Matìyò 18:7 - Meta’

⁷ “Ŋgəʼ bɨrɨ nyɨ ɨgwɨ ɨsɨg ɨmbə̀ʼ ɨnû mbe nɨə ghɨ̀ə̀ ni bə̂d ghɨ ənû rɨbɔ̀ŋ! Ɨnû mbe nɨə ghɨ̀ ni bə̂d ghɨ ɨnû rɨbɔ̀ŋ berɨ yeʼe, àyɨə ŋgəʼ bɨrɨ nyɨ ɨgun ə wə̀d we nɨ ɨnû mbe nɨə ghɨ̀ ni bə̂d ghɨ ɨnû rɨbɔ̀ŋ che ənjìm məd yeʼe!

Ikan feg

⁷ Ngəʼ kyen biri yaʼ igun isəg gho̰ imbə̀ʼ inug mbe ne ghìyə̀ gha bəd se ghìyə̀ inug tibɔ̀ŋ. Inug icheg mbo̰ ya mənyìʼ yèʼe, si ya gha, ngəʼ kyen biri nyi igun wə̀d ne mbi biri yeʼe anjìm məd.

Matìyò 18:7 ပူးပေါင်းရင်းမြစ်များ

Matìyò 16:23

Àyɨə wɨ̀ nyaʼa bèŋ ghà əmbɨ Pità ni, “Àwɔ̀ Satàn, nɔʼ e rɨ ɨban num! À wɨə kən ɨnə̂njɨ̀ ɨ num, ɨmbə̀ʼ ɨghəm nɨ chəi à nuŋ e ɨkɔndɨ ɨgun ɨghɨ mbe nɨ Ŋwìə̀ kəbɨ. À nùŋ yeʼ ɨgun mbe nɨ bə̂d mɨ̀sɔŋɨchù kəbɨ.”

Matìyò 26:24

Wan Wə̀d bɨrɨ kwɨ ɨchî nɨ mbɨ nyaʼa fə ŋwaʼnɨ ɨmbə̀ʼ əməd, àyɨə ŋgəʼ bɨrɨ nyɨ ɨgun ə wə̀d we nɨ fen əməd. À kɨ ənɨ chəi mbɨ nyaʼa kɨrɨ gywɨ əməd, njɨ zɨə bɔ̀ŋ.”

Mk 13:7

Ənɨ mbə̀ zu ni ɨbeŋ mbɨə màʼə̀ bid, bə̀ zu mɨŋgam ɨmbə̀ʼ ɨchî nɨ bə̂d ə kəb maʼ bid, tɨ mbə̀ bɔ ə. Ɨnû mbɔ̂ berɨ ghɨ̀, àyɨə ka àyɨə kɨrɨ i ɨnwǐ ɨsɨg we.

Lk 17:1

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Ɨnû mbe nɨə ghɨ̀ ni bə̂d ghɨ ɨnû rɨbɔ̀ŋ berɨ yeʼe, àyɨə ŋgəʼ bɨrɨ nyɨ ɨgun ə wə̀d we nɨ ɨnû mbe chè ənjìm məd yeʼe!

Jn 17:12

Ənɨ mə nyaʼa mbɨ mɨ̀mə̌d, mə wɨə nyaʼə nəŋgɨ mɨ̀mə̌d ni tɨ əghɨ ə mɔʼɔ ə ghɨ i mɨ̀mə̌d. Mə wɨə nyaʼə ghɨ̀ əne ənɨ ɨka we nɨ nyaʼa yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Mə wɨə nyaʼə nəŋgɨ mɨ̀mə̌d, əne chəi wɨ mɔʼɔ rəbɔʼ mɨ̀mə̌d nyaʼa nimɨ kɨrɨ ənɨ we nɨ nyaʼa berɨ nim. Wɨ̀ nyaʼa nim ɨmbə̀ʼ ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ.

Ɨ̀fàʼì 1:16

“Mbɨ bɔŋgɔb, ɨŋgam Ŋwiə̀ we nɨ Əzwî ə Zeŋɨ ə nyaʼa fə be ghɨ̀ ɨfɔ̂n Dèvîd ghà, ə berɨ jwɨ̀ ənɨ rəsìʼ de ə Judàs we nɨ nyaʼa chwi ɨnə̂njɨ̀ əmbɨ ə bə̂d mbe nɨ nyaʼa gywɨ ə Yeso.

1 Kɔrèn 11:19

Mə kyerɨ ni ə̀ghàbrɨ̀ ə berɨ jwɨ̀ əkaʼ nən ɨmbə̀ʼ mbɨ kyerɨ bə̂d Kristo rəsìʼ.

1 Timotì 6:1

Bə̂d Kristo mɨ̀jìm mbe nɨ yeʼ ɨ̀bòʼò berɨ naʼ ɨwumnɨ əmbɨ mbə mɨ̀mbǎʼ ə̀fàʼì ənɨ rɨkwɨ ɨnə̂njɨ̀ jìm, ɨmbə̀ʼ tɨ bə̂d mbe nɨ chəi mbɨ ben ə Kristo gha ə ɨnû rɨbɔ̀ŋ mɔʼɔ ɨmbə̀ʼ ə Ŋwiə̀ fɔrɨ ɨmbə̀ʼ ɨkə̂n chɔ̀m we nɨ tɨə ghàə̀.

Tayitùs 2:5

ni mbɨ yimbɨ ə ɨnyod chub àmei mbɨ mbə mɨnom, ni mbɨ kyerɨ ɨchî nɨ nuŋ tə nəb, ni mbɨ ghɨ ɨ̀chɔ̀m, ni mbɨ zuunɨ mbə mɨnom. Mbɨ mɨ ghɨ̀ əne, chəi bə̂d bɨrɨ gha ɨnû rɨbɔ̀ŋ ɨmbə̀ʼ ɨŋgam Ŋwiə̀.

Tayitùs 2:8

Gha àmei ɨŋgam nɨ kuʼnɨ nɨ chəi ənɨ tɨ̀ wə̀d zə ənû rɨbɔ̀ŋ ɨŋga. À mɨ ghɨ̀ əne, tɨ̀nìd ətu bɨrɨ yim mbe bə̂d pə̀n, ɨmbə̀ʼ ɨghəm nɨ chəi mbɨ zə ənû rɨbɔ̀ŋ nɨ tɨ̀ mbɨ gha ɨmbə̀ʼ əwa.

Jûd 1:4

Mə wɨə ghà əne ɨmbə̀ʼ ɨghəm nɨ bə̂d mɔʼɔ nɨ chəi mbɨə wumnɨ ə Ŋwiə̀ fə nyaʼrɨ yeʼe nyɨ əkaʼ nən. Ɨ mbɨə bèŋ ɨ̀chɔ̀m a Ŋwìə̀ ɨmbə̀ʼ ghɨ ɨnyamnɨ-ɨnû. Ɨ mbɨə bə̀ ton ə Yeso Kristo nɨ àmei məd yeʼ a Mbǎʼ ə̀fàʼì bə̀ yeʼ a Ə̀nùŋɨ̀sɨg we mɔʼ. Ə̀ŋwàʼnɨ̀ ə Ŋwìə̀ ə nyaʼa fə ghà rəŋwe ni Ŋwìə̀ bɨrɨ zɨ ɨsaʼi ɨgwɨ mɨ̀mə̌d.