Matìyò 3:11 - Meta’

¹¹ “Mə wɨə nàʼ mɨnib ɨ nən ɨ chwi ni mbə fə bèŋ tə fîŋ, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ beʼ ɨtabɨ məd. Məd bɨrɨ cha Əzwî ə Zeŋɨ bə̀ chà ɨwid ɨgwɨ nən.

Ikan feg

¹¹ Mə ya nàʼà mənib inən ni chwi gha mbə̰ fə bə̀ŋì ìtən fìŋ sìkì inug tibɔ̀ŋ. Si ya gha, wə̀d we ne yèʼe inum anjìm wì bèrì ati chè amə. Chəyi mə̀ koʼi ni bèʼì itami məd. Məd biri chà Azwighi Ŋwiye igun inən bə̀ chà iywid igun inən.

Matìyò 3:11 ပူးပေါင်းရင်းမြစ်များ

Matìyò 3:6

Ɨ mbɨə nyaʼə pè benə mbə ɨnû rɨbɔ̀ŋ, əne wɨ̀ nyaʼa nàʼ mɨnib əmbɨ mɨ̀mə̌d ɨŋga ɨgyɨ̀ Jodàn.

Mk 1:4

Jɔ̌n we nɨ nyaʼə nàʼ mɨnib nyaʼa wò ɨŋga ɨbad rɨkwàʼi pè kɔ nàʼ mɨnib bə̀ kɔ gha ɨŋgam Ŋwiə̀ ghàə̀ ni bə̂d beŋ tə fîŋ nɨŋ mɨnib ɨmbə̀ʼ Ŋwìə̀ waʼ ɨnû rɨbɔ̀ŋ mɨ̀mə̌d.

Lk 1:17

Wɨ̀ bɨrɨ wo ɨmbì Ə̀nùŋɨ̀sɨg mbɨ ɨkwɨ əzwî fɔrɨ mbɨ ɨkwɨ ɨka we nɨ Èlaijà nyaʼa berɨ. Wɨ̀ bɨrɨ beŋ fîŋ tɨ mɨ̀mbǎʼ ni mbɨ wɨrɨ ghaʼ mbə bɔn. Wɨ̀ bɨrɨ beŋ fîŋ rɨ bə̂d mbe nɨə ghɨ̀ rɨ̀zuə̀ ni mbɨ berɨ ɨwe ɨchî nɨ mbe nɨə ghɨ̀ ɨnû nɨ kuʼnɨ berɨ. Wɨ̀ bɨrɨ bɨ ghɨ ni bə̂d tekɨ ɨnyod wòm Ə̀nùŋɨ̀sɨg.”

Lk 3:16

Jɔ̌n nyaʼa wììrɨ̀ əmbɨ mɨ̀mə̌d mɨjìm ni, “Mə wɨə nàʼ mɨnib ɨ nən, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ za mɨniʼ ɨtabɨ məd. Məd bɨrɨ cha Əzwî ə Zeŋɨ fɔrɨ ɨwid ɨgwɨ nən.

Lk 3:3

Wɨ̀ nyaʼa wò ɨŋga ɨbeŋ jìm mbe nɨ nyaʼa ɨban ɨgyɨ̂ Jodàn, yènə̀ ghà ɨŋgam Ŋwiə̀ ni bə̂d beŋ tə fîŋ nɨŋ mɨnib ɨmbə̀ʼ Ŋwìə̀ waʼ ɨnû rɨbɔ̀ŋ mɨ̀mə̌d.

Jn 1:15

Jɔ̌n we nɨ nyaʼə nàʼ mɨnib nyaʼa gha ɨnû ɨmbə̀ʼ əməd. Ɨ wɨə nyaʼə ghàə̀ rɨ̀kǎ ɨmbə̀ʼ əməd ni, “Wɔ̂ yɨə we nɨ mə̀ nyaʼa gha ɨmbə̀ʼ əməd ni, 'Wə̀d we nɨə yeʼe ənɨ mɨ njìm ə chè əmɨ, ɨmbə̀ʼ ɨghəm nɨ məd wɨə nyaʼa be i əŋgu bɔŋ mbɨ nyaʼa sɨə gywɨ əmɨ.'”

Jn 1:30

Wɔ̂ yɨə we nɨ mə nyaʼa ghà ɨmbə̀ʼ əməd ni, 'Wə̀d we nɨə yeʼe ənɨ mɨ njìm ə chè əmɨ, ɨmbə̀ʼ ɨghəm nɨ məd nyaʼa be i əŋgu bɔŋ mbɨ nyaʼa sɨə gywɨ əmɨ.'

Ɨ̀fàʼì 1:5

Jɔ̌n wɨə nyaʼə nàʼə̀ mɨnib, àyɨə bɔŋ ɨni nɔnɔʼ sɨə yeʼe, Ŋwìə̀ bɨrɨ naʼ Əzwî ə Zeŋɨ ɨ nən.”

Ɨ̀fàʼì 19:4

Pɔ̂l nyaʼa ghà ni, “Jɔ̌n wɨə nyaʼə nàʼ mɨnib ghàə̀ ni bə̂d beŋ tə fîŋ nɨŋ mɨnib. Ɨ wɨə nyaʼa bə̀ ghà əmbɨ ə bə̂d ni mbɨ ben wə̀d we nɨ bɨrɨ yeʼe ənɨ i njìm, əne yɨ wɨ̀ nyaʼə ghà ə Yeso.”

Ɨ̀fàʼì 8:36

Ənɨ mbɨ nyaʼə yènə̀ wò ɨgwɨ ɨnə̂njɨ̀ we, mbɨ nyaʼa pè əsɨ nɨ ətuŋ ə nyaʼa əŋgu, əne wə̀d kyeŋ we nyaʼa ghà ni, “Zə, à yɨ mɨnib mbɔ̂! À kɨə ye nɨ tɨ̀ zɨə kən ni tɨ mə̀ nɨŋ əmɨ mɨnib ə?” [

Ɨ̀fàʼì 8:38

Wə̀d kyeŋ we nyaʼa ghà mbɨ təmnɨ ɨkarɨ we. Mɨ̀mə̌d mbe mɨbe nyaʼa swiʼi wò nyɨ ɨŋga ətuŋ ze. Filip nyaʼa nàʼ mɨnib ɨ bɔ əŋgu.

1 Kɔrèn 12:13

Tɨ̀ nyaʼa nɨŋ mɨnib ənjìm Əzwî ze ə mɔʼ. Əne tɨ̀ fə fɔtɨ sɨə nyamnyod mɔʼ. Ŋwìə̀ nyaʼa zɨ̀ Əzwî ze ə mɔʼ ɨŋga ta fîŋ, kɨ̀ tɨ̀ yɨ mɨ̀Jû kɨ̀ bə̂d nɨ kaʼi mɨ̀Jû, kɨ̀ tɨ̀ yɨ ɨ̀bòʼò kɨ̀ bə̂d nɨ yeʼ ənɨ ə ɨghəm.

Efesùs 3:8

Ka à bè yeʼi ni mə kə chè wɨ kwa rəbɔʼ bə̂d Ŋwiə̀ mɨ̀jìm, àyɨə Ŋwiə̀ nyaʼa ghɨ̀ ɨ̀chɔ̀m ənɨ ə num ni mə̀ gha əmbɨ ə bə̂d mbe nɨ kaʼi mɨ̀Jû ɨmbə̀ʼ mbɔ̂n ze nɨ chəi zɨ̀ bɨrɨ nɔ mì, nɨ tɨ̀ berɨ àmei ɨchî nɨ mbɨ kyerɨ ə Kristo.

Tayitùs 3:5

wɨ̀ nyaʼa chɨ̀ əwa rəŋgəʼ. Chəi wɨ̀ nyaʼa ghɨ əne ɨmbə̀ʼ ɨnû chɔ̀m mɔʼɔ mbe nɨ tɨ̀ nyaʼa ghɨ̌. Wɨ̀ nyaʼa chɨ̀ əwa yeʼ ɨmbə̀ʼ ɨghəm nɨ wɨ̀ diirɨ əwa əne che ənjìm Əzwî ə Zeŋɨ sò əwa tɨ̀ zeŋ, bèŋ əwa tɨ̀ sɨ ɨghabɨ ə bɔn bɔd bə̀ nàʼ ɨ̀tènɨ̀ fi ɨ na.

1 Pità 5:5

Ŋgwàʼ bə̂d, mbə̀ zuunɨ bə̂d mbe nɨ fə kaanɨ chè əwən. Mbə̀n mɨjìm swi ə ɨnyod fàʼ əmbɨ mbə bɔŋgɔb ɨmbə̀ʼ ɨghəm nɨ, “Ŋwìə̀ wɨə bànə̀ bə̂d mbe nɨə nɔ ɨnyod, àyɨə ɨ wɨə ghɨ̀ ɨ̀chɔ̀m ənɨ mbe nɨə swi ɨnyod.”