Lk 8:3 - Meta’

³ Jòanà nɨ nyaʼa ɨwi Chuzà we nɨ nyaʼə wə̀d ə̀fàʼì Herɔ̀d mbɨ Sùsanà mbɨ məyi cherə nɔnɔʼ. Məyi mbɔ̂ mbɨə nyaʼə wèèrɨ̀ ə Yeso bə̀ wèèrɨ̀ mə̀mə̀ə̀nɨ̀-ɨnû ɨməd rɨŋga mbə ɨ̀bàmɨ̀.

Ikan feg

³ Tì Jòwanà iweg ìwi Chuzà. Chuzà gho̰ ya yaʼ wə̀d àfàʼì kyen inga nəb Erɔ̀d. Sùsanà fɔrɔ mə̀yi ndəŋ ndan ndàn yaya bə̀ angu. Mə̀yi mbo̰ yaya wètè Yeso tì mə̀mə̀nənùg məd inga ìmbɔb ìbàn.

Lk 8:3 ပူးပေါင်းရင်းမြစ်များ

Matìyò 14:1

À nyaʼa ənɨ ə nyùmə̀ we, Herɔ̀d we nɨ nyaʼə tùmbɨ̀ ə Galiliî nyaʼa zu mɨkâ Yeso.

Matìyò 14:3

Herɔ̀d nyaʼa kɔndɨ əne ɨmbə̀ʼ ɨghəm nɨ wɨ̀ nyaʼa ghɨ̀ ni mbɨ gywɨ̀ ə Jɔ̌n, kod, wò zɨ̀ ə ndəŋ dè ə Hèrɔdiàs. Hèrɔdiàs yɨə nyaʼə ɨwi Filip, nɨ nyaʼə aŋgɔb Herɔ̀d, àyɨə Herɔ̀d nyaʼa nɨŋ əməd ənɨ i ɨwi.

Matìyò 14:6

À nyaʼa ɨgwɨ əni ze nɨ mbɨ nyaʼa gywɨ ə Herɔ̀d, wan əyi Hèrɔdiàs nyaʼa bin ɨfě bə̂d mɨ̀jìm mbe nɨ nyaʼa ənɨ ənû ze. Əze ə nyaʼa ghɨ̀ ni fîŋ Herɔ̀d bɔŋ əku.

Matìyò 2:11

Mbɨ nyaʼa wò nyɨ ɨŋga nəb ze nɨ fɨtəmɨ fe kəʼ təm ɨgun, əne zə wan we nɨ nyaʼa mbɨ ɨŋgɔb məd Mèri. Mbɨ nyaʼa zə əne, chìndɨ̀ ɨtu ɨnywɨ ə si, wumnɨ əməd. Mbɨ nyaʼa bə̀ zà mbə ɨ̀bàmɨ̀, chɨ̀ ə gôl fɔrɨ ə frankɨnsèns mbɨ ə myrrh nèʼ wan we əŋgu.

Matìyò 20:8

“À nyaʼa sɨ ɨkwirɨ kwirɨ, wə̀d mbeŋ we nyaʼa ghà əmbɨ wə̀d we nɨə nèŋgɨ̀ ɨ̀fàʼì məd ni, 'Tɔŋ bə̂d ə̀fàʼì mbe chwɨ mɨ̀mə̌d, àyɨə kɔ rɨ ənɨ mbe nɨ mə̀ kəʼ nwìə̀ nɨŋ wò pè ənɨ mbɨ rɨtu.'

Matìyò 25:40

Ɨfɔ̂n we bɨrɨ wììrɨ̀ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ mbə̀ nyaʼə ghɨ̀ ɨnû mbɔ̂ ənɨ wɨ kwa mɔʼɔ rəbɔʼ bɔŋgɔb mbɔ̂ num, əne mbə̀ nyaʼa ghɨ yeʼ ənɨ ə num.'

Matìyò 26:11

Bə̂d ɨkwaŋ mbɨ əkaʼ nən ɨghəm jìm, àyɨə chəi əmɨ mbɨ nən ɨghəm jìm.

Matìyò 27:55

Məyi mɨ̀nɔnɔʼ nyaʼa əŋgu. Mbɨ nyaʼa təm rɨ əsà əgha ɨ nèŋ. Mbɨ nyaʼə beenɨ əbɔʼ ə Yeso nɔ̀ʼ tɨ rɨ ə Galiliî yènə̀ wèèrɨ̀ əməd.

Lk 24:10

Məyi mbe nɨ nyaʼa gha ənû ze əmbɨ ə bə̂d tom Kristo mbe yɨə nyaʼə Mèri Màgdàlen, Jòanà, Mèri ɨŋgɔb Jems mbɨ məyi cherə mbe nɨ nyaʼa mbɨ mɨ̀mə̌d.

Jn 12:6

Wɨ̀ nyaʼa ghà ənû zɔ̂ kaʼi ɨmbə̀ʼ ɨghəm nɨ wɨ̀ nyaʼa zɨ ətu nɨ nəŋgɨ bə̂d ɨkwaŋ. Wɨ̀ nyaʼa ghà ɨmbə̀ʼ ɨghəm nɨ məd yɨə nyaʼə ɨjɨ, fɔrɨ ni ɨchî nɨ ə̀bàm ɨkab ə nyaʼa ɨ bɔ, wɨ̀ nyaʼə mɨ̀ə̀ chɨ̀ ɨkab rəbɔʼ we nɨ mbɨ nyaʼa zɨ ɨŋga ə̀bàm ze ghɨ̀ mbi ɨnû əŋgu.

Ɨ̀fàʼì 13:1

Bə̂d ɨ̀kə̀n Ŋwiə̀ mbɨ məchwiə̀-ɨnû nyaʼa ɨŋga ɨfetɨ bə̂d Kristo we rɨ ə Antiɔ̀k. Mbɨ yɨə nyaʼə Banabàs, mbɨ Simiòn nɨ mbɨ nyaʼə bə̀ tɔŋ ənɨ Naijà, mbɨ Lusiùs nɨ nyaʼa rɨ ə Sìrin, mbɨ Maniàn nɨ nyaʼa kwi mbɨ Herɔ̀d nɨ nyaʼə gɔmnà, mbɨ Sɔ̂l.

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

Fìlipì 4:22

Bə̂d Kristo mɨjìm chàʼrɨ̀ əwən, màànɨ̀ mbe nɨə fàʼ ɨŋga tɔʼ Kaisà.

1 Timotì 5:10

Bə̂d berɨ kyerɨ əməd ɨmbə̀ʼ ɨnû chɔ̀m mbe nɨ wɨə ghɨ̀ə̀, ɨghabɨ ɨchî nɨ wɨə nìə̀ bɔn ɨchî chɔ̀m, ɨchî nɨ wɨə nɨŋə bə̂d əkwɨ ni, ɨchî nɨ wɨə sò ɨwu bə̂d Ŋwiə̀ ɨchî nɨ wɨə weerɨ bə̂d mbe nɨ yeʼ ə ŋgəʼ mbɨ ɨchî nɨ wɨə nàʼ i ɨnyod nɨ ghɨ ɨnû chɔ̀m ənɨ tɨkwɨrɨ ɨnə̂njɨ̀ jìm.