Lk 9:41 - Meta’

⁴¹ Yeso nyaʼa wììrɨ̀ ni, “Chəi ɨghəm bə̂d wɔ̂ tɨ̀nîn berɨ ɨbenɨ. Ɨ mbɨə ghɨ̀ ɨnû nɨ chəi mbɨ kuʼnɨ. Mə kɨə wo chubɨ mbɨ nən, kɨ̀ bè yim fîŋ mbɨ nən ənɨ əgha nɨ sa rɨ ye ə?” Ənɨ wɨ̀ nyaʼa ghɨ̀ əne, wɨ̀ nyaʼa ghà əmbɨ mbaŋə̀ ze ni, “Nɨŋ e wan yeʼe əgha.”

Ikan feg

⁴¹ Yeso ya ywìtì gha, “Mbə̰ ya kwàʼ iwaŋ bəd àpiye ne chəyi mbi beri ibḛfiŋ. Mə kə nɔʼ chughi tì inən, bèrì inyimbifiŋ ane nyumə̀ ne sa iye?” Anyumə̀ ne wì ya ghàmi ane, wì ya si ghà abə mbaŋà ze gha, “Niŋ ìwe ŋwan we yèʼe.”

Lk 9:41 ပူးပေါင်းရင်းမြစ်များ

Matìyò 11:28

“Mbə̀ yeʼe əsɨ num, mbə̀n mɨjìm mbe nɨ fə bɔd bə̀ bèʼ ɨghɨ nɨ nirɨ, mə bɨrɨ ghɨ ni mbə̀ zwirɨ ə.

Matìyò 12:39

Wɨ̀ nyaʼa wììrɨ̀ əmbɨ mɨ̀mə̌d ni, “Ɨghəm bə̂d wɔ̂ rɨ̀nîn nɨə ghɨ̀ ɨnû rɨbɔ̀ŋ, nɨ chəi mbɨə nùŋə̀ fîŋ ɨgun ə Ŋwiə̀. Ɨ mbɨə kə̀bə̀ ni mə̀ ghɨ ənû ə yiirɨ, àyɨə chəi ənû ə yiirɨ nɨ mə̀ bɨrɨ ghɨ̀ chè rɨ ənɨ ənû yiirɨ ze nɨ nyaʼa ghɨ̌ ənɨ wə̀d ɨ̀kə̀n Ŋwìə̀ Jonà.

Matìyò 12:45

Əne zɨ̀ bɨrɨ wò yeʼe mbɨ ɨzwî rɨbɔ̀ŋ cherə sambe nɨ bə̌ chè əməd, mbɨ wò nyɨ chub ɨŋga nəb ze. Ŋgəʼ ze nɨ bɨrɨ nyɨ ɨgun ə wə̀d we bɨrɨ bə chè ze nɨ wɨ̀ nyaʼə beə zəə. À yɨ ənû nɨ bɨrɨ ghɨ̀ mbɨ ɨghəm bə̂d wɔ̂ rɨ̀nîn nɨə ghɨ̀ ɨnû rɨbɔ̀ŋ.”

Matìyò 16:4

Ɨghəm bə̂d wɔ̂ rɨ̀nîn nɨə ghɨ̀ ɨnû rɨbɔ̀ŋ, nɨ chəi mbɨə nùŋə̀ tə fîŋ ɨgun ə Ŋwiə̀. Ɨ mbɨə kə̀bə̀ ni mə̀ ghɨ ənû ə yiirɨ, àyɨə chəi ənû ə yiirɨ ə mɔʼɔ nɨ mə̀ bɨrɨ ghɨ̀ chè rɨ ənɨ ənû ə yiirɨ ze nɨ nyaʼa ghɨ̌ ənɨ Jonà.” Wɨ̀ nyaʼa ghà əne, nɔ̀ʼ sàŋ mɨ̀mə̌d wo i.

Matìyò 17:17

Yeso nyaʼa wììrɨ̀ ni, “Chəi ɨghəm bə̂d wɔ̂ rɨ̀nîn berɨ ɨbenɨ. Ɨ mbɨə ghɨ̀ ɨnû nɨ chəi mbɨ kuʼu. Mə̀ kɨə wò chubɨ mbɨ nən ənɨ əgha nɨ sa rɨ ye ə? Mə̀ kɨə wò yim fîŋ mbɨ nən ənɨ əgha nɨ sa rɨ ye ə? Mbə̀ nɨŋ wan mbaŋə̀ we yeʼe naʼ ɨ num.”

Matìyò 23:36

Mə ghà rəsìʼ ɨ nən ni, ɨnû mbɔ̂ jìm bɨrɨ ghɨ̀ ɨgwɨ ɨghəm bə̂d wɔ̂ rɨ̀nîn.

Matìyò 3:7

Àyɨə ənɨ wɨ̀ nyaʼa zə mɨ̀Farisiî nɔnɔʼ mbɨ mɨ̀Sadusiî nɔnɔʼ nɨ nyaʼə yeʼe ni wɨ̀ naʼ mɨnib əmbɨ mɨ̀mə̌d, wɨ̀ nyaʼa ghà əmbɨ mɨ̀mə̌d ni, “Mbə yɨə jɔ tɨ rɨbɔ̀ŋ! À kɨə we patɨ əwən ni mbə̀ norə tɨ ənɨ ə ŋgəʼ ze nɨə yeʼe ə?

Mk 10:14

Àyɨə ənɨ Yeso nyaʼa zə ənû ze, wɨ̀ nyaʼa sə ɨtəm, əne ghà əmbɨ mbi mə̀mə̀ə̀nɨ̀-ɨnû ni, “Mbə̀ saŋ bɔn kwa mbe yeʼe əsɨ num. Tɨ mbə̀ kən ə mɨ̀mə̌d, ɨmbə̀ʼ ɨghəm nɨ à yɨə bə̂d ɨghabɨ mbɔ̂ bɨrɨ jɨg ənû ɨfɔ̀n ə Ŋwiə̀.

Mk 10:49

Yeso nyaʼa təm əne ghà ni, “Mbə̀ tɔŋ əməd.” Ənɨ mbɨ nyaʼa tɔŋ ə mbaŋə̀ ze, mbɨ nyaʼa ghà ɨ bɔ ni, “Bɔtɨ e fîŋ! Nɔʼ rətiə, ɨ wɨə tɔŋ e.”

Mk 9:19

Yeso nyaʼa ghà əmbɨ mɨ̀mə̌d ni, “Chəi ɨghəm bə̂d wɔ̂ berɨ ɨbenɨ! Mə̀ kɨə wò chubɨ mbɨ nən ənɨ əgha nɨ sa rɨ ye ə? Mə̀ kɨə wò yim fîŋ mbɨ nən ənɨ əgha nɨ sa rɨ ye ə? Mbə nɨŋ əməd yeʼe nàʼ ɨ num!”

Lk 8:25

Ənɨ mbɨ nyaʼa bɔd əne, wɨ̀ nyaʼa ghà əmbɨ mɨ̀mə̌d ni, “Ə ɨbenɨ kɨ yi ə?” Mbɨ nyaʼa bɔ bə̀ yiirɨ, əne ghà mbənə mbənə ni, “Wɔ̂ kɨə kaŋ əwe, nɨ wɨ̀ mɨ ghàm ka àbei əfim mbɨ mɨnib nɨə nɔ̀ʼə̀ swiʼə ə zuunɨ əməd ə?”

Lk 9:40

Mə kə̀ʼ buʼ ɨbɔ əmbɨ mbe mə̀mə̀ə̀nɨ̀-ɨnû ni mbɨ chɨ əzwî ze, àyɨə chəi ənɨ tɨ̀ mbɨ chɨ̀.”

Lk 9:42

Ənɨ wan we nyaʼə yènə̀ yeʼe, əzwî rɨbɔ̀ŋ ze nyaʼa yim əməd tum ə si, kɔ chiʼ əməd. Àyɨə Yeso nyaʼa gham əbɔʼ əzwî rɨbɔ̀ŋ ze, vɨ̀ wan we, wɨrɨ naʼ əmbɨ mbǎʼ məd.

Jn 14:9

Yeso nyaʼa wììrɨ̀ ni, “Ɨmbə̀ʼ mə fə chubɨ mbɨ nən əgha ə se, àyɨə chəi àwɔ̀, Filip, kaŋ kɨrɨ kyerɨ əmɨ ə? Wə̀d jìm we nɨ zə əmɨ fə bə̀ zə ə Mbǎʼ. Àwɔ̀ wɨrɨ che rɨ ye ghà ɨ num ni, 'Chwiə Mbǎʼ ɨ na ə'?

Jn 20:27

Ənɨ wɨ̀ nyaʼa ghà əne, wɨ̀ nyaʼa ghà əmbɨ Tomas ni, “Zɨ fe fi əbɔ əgha bə̀ zə mbɨ ɨbɔ. Sem e əbɔ zɨ ɨŋga fum ɨbeŋ. Tɨrə̀ bə̀ bìd e, benɨ!”

Ɨ̀fàʼì 13:18

Wɨ̀ nyaʼa nyìʼ mbɨ mɨ̀mə̌d ɨŋga ɨbad rɨkwàʼi ɨghəm ɨwu ɨwum kwè.

Ɨ̀fàʼì 2:40

Pità nyaʼa ghà mɨŋgam cherə nɔnɔʼ əmbɨ mɨ̀mə̌d, kəərɨ mɨ̀mə̌d ghà ni, “Mbə̀ jwɨ rɨ ɨŋga ŋgəʼ ze nɨ bɨrɨ nyɨ ɨgwɨ ɨghəm bə̂d wɔ̂ nɨə ghɨ̀ ɨnû rɨbɔ̀ŋ.”

Rm 2:4

À wɨə wa tə̀ə̀nɨ̀ ɨ̀chɔ̀m nɔnɔʼ we nɨ Ŋwìə̀ ə ghɨ̀ ənɨ ə ne, ɨchî nɨ wɨ sàŋ ni à ghɨ ɨnû mbe nɨ chəi mbɨ kuʼu, bə̀ fɔrɨ ɨchî nɨ wɨə yimə fîŋ ə? Chəi à kyerɨ ni ɨ̀chɔ̀m Ŋwiə̀ yɨ nɨ ghɨ ni à beŋ e fîŋ ə?

Mə̀Hibrù 3:19

Əne tɨ̀ fə zə ni chəi ənɨ tɨ mbɨ nyaʼa nyɨ ɨŋga əsɨ ə̀zwììrɨ̀ ze ɨmbə̀ʼ ɨghəm nɨ chəi mbɨ nyaʼa benɨ.

Mə̀Hibrù 4:11

Əne tɨ̀ kywɨ ənywɨ nyɨ ɨŋga əsɨ ə̀zwììrɨ̀ ze. Tɨ wə̀d mɔʼɔ sam i, ɨchî nɨ mɨ̀Jû nyaʼa ghɨ rɨ̀zuə̀ sam.

Mə̀Hibrù 4:2

Ɨkə̂n chɔ̀m nyaʼa yeʼe ɨ na ɨchî nɨ wɨ nyaʼa bə̀ yeʼe əmbɨ ə bə̂d mbe nɨ nyaʼa ghɨ ɨnû rɨbɔ̀ŋ ɨŋga ɨbad rɨkwàʼi. Mbɨ nyaʼa zu ɨkə̂n we àyɨə chəi wɨ nyaʼa weerɨ mɨ̀mə̌d, ɨmbə̀ʼ ɨghəm nɨ mbɨ nyaʼa zu àyɨə chəi mbɨ nyaʼa benɨ.

Mə̀Hibrù 7:25

Əne məd ə berɨ ɨka ənɨ mɨ̀nyùmə̀ jìm nɨ chɨ bə̂d mbe nɨ che ənjìm məd tindɨ ɨban ə Ŋwiə̀ rəŋgəʼ, ɨmbə̀ʼ ɨghəm nɨ məd wɨ i ɨkǎ koŋ ɨmbə̀ʼ kɔŋgɨ ə Ŋwiə̀ ɨgwɨ mɨ̀mə̌d.