Matìyò 2:4 - Meta’

⁴ Əne wɨ̀ nyaʼa tɔŋ bə̂d kyeŋ mbe rɨ ə mbàn Ŋwìə̀ bə̀ tɔŋ məchwiə̀ rɨ̀kə̌, biirɨ əmbɨ mɨ̀mə̌d ni, “Mbɨ kɨə wo gywɨ Wə̀d we nɨ Ŋwìə̀ zɔʼɔ ə yi ə?”

Ikan feg

⁴ Ane, wì ya kàrì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀, bìri inɔb gha, “Mbi kə ghum gwi Wə̀d we ne Ŋwiye zɔ̀ʼi aya?”

Matìyò 2:4 ပူးပေါင်းရင်းမြစ်များ

Matìyò 13:52

Əne wɨ̀ nyaʼa ghà əmbɨ mɨ̀mə̌d ni, “Əne yɨ ni, əchwiə̀ rɨ̀kə̌ jìm we nɨ fə kwembɨ ənû ɨmbə̀ʼ ənû ɨfɔ̀n rɨkaŋ, yɨ ɨghabɨ ə wə̀d nəb we nɨə chɨ̀ ɨghɨ fi bə̀ chɨ̀ mbɨ ənun rɨŋga i ŋgə̌n.”

Matìyò 2:3

Ənɨ ɨfɔ̂n Herɔ̀d nyaʼa zu ənû zɔ̂, zɨə nyaʼa tɔb əməd bə̀ tɔb bə̂d mɨ̀jìm mbe nɨ nyaʼa ə Jèrusalèm.

Matìyò 2:5

Mbɨ nyaʼa wììrɨ̀ ɨ bɔ ni, “Mbɨ bɨrɨ gywɨ əməd ə Betlehem we rɨ ə Jùdeyà, ɨchî nɨ wə̀d ɨ̀kə̀n Ŋwìə̀ nyaʼa fə ŋwaʼnɨ ni:

Matìyò 21:15

Àyɨə ənɨ bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ nyaʼa zə ɨnû yiirɨ mbe nɨ wɨ̀ nyaʼə ghɨ̀ə̀, bə̀ zu ɨchî nɨ bɔn kwa nyaʼə kyeŋ ɨŋga mbàn Ŋwìə̀ ghàə̀ ni, “Tɨ̀ yiirɨ Wan Dèvîd,” mbɨ nyaʼa sə ɨtəm.

Matìyò 21:23

Ənɨ Yeso nyaʼa nyɨ ɨŋga mbàn Ŋwìə̀, bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa wò əsɨ məd ənɨ wɨ̀ nyaʼə chwiə ɨnû, pè biirɨ ɨ bɔ ni, “À kɨə we naʼ ɨka ɨ ni à ghɨ ɨnû mbɔ̂ ə? À kɨə we naʼ ɨka wɔ̂ ɨ ne ə?”

Matìyò 26:3

À nyaʼa ənɨ ə nyùmə̀ we, bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa wò nàànɨ̀ ɨŋga tɔʼ Kaifàs, nɨ nyaʼa ətu ɨgwɨ ə bə̂d mbàn Ŋwìə̀.

Matìyò 26:47

Ənɨ Yeso nyaʼə kɨrɨ ghamə, Judàs, nɨ nyaʼa wɨ mɔʼɔ rəbɔʼ mə̀mə̀ə̀nɨ̀-ɨnû mbe wum chɔ̀b rɨ̀be nyaʼa yeʼe. Ɨ wɨə nyaʼə yènə̀ mbɨ ɨnɔ̂n bə̂d nɨ nyaʼa yim rɨbi bə̀ yim ɨtum mbàŋ. À yɨə bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa tom mɨ̀mə̌d.

Matìyò 27:1

À nyaʼa ɨsɔsɔ, bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa yim ɨfetɨ əne taŋ ɨchî nɨ mbɨ bɨrɨ zwiirɨ ə Yeso.

Matìyò 7:29

ɨmbə̀ʼ ɨghəm nɨ ɨ wɨə nyaʼə chwiə ɨnû əmbɨ mɨ̀mə̌d ɨghabɨ ə wə̀d nɨ berɨ ɨka nɨ ghɨ əne, kaʼi ɨghabɨ ɨchî nɨ məchwiə̀ rɨ̀kə̌ mɨ̀mə̌d nyaʼə chwiə.

Mk 8:31

Yeso nyaʼa kɔ chwi ɨnû əmbɨ mbi mə̀mə̀ə̀nɨ̀-ɨnû ni Wan Wə̀d berɨ jeŋgɨ zə ŋgəʼ, bə̂d kyeŋ mbe rɨŋga əbeŋ mbɨ ə bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ bɨrɨ ton əməd. Mbɨ bɨrɨ zwiirɨ əməd. Ɨni nɨə che tad wɨ̀ wɨrɨ zwemə.

Lk 20:19

Məchwiə̀ rɨ̀kə̌ mbɨ ə bə̂d kyeŋ mbe rɨ ə mbàn Ŋwìə̀ mbɨə nyaʼa kə̀b ni njɨ mbə gywɨ̀ ə Yeso ənɨ nyùmə̀ we, àyɨə ɨ mbɨ nyaʼə bɔə ni bə̂d bɨrɨ bu əchɔb. Ɨ mbɨə nyaʼa kəb gywɨ̀ əməd ɨmbə̀ʼ ɨghəm nɨ mbɨ nyaʼa kyerɨ ni ɨ wɨə nyaʼə ghà ənû ə mɨgɨ ze ɨmbə̀ʼ əwən.

Lk 23:10

Bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ nyaʼa təmbɨ ɨban ɨban kàŋə̀ zɨ̀ ɨsaʼi ɨgwɨ məd kwàʼ ənɨ ɨ̀kǎ.

Jn 18:3

Judàs nyaʼa kyerɨ əne, wò əŋgu mbɨ ɨnɔ̂n mɨ̀sɔgyɨ̀ fɔrɨ mbɨ ə bə̂d mbe nɨ nyaʼə nəŋgɨə mbàn Ŋwìə̀. À yɨə bə̂d kyeŋ mbe rɨ ə mbàn Ŋwìə̀ mbɨ mɨ̀Farisiî nyaʼa tom mɨ̀mə̌d. Mbɨ nyaʼa wò əŋgu mbɨ ɨnam, mbɨ əkaʼi fɔrɨ mbɨ ɨghɨ bid.

Jn 3:10

Yeso nyaʼa wììrɨ̀ ɨ bɔ ni, “Àwɔ̀ yɨə wə̀d nɨə chwi ɨnû əmbɨ mɨ̀Izre, əne chəi à kyerɨ ɨnû mbɔ̂ ə?

Jn 7:32

Mɨ̀Farisiî nyaʼa zu ɨchî nɨ ɨnɔ̂n bə̂d we nyaʼə chùmbɨ̀ ɨnû ɨmbə̀ʼ ə Yeso, əne mɨ̀mə̌d mbɨ ə bə̂d kyeŋ mbe rɨ ə mbàn Ŋwìə̀ nyaʼa tom Mənə̂ŋgɨ̀ mbàn Ŋwìə̀ ni mbɨ wo gywɨ̀ əməd.

Jn 8:3

Məchwiə̀ rɨ̀kə̌ mbɨ mɨ̀Farisiî nyaʼa gywɨ̀ əyi mɔʼɔ ənɨ wɨ̀ nyaʼə niə mbaŋə̀. Mbɨ nyaʼa nɨŋ əməd pè nùŋ ni wɨ̀ təm ɨfě mɨ̀mə̌d mɨjìm.

Ɨ̀fàʼì 23:9

Mbaŋə̀ te nyaʼa wɨrɨ kɔ kyeŋ rɨkǎ, əne məchwiə̀ rɨ̀kə̌ mɔʼɔ rɨŋga ɨfɔtɨ mɨ̀Farisiî nyaʼa nɔ̀ʼ təm rətiə ghà ni, “Chəi mbaŋə̀ zɔ̂ ghɨ ənû rɨbɔ̀ŋ ə mɔʼɔ. Ɨghə̀m əzwî kɨ̀ aŋgɨrə̀ fə ghàm ɨ bɔ.”

Ɨ̀fàʼì 4:5

Ənɨ ɨtuʼ nyaʼa chɨgɨ, bə̂d mbe nɨ nyaʼə tekɨ ɨnû ɨŋga əbeŋ mɨ̀Jû, bə̂d kyeŋ mbe rɨŋga əbeŋ mbɨ məchwiə̀ rɨ̀kə̌ nyaʼa wò fetɨ ə Jèrusalèm.

Ɨ̀fàʼì 6:12

Ənɨ mbɨ nyaʼa ghà əne, mbɨ nyaʼa nɔm fîŋ rɨ bə̂d mbe nɨ nyaʼa əŋgu, nɔm fîŋ rɨ bə̂d kyeŋ mbe rɨŋga əbeŋ bə̀ nɔm tɨ məchwiə̀ rɨ̀kə̌. Əne mbɨ nyaʼa gywɨ̀ əməd nɨŋ wo ɨfě mə̀saʼ əbeŋ.