Matìyò 1:23 - Meta’

²³ “Zə, əyi rɨkyerɨ mbaŋə̀ bɨrɨ bɔŋ ɨbum gywɨ wan mbaŋə̀, mbɨ chù əməd ni Imanuèl” əne yɨ ni, “Ŋwìə̀ wɨ mbɨ na.”

Ikan feg

²³ Wì ya gha, “Mbə̀ nḛ, ŋwan àyi ne chəyi wì kiri kyeri mbaŋà biri bɔŋ ibum gwi ŋwan mbaŋà ne mbi biri kàrì aməd ane Ìmanuwè.” Aton ane ikum gho̰ ya gha “Ŋwiye we abɔ̀ʼ ina”.

Matìyò 1:23 ပူးပေါင်းရင်းမြစ်များ

Matìyò 1:24

Ənɨ Jòsêf nyaʼa nɔʼ rɨ ə ŋgwenɨ, wɨ̀ nyaʼa nɨŋ ə Mèri ənɨ i ɨwi ɨchî nɨ aŋgɨrə̀ Ə̀nùŋɨ̀sɨg we nyaʼa gha ɨ bɔ.

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Lk 20:44

Dèvîd mɨ yeʼə tɔŋ əməd ni Ə̀nùŋɨ̀sɨg, wɨ̀ sɨ wɨrɨ yeʼ wan tɨ ənɨ əghaŋ əməd rɨ ye ə?”

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Ɨ̀fàʼì 18:9

À nyaʼa ɨzimɨ mɔʼɔ, Ə̀nùŋɨ̀sɨg nyaʼa ghà əmbɨ Pɔ̂l ɨŋga rɨ̀taanɨ njə̀m ni, “Tɨrə̀ bɔ e! Ndə̀ ɨmbì ghàm əmbɨ ə bə̂d! Tɨrə̀ tɔ kəm e rəziə!

Rm 8:31

Tɨ̀ kɨə wò gha ni ye ɨmbə̀ʼ ənû zɔ̂ ə? Ŋwìə̀ mɨ yeʼ i mbɨ na, à kɨə we nɨ tɨ̀ wɨ̀ baŋ əwa ə?

Rm 9:5

Mbɨ yɨə bɔn tɨ ənɨ əghaŋ mɨ̀mbǎʼ ɨnəbɨ mɨ̀Izre. Wə̀d we nɨ Ŋwìə̀ zɔʼɔ ə jwɨ̀ rɨŋga ɨnəbɨ we. Məd yɨə Ŋwìə̀ we nɨə tùmbɨ̀ ɨghɨjìm. Tɨ̀ yiirɨ ə Ŋwiə̀ koŋ. À yɨ əne.

2 Kɔrèn 5:19

Əne yɨ ni, Ŋwiə̀ nyaʼa chè ənjìm ə Kristo màànɨ̀ taŋ mbɨ ə bə̂d ɨmbə̀ʼ mbɨ yeʼ bə̂d ɨməd. Chəi wɨ̀ nyaʼa taŋ tɨ̀gurɨ-ɨnû bə̂d ɨgwɨ mɨ̀mə̌d. Wɨ̀ nyaʼa zɨ̀ ɨkə̂n ɨmbə̀ʼ ənû nɨ maanɨ taŋ ɨŋga ta rɨkyerɨ-ɨbɔ ni tɨ sɨə ghà əmbɨ ə bə̂d.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

2 Timotì 4:17

Mbɨ nyaʼa ghɨ̀ əne, àyɨə Ə̀nùŋɨ̀sɨg nyaʼa təm ɨban num, naʼ ɨka ɨ num ni mə gha ɨŋgam Ŋwiə̀ jìm, ɨmbə̀ʼ ə bə̂d mɨ̀jìm mbe nɨ kaʼi mɨ̀Jû zu. Ənɨ mə̀ nyaʼa gha əne, Ə̀nùŋɨ̀sɨg nyaʼa chɨ̀ əmɨ rɨ ɨchû ɨvɨ, ɨchî nɨ mbɨ nyaʼa nɨrə sobə ni mbɨ zwiirɨ əmɨ.

2 Timotì 4:22

Ə̀nùŋɨ̀sɨg chubɨ mbɨ e əzwî. Ŋwìə̀ ghɨ ɨ̀chɔ̀m ənɨ mbə̀n mɨjìm.