Lk 9:16 - Meta’

¹⁶ Ənɨ mbɨ nyaʼa chubɨ, Yeso nyaʼa nɨŋ chiŋ ŋgə̀ŋ te rɨ̀tân mbɨ əgwi ze əbe, nèŋ ɨkaŋ, kɔ̀ŋgɨ̀ ə Ŋwiə̀, bəʼrɨ, nàʼ əmbɨ mə̀mə̀ə̀nɨ̀-ɨnû mbe ni mbɨ te ɨfě ɨnɔ̂n bə̂d we.

Ikan feg

¹⁶ Yeso ya si niŋ chiŋ ngə̀ŋ te tita̰ tì su te tibe, nɔ̀ àzi atog ikaŋ nàʼ məyakà abə Ŋwiye, si bə̀ʼri nàʼ abə mə̀mə̀nənùg məd gha mbe ghapa abə bəd.

Lk 9:16 ပူးပေါင်းရင်းမြစ်များ

Matìyò 14:19

Wɨ̀ nyaʼa nɨŋ əne ghà əmbɨ mɨnɔ̂n bə̂d mbe ni mbɨ chub ɨgwɨ ɨfu. Ənɨ mbɨ nyaʼa chubɨ, wɨ̀ nyaʼa nɨŋ chiŋ ŋgə̀ŋ te rɨ̀tân mbɨ əgwi ze əbe, neŋ ɨkaŋ, kɔŋgɨ ə Ŋwiə̀, bəʼrɨ, nàʼ əmbɨ mbi mə̀mə̀ə̀nɨ̀-ɨnû ni mbɨ naʼ əmbɨ mɨnɔ̂n bə̂d mbe.

Matìyò 15:36

Ənɨ mbɨ nyaʼa chubɨ, wɨ̀ nyaʼa nɨŋ chiŋ ŋgə̀ŋ te sambe bə̀ nɨŋ əgwi ze, kɔŋgɨ ə Ŋwiə̀, bəʼrɨ, nàʼ əmbɨ mə̀mə̀ə̀nɨ̀-ɨnû mbe ni mbɨ nàʼ əmbɨ mɨnɔ̂n bə̂d mbe.

Mk 7:34

Wɨ̀ nyaʼa neŋ ɨkaŋ, sɔ ɨchû, ghà ɨ bɔ ni, “Efatà,” əne yɨ ni “Fiʼə!”

Lk 22:19

Ənɨ wɨ̀ nyaʼa ghà əne, wɨ̀ nyaʼa nɨŋ chiŋ ŋgə̀ŋ, nàʼ məben-əwe əmbɨ ə Ŋwiə̀, bəʼrɨ ŋgə̀ŋ ze nàʼ əmbɨ mɨ̀mə̌d ghà ni, “Əzɔ̂ yɨ mɨ nyamnyod nɨ mə̀ naʼ ɨmbə̀ʼ əwən. Mbə sɨə ghɨ̀ əne kɔndɨ əmɨ.”

Lk 24:30

Ənɨ wɨ̀ nyaʼa chubɨ ɨ jɨg mbɨ mɨ̀mə̌d, wɨ̀ nyaʼa nɨŋ chiŋ ŋgə̀ŋ, kɔŋgɨ ə Ŋwiə̀, bəʼrɨ, nàʼ əmbɨ mɨ̀mə̌d.

Lk 9:15

Mbɨ nyaʼa ghɨ̀ əne. Əne bə̂d mbe mɨ̀jìm nyaʼa chub ə si.

Lk 9:17

Mbɨ nyaʼa nɨŋ te, əne mɨ̀mə̌d mbe mɨ̀jìm nyaʼa jɨg kod. Mə̀mə̀ə̀nɨ̀-ɨnû mbe nyaʼa fetɨ tɨkə te nɨ nyaʼa buʼu, tɨ swi mbɨ̀rɨkaʼ wum chɔ̀b rɨ̀be.

Jn 6:11

Ənɨ mbɨ nyaʼa chubɨ, Yeso nyaʼa nɨŋ chiŋ ŋgə̀ŋ te, nàʼ məben-əwe əmbɨ ə Ŋwiə̀, ghàpɨ̀ əmbɨ ə bə̂d mbe nɨ nyaʼa əŋgu. Wɨ̀ nyaʼa bə̀ ghɨ̀ əndəŋ əndəŋ mbɨ əgwi ze. Wə̀d jìm nyaʼa berɨ ɨchî nɨ wɨ̀ nyaʼa kəbɨ.

Jn 6:23

Ɨbaŋ ɨgyɨ̀ mɔʼɔ rɨ ə Tìberiàs nyaʼa wo təm ɨban əsɨ ze nɨ Yeso nyaʼa nɨŋ ŋgə̀ŋ, kɔŋgɨ ə Ŋwiə̀, nàʼ əmbɨ ɨnɔ̂n bə̂d we ni wɨ̀ jɨg.

Ɨ̀fàʼì 27:35

Ənɨ wɨ̀ nyaʼa ghà əne, wɨ̀ nyaʼa nɨŋ ŋgə̀ŋ, nàʼ məben-əwe əmbɨ ə Ŋwiə̀ ɨfě mɨ̀mə̌d mɨjìm, bəʼ kɔ jɨgɨ.

Rm 14:6

Wə̀d we nɨ zə ni əni ə mɔʼɔ ə chè mbɨ cherə, wɨə ghɨ̀ əne ɨmbə̀ʼ wumnɨ Ə̀nùŋɨ̀sɨg. We nɨə jɨg ɨghɨjìm, wɨə jɨg ɨmbə̀ʼ wumnɨ Ə̀nùŋɨ̀sɨg, ɨmbə̀ʼ ɨghəm nɨ mɨ̀mə̌d mɨjìm mbɨə nàʼə̀ məben-əwe əmbɨ ə Ŋwiə̀ ɨmbə̀ʼ ɨghɨjɨg mbe. We nɨ chəi wɨə jɨg ɨghɨjìm, wɨə ghɨ̀ əne ɨmbə̀ʼ wumnɨ Ə̀nùŋɨ̀sɨg. Məd wɨə bə̀ nàʼə̀ məben-əwe əmbɨ Ŋwiə̀ ɨmbə̀ʼ ɨghɨjɨg mbe.

1 Kɔrèn 10:30

Mə mɨ nàʼ məben-əwe əmbɨ ə Ŋwiə̀, əne jɨg tɨjɨg te, njɨ əton nɨ bə̂d bɨrɨ zɨ əzum ɨmbə̀ʼ ɨghɨ mbe nɨ mə̀ naʼ məben-əwe bɔŋ jɨg kɨ ɨmbə̀ʼ ə yè ə?

1 Kɔrèn 11:24

ənɨ wɨ̀ nyaʼa fə nàʼ məben-əwe əmbɨ ə Ŋwiə̀, wɨ̀ nyaʼa bəʼrɨ ghà ni, “Əzɔ̂ yɨ mɨ nyamnyod nɨ mə̀ naʼ ənɨ əghɨ ə̀fà ɨgwɨ mbə ɨtu. Mbə̀ sɨə ghɨ̀ əne kɔndɨ əmɨ.”