɔʼ əŋgu, ɨmbə̀ʼ ɨghəm nɨ chəi bə̂d mbe rɨŋga ɨsɨ mbe nyaʼa beŋ tə fîŋ.

Matìyò 12:41

Ɨgwɨ əni ze nɨ Ŋwìə̀ ə sob mɨsaʼi, bə̂d mbe rɨ ə Ninivè bɨrɨ nɔ̀ʼ zɨ ɨsaʼi ɨgwɨ ɨghəm bə̂d wɔ̂ rɨ̀nîn, ɨmbə̀ʼ ɨghəm nɨ ənɨ Jonà nyaʼa ghà ɨŋgam Ŋwiə̀, mbɨ nyaʼa bèŋ tə fîŋ. Àyɨə mbə̀ zə ni əghɨ ə mɔʼɔ zɨ əgha nɨ dabə chè ə Jonà.

Matìyò 13:11

Wɨ̀ nyaʼa wììrɨ̀ əmbɨ mɨ̀mə̌d ni, “Ŋwìə̀ fə nàʼ ɨwe ɨ nən ni mbə̀ kyerɨ ɨnû mbe nɨ yeʼ ənə̀mə ɨmbə̀ʼ ənû ɨfɔ̀n rɨkaŋ, àyɨə chəi wɨ̀ naʼ ɨwe we əmbɨ mɨ̀mə̌d.

Matìyò 13:24

Yeso nyaʼa yì ghà ənû ə mɨgɨ ə cherə əmbɨ mɨ̀mə̌d ni, “Ənû ɨfɔ̀n rɨkaŋ yɨ ɨghabɨ ə wə̀d nɨ nyaʼa kon kywɨ̀ chɔ̀m ɨŋga i mbeŋ.

Matìyò 13:31

Yeso nyaʼa yì ghà ənû ə mɨgɨ ə cherə əmbɨ mɨ̀mə̌d ni, “Ənû ɨfɔ̀n rɨkaŋ yɨ ɨghabɨ ə sǎm ə̀wɔ̀mɨ nɨ wə̀d nyaʼa nɨŋ wò ŋwì ɨŋga i mbeŋ.

Matìyò 13:33

Yeso nyaʼa ghà ənû ə mɨgɨ ə cherə əmbɨ mɨ̀mə̌d ni, “Ənû ɨfɔ̀n rɨkaŋ yɨ ɨghabɨ ɨfuʼ we nɨə ghɨ̀ ni ŋgə̀ŋ kɔʼ, nɨ əyi nyaʼa nɨŋ tɔpɨ mbɨ əburɨ ə ŋgə̀ŋ ɨŋga ɨkaŋ kyeŋ tad pè ənɨ ŋgə̀ŋ ze nyaʼa kɔʼɔ.”

Matìyò 13:47

“Ənû ɨfɔ̀n rɨkaŋ yɨ ɨghabɨ ə kɨ̀ nɨ mbɨ nyaʼa maʼ ɨŋga ə sà, əne gywɨ̀ tɨkwɨ əgwi jìm.

Matìyò 13:52

Əne wɨ̀ nyaʼa ghà əmbɨ mɨ̀mə̌d ni, “Əne yɨ ni, əchwiə̀ rɨ̀kə̌ jìm we nɨ fə kwembɨ ənû ɨmbə̀ʼ ənû ɨfɔ̀n rɨkaŋ, yɨ ɨghabɨ ə wə̀d nəb we nɨə chɨ̀ ɨghɨ fi bə̀ chɨ̀ mbɨ ənun rɨŋga i ŋgə̌n.”

Matìyò 18:23

“Əton nɨ mə̀ ghà əne yɨ ɨmbə̀ʼ ɨghəm nɨ ənû ɨfɔ̀n rɨkaŋ yɨ ɨghabɨ ɨchî nɨ ɨfɔ̂n mɔʼɔ nyaʼa kə̀b nweenɨ i ɨkab mbɨ mbi bə̂d ə̀fàʼì.

Matìyò 20:1

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Ənû ɨfɔ̀n rɨkaŋ yɨ ɨghabɨ ɨchî nɨ wə̀d mbeŋ nyaʼa jwɨ̀ ɨsɔsɔ ɨ wo kə̀b bə̂d ə̀fàʼì ni mbɨ wo fàʼ ɨŋga i mbeŋ vaìn.

Matìyò 22:2

“Ənû ɨfɔ̀n rɨkaŋ yɨ ɨghabɨ ɨchî nɨ ɨfɔ̀n mɔʼɔ nyaʼa kaʼ əchwɨ̂ ɨnamɨ əmbɨ i wan mbaŋə̀.

Matìyò 23:13

“Ŋgəʼ kyeŋ bɨrɨ nyɨ ɨgwɨ nən, mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə wùb ɨchû ɨkam ənû ɨfɔ̀n rɨkaŋ ni tɨ̀ bə̂d nyɨ ə ɨŋga, àyɨə chəi mbən ə bə̀ nyɨə, kɨ̀ bè sàŋ ni mbe nɨə kə̀b nyɨ mbɨ nyɨ.

Matìyò 25:1

“Ənɨ ə nyùmə̀ we nɨ Kristo bɨrɨ wɨrɨ yeʼe, ənû ɨfɔ̀n rɨkaŋ bɨrɨ yeʼ ɨghabɨ ɨchî nɨ bɔn məyi wum nɨ nyaʼa nɨŋ mbə ɨnam jwɨ̀ wo bòm ɨnom ɨgən.

Matìyò 25:14

“Ənɨ ə nyùmə̀ we nɨ Kristo bɨrɨ wɨrɨ yeʼe, ənû ɨfɔ̀n rɨkaŋ bɨrɨ yeʼ ɨghabɨ ɨchî nɨ mbaŋə̀ mɔʼɔ nɨ nyaʼa kə̀b wò i ɨghanɨ nyaʼa tɔŋ mbi bə̂d ə̀fàʼì, əne zɨ̀ mbi ɨghɨ ɨŋga tɨkyerɨ-ɨbɔ mɨ̀mə̌d.

Matìyò 4:17

Ɨ kɔ rɨ ənɨ ə nyùmə̀ we, Yeso nyaʼa kɔ ghà ɨŋgam Ŋwiə̀ ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Matìyò 4:23

Yeso nyaʼa ghanə yènə̀ ɨŋga Galiliî jìm. Wɨ̀ nyaʼə yènə̀ chwi ɨnû ɨŋga nəb tɨ ə̀kàtɨ̀ te rɨŋga ɨsɨ mbe, bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ. Wɨ̀ nyaʼə bə̀ yènə̀ vɨ̀ə̀ tɨkwɨrɨ əwɔn jìm bə̀ vɨ̀ə̀ tɨkwɨrɨ ɨnɔʼɔ jìm.

Matìyò 5:10

Ŋwìə̀ zɨ əbɔrəbɔd ɨgun ə bə̂d mbe nɨ bə̂d ə nwèndɨ̀ tɨkyerɨ-ɨwu mɨ̀mə̌d ɨmbə̀ʼ ɨghəm nɨ mbɨə ghɨ̀ ɨnû nɨ kuʼnɨ, ɨmbə̀ʼ ɨghəm nɨ mbɨ bɨrɨ jɨg ənû ɨfɔ̀n rɨkaŋ.

Matìyò 5:3

“Ŋwìə̀ zɨ əbɔrəbɔd ɨgun ə bə̂d mbe nɨ saŋ mbə ɨnû jìm ɨŋga tɨkyerɨ-ɨbɔ məd, ɨmbə̀ʼ ɨghəm nɨ mbɨ bɨrɨ jɨg ənû ɨfɔ̀n rɨkaŋ.

Matìyò 6:10

E ənû ɨfɔ̀n ə yeʼe, bə̂d rɨ ɨgwɨ ə si ghɨ ɨnû mbe nɨ à kə̀bɨ ɨchî nɨ mbe nɨ yeʼ ɨkaŋ ə ghɨ̀ə̀.

Matìyò 6:33

Àyɨə mbə̀ be kə̀b yeʼ ənû ɨfɔ̀n əməd bə̀ ghɨ̀ ɨnû nɨ kuʼnɨ, əne wɨ̀ bɨrɨ bɨ naʼ ɨghɨ mbɔ̂ jìm ɨ nən.

Mk 1:15

Wɨ̀ nyaʼə ghàə̀ ni, “Nyùmə̀ fə kùʼi. Ənû ɨfɔ̀n ə Ŋwìə̀ ə fə tiinɨ. Mbə̀ beŋ tə fîŋ, ben ɨkə̂n chɔ̀m wɔ̂.”

Mk 1:4

Jɔ̌n we nɨ nyaʼə nàʼ mɨnib nyaʼa wò ɨŋga ɨbad rɨkwàʼi pè kɔ nàʼ mɨnib bə̀ kɔ gha ɨŋgam Ŋwiə̀ ghàə̀ ni bə̂d beŋ tə fîŋ nɨŋ mɨnib ɨmbə̀ʼ Ŋwìə̀ waʼ ɨnû rɨbɔ̀ŋ mɨ̀mə̌d.

Mk 6:12

Ənɨ wɨ̀ nyaʼa tom mɨ̀mə̌d əne, mbɨ nyaʼa jwɨ̀ wò ghà ni bə̂d mɨ̀jìm beŋ tə fîŋ.

Lk 1:16

Wɨ̀ bɨrɨ ghɨ ni mɨ̀Izre nɔnɔʼ wɨrɨ bèŋ ben Ə̀nùŋɨ̀sɨg Ŋwìə̀ mɨ̀mə̌d.

Lk 11:20

Àyɨə mə mɨ yeʼə chɨ̀ ənɨ ɨka we nɨ Ŋwìə̀ naʼ ɨ num, njɨ zɨə chwi ni ənû ɨfɔ̂n ə Ŋwiə̀ ə fə sɨ i mbɨ nən.

Lk 13:3

Mə ghà ɨ nən ni, Chə̂! Mbɨ mɨ ton beŋ ə tə fîŋ, njɨ mbə̀n mɨjìm bɨrɨ bɨ kwɨ.

Lk 13:5

Mə ghà ɨ nən ni, Chə̂! Mbɨ mɨ ton beŋ ə tə fîŋ, njɨ mbə̀n mɨjìm bɨrɨ bɨ kwɨ.”

Lk 15:10

Mə ghà ɨ nən ni, à yɨ əndəŋ əndəŋ ni mbɨ̀aŋgɨrə̀ mbɨə ghaʼ ənɨ wə̀d fibɨ̀ tɨ̀ əbɔʼ mbe nɨə ghɨ̀ ɨnû rɨbɔ̀ŋ beŋ i fîŋ.”

Lk 15:7

Mə ghà ɨ nən ni, à yɨ əndəŋ əndəŋ ni ɨghaʼi bɨrɨ nɔʼ ɨkaŋ ənɨ wə̀d ɨnû rɨbɔ̀ŋ fibɨ̀ beŋ i fîŋ chè ɨchî nɨ wɨ bɨrɨ nɔʼ ɨgwɨ ə bə̂d ɨwum ə̀bùə chɔ̀b ə̀bùə nɨə ghɨ̀ ɨnû nɨ kuʼnɨ nɨ chəi mbɨ berɨ nɨ beŋ tə fîŋ.

Lk 16:30

Wə̀d mbɔ̂n we nyaʼa ghà ni, 'Chə̂, kyɨə Abràham mɨ mbǎʼ, àyɨə wə̀d mɔʼɔ mɨ nɔ̀ʼ rɨ əbɔʼ bə̂d mbe nɨ fə kwɨ wò əsɨ mɨ̀mə̌d, mbɨ bɨrɨ beŋ tə fîŋ.'

Lk 21:31

Əne bə̂, mbə mɨ zə ənɨ ɨnû mbɔ̂ ə ghɨ̀ə̀, mbə̀ kyerɨ ni ənû ɨfɔ̂n ə Ŋwiə̀ ə fə tiinɨ.

Lk 24:47

fɔrɨ ni, bə̂d wo yènə̀ ghà ɨŋgam Ŋwiə̀ ənɨ ɨkum məd, kɔ rɨ ə Jèrusalèm wò pè ɨŋga ɨbeŋ jìm, ɨmbə̀ʼ bə̂d beŋ tə fîŋ, Ŋwiə̀ waʼ ɨnû rɨbɔ̀ŋ mɨ̀mə̌d.

Lk 6:20

Yeso nyaʼa nɔ̀ɔ̀rɨ̀ əghə nèŋ mbi mə̀mə̀ə̀nɨ̀-ɨnû ghà ni, “Ŋwìə̀ zɨ əbɔrəbɔd ɨgwɨ nən, mbə̀n bə̂d ɨkwaŋ, ɨmbə̀ʼ ɨghəm nɨ à yɨə mbə̀nə bɨrɨ jɨg ənû ɨfɔ̀n ə Ŋwiə̀.

Lk 9:2

Wɨ̀ nyaʼa tom mɨ̀mə̌d ni mbɨ wo yènə̀ ghà ɨmbə̀ʼ ənû ɨfɔ̀n ə Ŋwiə̀, bə̀ yènə̀ vɨ̀ə̀ bə̂d əwɔn.

Ɨ̀fàʼì 11:18

Ənɨ mbɨ nyaʼa zu ənû zɔ̂, chəi mbɨ nyaʼa wɨrɨ berɨ ənû ə cherə nɨ ghà. Əne mbɨ yiirɨ ə Ŋwiə̀, ghà ni, “Ŋwìə̀ fə bə̀ nàʼ əpan əmbɨ bə̂d mbe nɨ kaʼi mɨ̀Jû ni mbɨ beŋ tə fîŋ jɨg ɨ̀tènɨ̀.”

Ɨ̀fàʼì 17:30

Chəi Ŋwìə̀ nyaʼa zɨ ətu ənɨ ɨnû mbe nɨ bə̂d nyaʼa ghɨ̌ nɨ chəi mbɨ kyerɨ, àyɨə tɨ̀nîn ɨ wɨə ghà əmbɨ ə bə̂d mɨjìm ɨsɨ jìm ni mbɨ beŋ tə fîŋ.

Ɨ̀fàʼì 2:38

Pità nyaʼa wììrɨ̀ əmbɨ mɨ̀mə̌d ni, “Wə̀d mɔʼ mɔʼ rəbɔʼ nən beŋ i fîŋ, nɨŋ mɨnib ənɨ ɨkum Yeso Kristo, ɨmbə̀ʼ Ŋwìə̀ waʼ mbə ɨnû rɨbɔ̀ŋ. Mbə mɨ ghɨ̀ əne, mbə bɨrɨ berɨ ɨneʼe nɨ yeʼ Əzwî ə Zeŋɨ.

Ɨ̀fàʼì 20:21

Mə wɨə nyaʼə ghà əmbɨ mɨ̀Jû bə̀ ghà əmbɨ ə bə̂d mbe nɨ kaʼi mɨ̀Jû ni mbɨ beŋ tə fîŋ wumnɨ ə Ŋwiə̀, bə̀ nùŋ fîŋ ɨgun a Ə̀nùŋɨ̀sɨg Yeso.

Ɨ̀fàʼì 26:20

Mə nyaʼa bè kɔ gha ɨŋgam Ŋwiə̀ ə Dàmaskɔ̀s, beenɨ ə Jèrusalèm, beenɨ ɨŋga ɨsɨ jìm mbe rɨ ə Jùdeyà bə̀ fɔrɨ əkaʼ bə̂d nɨ kaʼi mɨ̀Jû. Mə wɨə nyaʼə ghàə̀ ni mbɨ beŋ tə fîŋ beenɨ əbɔʼ ə Ŋwiə̀, Mə wɨə nyaʼə bə̀ ghàə̀ ni mbɨ ghɨ ɨnû mbe nɨ chwi ni mbɨ fə bèŋ tə fîŋ.

Ɨ̀fàʼì 3:19

Əne mbə̀ beŋ tə fîŋ, wò əsɨ ə Ŋwiə̀ ɨmbə̀ʼ wɨ̀ waʼ mbə ɨnû rɨbɔ̀ŋ.

2 Kɔrèn 7:10

Ɨkwɨ ə̀kə̀nɨ̀ we nɨ Ŋwiə̀ kəb ə zɨə ghɨ̀ ni bə̂d beŋ tə fîŋ. Ə zɨə ghɨ̀ ni bə̂d jwɨ rəŋgəʼ. Chəi bə̂d berɨ nɨ kə̀n ɨmbə̀ʼ ənû zɔ̂! Àyɨə ɨkwɨ ə̀kə̀nɨ̀ we nɨ bə̂d rɨŋga ɨsɨg kəb ə zɨə ghɨ̀ ni bə̂d kwɨ.

Kòlosè 1:13

Wɨ̀ fə chɨ əwa rɨŋga tɨkyerɨ-ɨbɔ məd we nɨə tùmbɨ̀ ɨsɨ firɨ, əne zɨ̀ ɨŋga ənû ɨfɔ̀n ə Wan məd we nɨ wɨ̀ ghaʼi kwàʼ rɨŋgəʼ.

2 Timotì 2:25

Wɨ̀ chwi ɨnû ənɨ ɨbɔtɨ fîŋ əmbɨ ə mbe nɨə ton ɨnû mbe nɨ wɨə chwiə. Ɨghəm Ŋwìə̀ bɨrɨ ben ni mbɨ beŋ tə fîŋ kyerɨ rəsìʼ ɨmbə̀ʼ ə Kristo.

Mə̀Hibrù 6:1

Tɨ̀ saŋ ɨnû mbe nɨ tɨ̀ nyaʼa be kwembɨ ɨmbə̀ʼ ə Kristo, əne wò ɨmbì kwembɨ mbe nɨ fə kaanɨ. Tɨ rɨ wɨrɨ gha a ɨnû rɨtu mbe ni bə̂d beŋ tə fîŋ tɨ ənɨ ɨnû mbe nɨə zwiirɨə bə̂d mbɨ ni bə̂d nuŋ fîŋ ɨgun ə Ŋwiə̀.

2 Pità 3:9

Chəi Ə̀nùŋɨ̀sɨg ə kɨə chəkɨə nyumə̀ bɔŋ ghɨ ɨnû mbe nɨ wɨ̀ kaʼi, ɨchî nɨ bə̂d mɔʼɔ ə kɔndɨə ni ɨ wɨə chə̀kɨ̀ə̀. Àyɨə məd wɨə yimə fîŋ mbɨ nən ɨmbə̀ʼ ɨghəm nɨ chəi wɨ̀ kəb ni wə̀d mɔʼɔ nim. Wɨ̀ kə̀b yeʼ ni wə̀d jìm beŋ i fîŋ, waʼ mbi ɨnû rɨbɔ̀ŋ.

Ɨnû 2:21

Mə nyaʼa nàʼ nyùmə̀ ɨ bɔ ni wɨ̀ beŋ i fîŋ ɨmbə̀ʼ ɨfabrɨ-ɨnû mbe nɨ wɨ̀ nyaʼə ghɨ̀ə̀, àyɨə wɨ nyaʼa ton i.

Ɨnû 2:5

Əne kɔndɨ ɨchî nɨ à nyaʼa beə bɔŋ à nyaʼa sɨə gùə̀! Beŋ e fîŋ sɨə wɨrɨə ghɨ̀ ɨnû mbe nɨ à nyaʼə beə ghɨ̀ə̀. À mɨ ton ghɨ e əne, mə bɨrɨ yeʼe əsɨ ne, pè chɨ̀ əghɨ ze nɨ àwɔ̀ ə te ənam ɨgun rɨ əsɨ ze nɨ zɨə yeʼ əŋgu.