Matìyò 24:3 - Meta’

³ Ənɨ Yeso nyaʼa chub ə si ɨkaŋ Ɨwum mɨ̀Olìf, mə̀mə̀ə̀nɨ̀-ɨnû mbe nyaʼa wò əsɨ məd àmei mɨ̀mərə mɨ̀mərə pè biirɨ ni, “Gha ɨ na, ənû zɔ̂ ə kɨə wo ghɨ̀ əwù zi ə? Ənweenɨ ze nɨ bɨrɨ chwi ni à bɨrɨ wɨrɨ yeʼe mbɨ ni ɨsɨg bɨrɨ nwìə̀ kɨ əzi ə?”

Ikan feg

³ Anyumə̀ ne Yeso ya chughi ikaŋ iwum mə̀olìf, mə̀mə̀nənùg məd ya ghò ibo məyi mbɔb mbɔb pè ghà ibo gha, “Masà, gha nyumə̀ ne inug mbo̰ biri dù ina. Mə̀tə aneni ane nyumə̀ ne àghò biri bə̀ndì fɔrɔ aneni ane nyumə̀ ne isəg biri nwḭ̀yḛ̀.”

Matìyò 24:3 ပူးပေါင်းရင်းမြစ်များ

Matìyò 13:36

Yeso nyaʼa nɔ̀ʼ saŋ mɨnɔ̂n bə̂d mbe, wò ɨŋga nəb. Mə̀mə̀ə̀nɨ̀-ɨnû ɨməd nyaʼa wò əsɨ məd pè ghà ɨ bɔ ni, “Toʼrɨ əton ənɨ ənû mɨgɨ ɨmbə̀ʼ ɨfu we rəkaʼ əbən ɨ na.”

Matìyò 13:49

À yɨ ɨchî nɨ zɨə bɨrɨ nɨ yeʼ we ənɨ ɨsɨg bɨrɨ nwìə̀. Mbɨ̀aŋgɨrə̀ bɨrɨ yeʼe pè chɨ̀ bə̂d mbe nɨə ghɨ̀ ɨnû rɨbɔ̀ŋ rəbɔʼ mbe nɨə ghɨ̀ ɨnû nɨ kuʼnɨ,

Matìyò 15:12

Mə̀mə̀ə̀nɨ̀-ɨnû mbe nyaʼa wò əsɨ məd pè biirɨ ɨ bɔ ni, “À kyerɨ ni ənû ze nɨ à ghǎ ə kə̀ʼ chə̀kɨ̀ fîŋ tɨ mɨ̀Farisiî ə?”

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Matìyò 16:28

Mə ghà rəsìʼ ɨ nən ni chəi bə̂d mɔʼɔ rəbɔʼ mbɔ̂ nɨ təmbɨ əgha bɨrɨ kwɨ ə zɨ rɨ tɨ̀ mbɨ zə Wan Wə̀d nɨə yeʼe ɨghabɨ ɨfɔ̀n.”

Matìyò 17:19

Mə̀mə̀ə̀nɨ̀-ɨnû mbe nyaʼa wò əsɨ Yeso ənjìm ənjìm pè biirɨ ɨ bɔ ni, “Chəi tɨ̀ chɨ̀ əzwî rɨbɔ̀ŋ zɔ̂ ɨmbə̀ʼ ə yè ə?”

Matìyò 21:1

Ənɨ Yeso mbɨ mbi mə̀mə̀ə̀nɨ̀-ɨnû nyaʼə sɨə tiinɨ ɨban ə Jèrusalèm, mbɨ nyaʼa pè ə Bètfagè nɨ nyaʼa ɨbom Ɨwum mɨ̀Olìf. Mbɨ nyaʼa pè əŋgu əne, Yeso tom mbi mə̀mə̀ə̀nɨ̀-ɨnû mɨ̀be ni mbɨ beə wò ɨmbì.

Matìyò 24:27

Ɨchî nɨ ɨbi mbə̀ŋ ə ŋwàŋ rɨ əbà ze nɨ nyùmə̀ ə tòʼə̀ wò pè əbà ze nɨ nyùmə̀ ə nyɨə, yɨə bə ɨchî nɨ Wan Wə̀d bɨrɨ yeʼe.

Matìyò 24:30

“Nyùmə̀ we mɨ kùʼ, ənweenɨ ze nɨ chwiə ni Wan Wə̀d wɨə yeʼe ə bɨrɨ jwɨ̀ əton ɨkaŋ, əne mɨnəbɨ jìm rɨ ɨgwɨ ɨsɨg bɨrɨ dì. Mbɨ bɨrɨ zə Wan Wə̀d nɨə yeʼe ɨgwɨ ə pàʼ, zə ɨka we nɨ wɨ̀ berɨ bə̀ zə ɨwumnɨ kyeŋ we nɨ wɨ̀ bə̀ berɨ.

Matìyò 24:37

Ənû ze nɨ nyaʼa ghɨ ənɨ ə nyùmə̀ Noà, yɨə bə̀ ənû nɨ bɨrɨ ghɨ̀ ənɨ ə nyùmə̀ we nɨ Wan Wə̀d bɨrɨ wɨrɨ yeʼe.

Matìyò 24:39

Chəi bə̂d mbe nyaʼa kyerɨ ənû ze nɨ nyaʼa wò ghɨ̀, pè ənɨ mbə̀ŋ ze nyaʼa nɔ, mɨnib kubrɨ ɨsɨ chè zə̀ mɨ̀mə̌d mɨjìm. À yɨ ɨchî nɨ zɨə bɨrɨ yeʼ we ənɨ ə nyùmə̀ we nɨ Wan Wə̀d bɨrɨ wɨrɨ yeʼe.

Matìyò 24:43

Àyɨə mbə̀ kyerɨ ni wə̀d nəb mɨ kə̀ʼ kyerɨ nyùmə̀ we nɨ ɨjɨ ə wo yeʼe ɨzimɨ, njɨ wɨ̀ bɨrɨ chub ɨkyèʼe ɨ nəŋgɨ i nəb ɨmbə̀ʼ tɨ ɨjɨ we toʼ i nəb ze.

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Lk 21:7

Mə̀mə̀ə̀nɨ̀-ɨnû Yeso nyaʼa biirɨ ɨ bɔ ni, “Əchwiə̀-ɨnû, ənû zɔ̂ ə kɨə wò ghɨ̀ əwù zi ə? Ənweenɨ ze nɨ bɨrɨ chwi ni nyùmə̀ fə kùʼ nɨ ənû zɔ̂ ə bɨrɨ ghɨ̀ kɨə zi ə?”

Ɨ̀fàʼì 1:7

Wɨ̀ nyaʼa wììrɨ̀ əmbɨ mɨ̀mə̌d ni, “Kaʼi əzən rɨmbin nɨ kyerɨ mɨ̀nyùmə̀ kɨ̀ ɨni mbe nɨ Mbǎʼ fə nuŋ ənɨ i ɨka.

Mə̀Hibrù 9:26

À kɨ nɨ wɨ̀ nyaʼa ghɨ̀ əne, njɨ wɨ̀ nyaʼa berɨ zə ŋgəʼ ɨghəm nɔnɔʼ tɨ ənɨ Ŋwìə̀ nyaʼa tekɨ ɨsɨg. Àyɨə ɨchî nɨ zɨə yeʼ əne, wɨ̀ nyaʼa fə jwɨ̀ fən ɨghəm mɔʼ ənɨ ɨsɨg ə sɨə wo nwìə̀, ɨmbə̀ʼ waʼ ɨnû rɨbɔ̀ŋ ɨchî nɨ wɨ̀ nyaʼa naʼ i ɨnyod ənɨ əghɨ ə̀fà.