Matìyò 27:2 - Meta’

² Mbɨ nyaʼa taŋ əne, kod əməd, nɨŋ wò nàʼ əmbɨ Pailèt nɨ nyaʼə gɔmnà.

Ikan feg

² Mbɔb ya chuʼri ane, gwì aməd kɔd niŋ ghò nàʼ abə Payilèd ne ya yaʼi gɔbnà.

Matìyò 27:2 ပူးပေါင်းရင်းမြစ်များ

Matìyò 20:19

Mbɨ bɨrɨ ghɨ əne, nàʼ əməd əmbɨ ə bə̂d mbe nɨ kaʼi mɨ̀Jû ni mbɨ baʼrɨ əməd, te əməd ənɨ ə ŋgwad, bə̀ kòmbɨ̀ əməd əzed ə baʼnɨ. Àyɨə ɨni nɨə pè ɨtad, Ŋwìə̀ zwemnɨ əməd.”

Matìyò 28:14

Kaʼ gɔmnà bè zu i, tɨ̀ bɨrɨ kyerɨ ənû nɨ gha ɨ bɔ, əne chɨ̀ əwən rəŋgəʼ.”

Lk 13:1

Bə̂d mɔʼɔ mbɨə nyaʼə əŋgu ənɨ Yeso nyaʼə ghàmə̀. Mbɨ nyaʼa gha ɨ bɔ ɨmbə̀ʼ məGaliliî mbe nɨ Pailèt nyaʼa zwiirɨ ənɨ mbɨ nyaʼə nàʼ ɨghɨ ə̀fà əmbɨ ə Ŋwiə̀.

Lk 20:20

Mbɨ nyaʼa kɔ kəb əpan nɨ gywɨ əməd. Əne mbɨ nyaʼa chà mɨ̀-ànàŋgɔŋ, nɨ nyaʼa begrɨ ɨghabɨ ni mbə yɨə bə̂d rəsìʼ, ni mbɨ wo zɨ̀ ətam gywɨ̀ əməd ənɨ ɨŋgam məd. Mbɨ nyaʼa ghɨ̀ əne ɨmbə̀ʼ mbɨ gywɨ̀ əməd wò nàʼ əmbɨ gɔmnà ni wɨ̀ saʼ əməd ɨmbə̀ʼ ɨghəm nɨ à yɨə gɔmnà nyaʼa berɨ ɨka ɨgwɨ mɨ̀mə̌d mɨjìm.

Lk 23:1

Ɨnɔ̂n bə̂d we jìm nyaʼa nɨŋ ə Yeso mbɨ wò ɨfě Pailèt.

Lk 23:12

Àmei əni ze Herɔ̀d mbɨ Pailèt nyaʼa wɨrɨ kɔ jɨg ə̀sə̀ʼ, ɨmbə̀ʼ ɨghəm nɨ ɨ mbɨə nyaʼə be ənɨ ə pə̀n.

Lk 3:1

À nyaʼa ɨŋga ɨghəm ɨwu wum chɔ̀b rɨtân nɨ Tiberiùs nyaʼə Kaisà, Pontiùs Pailèt yɨə nyaʼə gɔmnà ə Jùdeyà, Herɔ̀d wɨə nyaʼə tùmbɨ̀ ə Galiliî, aŋgɔb məd Filip wɨə nyaʼə tùmbɨ̀ ɨba ɨbeŋ mbe rɨ ə Ɨturià fɔrɨ ə Trakonotìs, Lisaniàs wɨə nyaʼə tùmbɨ̀ ə Àbìlenè.

Jn 18:12

Mɨ̀sɔgyɨ̀ mbe mbɨ ətu mbe nɨ nyaʼa ɨgwɨ mɨ̀mə̌d fɔrɨ bə̂d mbe nɨ nyaʼə nəŋgɨ ə mbàn Ŋwìə̀ nyaʼa gywɨ̀ ə Yeso kod.

Jn 18:24

Anas nyaʼa ghɨ̀ əne kod əməd chà əsɨ Kaifàs nɨ nyaʼə ətu ɨgwɨ ə bə̂d mbàn Ŋwìə̀.

Jn 18:28

Ɨtuʼ nyaʼa mɨ chɨg i chɨg ɨ, bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa nɨŋ ə Yeso rɨ əkwɨ Kaifàs wò mbɨ məd ə tɔʼ gɔmnà. Chəi mbɨ nyaʼa nyɨ ɨŋga tɔʼ ze, ɨmbə̀ʼ ɨghəm nɨ mbɨ nyaʼa kəb chub ɨzeŋɨ zeŋɨ ɨmbə̀ʼ jɨg Əchwɨ̂ ə Che-ɨgun.

Ɨ̀fàʼì 12:6

À nyaʼa ɨzimɨ we nɨ ɨtuʼ bɨrɨ chɨg Herɔ̀d chɨ̀ ə Pità nàʼ ni mbɨ saʼ əməd əsaŋ əsaŋ, Pità wɨə nyaʼə gwen ɨŋga mɨgharə̀ mɨ̀sɔgyɨ̀ mɨ̀be. Mbɨ nyaʼa kod məd ənɨ mɨ̀kàrə̀ mɨ̀be. Mɨ̀sɔgyɨ̀ nyaʼa bə̀ chub ɨchû ɨkam ɨ nəŋgɨ ə nəb ndəŋ ze.

Ɨ̀fàʼì 21:33

Ətu ə kyeŋ ɨgwɨ mɨ̀sɔgyɨ̀ nyaʼa wò gywɨ̀ ə Pɔ̂l, ghà mbɨ kod əməd ənɨ mɨ̀kàrə̀ mɨbe. Wɨ̀ nyaʼa biirɨ wə̀d we nɨ Pɔ̂l yeʼ wɨwən bə̀ biirɨ ənû ze nɨ wɨ̀ ghɨ̌.

Ɨ̀fàʼì 22:25

Àyɨə ənɨ mbɨ nyaʼa kod əməd ənɨ mɨniʼ, wɨ̀ nyaʼa ghà əmbɨ ətu ɨgwɨ mɨ̀sɔgyɨ̀ ɨkɨ fibɨ̀ nɨ nyaʼa təm ɨban ni, “Tɨkə ə wa chwiə ni mbə̀ te wə̀d Rom ənɨ ə ŋgwad nɨ chəi mbɨ sob ɨsaʼi ni wɨ̀ fə gù ə?”

Ɨ̀fàʼì 22:29

Əne mbaŋə̀ te nɨ nyaʼə kə̀b nwèndɨ̀ ə Pɔ̂l nyaʼa wɨrɨ sùŋgɨ̀ rə̀bɔ̀ʼɔ̀ əwu əwən. Ətu ə kyeŋ ɨgwɨ mɨ̀sɔgyɨ̀ nyaʼa bə̀ bɔ, ɨmbə̀ʼ ɨghəm nɨ wɨ̀ nyaʼa zə ni tə fə kod ə Pɔ̂l nɨ yeʼ wə̀d Rom.

Ɨ̀fàʼì 24:27

Ənɨ ɨghəm ɨwu nyaʼa che ɨbe, Posiòs Festùs, nyaʼa jɨg ətən ə Felìz ɨghabɨ ə gɔmnà. Ɨchî nɨ Felìz nyaʼə kə̀bə̀ ni mɨ̀Jû ghaʼ əməd, wɨ̀ nyaʼa sàŋ ə Pɔ̂l ə nəb ndəŋ.

Ɨ̀fàʼì 28:20

À yɨ əton nɨ mə ghà ni mbə̀ yeʼe mə̀ zə əwən, bə̀ ghàmbɨ̀ mbɨ nən, ɨmbə̀ʼ ɨghəm nɨ à yɨ ɨmbə̀ʼ Wə̀d we nɨ mɨ̀Izre nuŋ tɨkɔndɨ wòm, nɨ ghɨ ni mbɨ kod əmɨ ənɨ mɨ̀kàrə̀ mbɔ̂.”

Ɨ̀fàʼì 3:13

Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.

Ɨ̀fàʼì 4:27

À yɨ rəsìʼ ni Herɔ̀d mbɨ Pailèt nyaʼa fɔtɨ mbɨ ə bə̂d mbe nɨ kaʼi mɨ̀Jû bə̀ fɔtɨ mbɨ mɨ̀Izre ɨŋga əsɨ zɔ̂, əne taŋ mɨnaŋ ɨgwɨ ə Yeso, e wə̀d ə̀fàʼì we nɨ zeŋɨ, nɨ à nyaʼa zɔʼɔ,

Ɨ̀fàʼì 9:2

pè ghà ɨ bɔ ni wɨ̀ ŋwaʼnɨ ɨ̀ŋwàʼnɨ̀ nɨ toʼrɨ əwi əmbɨ ə bə̂d mbe rɨŋga nəb tɨ ə̀kàtɨ̀ te rɨ ə Dàmaskɔ̀s, ɨmbə̀ʼ tə mɨ zə bə̂d mɔʼɔ əŋgu nɨə beenɨ əbɔʼ Ɨnə̂njɨ̀ we nɨ Yeso nyaʼə chwiə, kɨ̀ à kɨ ə mbaŋə̀ kɨ̀ à kɨ məyi, tə we tɨ̀ rə gywɨ̀ mɨ̀mə̌d kod nɨŋ yeʼe ə Jèrusalèm.

1 Timotì 6:13

Ɨfě Ŋwìə̀ we nɨə nàʼ ɨ̀tènɨ̀ əmbɨ ɨghɨjìm fɔrɨ ɨfě Kristo Yeso we nɨ nyaʼa gha rəsìʼ ɨfě Pontiùs Pailèt, mə ghà ɨ ne ni,

2 Timotì 2:9

À yɨ ɨmbə̀ʼ ɨkə̂n chɔ̀m wɔ̂ nɨ mɨə zəə ŋgəʼ pè ənɨ mbɨ fə kod əmɨ ənɨ mɨ̀kàrə̀ mbɔ̂ ɨghabɨ ni mə fə gù ɨkə. Ɨ mbe tɨ̀ mbɨ kod əmɨ, àyɨə chəi ənɨ tɨ̀ mbɨ kod ɨŋgam Ŋwiə̀ ənɨ mɨ̀kàrə̀.

Mə̀Hibrù 13:3

Mbə̀ kɔndɨ bə̂d mbe nɨ yeʼ ə nəb ndəŋ, ɨghabɨ ni mbə mbɨ ə nəb ndəŋ mbɨ mɨ̀mə̌d. Mbə̀ kɔndɨ mbe nɨ mbɨə chəə mɨ̀mə̌d, ɨghabɨ ni mbə mbɨə zəə ŋgəʼ mbɨ mɨ̀mə̌d. Mbə̀ ghɨ̀ əne ɨmbə̀ʼ ɨghəm nɨ mbə̀ yɨə sɨə nyamnyod mɔʼ mbɨ mɨ̀mə̌d.