Matìyò 1:22 - Meta’

²² Ɨnû mbɔ̂ nyaʼa ghɨ̀ ɨmbə̀ʼ ɨŋgam we nɨ Ə̀nùŋɨ̀sɨg nyaʼa che ənjìm i wə̀d ɨ̀kə̀n ghà, wɨ jwɨ ənɨ rəsìʼ ni:

Ikan feg

²² Inug mbo̰ ijìm ya dù kwàʼ icheg ne Anɔŋisəg ya fə che anjìm wə̀dkə̀n Ŋwiye ghà.

Matìyò 1:22 ပူးပေါင်းရင်းမြစ်များ

Matìyò 12:17

Wɨ̀ nyaʼa ghà əne ɨmbə̀ʼ ɨŋgam we nɨ Ŋwìə̀ nyaʼa che ənjìm i wə̀d ɨ̀kə̀n Aizayà gha, wɨ jwɨ̀ ənɨ rəsìʼ ni,

Matìyò 13:21

Chəi ɨŋgam we jeŋgɨ nyɨ ɨŋga fîŋ tɨ mɨ̀mə̌d. Wɨ chub àmei ənɨ ɨkə nyumə̀. Ənɨ ŋgəʼ yeʼe kɨ̀ ənɨ mbɨə nwèndɨ̀ tɨkyerɨ-ɨwu mɨ̀mə̌d ɨmbə̀ʼ ɨŋgam we, mbɨ ton ɨŋgam we əwu əwən.

Matìyò 13:35

Ɨ wɨə nyaʼə ghà əne ɨmbə̀ʼ ənû ze nɨ wə̀d ɨ̀kə̀n Ŋwiə̀ nyaʼa ghǎ ə jwɨ̀ ənɨ rəsìʼ ni, “Mə bɨrɨ ghàm əmbɨ mɨ̀mə̌d ənɨ ɨnû mɨgɨ, mə bɨrɨ gha ɨnû mbe nɨ yeʼ ənə̀mə tɨ ənɨ Ŋwìə̀ nyaʼa tekɨ ɨsɨg.”

Matìyò 2:15

Mbɨ nyaʼa chub əŋgu pè ənɨ Herɔ̀d nyaʼa kwɨ. Ɨŋgam we nɨ Ə̀nùŋɨ̀sɨg nyaʼa che ənjìm i wə̀d ɨ̀kə̀n ghà nyaʼa jwɨ̀ ənɨ rəsìʼ ni, “Mə nyaʼa tɔŋ mɨ wan rɨ ə Ijìpt.”

Matìyò 2:23

Wɨ̀ nyaʼa pè chub əsɨ ze nɨ mbɨ nyaʼə tɔŋ ənɨ ə Nazàret, ɨmbə̀ʼ ənû ze nɨ bə̂d ɨ̀kə̀n Ŋwiə̀ nyaʼa gha, ə jwɨ ənɨ rəsìʼ ni, “Mbɨ bɨrɨ sɨə tɔŋ əməd ənɨ wə̀d rɨ ə Nazàret.”

Matìyò 5:17

“Tɨ mbə̀ kɔndɨ əwən ni mə fə yeʼe ɨmbə̀ʼ nimnɨ tɨkə rɨ Mose bə̀ nimnɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀. Mɨ rɨka yeʼe əmɨ ɨ nimnɨ rɨwən. Mə yeʼe ɨ ghɨ ni ɨnû mbɔ̂ jìm jwɨ ənɨ rəsìʼ.

Matìyò 8:17

Ənû zɔ̂ ə nyaʼa ghɨ̀ əne ɨmbə̀ʼ ənû ze nɨ wə̀d ɨ̀kə̀n Ŋwìə̀ Aizayà nyaʼa ghǎ, ə jwɨ̀ ənɨ rəsìʼ ni, “Wɨ̀ nyaʼa chɨ̀ mba ɨnɔʼɔ bə̀ vɨ̀ mba ɨwɔn jìm.”

Lk 21:22

ɨmbə̀ʼ ɨghəm nɨ ɨŋga ɨni mbe, Ŋwìə̀ bɨrɨ sə ɨtəm, əne zɨ̀ ɨchə ɨgwɨ ə bə̂d ɨmbə̀ʼ ɨnû rɨbɔ̀ŋ mɨ̀mə̌d. Əne yɨ ɨmbə̀ʼ ɨnû jìm mbe nɨ mbɨ nyaʼa ŋwaʼnɨ jwɨ ənɨ rəsìʼ.

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Jn 10:35

Ŋwìə̀ nyaʼa tɔŋ bə̂d mbe nɨ nyaʼa zu ɨŋgam məd ni mbɨ yɨ mɨ̀ŋwìə̀. Əne mbə̀ kyerɨ ni Ə̀ŋwàʼnɨ̀ ə Ŋwiə̀ ə zɨə ghà rəsìʼ.

Jn 15:25

Ənû zɔ̂ ə ghɨ̀ ɨmbə̀ʼ ɨŋgam we nɨ mbɨ nyaʼa ŋwaʼnɨ ɨŋga tɨkə tɨ mɨ̀mə̌d jwɨ ənɨ rəsìʼ ni, 'Mbɨ nyaʼa bàn əmɨ ətu ə̀kǒ.'

Jn 17:12

Ənɨ mə nyaʼa mbɨ mɨ̀mə̌d, mə wɨə nyaʼə nəŋgɨ mɨ̀mə̌d ni tɨ əghɨ ə mɔʼɔ ə ghɨ i mɨ̀mə̌d. Mə wɨə nyaʼə ghɨ̀ əne ənɨ ɨka we nɨ nyaʼa yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Mə wɨə nyaʼə nəŋgɨ mɨ̀mə̌d, əne chəi wɨ mɔʼɔ rəbɔʼ mɨ̀mə̌d nyaʼa nimɨ kɨrɨ ənɨ we nɨ nyaʼa berɨ nim. Wɨ̀ nyaʼa nim ɨmbə̀ʼ ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ.

Jn 18:9

Wɨ̀ nyaʼa ghà əne ɨmbə̀ʼ ɨŋgam we nɨ wɨ̀ nyaʼa be ghà wɨ jwɨ ənɨ rəsìʼ ni, “Mɨ Mbǎʼ, chəi mə nimnɨ wə̀d mɔʼɔ rəbɔʼ mbe nɨ à nyaʼa naʼ ɨ num.”

Ɨ̀fàʼì 3:18

Àyɨə ənû ze nɨ Ŋwìə̀ nyaʼa che ənjìm mbi bə̂d ɨ̀kə̀n mɨjìm ghà rəŋwe ni Wə̀d məd we nɨ wɨ̀ zɔʼɔ berɨ zə ŋgəʼ, wɨ̀ fə ghɨ̀ zɨə jwɨ̀ ənɨ rəsìʼ.

Rm 1:2

Ŋwìə̀ nyaʼa fə bè kàʼ ɨkə̂n chɔ̀m wɔ̂ ənjìm bə̂d ɨ̀kə̀n məd. Əne mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀.

Ɨnû 17:17

Mbɨ bɨrɨ ghɨ əne ɨmbə̀ʼ ɨghəm nɨ Ŋwìə̀ fə zɨ̀ ɨŋga fîŋ tɨ mɨ̀mə̌d ni mbɨ ghɨ ənû ze nɨ wɨ̀ nyaʼa fə taŋɨ. Mbɨ bɨrɨ zɨ̀ mbə ɨtu ənɨ mbɨ mɔʼ, nàʼ ɨka nɨ tumbɨ bə̂d əmbɨ ə nyam kyeŋ rɨtu ze pè ənɨ ɨŋgam Ŋwiə̀ jwɨ ənɨ rəsìʼ.