Mə̀Hibrù 13:22 - Meta’

²² Mbɨ bɔŋgɔb, mə wɨə buʼ ɨbɔ ɨ nən ni mbə̀ nɨŋ ɨŋgam wɔ̂ nɨ mɨə tìmbɨ̀ əwən əŋgu ənɨ ə fîŋ chɔ̀m, ɨmbə̀ʼ ɨghəm nɨ chəi ə̀ŋwàʼnɨ̀ zɔ̂ nɨ mə ŋwaʼnɨ ɨ nən ə jeŋgɨ sà.

Ikan feg

²² Ìmbum məfi fɔrɔ ìtum njàbi, mə boʼ ibo inən gha ìngam gho̰ ne mə̀ zi inga iki àŋwàʼrì azo̰ ni nəri ìtən fìŋ, mbə̀ nyimi kwàʼ ane fìŋ chɔm.

Mə̀Hibrù 13:22 ပူးပေါင်းရင်းမြစ်များ

Ɨ̀fàʼì 13:15

Ənɨ bə̂d mbe rəŋgu nyaʼa fə foŋ ɨŋgam Ŋwiə̀ rɨŋga ə̀ŋwàʼnɨ̀ ə tɨkə rɨ Mose, bə̀ foŋ rɨŋga ə̀ŋwàʼnɨ̀ ə bə̂d ɨ̀kə̀n Ŋwiə̀, bə̂d mbe nɨ nyaʼə chà nəb ə̀kàtɨ̀ ze nyaʼa cha ɨkə̂n əmbɨ Pɔ̂l mbɨ Banabàs ni, “Bɔŋgɔb, mbə mɨ berɨ ɨŋgam mɔʼɔ nɨ timbɨ əwa, mbə̀ gha ɨ na.”

2 Kɔrèn 10:1

Mɔ̌ Pɔ̂l, wɨə nɨŋ ɨkum Kristo we nɨ nyaʼə bɔtɨ ɨnyod bə̀ bɔtɨə fîŋ buʼ ɨbɔ ɨ nən. Bə̂d mɔʼɔ rəbɔʼ nən mbɨə ghà ni mə wɨə swi ɨnyod ənɨ mə yeʼ ɨfě nən, àyɨə mə berɨ ɨka fîŋ ənɨ chəi əmɨ mbɨ nən.

2 Kɔrèn 5:20

Tɨ̀ yɨə bə̂d nɨ təm ənɨ ɨkum Kristo. Ŋwiə̀ wɨə che ənjìm na buʼ ɨbɔ əmbɨ ə bə̂d. Əne tɨ̀ wɨə buʼ ɨbɔ ɨ nən ənɨ ɨkum Kristo ni mbə maanɨ taŋ mbɨ ə Ŋwiə̀.

2 Kɔrèn 6:1

Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.

Gàlesìyà 6:11

Mbə̀ zə ɨchî nɨ mə̀ nɨŋ mɨ əbɔ ŋwàʼnɨ̀ ə̀ŋwàʼnɨ̀ zɔ̂ ɨ nən ənɨ əghə ə̀ŋwàʼnɨ̀ nɨ faŋgɨ!

Efesùs 3:3

Ŋwiə̀ nyaʼa ghɨ̀ mə kyerɨ ɨnû mbe nɨ yeʼ ənə̀mə, ɨchî nɨ mə fə kəʼ ŋwàʼnɨ̀ ənɨ akə ɨŋgam.

Mə̀Hibrù 12:5

Mbə wa fə neb ɨŋgam Ŋwìə̀ we nɨə tìmbɨ̀ əwən ni mbə yɨə bɔn məd ə? Ɨŋgam we ə ghà ni, “Mɨ wan, Ŋwìə̀ mɨ chə e, tɨrə̀ nɨŋ e ni à yɨ əfed. Tɨ e fîŋ bɔd i əwù ze nɨ Ŋwìə̀ gham əbɔʼ ne,

Mə̀Hibrù 13:19

Mə jeŋgɨ yì buʼ ɨbɔ ɨ nən ni mbə̀ kɔŋgɨ ə Ŋwìə̀ ni mə wɨrɨ zambɨ yeʼe əsɨ nən.

Mə̀Hibrù 2:1

Tɨ̀ jeŋgɨ zɨ̀ ətu ənɨ ɨnû mbe nɨ tɨ̀ fə zu, ɨmbə̀ʼ tɨ rɨ̀ saŋ a ɨnû mbe sɨə beenɨ yeʼ əbɔʼ ɨnû cherə.

Mə̀Hibrù 3:1

Mbɨ bɔŋgɔb zeŋɨ nɨ Ŋwìə̀ nyaʼa bə tɔŋə, mbə̀ jeŋgɨ kɔndɨ ə Yeso nɨ tɨ̀ ben ni məd yɨə wə̀d tom fɔrɨ ətu ɨgwɨ ə bə̂d mbàn Ŋwìə̀.

Mə̀Hibrù 4:1

Ənû ze nɨ Ŋwìə̀ nyaʼa kaʼi ə kɨrɨ təm. Wɨ̀ nyaʼa kàʼ ni bə̂d bɨrɨ nyɨ ɨŋga əsɨ ə̀zwììrɨ̀ ze nɨ wɨ̀ bɨrɨ naʼ əmbɨ mɨ̀mə̌d. Əne tɨ̀ we əwa ɨmbə̀ʼ tɨ wə̀d mɔʼɔ rəbɔʼ nən nim i əpan nɨ nyɨ ɨŋga əsɨ ə̀zwììrɨ̀ ze.

Mə̀Hibrù 4:11

Əne tɨ̀ kywɨ ənywɨ nyɨ ɨŋga əsɨ ə̀zwììrɨ̀ ze. Tɨ wə̀d mɔʼɔ sam i, ɨchî nɨ mɨ̀Jû nyaʼa ghɨ rɨ̀zuə̀ sam.

1 Pità 5:12

À yɨə Sailàs weerɨ əmɨ ni mə ŋwaʼnɨ akə ə̀ŋwàʼnɨ̀ wɔ̂ ɨ nən. Məd yɨ aŋgɔb nɨ mə̀ kyerɨ ni wɨ̀ nuŋ fîŋ ɨgun ə Kristo. Mə ŋwàʼnɨ̀ ə̀ŋwàʼnɨ̀ zɔ̂ ɨmbə̀ʼ timbɨ əwən fɔrɨ nɨ ghɨ mbə̀ kyerɨ ni Ŋwìə̀ wɨə kàŋə̀ ghɨ̀ ɨ̀chɔ̀m ənɨ ə nən. Mbə təm kàànɨ ɨŋga ɨ̀chɔ̀m we.