Matìyò 10:16 - Meta’

¹⁶ “Mbə̀ zə, mə wɨə chà əwən ɨsɨg ɨghabɨ ə njɨ̀g əkaʼ ɨfɔ̂n. Mbə̀ we ɨghabɨ jɔ, bə̀ bɔtɨ ɨghabɨ mbɨ̀rə̀bəŋə.

Ikan feg

¹⁶ Yeso ya chè imbìghè gha, “Mbə̀ nḛ, mə̀ ya anìŋ chà awən isəg icheg njə̀g inga fìghàra abə ìfɔn. Mbə̀ ya we awən icheg jo, se bɔ̀tɔ icheg mə̀bupə.

Matìyò 10:16 ပူးပေါင်းရင်းမြစ်များ

Matìyò 24:25

Mbə̀ zə, mə fə ghà ɨnû mbɔ̂ ɨ nən bɔŋ nyùmə̀ sɨə kùʼə̀.

Matìyò 24:45

“Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ bə̂d ə̀fàʼì ɨŋga i nəb, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ nɨ kuʼu kɨ wi ə?

Matìyò 25:2

Mbɨ mɨtân nyaʼa fundə. Mbɨ mɨtân nyaʼa berɨ ɨwe.

Matìyò 25:4

Mbe nɨ nyaʼa berɨ ɨwe nyaʼa nɨŋ mbə ɨnam bə̀ yim mɨwud ə̀nàm cherə.

Matìyò 25:9

Àyɨə mbe nɨ nyaʼa berɨ ɨwe nyaʼa wììrɨ̀ ni, 'Ɨghə̀m ka mbɨ bɨrɨ kuʼ i ɨ na bə̀ fɔrɨ ɨ nən. Mbə̀ wo zon mbən tɨ əmbɨ ə bə̂d mbe nɨə fènə̀.'

Lk 10:3

Mbə̀ wo ə, àyɨə mbə̀ zə ni, mə wɨə chà əwən ɨsɨg ɨghabɨ ə bɔn njɨ̀g əkaʼ ɨfɔn.

Lk 21:15

ɨmbə̀ʼ ɨghəm nɨ mə bɨrɨ naʼ ɨŋgam fɔrɨ ɨwe ɨ nən nɨ chəi wə̀d mɔʼɔ rəbɔʼ mbə bə̂d pə̀n we tɨ̀ wɨ̀ təm mbɨ nən kɨ̀ bè ton ɨŋgam we.

Ɨ̀fàʼì 20:29

Mə kyerɨ ni mə̀ mɨ nɔ̀ʼ, bə̂d nɨ yeʼ ɨghabɨ ɨfɔn tɔtɔ bɨrɨ yeʼe əkaʼ nən, kəb nimnɨ ɨfetɨ bə̂d Ŋwiə̀.

1 Kɔrèn 14:20

Mbɨ bɔŋgɔb, tɨ tə rɨkɔndɨ yeʼi ɨghabɨ tɨ bɔn kwa. Mbə̀ yeʼ ɨghabɨ ə bɔn bɔd ənɨ zɨə de ɨnû rɨbɔ̀ŋ, àyɨə mbə̀ berɨ tɨkɔndɨ bə̂d kyeŋ.

2 Kɔrèn 1:12

Tɨ̀nîn, ənû ze nɨ tɨə goŋ ɨgɔ̂ ɨgun yɨ ni, ta fîŋ ə zeŋ ni tɨ̀ wɨə ghɨ̀ ɨnû nɨ zeŋɨ mbɨ ni tɨ̀ wɨə bə̀ ghɨ̀ ɨnû mbe nɨ yeʼ mbɨ rəsìʼ ɨchî nɨ tɨ̀ yeʼ ɨŋga ɨsɨg, màànɨ̀ ɨchî nɨ tɨ̀ yeʼ əkaʼ nən. À yɨ ɨ̀chɔ̀m we nɨ Ŋwìə̀ nyaʼa ghɨ ənɨ ə num nyaʼa ghɨ ni mə̀ ghɨ əne, kaʼi ɨwe bə̂d mɨ̀sɔŋɨchù.

2 Kɔrèn 11:14

Chəi ənû ə̀bìrɨ̀ ənɨ ənû zɔ̂! Satàn ziə wɨə bègrə̀ ɨghabɨ ni tə yɨə aŋgɨrə̀ Ŋwiə̀ nɨə nàʼ ɨzeŋɨ zeŋɨ.

2 Kɔrèn 11:3

Àyɨə mə wɨə bɔə ni ɨchî nɨ jɔ nyaʼa nɨŋ ɨwe tambɨ ə Efà, ɨ mbe tɨ mbɨ bə̀ fèbrɨ̀ tə rɨkɔndɨ tɨ ənɨ ɨchî nɨ mbə̀ə fàʼ əmbɨ Kristo ənɨ ə fîŋ jìm bə̀ fɔrɨ ənɨ ə fîŋ nɨ zeŋɨ.

2 Kɔrèn 8:20

Tɨ̀ wɨə kə̀bə̀ ni tɨ wə̀d mɔʼɔ gha i ni chəi tɨ̀ jeŋgɨ yim ɨneʼe wɔ̂ nɨ tɨə wo nàʼ,

Fìlipì 2:15

ɨmbə̀ʼ tɨ bə̂d gha ə ɨnû rɨbɔ̀ŋ ɨmbə̀ʼ əwən, fɔrɨ ɨmbə̀ʼ mbə̀ zeŋ ɨghabɨ ə bɔn Ŋwiə̀ nɨ chəi ɨgu ənû ɨgwɨ mɨ̀mə̌d. Ɨgu ənû yɨ əkaʼ bə̂d mbe nɨə ghɨ̀ ɨnû rɨbɔ̀ŋ bə̀ ghɨ̀ ɨnû nɨ chəi mbɨ kuʼnɨ. Mbə̀ berɨ chub əkaʼ mɨ̀mə̌d ɨchî nɨ rɨtəmɨ ə te ɨŋga ɨsɨg.

Kòlosè 1:9

À yɨ əton nɨ tɨ əni ze nɨ tɨ̀ nyaʼa zu ɨmbə̀ʼ əwən, chəi tɨ̀ kɨrɨ sob nɨ kɔŋgɨ ə Ŋwiə̀ ɨmbə̀ʼ əwən. Tɨ̀ wɨə kɔŋgɨə ni Əzwî əməd ə ghɨ mbə̀ jeŋgɨ kyerɨ ɨnû mbe nɨ wɨ̀ kəbɨ. Mbə ɨtu bɨrɨ zeŋ mbə kyerɨ ɨnû mbe ənjìm ɨwe we nɨ Əzwî ə nàʼə̀.

Kòlosè 4:5

Mbə̀ we əwən ɨchî nɨ mbə̀ə ghɨ̀ə̀ mbɨ ə bə̂d mbe nɨ kaʼi bə̂d Kristo. Mbə̀ nɨŋ əpan ze nɨ mbə̀ berɨ fàʼ mbɨ mɨ̀mə̌d ɨchî chɔ̀m.

1 Tèsàlonikà 2:10

Mbənə mbɨ ə Ŋwiə̀ yɨ mɨ̀zərɨmbin ni tɨ̀ wɨə nyaʼə chub ɨzeŋɨ zeŋɨ, ghɨ̀ə̀ ɨnû nɨ kùʼnɨ̀ bə̀ ghɨ̀ə̀ ɨnû nɨ chəi ənɨ tɨ̀ wə̀d mɔʼɔ ghà ɨnû rɨbɔ̀ŋ ɨmbə̀ʼ əwa əmbɨ mbə̀n mbe nɨ ben ə Kristo.

1 Tèsàlonikà 5:22

ton tɨkwɨrɨ ɨnû jìm mbe nɨ rɨka bɔŋ i.