Matìyò 2:3 - Meta’

³ Ənɨ ɨfɔ̂n Herɔ̀d nyaʼa zu ənû zɔ̂, zɨə nyaʼa tɔb əməd bə̀ tɔb bə̂d mɨ̀jìm mbe nɨ nyaʼa ə Jèrusalèm.

Ikan feg

³ Anyumə̀ ne ifɔn Erɔ̀d ya zughi anug azo̰, ze ya taŋ nàʼ ngəʼ ibo bə̀ nàʼ ngəʼ abə bəd məjìm inga Jèrusalèm.

Matìyò 2:3 ပူးပေါင်းရင်းမြစ်များ

Matìyò 2:2

Mbɨ nyaʼa pè biirɨ ni, “Wan we mbɨ gywɨ nɨ yeʼ ɨfɔ̂n mɨ̀Jû kɨ ə yi ə? Tɨ̀ kə̀ʼ zə fɨtəmɨ məd əbà ze nɨ nyùmə̀ ə jwɨ̀ rəŋgu, əne tɨ̀ fə yeʼe ɨ wumnɨ əməd.”

Matìyò 2:4

Əne wɨ̀ nyaʼa tɔŋ bə̂d kyeŋ mbe rɨ ə mbàn Ŋwìə̀ bə̀ tɔŋ məchwiə̀ rɨ̀kə̌, biirɨ əmbɨ mɨ̀mə̌d ni, “Mbɨ kɨə wo gywɨ Wə̀d we nɨ Ŋwìə̀ zɔʼɔ ə yi ə?”

Matìyò 23:37

“Wəi! Jèrusalèm, Jèrusalèm! À wɨə zwiirɨə bə̂d ɨ̀kə̀n Ŋwiə̀, bə̀ tumbɨə mbe nɨ mbɨ tom əsɨ ne ənɨ əti! À kɨ ɨghəm səʼə nɨ mə̀ fə kweʼ kə̀b ni njɨ mə fetɨ mbe bɔn ɨchî nɨ ɨŋgɔŋgub ə fetɨ mbi bɔn əton ti rɨbabɨ̀, àyɨə chəi à ben ni mə̀ ghɨ əne!

Matìyò 24:6

Mbə bɨrɨ zu ni ɨbeŋ mbɨə màʼə̀ bid, bə̀ zu mɨŋgam ɨmbə̀ʼ ɨchî nɨ bə̂d ə kəb maʼ bid. Tɨ mbə̀ bɔ ə. Ɨnû mbɔ̂ jìm berɨ ghɨ̀, àyɨə kaʼ à yɨə kɨrɨ i ɨnwǐ ɨsɨg.

Matìyò 8:29

Ənɨ ɨzwî rɨbɔ̀ŋ mbe nyaʼa zə ə Yeso, mbɨ nyaʼə kyeŋə ghàə̀ ni, “Àwɔ̀ Wan Ŋwìə̀, à berɨ ənû ə ye nɨ ghɨ̀ mbɨ na ə? À wa yeʼe əgha ɨ chə əwa bɔŋ nyùmə̀ sɨə kùʼ ə?”

Mk 13:7

Ənɨ mbə̀ zu ni ɨbeŋ mbɨə màʼə̀ bid, bə̀ zu mɨŋgam ɨmbə̀ʼ ɨchî nɨ bə̂d ə kəb maʼ bid, tɨ mbə̀ bɔ ə. Ɨnû mbɔ̂ berɨ ghɨ̀, àyɨə ka àyɨə kɨrɨ i ɨnwǐ ɨsɨg we.

Ɨ̀fàʼì 4:2

Mbɨ nyaʼa sə ɨtəm ɨmbə̀ʼ ɨghəm nɨ Pità mbɨ Jɔ̌n mbɨə nyaʼə chwi ɨnû bə̀ saʼə ni bə̂d bɨrɨ chè ənjìm ə Yeso bɔŋ zwemə.