Matìyò 10:5 - Meta’

⁵ Yeso nyaʼa tom bə̂d mbɔ̂ wum chɔ̀b rɨ̀be ghà əmbɨ mɨ̀mə̌d ni, “Tɨ mbə̀ wo əwən əkaʼ bə̂d mbe nɨ kaʼi mɨ̀Jû, kɨ̀ bè wò nyɨ ɨŋga əsɨ ə mɔʼɔ ə Sàmàriyà.

Ikan feg

⁵ Yeso ya chà bədtɔm mbe ìghum chɔ̀b ibe nàʼ tikə inɔb gha, “Imbə̀ʼ mbə̰ gho awən inga iben bəd mbe ne kayi mə̀Ju fɔrɔ inga iben məSàmarìyà.

Matìyò 10:5 ပူးပေါင်းရင်းမြစ်များ

Matìyò 22:3

Wɨ̀ nyaʼa tom mbi bə̂d ə̀fàʼì ni mbɨ wo tɔŋ bə̂d mbe nɨ wɨ̀ kəʼ won ənɨ ɨnamɨ we. Bə̂d ə̀fàʼì mbe nyaʼa wò tɔŋə, àyɨə chəi mbɨ nyaʼa yeʼe.

Matìyò 4:15

“Əba əbeŋ ə Zebulùn mbɨ əba əbeŋ ə Naftalì, nɨ yeʼ ɨnə̂njɨ̀ we nɨə wò ɨŋga rɨ̀bàà, nɨ mbɨ baanɨ ɨgyɨ̂ Jodàn, Galiliî nɨ yeʼ əsɨ ze nɨ bə̂d mbe nɨ kaʼi mɨ̀Jû ə chub əŋgu!

Mk 6:7

Ənɨ wɨ̀ nyaʼə ghɨ̀ əne, wɨ̀ nyaʼa tɔŋ mbi mə̀mə̀ə̀nɨ̀-ɨnû mbe wum chɔ̀b rɨ̀be əsɨ ni kɔ tom mɨ̀mə̌d ɨsɨg mɨbe mɨbe. Wɨ̀ nyaʼa bə̀ nàʼ ɨka əmbɨ mɨ̀mə̌d nɨ mbɨ chɨ ɨzwî rɨbɔ̀ŋ rɨŋga bə̂d.

Lk 10:1

Ənɨ mbɨ nyaʼa maanɨ rɨ əwɔ, Ə̀nùŋɨ̀sɨg nyaʼa chɔʼ bə̂d ɨwum sambe chɔ̀b rɨ̀be, əne tom mɨ̀mə̌d mɨbe mɨbe ni mbɨ wo ɨmbì ɨ bɔ ɨŋga ɨsɨ jìm mbe nɨ məd ziə nyaʼa berɨ wo əŋgu.

Lk 10:33

Àyɨə mbaŋə̀ mɔʼɔ nɨ nyaʼa rɨ ə Sàmàriyà, nɨ nyaʼə yèn i, nyaʼa wò pè əsɨ ze nɨ mbaŋə̀ ze nyaʼa əŋgu. Ənɨ wɨ̀ nyaʼa zə əməd, ə̀kə̀nɨ̀ ə nyaʼa swi ɨŋga fîŋ məd.

Lk 17:16

pè gù ɨban ɨwu Yeso, nàʼ məben-əwe ɨ bɔ. Mbaŋə̀ ze yɨə nyaʼə wə̀d rɨ ə Sàmàriyà.

Lk 9:1

Yeso nyaʼa tɔŋ mə̀mə̀ə̀nɨ̀-ɨnû mbe wum chɔ̀b rɨ̀be, nàʼ ɨka əmbɨ mɨ̀mə̌d ni mbɨ chɨ ɨzwî rɨbɔ̀ŋ jìm bə̀ vɨ ɨwɔn.

Lk 9:2

Wɨ̀ nyaʼa tom mɨ̀mə̌d ni mbɨ wo yènə̀ ghà ɨmbə̀ʼ ənû ɨfɔ̀n ə Ŋwiə̀, bə̀ yènə̀ vɨ̀ə̀ bə̂d əwɔn.

Jn 17:18

Ɨchî nɨ à nyaʼa tom əmɨ ɨŋga ɨsɨg, mə fə bə̀ tom mɨ̀mə̌d ɨŋga ɨsɨg.

Jn 20:21

Yeso nyaʼa yì ghà əmbɨ mɨ̀mə̌d ni, “Mbə̀ chub ənɨ əbɔrəbɔd. Ɨchî nɨ mɨ Mbǎʼ nyaʼa tom əmɨ, mə fə bə̀ tom əwən.”

Jn 4:20

Mɨ̀mbǎʼ məSàmàriyà rəŋwe mbɨə nyaʼə wumnɨ ə Ŋwiə̀ ɨgun ɨwum wɔ̂, àyɨə mbə̀nə mɨ̀Jû mbɨə ghàə̀ ni Jèrusalèm yɨ əsɨ ze nɨ tɨ̀ berɨ wumnɨ ə Ŋwiə̀ əŋgu.”

Jn 4:5

Wɨ̀ nyaʼa wò pè əsɨ ə mɔʼɔ ə Sàmàriyà nɨ mbɨ nyaʼə tɔŋ ənɨ ə Sikà. Sikà wɨə nyaʼa ɨban əsɨ ə si ze nɨ Jakɔ̂b nyaʼa naʼ əmbɨ Jòsêf nɨ nyaʼə wan məd.

Jn 4:9

Əyi məSàmàriyà we nyaʼa ghà ɨ bɔ ni, “Àwɔ̀ yɨə Jû, mɔ̌ yɨ əyi Sàmàriyà. À kɨə ghàə̀ ni mə̀ naʼ mɨnib ɨ ne ɨmbə̀ʼ ə yè ə?” (Wɨ̀ nyaʼa ghà əne ɨmbə̀ʼ ɨghəm nɨ chəi mɨ̀Jû nyaʼə fɔtɨ ɨghɨ mbɨ məSàmàriyà.)

Jn 7:35

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà mbənə mbənə ni, “Mbaŋə̀ zɔ̂ kɨə kə̀b wo ə yi nɨ chəi ənɨ tɨ̀ rɨ wɨrɨ zə əməd ə? Wɨ̀ wa kə̀b wo əsɨ mba bə̂d mbe nɨ jaŋ ɨŋga ɨbeŋ cherə ɨmbə̀ʼ chwi ɨnû əmbɨ mɨ̀mə̌d ə?

Jn 8:48

Bə̂d mbe nyaʼa biirɨ əmbɨ Yeso ni, “Tɨ̀ rɨ wa kùʼ a nɨ gha ni àwɔ̀ yɨ rɨ ə Sàmàriyà fɔrɨ ni əzwî rɨbɔ̀ŋ ə zɨ ɨŋga nè ə?”

Ɨ̀fàʼì 1:8

Àyɨə mbə bɨrɨ berɨ ɨka ənɨ Əzwî ə Zeŋɨ ə fə nyɨ ɨgwɨ nən. Əne mbə bɨrɨ sɨ yeʼ bə̂d nɨə ghà ɨnû ɨmbə̀ʼ əmɨ ɨŋga Jèrusalèm, ɨŋga ɨsɨ jìm mbe rɨ ə Jùdeyà, bə̀ fɔrɨ ɨŋga ɨsɨ jìm mbe rɨ ə Sàmàriyà, əne əne wò pè ɨnwǐ ɨsɨg.”

Ɨ̀fàʼì 10:45

Ənû ze ə nyaʼa chè mɨ̀Jû mbe nɨ nyaʼa ben ə Kristo, əne yɨ mbe nɨ nyaʼa nɔʼ rɨ ə Jopà beenɨ əbɔʼ Pità. Mbɨ nyaʼa yiirɨ ɨmbə̀ʼ ɨghəm nɨ mbɨ nyaʼa zə ni Ŋwìə̀ fə bə̀ nàʼ i ɨneʼe we nɨ yeʼ Əzwî ə Zeŋɨ əmbɨ ə bə̂d mbe nɨ kaʼi mɨ̀Jû,

Ɨ̀fàʼì 8:1

Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.

1 Tèsàlonikà 2:16

ɨchî nɨ mbɨ nyaʼə kə̀b kən ni tɨ rɨ gham a əmbɨ ə bə̂d mbe nɨ kaʼi mɨ̀Jû ɨmbə̀ʼ mbɨ jwɨ̀ rəŋgəʼ. Àyɨə tɨ̀ nyaʼa wo ɨmbì rəbə gham a ghamɨ. Ɨchî nɨ mbɨ nyaʼə ghɨ̀ əne ə nyaʼa swe mbə ɨnû rɨbɔ̀ŋ mbɨ swi. Ŋwiə̀ nyaʼa sə ɨtəm əbɔʼ mɨ̀mə̌d ənɨ ɨnwǐ.