Matìyò 2:13 - Meta’

¹³ Ənɨ bə̂d mbe nɨ nyaʼa kyerɨ ənû ɨmbə̀ʼ rɨtəmɨ nyaʼa fə wò əwən, aŋgɨrə̀ Ə̀nùŋɨ̀sɨg nyaʼa wò əsɨ Jòsêf ə njə̀m pè ghà ni, “Nɔʼɔ nɨŋ wan wɔ̂ mbɨ ɨŋgɔb məd mbə̀ nòrə̀ wò ə Ijìpt. Mbə̀ chub əŋgu pè ənɨ mə̀ ghà ɨ nən ni mbə̀ wɨrɨ yeʼe, ɨmbə̀ʼ ɨghəm nɨ Herɔ̀d wɨə kə̀b zwiirɨ wan wɔ̂.”

Ikan feg

¹³ Anyumə̀ ne bəd mbe ne kyeri anug imbə̀ʼ titəm iməg ya fə ghò awɔb, angirə̀ Anɔŋisəg ya ghò abə Jòseb anjə̀m, pè ghà ibo gha, “Nɔ̀ʼɔ! Niŋ ŋwan bɔd we tì ngɔb məd mbə̀ noro ghò a Ijìb. Mbə̀ chughi angu anene mə ghà ine gha mbə̀ ywirì yèʼe aŋa. Aton ya gha, Erɔ̀d biri chà bəd gha mbe kəbə ŋwan we zwèti.”

Matìyò 2:13 ပူးပေါင်းရင်းမြစ်များ

Matìyò 1:20

Ənɨ wɨ̀ nyaʼə kɨrɨ kɔndɨə əne, aŋgɨrə̀ Ə̀nùŋɨ̀sɨg nyaʼa jwɨ̀ ɨ bɔ ə njə̀m ghà ɨ bɔ ni, “Jòsêf, àwɔ̀ nɨ yeʼ wan tɨ ənɨ əghaŋ ə Dèvîd, tɨrə̀ bɔ e nɨ nɨŋ ə Mèri ənɨ e ɨwi, ɨmbə̀ʼ ɨghəm nɨ à yɨ Əzwî ə Zeŋɨ ə ghɨ ni wɨ̀ sɨ rɨ̀bùmə̀.

Matìyò 10:23

Ənɨ mbɨ nwendɨ tə rɨkyerɨ-ɨwu ɨŋga əsɨ ə mɔʼ, mbə̀ norə wò ɨŋga əsɨ ə cherə. Mə ghà rəsìʼ ɨ nən ni, Wan Wə̀d bɨrɨ wɨrɨ yeʼe bɔŋ mbə̀ sɨə kad ɨsɨ jìm ɨŋga Izre.

Matìyò 2:12

Ŋwìə̀ nyaʼa patɨ mɨ̀mə̌d ə njə̀m ni tɨ mbɨ wɨrɨ chè əwən əsɨ Herɔ̀d. Ənɨ mbɨ nyaʼa zu əne, mbɨ nyaʼa nɨŋ ɨnə̂njɨ̀ cherə wò əwən ɨŋga ə əbeŋ.

Matìyò 2:14

Jòsêf nyaʼa nɔ̀ʼ àmei ɨzimɨ we nɨŋ wan we mbɨ ɨŋgɔb məd mbɨ wò ə Ijìpt.

Matìyò 2:16

Ənɨ Herɔ̀d nyaʼa zə ni bə̂d mbe nɨ nyaʼa kyerɨ ənû ɨmbə̀ʼ rɨtəmɨ nyaʼa fə tam əwi, wɨ̀ nyaʼa sə ɨtəm kwàʼ rɨŋgəʼ. Əne wɨ̀ nyaʼa chà mbi mɨ̀sɔgyɨ̀ ə Betlehem bə̀ fɔrɨ ɨŋga ɨsɨ mbe nɨ nyaʼa ɨban ɨban ni mbɨ zwiirɨ bɔn mbaŋə̀ bɔd mɨjìm mbe nɨ nyaʼa fə sɨ ɨghəm ɨwu be fɔrɨ mbe nɨ chəi mbɨ nyaʼa kɨrɨ pe ɨghəm ɨwu be. Wɨ̀ nyaʼa ghà əne beenɨ əbɔʼ nyùmə̀ we nɨ bə̂d mbe nɨ nyaʼa kyerɨ ənû ɨmbə̀ʼ rɨtəmɨ nyaʼa gha ɨ bɔ.

Matìyò 2:22

Àyɨə ənɨ Jòsêf nyaʼa zu ni Àchelùs fə jɨg ətən ə Herɔ̀d nɨ nyaʼə mbǎʼ məd, əne sɨə tùmbɨ̀ ə Jùdeyà, wɨ̀ nyaʼa bɔ nɨ wò əŋgu. Aŋgɨrə̀ nyaʼa bə̀ patɨ əməd ə njə̀m, əne wɨ̀ nyaʼa wò əbà əbeŋ ze rɨ ə Galiliî.

Ɨ̀fàʼì 10:22

Mbaŋə̀ te nyaʼa wììrɨ̀ ni, “Kɔneliùs, nɨ yeʼ ətu ɨgwɨ mɨ̀sɔgyɨ̀ ɨkɨ fibɨ̀, fə tom əwa əsɨ ne. Məd wɨə ghɨ̀ ɨnû nɨ kuʼnɨ. Məd wɨə wumnɨ ə Ŋwiə̀. Mɨ̀Jû mɨ̀jìm mbɨə ghà ɨnû chɔ̀m ɨmbə̀ʼ əməd. Aŋgɨrə̀ Zeŋɨ kəʼ ghà ɨ bɔ ni wɨ̀ tom bə̂d əsɨ ne ni à wo əkwɨ məd, ɨmbə̀ʼ wɨ̀ zu ənû ze nɨ à berɨ nɨ gha ɨ bɔ.”

Ɨ̀fàʼì 10:7

Ənɨ aŋgɨrə̀ we nɨ nyaʼa gham ɨ bɔ nyaʼa fə wò i, wɨ̀ nyaʼa tɔŋ mbi bə̂d ə̀fàʼì mɨbe bə̀ tɔŋ ə sɔgyɨ̀ mɔʼ rəbɔʼ mɨ̀sɔgyɨ̀ mbe nɨ nyaʼə fàʼ əton məd. Sɔgyɨ̀ we nyaʼa bə̀ nùŋ fîŋ ɨgun ə Ŋwiə̀.

Ɨ̀fàʼì 12:11

Ənɨ Pità nyaʼa kyerɨ ənû ze nɨ nyaʼa ghɨ ənɨ məd, wɨ̀ nyaʼa ghà ni, “Tɨ̀nîn mə fə kyerɨ ənɨ rəsìʼ ni Ə̀nùŋɨ̀sɨg fə tom wi aŋgɨrə̀ ni wɨ̀ yeʼe chɨ̀ əmɨ rɨŋga tɨkyerɨ-ɨbɔ Herɔ̀d, bə̀ chɨ əmɨ rɨ ənɨ ɨnû jìm mbe nɨ mɨ̀Jû ə kə̀ʼə̀ wòmə̀ ni mbə bɨrɨ ghɨ ənɨ ə num.”

Ɨ̀fàʼì 12:7

Aŋgɨrə̀ Ə̀nùŋɨ̀sɨg nyaʼa saʼ jwɨ̀, ɨzeŋɨ zeŋɨ te ɨŋga nəb ndəŋ ze. Wɨ̀ nyaʼa nìpɨ̀ ə Pità ɨban ɨbeŋ nɔ̀ əməd ghà ɨ bɔ ni, “Zambɨ nɔʼ.” Ənɨ wɨ̀ nyaʼa ghà əne, mɨ̀kàrə̀ mbe nyaʼa feŋgɨ rɨ ənɨ ɨbɔ Pità.

Ɨ̀fàʼì 16:36

Mbaŋə̀ ze nɨ nyaʼə nəŋgɨ ə nəb ndəŋ ze nyaʼa ghà ənû ze əmbɨ Pɔ̂l ni, “Məsaʼ mɨ̀sàʼi fə cha ɨkə̂n ni mə̀ sàŋ əwən mbə̀ si wo ə. Əne mbə̀ sɨ jwɨ̀ wò əwən ənɨ əbɔrəbɔd.”

Ɨ̀fàʼì 5:19

À nyaʼa ɨzimɨ we, aŋgɨrə̀ Ə̀nùŋɨ̀sɨg nyaʼa wò fìʼ mɨchû nəb ndəŋ ze, chɨ̀ mɨ̀mə̌d chà əsaŋ, ghà əmbɨ mɨ̀mə̌d ni,

Ɨ̀fàʼì 7:19

Wɨ̀ nyaʼa taŋ mɨnaŋ ɨgwɨ mba bə̂d, ghɨ̀ ɨzɨg ənɨ mɨ̀mə̌d ɨchî nɨ wɨ̀ nyaʼa nyeŋ mɨ̀mə̌d ni mbɨ waʼ mbə bɔn bɔd ɨsɨg, ɨmbə̀ʼ mbɨ kwɨrɨ.

Ɨnû 12:14

Àyɨə mbɨ nyaʼa nàʼ tɨbabɨ̀ ɨzam kyeŋ əmbɨ əyi we. Tɨbabɨ̀ te tɨə nyaʼa rɨbe. Mbɨ nyaʼa nàʼ ɨ bɔ ni wɨ̀ firə tɨ ənɨ tɨ̀sɔ̀ʼɔ̀ jɔ ze wò ɨŋga ɨbad rɨkwàʼi, əsɨ nɨ mbɨ bɨrɨ nəŋgɨ əməd ɨghəm ɨwu tad rɨ əbà.

Ɨnû 12:4

Ɨkon məd nyaʼa sùŋ əbà ə fibɨ̀ ənɨ mbɨ ghapɨ rɨtəmɨ ɨba tad. Wɨ̀ nyaʼa sùŋ əne màʼ ɨgwɨ ə si. Tɨ̀sɔ̀ʼɔ̀ jɔ ze nyaʼa təm ɨfě əyi we nɨ nyaʼə nombɨə, ɨmbə̀ʼ wɨ̀ mɨ gywɨ, zɨ̀ kud wan məd.

Ɨnû 12:6

Əyi we nyaʼa nòrə̀ wò ɨŋga ɨbad rɨkwàʼi, əsɨ nɨ Ŋwìə̀ nyaʼa fə tekɨ ɨ bɔ, əsɨ nɨ mbɨ bɨrɨ nəŋgɨ əməd ɨni chuʼ fibɨ̀ mbɨ əkɨ əbe mbɨ ɨwum rɨ̀fuə.