Matìyò 17:3 - Meta’

³ Mbɨ nɨ zə, Mose mbɨ Èlaijà nyaʼa jwɨ̀ ɨfě mɨ̀mə̌d. Mbɨ nyaʼa jwɨ̀ əne kɔ ghambɨ mbɨ Yeso.

Ikan feg

³ Mbi ŋa zə̰, Muse tì Èlayijà du inɔb imbìghè. Mbɔb ya dù ane ko se ghàmà tì Yeso.

Matìyò 17:3 ပူးပေါင်းရင်းမြစ်များ

Matìyò 17:2

Ənɨ mbɨ nyaʼa pe əŋgu, ɨnyod məd nyaʼa kwepə ɨfě mɨ̀mə̌d. Ɨfě məd nyaʼə te ɨghabɨ ə nyumə̀, ngywɨ̌ rɨ məd bə̀ fuə teenɨə.

Matìyò 17:4

Pità nyaʼa zə əne, ghà əmbɨ Yeso ni, “Ə̀nùŋɨ̀sɨg! Zɨə bɔ̀ŋ ni tɨ̀ wɨ əgha. À mɨ ghaʼ, mə bɨrɨ kod mɨŋwenɨ tad əgha, wɨ fibɨ̀ ɨ ne, wɨ fibɨ̀ əmbɨ Mose, wɨ fibɨ̀ əmbɨ Èlaijà.”

Mk 9:4

Èlaijà mbɨ Mose nyaʼa jwɨ̀ ɨfě mɨ̀mə̌d. Mbɨ nyaʼa jwɨ̀ əne kɔ ghambɨ mbɨ Yeso.

Lk 1:17

Wɨ̀ bɨrɨ wo ɨmbì Ə̀nùŋɨ̀sɨg mbɨ ɨkwɨ əzwî fɔrɨ mbɨ ɨkwɨ ɨka we nɨ Èlaijà nyaʼa berɨ. Wɨ̀ bɨrɨ beŋ fîŋ tɨ mɨ̀mbǎʼ ni mbɨ wɨrɨ ghaʼ mbə bɔn. Wɨ̀ bɨrɨ beŋ fîŋ rɨ bə̂d mbe nɨə ghɨ̀ rɨ̀zuə̀ ni mbɨ berɨ ɨwe ɨchî nɨ mbe nɨə ghɨ̀ ɨnû nɨ kuʼnɨ berɨ. Wɨ̀ bɨrɨ bɨ ghɨ ni bə̂d tekɨ ɨnyod wòm Ə̀nùŋɨ̀sɨg.”

Lk 16:16

“Tɨkə rɨ Mose mbɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨə nyaʼə saʼə bə̂d wò pè ənɨ ə nyùmə̀ Jɔ̌n we nɨ nyaʼə nàʼ mɨnib. Ɨ kɔ rɨ ənɨ ə nyùmə̀ we, ɨ mbɨə ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀, əne wə̀d jìm wɨə kəb nyɨ ə ɨŋga ənû ɨfɔ̀n ze ənɨ ɨka.

Lk 24:27

Ənɨ wɨ̀ nyaʼa ghà əne, wɨ̀ nyaʼa toʼrɨ ɨnû mbe nɨ Ɨ̀ŋwàʼnɨ̀ Ŋwiə̀ jìm gha ɨmbə̀ʼ əməd ziə. Wɨ̀ nyaʼa kɔ rɨ ənɨ ɨ̀ŋwàʼnɨ̀ mbe nɨ Mose nyaʼa ŋwaʼnɨ wò pè ənɨ mbe nɨ bə̂d ɨ̀kə̀n Ŋwiə̀ mɨjìm nyaʼa bə ŋwàʼnɨ̀.

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Lk 9:33

Ənɨ mbaŋə̀ te nyaʼə sàŋ ə Yeso, Pità nyaʼa ghà əmbɨ Yeso ni, “Masà, zɨə bɔ̀ŋ ni tɨ̀ wɨ əgha. Tɨ̀ bɨrɨ kod mɨŋwenɨ tad, wɨ fibɨ̀ ɨ ne, wɨ fibɨ̀ əmbɨ Mose, wɨ fibɨ̀ əmbɨ Èlaijà.” Wɨ̀ nyaʼa ghà əne, àyɨə chəi wɨ̀ nyaʼa kyerɨ ənû ze nɨ wɨ̀ nyaʼə ghàə̀.

Jn 1:17

Ŋwìə̀ nyaʼa naʼ tɨkə ənjìm ə Mose, àyɨə ɨ̀chɔ̀m mbɨ rəsìʼ nyaʼa yeʼe ənjìm ə Yeso Kristo.