Matìyò 10:2 - Meta’

² Tɔ̂ yɨ rɨkum bə̂d tom mbe wum chɔ̀b rɨ̀be: Wɨ rɨtu yɨə Saimòn nɨ mbɨ nyaʼə bə̀ tɔŋ ənɨ Pità mbɨ Andrù nɨ nyaʼə aŋgɔb məd; Jems wan Zebèdiî mbɨ Jɔ̌n nɨ nyaʼə aŋgɔb məd;

Ikan feg

² Tikum bədtɔm Kristo mbe ìghum chɔ̀b ibe ya: Ìwi mbègtog ya Sayimùn we ne mbe kàrà ane Pità tì ifi məd Andrò, tì Jem fɔrɔ Jɔn ne ya bɔn ìmbi Zebedì

Matìyò 10:2 ပူးပေါင်းရင်းမြစ်များ

Matìyò 17:1

Ənɨ ɨni nyaʼa che rɨ̀fuə, Yeso nyaʼa nɨŋ ə Pità mbɨ Jems fɔrɨ ə Jɔ̌n nɨ nyaʼə aŋgɔb Jems. Wɨ̀ nyaʼa nɨŋ əne mbɨ kɔʼ wò ɨkaŋ ɨwum se mɔʼɔ əsɨ nɨ àmei mɨ̀mə̌d nyaʼa əŋgu.

Matìyò 20:20

Ɨŋgɔb bɔn Zebèdiî nyaʼa wò əsɨ Yeso mbɨ mbi bɔn. Wɨ̀ nyaʼa pè chìndɨ̀ ɨtu ɨnywɨ ɨfě ɨ bɔ, əne biirɨ ənû ə mɔʼɔ ɨ bɔ.

Matìyò 26:37

Ənɨ wɨ̀ nyaʼa ghà əne, wɨ̀ nyaʼa nɨŋ ə Pità mbɨ ə bɔn Zebèdiî mbe mɨ̀be mbɨ wò ɨnɔ̂n. Wɨ̀ nyaʼə kàŋə̀ kə̀nə̀, fîŋ bə̀ kɔ tɔb əməd.

Matìyò 4:18

Ənɨ Yeso nyaʼə yèn ɨban ə sà ze rɨ ə Galiliî, wɨ̀ nyaʼa zə bɔŋgɔb mɨbe nɨ nyaʼa mə̀gywɨ̀-əgwi. Ɨ mbɨə nyaʼə màʼə̀ kɨ̀ ɨŋga ə sà ze. Ɨkum wɨ fìbɨ̀ yɨə nyaʼə Saimòn nɨ mbɨ nyaʼə bə̀ tɔŋ əməd ənɨ Pità. Ɨkum aŋgɔb məd yɨə nyaʼə Andrù.

Matìyò 4:21

Wɨ̀ nyaʼa yèndɨ̀ wò ɨmbì rɨpiî, pè zə bɔŋgɔb cherə mɨbe. Mbɨ yɨə nyaʼə Jems wan Zebèdiî mbɨ Jɔ̌n nɨ nyaʼə aŋgɔb məd. Mbɨ nyaʼa baŋgɨə tə kɨ̀ ɨŋga əbaŋ ɨgyɨ̀ mbɨ Zebèdiî nɨ nyaʼə mbǎʼ mɨ̀mə̌d. Yeso nyaʼa bə̀ tɔŋ mɨ̀mə̌d.

Mk 1:29

Ənɨ Yeso mbɨ mbi mə̀mə̀ə̀nɨ̀-ɨnû nyaʼa jwɨ rɨŋga nəb ə̀kàtɨ̀ ze, mbɨ nyaʼa wò nyɨ ɨŋga nəb ze nɨ Saimòn mbɨ Andrù nyaʼə chub ɨŋga. Jems mbɨ Jɔ̌n nyaʼa bə̀ wò mbɨ mɨ̀mə̌d.

Mk 13:3

Ənɨ Yeso nyaʼa chub ə si ɨkaŋ Ɨwum mɨ̀Olìf, əne yɨ əbà ze nɨ nyaʼə nèŋ ə mbàn Ŋwìə̀, Pità mbɨ Jems mbɨ Jɔ̌n fɔrɨ ə Andrù nyaʼa biirɨ ɨ bɔ àmei mɨ̀mərə mɨ̀mərə ni,

Mk 6:30

Bə̂d tom Yeso nyaʼa bə̀ndɨ̀ rɨ ɨsɨ mbe nɨ wɨ̀ nyaʼa tom mɨ̀mə̌d əŋgu. Mbɨ nyaʼa bə̀ndɨ̀ əne wò fetɨ ɨban məd əne ghà ɨnû jìm mbe nɨ mbɨ nyaʼa ghɨ̌ bə̀ ghà mbe nɨ mbɨ nyaʼa chwiə.

Lk 11:49

Ŋwìə̀ nyaʼa fə we i əne ghà ɨmbə̀ʼ ənû zɔ̂ ni, 'Mə bɨrɨ cha bə̂d ɨ̀kə̀n bə̀ chà bə̂d tom əsɨ mɨ̀mə̌d. Mbɨ bɨrɨ zwiirɨ mbɨ mɔʼɔ bə̀ nwèndɨ̀ tɨkyerɨ-ɨwu mbɨ cherə.'

Lk 22:14

Nyùmə̀ we nɨ mbɨ nyaʼə jɨg Əchwɨ̂ ə Che-ɨgun ə nyaʼa yeʼe kùʼ, əne Yeso nyaʼa chub ɨ jɨg mbɨ mbi bə̂d tom.

Lk 22:8

Yeso nyaʼa tom ə Pità mbɨ Jɔ̌n ghà ni, “Mbə̀ wo tekɨ tɨjɨg Əchwɨ̂ ə Che-ɨgun ɨmbə̀ʼ tɨ̀ jɨg.”

Lk 5:10

À yɨə nyaʼa bə̀ ənû ə yiirɨ əmbɨ Jems mbɨ Jɔ̌n nɨ nyaʼa bɔn Zebèdiî. Mbɨ yɨə nyaʼə bɔŋgɔb ə̀fàʼì Saimòn. Yeso nyaʼa ghà əmbɨ Saimòn ni, “Tɨrə̀ bɔ e, àyɨə kyerɨ ni nɔ̀ʼ tɨ rə̀chɔ̀ŋ à bɨrɨ sɨə gywɨ̀ə̀ bə̂d.”

Lk 9:10

Ənɨ bə̂d tom mbe nyaʼa bəndɨ, mbɨ nyaʼa ghà ɨnû mbe nɨ mbɨ nyaʼa ghɨ̌ əmbɨ Yeso. Əne wɨ̀ nyaʼa nɨŋ mɨ̀mə̌d mbɨ wo àmei mɨ̀mə̌d mɨ̀mə̌d ɨŋga əsɨ ə mɔʼɔ nɨ mbɨ nyaʼə toŋ ənɨ Bètsaidà.

Jn 12:22

Filip nyaʼa wò ghà ənû ze əmbɨ Andrù. Əne mɨ̀mə̌d mbe mɨbe nyaʼa wò ghà əmbɨ Yeso.

Jn 13:23

Ə̀mə̀ə̀nɨ̀-ɨnû Yeso mɔʼɔ, nɨ yeʼ we nɨ wɨ̀ nyaʼa ghaʼi, nyaʼa chub ɨban məd.

Jn 20:2

Əne wɨ̀ nyaʼa nòrə̀ wò əsɨ Saimon Pità mbɨ ə̀mə̀ə̀nɨ̀-ɨnû cherə we nɨ Yeso nyaʼa ghaʼi, pè ghà əmbɨ mɨ̀mə̌d ni, “Mbɨ fə chɨ̀ Ə̀nùŋɨ̀sɨg rɨŋga ɨ̀sì we. Chəi tɨ̀ kyerɨ əsɨ ze nɨ mbɨ nuŋ əməd əŋgu!”

Jn 21:2

Saimon Pità mbɨ Tomas, nɨ mbɨ nyaʼə bə̀ tɔŋ ənɨ ə Didimùs, əne yɨ ni wan ŋwìə̀, mbɨ Natanaèl, nɨ nyaʼa rɨ ə Kanà ə Galiliî, mbɨ ə bɔn Zebèdiî mbɨ mə̀mə̀ə̀nɨ̀-ɨnû Yeso cherə be nyaʼa əsɨ ə mɔʼ.

Jn 21:20

Pità nyaʼa bèŋ zə ə̀mə̀ə̀nɨ̀-ɨnû we nɨ Yeso nyaʼa ghaʼi, nɨ nyaʼə beenɨ əbɔʼ mɨ̀mə̌d. Ə̀mə̀ə̀nɨ̀-ɨnû wɔ̂ yɨ we nɨ nyaʼa tiinɨ ɨban ə Yeso ənɨ mbɨ nyaʼə jɨgə əne biirɨ ɨ bɔ ni, “Ə̀nùŋɨ̀sɨg, à kɨə we nɨ bɨrɨ fen əwe ə?”

Jn 21:24

Ə̀mə̀ə̀nɨ̀-ɨnû wɔ̂ yɨ we nɨə ghà ɨnû mbɔ̂. Məd yɨ we nɨ bə̀ ŋwàʼnɨ̀ ə si. Tɨ̀ kyerɨ ni ənû ze nɨ wɨ̀ ghǎ yɨ ənû rəsìʼ.

Jn 6:67

Yeso nyaʼa sɨ biirɨ əmbɨ mə̀mə̀ə̀nɨ̀-ɨnû mbe wum chɔ̀b rɨ̀be ni, “Mbə wa bə̀ kə̀b wo əwən ə?”

Jn 6:70

Yeso nyaʼa wììrɨ̀ əmbɨ mɨ̀mə̌d ni, “Ɨmbə̀ʼ mə nyaʼa chɔʼ əwən mbə̀n mbɔ̂ wum chɔ̀b rɨ̀be ə? Àyɨə wɨ fibɨ̀ rəbɔʼ nən yɨə debɨ̀rə̀.”

Jn 6:71

Ɨ wɨə nyaʼə ghà ɨmbə̀ʼ ə Judàs we nɨ nyaʼə wan Saimòn Iskàriɔ̀t. Judàs yɨə nyaʼə wɨ mɔʼɔ rəbɔʼ mə̀mə̀ə̀nɨ̀-ɨnû mbe wum chɔ̀b rɨ̀be. À yɨə məd nyaʼa wo fen ə Yeso.

Jn 6:8

Ə̀mə̀ə̀nɨ̀-ɨnû cherə nɨ mbɨ nyaʼə tɔŋ ənɨ ə Andrù, nɨ nyaʼə aŋgɔb Saimon Pità, nyaʼa ghà ni,

Ɨ̀fàʼì 1:13

Ənɨ mbɨ nyaʼa nyɨ ə Jèrusalèm, mbɨ nyaʼa kɔʼ wò nyɨ ɨŋga ətu ə nəb ze rɨkaŋ, nɨ yeʼ əsɨ ze nɨ mbɨ nyaʼə chub əŋgu. Mbɨ yɨə nyaʼə: Pità, Jɔ̌n, Jems, Andrù, Filip, Tomas, Bàtòlòmiù, Matiù, Jems nɨ nyaʼə wan Alfaùs, Saimòn nɨ nyaʼə mɨ̀taku mbɨ Judàs nɨ nyaʼə wan Jems.

Ɨ̀fàʼì 1:26

Mbɨ nyaʼa kɔ̀ŋgɨ̀ əne, sɔ̀ŋ mbaŋ wɨ feŋ ɨgun ə Màtiàs. Əne mbɨ nyaʼa yì əməd əbɔʼ bə̂d tom mbe wum chɔ̀b mɔʼ.

Ɨ̀fàʼì 12:2

Wɨ̀ nyaʼa ghɨ̀ mbɨ zwiirɨ ə Jems, aŋgɔb Jɔ̌n, ənɨ ɨbi bid.

Ɨ̀fàʼì 3:1

À nyaʼa əni ə mɔʼɔ, Pità mbɨ Jɔ̌n mbɨə nyaʼə kɔʼə wò ə mbàn Ŋwìə̀ ənɨ mɨ̀nyùmə̀ tad əziə, nɨ nyaʼə nyùm ə̀kɔ̀ŋgɨ̀.

1 Kɔrèn 15:7

Wɨ̀ nyaʼa bə̀ yì jwɨ ɨfě Jems. Ənɨ əgha ə nyaʼa saarɨ, wɨ̀ nyaʼa bə̀ jwɨ̀ ɨfě bə̂d tom mɨ̀jìm.

Efesùs 4:11

À yɨə məd nyaʼa naʼ mɨneʼe əmbɨ ə bə̂d; wɨ̀ nyaʼa ghɨ̀ mbɨ mɔʼɔ ənɨ ə bə̂d tom, ghɨ̀ mbɨ mɔʼɔ ənɨ ə bə̂d ɨ̀kə̀n, ghɨ̀ mbɨ mɔʼɔ ənɨ ə bə̂d mbe nɨə jàŋ ɨkə̂n chɔ̀m, ghɨ̀ mbɨ mɔʼɔ ənɨ ə bə̂d nɨə nəŋgɨə bə̀ chwi ɨnû əmbɨ ə bə̂d Ŋwiə̀.

Mə̀Hibrù 3:1

Mbɨ bɔŋgɔb zeŋɨ nɨ Ŋwìə̀ nyaʼa bə tɔŋə, mbə̀ jeŋgɨ kɔndɨ ə Yeso nɨ tɨ̀ ben ni məd yɨə wə̀d tom fɔrɨ ətu ɨgwɨ ə bə̂d mbàn Ŋwìə̀.

1 Pità 1:1

À yɨə mɔ̌ Pità, nɨ mə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwiə̀ chɔʼɔ, nɨ yeʼ ɨ̀nɔ̀ʼɔ̀ mbe nɨ jaŋ ɨŋga Pontùs, ɨŋga Gàlesià, ɨŋga Kàpàdosià, ɨŋga Esià bə̀ fɔrɨ ɨŋga Betinià.

2 Pità 1:1

À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.

2 Jɔn 1:1

À yɨə mɔ̌, nɨ mə̀ yeʼ wə̀d we nɨə chà ɨfetɨ bə̂d Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ ɨ ne, àwɔ̀ Əyi kyeŋ we nɨ Ŋwìə̀ nyaʼa chɔʼɔ fɔrɨ əmbɨ mbe bɔn. Mə kàŋ ghaʼ əwən ənɨ rəsìʼ. Kaʼ àmei mɔ̌ ghaʼ əwən, bə̂d mɨjìm mbe nɨ kyerɨ rəsìʼ we nɨ tɨə ghàə̀ bə̀ ghaʼ əwən.

3 Jɔn 1:1

À yɨə mɔ̌, nɨ mə̀ yeʼ wə̀d nɨə cha ɨfetɨ bə̂d Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ ɨ ne, àwɔ̀ Gayùs nɨ mə̀ ghaʼi kwàʼ rɨŋgəʼ. Mə kaŋ ghaʼ əwe ənɨ rəsìʼ.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨnû 18:20

Bə̂d mɨ̀jìm mbe nɨ yeʼ ɨkaŋ, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə nimnɨ əməd! Bə̂d Ŋwiə̀, bə̂d tom mbɨ ə bə̂d ɨ̀kə̀n, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə zɨ̀ ɨsaʼi ɨgwɨ məd ɨmbə̀ʼ ɨnû mbe nɨ wɨ̀ nyaʼa ghɨ̌ ənɨ ə nən!”

Ɨnû 22:8

Mɔ̌, Jɔ̌n, yɨə wə̀d we nɨ nyaʼa zu bə̀ zə ɨnû mbɔ̂. Ənɨ mə nyaʼa zu bə̀ zə, mə nyaʼa gundɨ ə si ɨban ɨwu aŋgɨrə̀ we nɨ nyaʼa chwi ɨnû mbɔ̂ ɨ num. Mə nyaʼa gundɨ ɨmbə̀ʼ wumnɨ əməd.