Matìyò 17:18 - Meta’

¹⁸ Ənɨ mbɨ nyaʼa nɨŋ wò nàʼ ɨ bɔ, wɨ̀ nyaʼa ghàm əbɔʼ əzwî rɨbɔ̀ŋ ze, zɨə jwɨ̀ rɨŋga wan we. Əne wan we nyaʼa bɔtɨ i àmei əwu əwən.

Ikan feg

¹⁸ Ane, mbi ya niŋ ŋwan we ghò nàʼ ibo. Wì ya ghàm kyen abə azwighi tibɔ̀ŋ ze, ze chè dù inga ŋwan we. Ane, Aghɔn ŋwan we ya mèg məyi kwàʼ anyumə̀ we.

Matìyò 17:18 ပူးပေါင်းရင်းမြစ်များ

Matìyò 12:22

Bə̂d mɔʼɔ nyaʼa nɨŋ mbaŋə̀ nɨ əzwî rɨbɔ̀ŋ ə nyaʼa ɨŋga məd wò əsɨ Yeso mbɨ məd. Mbaŋə̀ ze yɨə nyaʼa ɨfɨgɨ bə̀ fɔrɨ tɨ̀ghàm. Mbɨ nyaʼa wò əne, Yeso vɨ̀ əməd, wɨ̀ wɨrɨ kɔ ghamɨ bə̀ kɔ zə ɨsɨ.

Matìyò 15:28

Yeso nyaʼa wììrɨ̀ ɨ bɔ ni, “Əyi, e ɨbenɨ ə kà! Əne əghɨ ze nɨ à kə̀bɨ, à bɨrɨ berɨ.” Àmei əwu əwən, wan əyi məd we nyaʼa bɔtɨ i.

Matìyò 17:17

Yeso nyaʼa wììrɨ̀ ni, “Chəi ɨghəm bə̂d wɔ̂ rɨ̀nîn berɨ ɨbenɨ. Ɨ mbɨə ghɨ̀ ɨnû nɨ chəi mbɨ kuʼu. Mə̀ kɨə wò chubɨ mbɨ nən ənɨ əgha nɨ sa rɨ ye ə? Mə̀ kɨə wò yim fîŋ mbɨ nən ənɨ əgha nɨ sa rɨ ye ə? Mbə̀ nɨŋ wan mbaŋə̀ we yeʼe naʼ ɨ num.”

Matìyò 17:19

Mə̀mə̀ə̀nɨ̀-ɨnû mbe nyaʼa wò əsɨ Yeso ənjìm ənjìm pè biirɨ ɨ bɔ ni, “Chəi tɨ̀ chɨ̀ əzwî rɨbɔ̀ŋ zɔ̂ ɨmbə̀ʼ ə yè ə?”

Matìyò 9:22

Ənɨ wɨ̀ nyaʼa betɨ, Yeso nyaʼa bèŋ zə əməd, ghà ɨ bɔ ni, “Yim fîŋ, kyɨ ɨŋgɔbə! E ɨbenɨ fə ghɨ̀ ni à bɔtɨ e.” Àmei əwu əwən əyi we nyaʼa bɔtɨ i.

Mk 1:34

Yeso nyaʼa vɨ̀ bə̂d mɨ̀nɔnɔʼ nɨ nyaʼa wɔ̀nə̀ tɨkwɨrɨ ɨwɔn nɔnɔʼ. Wɨ̀ nyaʼa bə̀ chɨ̀ ɨzwî rɨbɔ̀ŋ nɔnɔʼ rɨŋga bə̂d. Chəi wɨ̀ nyaʼa ben ni ɨzwî rɨbɔ̀ŋ mbe ghàmə̀, ɨmbə̀ʼ ɨghəm nɨ mbɨ nyaʼa kyerɨ wə̀d we nɨ wɨ̀ yeʼ wɨwən.

Mk 5:8

Wɨ̀ nyaʼa ghà əne ɨmbə̀ʼ ɨghəm nɨ Yeso nyaʼa be gha ɨ bɔ ni, “Àwɔ̀ əzwî rɨbɔ̀ŋ, jwɨ e rɨŋga mbaŋə̀ zɔ̂!”

Lk 4:41

Ɨzwî rɨbɔ̀ŋ nyaʼa bə̀ jwɨ̀ rɨŋga bə̂d mɨ̀nɔnɔʼ. Mbɨ nyaʼə kyeŋə ghàə̀ ni, “Àwɔ̀ yɨə Wan Ŋwìə̀!” Àyɨə wɨ̀ nyaʼa ghàm əbɔʼ mɨ̀mə̌d. Chəi wɨ̀ nyaʼa ben ni mbɨ ghàmə̀, ɨmbə̀ʼ ɨghəm nɨ mbɨ nyaʼa kyerɨ ni məd yɨə Wə̀d we nɨ Ŋwiə̀ zɔʼɔ.

Lk 8:29

Wɨ̀ nyaʼa ghà əne ɨmbə̀ʼ ɨghəm nɨ Yeso nyaʼa ghà əmbɨ əzwî rɨbɔ̀ŋ ze ni zɨə jwɨ rɨŋga mbaŋə̀ ze. Əzwî rɨbɔ̀ŋ ze ə nyaʼə yimə mbaŋə̀ ze tum ə si ɨghəm nɔnɔʼ. Ka à bè yeʼi ni ɨ mbɨ nyaʼə nəŋgɨə əməd, bə̀ kod ɨbɔ məd mbɨ ɨwu məd ənɨ mɨ̀kàrə̀, àyɨə wɨ̀ nyaʼə təndɨ ɨghɨ mbe. Əzwî rɨbɔ̀ŋ ze zɨə nyaʼə fid əməd wɨ̀ norə wò ɨŋga ɨbad rɨkwàʼi.

Lk 9:42

Ənɨ wan we nyaʼə yènə̀ yeʼe, əzwî rɨbɔ̀ŋ ze nyaʼa yim əməd tum ə si, kɔ chiʼ əməd. Àyɨə Yeso nyaʼa gham əbɔʼ əzwî rɨbɔ̀ŋ ze, vɨ̀ wan we, wɨrɨ naʼ əmbɨ mbǎʼ məd.

Ɨ̀fàʼì 16:18

Ɨ wɨə nyaʼə ghɨ̀ ənû zɔ̂ ɨni nɔnɔʼ. Əne Pɔ̂l nyaʼa sə ɨtəm, bèŋ ghà əmbɨ əzwî rɨbɔ̀ŋ ze ni, “Mə ghà ɨ ne ənɨ ɨkum Yeso Kristo ni à jwɨ rɨŋga wan əyi wɔ̂.” Əzwî rɨbɔ̀ŋ ze ə nyaʼa jwɨ̀ àmei əwu əwən.