Matìyò 10:23 - Meta’

²³ Ənɨ mbɨ nwendɨ tə rɨkyerɨ-ɨwu ɨŋga əsɨ ə mɔʼ, mbə̀ norə wò ɨŋga əsɨ ə cherə. Mə ghà rəsìʼ ɨ nən ni, Wan Wə̀d bɨrɨ wɨrɨ yeʼe bɔŋ mbə̀ sɨə kad ɨsɨ jìm ɨŋga Izre.

Ikan feg

²³ Anyumə̀ ne mbe chɔ̀ʼɔ ìmbən ibɔʼì ighog inga asiŋi mɔ̀ʼɔ, mbə̀ noro awən ghò inga asiŋi ndəŋ. Mə gha tesiʼ inən gha, Ŋwan Wə̀d biri ywiri yeʼe ne chəyi mbə̀ kiri gho inga isiŋi ijìm inga Izre.

Matìyò 10:23 ပူးပေါင်းရင်းမြစ်များ

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Matìyò 16:28

Mə ghà rəsìʼ ɨ nən ni chəi bə̂d mɔʼɔ rəbɔʼ mbɔ̂ nɨ təmbɨ əgha bɨrɨ kwɨ ə zɨ rɨ tɨ̀ mbɨ zə Wan Wə̀d nɨə yeʼe ɨghabɨ ɨfɔ̀n.”

Matìyò 2:13

Ənɨ bə̂d mbe nɨ nyaʼa kyerɨ ənû ɨmbə̀ʼ rɨtəmɨ nyaʼa fə wò əwən, aŋgɨrə̀ Ə̀nùŋɨ̀sɨg nyaʼa wò əsɨ Jòsêf ə njə̀m pè ghà ni, “Nɔʼɔ nɨŋ wan wɔ̂ mbɨ ɨŋgɔb məd mbə̀ nòrə̀ wò ə Ijìpt. Mbə̀ chub əŋgu pè ənɨ mə̀ ghà ɨ nən ni mbə̀ wɨrɨ yeʼe, ɨmbə̀ʼ ɨghəm nɨ Herɔ̀d wɨə kə̀b zwiirɨ wan wɔ̂.”

Matìyò 23:34

Mə bɨrɨ tom bə̂d ɨ̀kə̀n, tom bə̂d ɨwe bə̀ tom məchwiə̀ rɨ̀kə̌ əsɨ nən. Mbə bɨrɨ zwiirɨ mbɨ mɔʼɔ, kòmbɨ̀ mbɨ mɔʼɔ əzed ə baʼnɨ, te mbɨ mɔʼɔ ənɨ ə ŋgwad ɨŋga tə nəb ə̀kàtɨ̀, bə̀ nwèndɨ̀ tɨkyerɨ-ɨwu mbɨ mɔʼɔ, kɔ rɨŋga əsɨ ə fibɨ̀ wò pè ɨŋga əzɨ ə cherə,

Matìyò 23:36

Mə ghà rəsìʼ ɨ nən ni, ɨnû mbɔ̂ jìm bɨrɨ ghɨ̀ ɨgwɨ ɨghəm bə̂d wɔ̂ rɨ̀nîn.

Matìyò 24:27

Ɨchî nɨ ɨbi mbə̀ŋ ə ŋwàŋ rɨ əbà ze nɨ nyùmə̀ ə tòʼə̀ wò pè əbà ze nɨ nyùmə̀ ə nyɨə, yɨə bə ɨchî nɨ Wan Wə̀d bɨrɨ yeʼe.

Matìyò 24:30

“Nyùmə̀ we mɨ kùʼ, ənweenɨ ze nɨ chwiə ni Wan Wə̀d wɨə yeʼe ə bɨrɨ jwɨ̀ əton ɨkaŋ, əne mɨnəbɨ jìm rɨ ɨgwɨ ɨsɨg bɨrɨ dì. Mbɨ bɨrɨ zə Wan Wə̀d nɨə yeʼe ɨgwɨ ə pàʼ, zə ɨka we nɨ wɨ̀ berɨ bə̀ zə ɨwumnɨ kyeŋ we nɨ wɨ̀ bə̀ berɨ.

Matìyò 24:34

Mə ghà rəsìʼ ɨ nən ni, kaʼ ɨghəm bə̂d wɔ̂ bɨrɨ che i zɨ rɨ tɨ̀ ɨnû mbɔ̂ jìm ghɨ̀.

Matìyò 24:48

Wə̀d ə̀fàʼì we nɨ chəi wɨə fàʼ ənɨ i fîŋ jìm mɨ ghà ɨŋga i fîŋ ni, 'Mɨ mbǎʼ ə̀fàʼì fə tan nɨ yeʼe,'

Matìyò 25:13

“Əne mbə̀ chub ɨkyèʼe, ɨmbə̀ʼ ɨghəm nɨ chəi mbə̀ kyerɨ əni ze kɨ̀ ə nyùmə̀ we nɨ Wan Wə̀d bɨrɨ wɨrɨ yeʼe.

Matìyò 26:64

Yeso nyaʼa wììrɨ̀ ɨ bɔ ni, “À fə ghà əne. Àyɨə mə ghà ɨ nən ni, ɨ kɔ rɨ̀nîn, mbə bɨrɨ zə Wan Wə̀d nɨ chub əbà əbɔ ə jɨg ə Ŋwìə̀ we nɨ berɨ ɨka jìm, bə̀ zə ənɨ wɨə yeʼe ɨgwɨ ə pàʼ.”

Matìyò 4:12

Ənɨ Yeso nyaʼa zu ni mbɨ fə gywɨ̀ ə Jɔ̌n wò zɨ̀ ə ndəŋ, wɨ̀ nyaʼa nɔ̀ʼ wò ə Galiliî.

Mk 13:26

“Ənɨ ə nyùmə̀ we, bə̂d bɨrɨ zə Wan Wə̀d nɨə yeʼe ɨŋga pàʼ, zə ɨka kyeŋ we nɨ wɨ̀ berɨ bə̀ zə ɨwumnɨ we nɨ wɨ̀ bə̀ berɨ.

Lk 18:8

Mə ghà ɨ nən ni wɨ̀ bɨrɨ zambɨ weerɨ mɨ̀mə̌d. Àyɨə ənɨ Wan Wə̀d wɨrɨ yeʼe, wɨ̀ wa bɨrɨ zə ɨchî nɨ bə̂d rɨŋga ɨsɨg nuŋ fîŋ ɨgwɨ məd ə?”

Lk 21:27

À yɨ ənɨ ə nyùmə̀ we nɨ mbɨ bɨrɨ zə Wan Wə̀d nɨə yeʼe ɨŋga pàʼ, zə ɨka we nɨ wɨ̀ berɨ bə̀ zə ɨwumnɨ kyeŋ we nɨ wɨ̀ bə̀ berɨ.

Jn 7:1

Ənɨ ənû ze ə nyaʼa fə che i, Yeso nyaʼa ghanə yèn ɨŋga ɨsɨ mbe rɨ ə Galiliî. Chəi wɨ̀ nyaʼa ghaʼ nɨ yèn ɨŋga ɨsɨ mbe rɨ ə Jùdeyà ɨmbə̀ʼ ɨghəm nɨ bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼə kə̀b zwiirɨ əməd.

Ɨ̀fàʼì 17:10

À nyaʼa sɨ ɨzimɨ, bə̂d mbe rɨ ə Tèsàlonikà nɨ nyaʼa ben ə Kristo nyaʼa chà ə Pɔ̂l mbɨ Sailàs ə Berià. Ənɨ mbɨ nyaʼa pè əŋgu, mbɨ nyaʼa wò nyɨ ɨŋga nəb ə̀kàtɨ̀ mɨ̀Jû.

Ɨ̀fàʼì 17:14

Àmei əwu əwən, bə̂d mbe nɨ nyaʼa ben ə Kristo ə Berià nyaʼa tom bə̂d ni mbɨ nɨŋ ə Pɔ̂l wò chà əŋgo rɨ̀bàà. Àyɨə Sailàs mbɨ Timotì nyaʼa tèn ə Berià.

Ɨ̀fàʼì 20:1

Ənɨ əchɔb ze ə nyaʼa fə mì i, Pɔ̂l nyaʼa chà bə̂d ni mbɨ tɔŋ bə̂d mbe nɨ nyaʼa ben ə Kristo. Ənɨ wɨ̀ nyaʼa fə timbɨ mɨ̀mə̌d bə̀ ndàʼnɨ̀ mbɨ mɨ̀mə̌d, wɨ̀ nyaʼa nɔ̀ʼ wò ə Màsèdonià.

Ɨ̀fàʼì 8:1

Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.