Lk 8:35 - Meta’

³⁵ Bə̂d nyaʼa jwɨ̀ ɨ wo zə ənû ze nɨ nyaʼa ghɨ̌. Ənɨ mbɨ nyaʼa wò pè əsɨ Yeso, mbɨ nyaʼa zə mbaŋə̀ ze nɨ ɨzwî rɨbɔ̀ŋ mbe nyaʼa jwɨ rɨŋga məd. Wɨ̀ nyaʼa chub ɨban ɨwu Yeso mbɨ ə ngywɨ̌ bòm. Ətu əməd ə nyaʼa fə zeŋ i. Əne mɨ̀mə̌d mɨjìm nyaʼa bɔ.

Ikan feg

³⁵ Bəd ne ya zughi ya ghò ni bàd anug ne du. Anyumə̀ ne mbi ya pe iban Yeso, mbi ya bàd wə̀d we ichughi, aseg, imbìghè abə Yeso, ne wì zi ìti ndwi, bə̀ se tì ìwi iwe chɔm. Mbɔb məjìm ya bɔ.

Lk 8:35 ပူးပေါင်းရင်းမြစ်များ

Matìyò 4:24

Ɨchî nɨ wɨ̀ nyaʼə ghɨ̀ əne, mɨkâ məd nyaʼa jàŋ ɨŋga Sirià jìm. Əze ə nyaʼa ghɨ̀ ni bə̂d mbe rəŋgu nɨŋ bə̂d mbe nɨ nyaʼə wɔ̀nə̀ tɨkwɨrɨ əwɔn jìm wò əsɨ məd. Wɨ̀ nyaʼa vɨ̀ bə̂d əwɔn mbe mɨjìm. Bə̂d əwɔn mbɔ̂ yɨ mbe nɨ ɨsɨ ɨnyod nyaʼə seə, mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, mbe nɨ ə̀fìrɨ̀ ə nyaʼə gywɨ̀ə̀ fɔrɨ mbe nɨ nyaʼa buʼrə.

Mk 5:15

Mbɨ nyaʼa wò əsɨ Yeso pè zə mbaŋə̀ ze nɨ ɨ̀nyɔrɨ̀ ɨzwî rɨbɔ̀ŋ mbe nyaʼa ɨŋga məd. Mbaŋə̀ ze nyaʼa chub i əŋgu mbɨ ə ngywɨ ɨbom. Ətu əməd ə nyaʼa fə zeŋ i. Mbɨ nyaʼa zə əne bɔ.

Lk 10:39

Màta we nyaʼa berɨ wi aŋgɔb mɔʼɔ nɨ ɨkum məd nyaʼə Mèri. Mèri we nyaʼa chub ɨban ɨwu Ə̀nùŋɨ̀sɨg zwetɨ ənû mbe nɨ wɨ̀ nyaʼə chwiə,

Lk 15:17

Ənɨ ɨwe məd nyaʼa wɨrɨ bə̀ndɨ̀ yeʼe, wɨ̀ nyaʼa ghà ɨŋga i fîŋ ni, 'Bə̂d ə̀fàʼì mɨjìm mbe nɨ mɨ mbǎʼ nɨŋɨ mbɨə jɨgə korə ə̀bùʼ ə bùʼ, àyɨə mɔ̌ wɔ̂ əgha kwɨə njì!

Lk 2:46

Ənɨ ɨni nyaʼa chè tad, mbɨ nyaʼa zə əməd ɨŋga mbàn Ŋwìə̀ nɨ wɨ̀ nyaʼa chub əkaʼ məchwiə̀-ɨnû. Ɨ wɨə nyaʼə zwetɨə ɨnû mbe nɨ mbɨ nyaʼə ghàə̀, bə̀ biirɨ ɨnû rɨ əmbɨ mɨ̀mə̌d.

Lk 8:27

Ənɨ wɨ̀ nyaʼa jwɨ rɨŋga əbaŋ ze te əwu ə si, mbaŋə̀ mɔʼɔ rɨŋga əsɨ ze nɨ ɨzwî rɨbɔ̀ŋ nyaʼa ɨŋga məd nyaʼa wò kumnɨ əməd. Əgha ə nyaʼa fə sà nɨ chəi mbaŋə̀ ze nyaʼa zɨ ngywɨ. Chəi wɨ̀ nyaʼə chub ɨŋga nəb. Ɨ wɨə nyaʼə chubə yeʼ ɨŋga mɨ̀sì nɨ mbɨ chəb ɨŋga ɨwɔ̌.

Lk 8:34

Ənɨ bə̂d mbe nɨ nyaʼə nə̀ŋgɨ mɨ̀kuŋə mbe nyaʼa zə ənû ze nɨ nyaʼa ghɨ̌, mbɨ nyaʼa nòrə̀ wò ghà ənû ze ɨŋga əsɨ ze bə̀ ghà ɨŋga ɨsɨ mbe nɨ nyaʼa ɨban ɨban.

Ɨ̀fàʼì 22:3

“Mɔ̌ yɨə Jû. Mbɨ nyaʼa gywɨ əmɨ ə Tasùs ə Selisià. Mə nyaʼa kwi əgha ə Jèrusalèm bə̀ kwembɨ ə̀ŋwàʼnɨ̀ əton ə Gàmalièl. Mə nyaʼa kwembɨ rɨkə te nɨ mbɨ nyaʼa naʼ əmbɨ mba mɨ̀mbǎʼ rəŋwe. Mə wɨə nyaʼə bə̀ zɨ̀ ətu ənɨ ə̀fàʼì ə Ŋwiə̀ ɨchî nɨ mbə̀n mɨjìm ə zɨ̀ rə̀chɔ̀ŋ.

1 Jɔn 3:8

Wə̀d we nɨə ghɨ̀ ɨnû rɨbɔ̀ŋ yɨə wə̀d Debɨ̀rə̀. À yɨ əne ɨmbə̀ʼ ɨghəm nɨ Debɨ̀rə̀ nyaʼa kɔ ghɨ̌ ənû rɨbɔ̀ŋ tɨ ənɨ Ŋwìə̀ nyaʼa tekɨ ɨsɨg. Wan Ŋwìə̀ nyaʼa yeʼe ɨmbə̀ʼ nimnɨ ɨnû mbe nɨ Debɨ̀rə̀ nyaʼə ghɨ̀ə̀.