Matìyò 13:44 - Meta’

⁴⁴ “Ənû ɨfɔ̀n rɨkaŋ yɨ ɨghabɨ əghɨ əka ɨnùn nɨ wə̀d mɔʼɔ nyaʼa nəm ɨŋga mbeŋ. Wə̀d mɔʼɔ nyaʼa wò zə əghɨ ze wɨrɨ kubrɨ. Ɨghaʼi nyaʼa swi ɨŋga fîŋ məd, əne wɨ̀ fèndɨ̀ mbi ɨghɨjìm wò zon mbeŋ ze.

Ikan feg

⁴⁴ Yeso ya ywìrì ghàm ìngam məgri ndəŋ abə mə̀mə̀nənùg məd gha, “Anug ìfɔ̀n ikaŋ ya icheg aghi àka inun ne wə̀d mɔ̀ʼɔ ya nə̀mbi inga mben mɔ̀ʼɔ. Anyumə̀ ne wə̀d ndəŋ ya bàri aghi ze, wì ya ywìrì nə̀mbì aghi ze inga aseg inga mben ze. Wì ya si ghò fèndì ìmbi ighi ijìm ane igyendi, bə̀ndì ghò zon mben ze.”

Matìyò 13:44 ပူးပေါင်းရင်းမြစ်များ

Matìyò 13:24

Yeso nyaʼa yì ghà ənû ə mɨgɨ ə cherə əmbɨ mɨ̀mə̌d ni, “Ənû ɨfɔ̀n rɨkaŋ yɨ ɨghabɨ ə wə̀d nɨ nyaʼa kon kywɨ̀ chɔ̀m ɨŋga i mbeŋ.

Matìyò 13:46

Ənɨ wɨ̀ nyaʼa zə pə̂l mɔʼ nɨ bɔŋɨ chè, wɨ̀ nyaʼa fèndɨ̀ mbi ɨghɨjìm, wò zon ə pə̂l we.

Matìyò 13:47

“Ənû ɨfɔ̀n rɨkaŋ yɨ ɨghabɨ ə kɨ̀ nɨ mbɨ nyaʼa maʼ ɨŋga ə sà, əne gywɨ̀ tɨkwɨ əgwi jìm.

Matìyò 19:21

Yeso nyaʼa ghà ɨ bɔ ni, “À mɨ kə̀b bɔ̀ŋ màànɨ̀, ndə̀ wo fèndɨ̀ ɨghɨjìm mbe nɨ à berɨ, wò nàʼ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

Matìyò 19:27

Pità nyaʼa ghà ɨ bɔ ni, “Zə, tɨ̀ fə sàŋ ɨghɨjìm beenɨ əbɔʼ nè. Tɨ̀ kɨə wo berɨ ye ə?”

Matìyò 19:29

Wə̀d jìm we nɨ saŋ ti nəb, kɨ̀ mbi bɔŋgɔb mbaŋə̀ kɨ̀ mbɨ məyi, kɨ̀ i mbǎʼ, kɨ̀ i nɨŋ, kɨ̀ mbi bɔn, kɨ̀ mbi ɨsɨ si ɨmbə̀ʼ beenɨ əbɔʼ num, bɨrɨ wɨrɨ berɨ ɨghɨ ɨghəm ɨkɨ fibɨ̀, bə̀ jɨg ɨ̀tènɨ̀ rɨ mì.

Matìyò 6:21

Əne yɨ ɨmbə̀ʼ ɨghəm nɨ əsɨ ze nɨ e mbɔ̂n yeʼ əŋgu, e fîŋ bɨrɨ bɨ yeʼ əŋgu.

Lk 14:33

Əne bə̂, wə̀d mɔʼɔ we rəbɔʼ nən nɨ chəi wɨ̀ ton ɨghɨjìm mbe nɨ wɨ̀ berɨ, rɨka kùʼi nɨ yeʼ mɨ ə̀mə̀ə̀nɨ̀-ɨnû.”

Jn 6:35

Yeso nyaʼa ghà əmbɨ mɨ̀mə̌d ni, “Mɔ̌ yɨə ŋgə̀ŋ ze nɨə nàʼ ɨ̀tènɨ̀. Kaʼ njì bɨrɨ nɔ wɨrɨ zaŋ i wə̀d we nɨ yeʼe əsɨ num. Kaʼ ədɔʼ ə mɨnib ə bɨrɨ wɨrɨ nɔ ne i wə̀d we nɨ ben ənû ze nɨ mɨə ghàə̀.

Rm 15:4

Ɨŋgam wɔ̂ yɨ ɨmbə̀ʼ ɨghəm nɨ ɨnû mbe nɨ mbɨ nyaʼa ŋwaʼnɨ rəŋwe, mbɨ nyaʼa ŋwàʼnɨ̀ ɨmbə̀ʼ kəərɨ əwa. Mbɨ nyaʼa ŋwaʼnɨ ɨmbə̀ʼ ɨghəm nɨ ənjìm ɨnyiʼ fîŋ bə̀ fɔrɨ ənjìm ɨka we nɨ Ə̀ŋwàʼnɨ̀ ə Ŋwiə̀ ə nàʼ ɨ na, tɨ̀ we tɨ̀ rɨ̀ wòm ɨnû mbe nɨ Ŋwiə̀ nyaʼa kaʼ ɨ na.

Kòlosè 2:3

Ŋwìə̀ fə nə̀m ɨwe jìm bə̀ nə̀m ɨkyerɨ-ɨnû jìm ɨŋga məd.

Kòlosè 3:16

Ɨŋgam ɨmbə̀ʼ ə Kristo kaŋ tèn ɨŋga tə fîŋ kwàʼ ɨchî chɔ̀m. Mbə chwi ɨnû, bə̀ kəərɨ mbə bɔŋgɔb ənɨ ɨwe jìm. Mbə̀ kwerɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî naʼ əmbɨ ə Ŋwiə̀. Mbə̀ ghɨ əne mbɨ ɨghaʼi kyeŋ ɨŋga tə fîŋ.

Mə̀Hibrù 10:34

Mbə mbɨə nyaʼə dììrɨ̀ə̀ bə̂d mbe nɨ nyaʼa ə nəb ndəŋ. Ənɨ mbɨ nyaʼa fe mbə ɨghɨ, mbə̀ nyaʼa ben ənɨ ɨghaʼi. Mbə mbɨə nyaʼa ghɨ̀ əne ɨmbə̀ʼ ɨghəm nɨ mbə̀ nyaʼa kyerɨ ni mbə berɨ ɨghɨ nɨ bɔŋ chè mbe, nɨ yeʼ ɨghɨ nɨ bɨrɨ ten i koŋ.

Ɨnû 3:18

Əne mə wɨə kəərɨ əwe ni à zon ə gôl rɨ num, nɨ yeʼ ə gôl we nɨ mbɨ tɔn ɨŋga ɨwid chiʼ kwàʼ ɨchî chɔ̀m. À mɨ ghɨ̀ əne à bɨrɨ berɨ mbɔ̂n. Bə zon ngywɨ̌ rɨ̀fɨ zɨ̀, ɨmbə̀ʼ chɨ tɨ̀nìd ətu we nɨ bə̂d ə zəə ni à wɨ rɨ̀sɔ̀ʼ ɨkyerɨ. Zon ɨfuʼ əghə zɨ̀ ɨŋga e əghə ɨmbə̀ʼ à wɨrɨ zə ɨsɨ.