Mə̀Hibrù 13:5 - Meta’

⁵ Tɨ mbə̀ zɨ ə ədɔʼ ənɨ ɨkab. Mbə̀ ben ni ɨghɨ mbe nɨ mbə̀ berɨ ə kùʼ, ɨmbə̀ʼ ɨghəm nɨ Ŋwìə̀ fə ghà ni, “Chəi mə̀ bɨrɨ nɔ saŋ əwən kɨ̀ bè waʼ əwən.”

Ikan feg

⁵ Mbə̀ chiye àzən adɔʼ ane anug ikab. Mbə̀ ya gyènde tì ighi mbe ne mbə̀ beri imbə̀ʼ icheg ne Ŋwiye gha, “Chəyi mə̀ biri ghum nɔ̀ʼ sàŋì awən kə̀ bə̀ waʼ awən.”

Mə̀Hibrù 13:5 ပူးပေါင်းရင်းမြစ်များ

Matìyò 6:19

“Tɨ mbə̀ nuŋ əwən ə mbɔ̂n ɨgwɨ ə si, nɨ yeʼ əsɨ ze nɨ ɨsəʼɨ fɔrɨ chə̂b bɨrɨ chə̀kɨ̀ nɨ bə̀ yeʼ əsɨ nɨ mɨjɨ bɨrɨ tòʼ.

Matìyò 6:25

“Tɨ mbə̀ nwìʼ ə ɨnyod ɨmbə̀ʼ ə ɨ̀tènɨ̀, ni mbə̀ kɨə wo jɨg yè kɨ̀ ni mbə̀ kɨə wo nɔ yè. Tɨ mbə̀ bɨ nwiʼ ə ɨnyod ɨmbə̀ʼ ə nyamnyod, ni mbə̀ kɨə wo zɨ yè. Ɨ̀tènɨ̀ rɨ wa chè i ɨghɨjɨg ə? Nyamnyod rɨ wa chè i ngywɨ̌ ə?

Matìyò 6:34

“Əne tɨ mbə̀ nwìʼ ə ɨnyod ɨmbə̀ʼ əni ɨsɔ, ɨmbə̀ʼ ɨghəm nɨ əni ɨsɔ ə berɨ mbi ɨnû. Ɨni jìm ə berɨ i ŋgəʼ.

Mk 7:22

ni wə̀d feenɨ ɨghɨ bə̂d, ni wə̀d ghɨ ɨnû ɨzɨg, ni wə̀d tam bə̂d, ni wə̀d ghɨ ɨnyamnɨ-ɨnû, ni wə̀d ghɨ ə̀dìì, ni wə̀d chəkɨ rɨkum bə̂d, ni wə̀d nɔ ɨnyod fɔrɨ ni wə̀d fundɨ.

Lk 3:14

Mɨ̀sɔgyɨ̀ mɔʼɔ nyaʼa bə̀ biirɨ ɨ bɔ ni, “À yeʼ mbǎ, tɨ̀ kɨ wò ghɨ ye ə?” Wɨ̀ nyaʼa ghà əmbɨ mɨ̀mə̌d ni, “Tɨ mbə fè ə ɨkab rɨ əmbɨ wə̀d mɔʼɔ ənɨ ɨkǎ, kɨ ənɨ mɨghab. Mbə ghaʼ ɨnun ɨkab we nɨ mbɨə chwɨ əwən əŋgu.”

Lk 8:14

Ɨghɨ mbe nɨ nyaʼa feŋ ɨŋga ɨ̀jə̀ŋɨ̀ yɨə bə̂d mbe nɨ fə zu ɨŋgam we, àyɨə ɨchî nɨ mbɨə yènə̀ wòə̀, ɨnû ɨmbə̀ʼ ɨghɨ rɨŋga ɨsɨg, ənû nɨ zɨ fîŋ ənɨ ɨkab mbɨ ɨnû nɨ ghɨ ɨnû mbe nɨ nyamnyod ə feenɨə, mbɨ yeʼe nib ɨghɨ mbe, ghɨ̀ chəi ɨbenɨ mɨ̀mə̌d kaanə.

Rm 1:29

Tɨkwɨrɨ ɨzɨg jìm, tɨkwɨrɨ ɨnû rɨbɔ̀ŋ jìm, tɨkwɨrɨ ɨchî jìm nɨ feenɨ ɨghɨ bə̀ fɔrɨ tɨkwɨrɨ ɨbə jìm fə swi ɨŋga fîŋ tɨ mɨ̀mə̌d. Ənû nɨ ghɨ ə̀dìì, ənû nɨ zwiirɨ bə̂d, ənû nɨ chɔb, ənû nɨ tambɨ bə̂d fɔrɨ ənû nɨ taŋ mɨnaŋ fə bə̀ swi ɨŋga fîŋ tɨ mɨ̀mə̌d. Ɨ mbɨə ghɨ̀ mɨniə,

1 Kɔrèn 5:11

Àyɨə rɨ̀nîn, mə wɨə ŋwàʼnɨ̀ ɨ nən yeʼ ni tɨ mbə̀ jɨg ə̀sə̀ʼ mbɨ wə̀d mɔʼɔ we nɨ gha ni tə ben ə Kristo, àyɨə ɨ wɨə kɨrɨ ghɨ ɨfabrɨ-ɨnû, kɨ̀ ɨ wɨə ghɨ̀ əjə, kɨ̀ ɨ wɨə wumnɨ mbɨ̀anèŋ, kɨ̀ ɨ wɨə chə̀kɨ̀ rɨkum bə̂d, kɨ̀ ɨ wɨə nɔə beə, kɨ̀ ɨ wɨə jɨə. Tɨ mbə̀ be jɨg ə mbɨ ɨkwɨ wə̀d wɔ̂.

1 Kɔrèn 6:10

kɨ̀ mɨjɨ, kɨ̀ bə̂d mbe nɨə ghɨ̀ əjə, kɨ̀ mbe nɨə nɔə beə, kɨ̀ mbe nɨə chə̀kɨ̀ rɨkum bə̂d, kɨ̀ mɨjɨ bagɨ.

2 Kɔrèn 4:9

Bə̂d mbɨə nwèndɨ̀ ta rɨkyerɨ-ɨwu, àyɨə chəi Ŋwìə̀ waʼ əwa. Bə̂d mbɨə gywɨ̀ əwa tum ə si, àyɨə chəi ənɨ tɨ mbɨ zwiirɨ əwa.

Efesùs 5:3

Tɨ mbə̀ tɔ ghambɨ ə ɨmbə̀ʼ ənû nɨ ni məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû kɨ̀ ənû nɨ feenɨ ɨghɨ, ɨmbə̀ʼ ɨghəm nɨ chəi bə̂d Ŋwiə̀ berɨ ghɨ̀ tɨkwɨrɨ ɨnû tɔ̂.

Efesùs 5:5

Mbə kyerɨ ni chəi wə̀d we nɨə ni əyi kɨ̀ mbaŋə̀ əbəŋ əbəŋ, kɨ̀ we nɨə nyɔɔnɨə, kɨ̀ we nɨə feenɨ ɨghɨ bə̂d (əne yɨə wə̀d nɨə wumnɨə mbɨ̀anèŋ) berɨ əghɨ ə mɔʼɔ nɨ wɨ̀ bɨrɨ jɨg ɨŋga ənû ɨfɔ̀n ə Kristo mbɨ ə Ŋwiə̀.

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

1 Timotì 3:3

Tɨ wɨ̀ yeʼi wə̀d nɨə nɔə mɨnoʼ beə. Tɨ wɨ̀ yeʼi wə̀d nɨ ghaʼ ənû nɨ zɔ̀ŋ. Wɨ̀ berɨ yeʼ wə̀d nɨə bɔtɨə, kaʼi wə̀d nɨə tàŋə̀ mbɨ ə bə̂d. Tɨ wɨ̀ yeʼi wə̀d nɨ ghaʼ ɨkab.

2 Pità 2:14

Ɨ mbɨə kɨə nèŋə̀ məyi mbe nɨə niirɨə mbaŋə̀ ɨmbə̀ʼ ni mɨ̀mə̌d. Chəi mbɨə bɔrə nɨ ghɨ ɨnû rɨbɔ̀ŋ. Ɨ mbɨə tambɨ ə bə̂d mbe nɨ chəi fîŋ tɨ mɨ̀mə̌d kɨrɨ kaanɨ. Mbɨ fə kwembɨ ənû nɨ kɨə ghɨ̀ əjə. Ŋwìə̀ bɨrɨ zɨ ndɔ̀n ɨgwɨ mɨ̀mə̌d.

2 Pità 2:3

Ɨchî nɨ mbɨ ghaʼ ənû nɨ ghɨ əjə, mbɨ bɨrɨ gha tɨpoʼ əko ɨ nən ɨmbə̀ʼ jɨg əwən. Əgha ə fə kàŋ sà nɨ Ŋwìə̀ nyaʼa fə zɨ ɨsaʼi ɨgwɨ mɨ̀mə̌d. Ŋwìə̀ we nɨ bɨrɨ nimnɨ mɨ̀mə̌d wɨ i ɨkyèʼe.

Jûd 1:11

Ŋgəʼ bɨrɨ nyɨ ɨgwɨ mɨ̀mə̌d! Ɨ mbɨə ghɨ̀ ɨnû mbe nɨ Kaìn nyaʼa ghɨ̌. Ɨ mbɨə ghɨ̀ əfebrɨ-ənû ze nɨ Balàm nyaʼa ghɨ̌ ɨmbə̀ʼ ədɔʼ ɨkab. Ɨ mbɨə ghɨ̀ rɨ̀zuə̀ àmei ɨchî nɨ Korà nyaʼa ghɨ̌. Əne mbɨ bɨrɨ nim ɨghabɨ ə Korà.