Lk 6:35 - Meta’

³⁵ Àyɨə mbə ghaʼ mbə bə̂d pə̀n bə̀ ghɨ̀ ɨ̀chɔ̀m ənɨ mɨ̀mə̌d. Mbə̀ bə chɔʼ ɨkab nàʼ əmbɨ bə̂d mbe nɨ chəi mbɨə wòmə̀ ni mbɨ bɨrɨ wi ɨ nən. Mbə mɨ ghɨ̀ əne, mbə bɨrɨ berɨ ɨchɔʼ ə̀fàʼì kyeŋ bə̀ yeʼ bɔn Ə̀chè-ɨsɨg, ɨmbə̀ʼ ɨghəm nɨ məd wɨə ghɨ̀ ɨ̀chɔ̀m ənɨ ə bə̂d mbe nɨ chəi mbɨə nàʼ məben-əwe ɨ bɔ. Ɨ wɨə bə̀ ghɨ̀ ɨ̀chɔ̀m ənɨ mbe nɨə ghɨ̀ ɨzɨg.

Ikan feg

³⁵ Ane, mə ghà tesiʼ inən gha, mbə̀ ya kɔ̀ŋɔ̀ ìmbən bəd ìpàb, ghìyə̀ inug chɔm inɔb, chɔ̀ʼɔ ighi inɔb witì ghɔ̀m gha mbi biri ywìtì inən. Mbə̰ mə̀ ghì ane, ìzən chùd biri nɔʼ. Mbə̰ biri bə yaʼ bɔn Ŋwiyekɔʼ imbə̀ʼ icheg ne məd ya ghìyə̀ ìchɔ̀mì abə bəd ne ghìyə̀ inug izəg, bə̀ fɔrɔ abə bəd ne chəyi mbe bə̀ nàʼà məyakà ibo.

Lk 6:35 ပူးပေါင်းရင်းမြစ်များ

Matìyò 5:9

Ŋwìə̀ zɨ əbɔrəbɔd ɨgun ə bə̂d mbe nɨə ghɨ̀ ni bə̂d chub ənɨ əbɔrəbɔd, ɨmbə̀ʼ ɨghəm nɨ wɨ̀ bɨrɨ tɔŋ mɨ̀mə̌d ənɨ mbi bɔn.

Mk 5:7

kyeŋ ənɨ ə gɨ̂ nɨ kǎ ghà ni, “Yeso, Wan Ŋwìə̀ Ə̀chè-ɨsɨg, à berɨ ənû ə ye nɨ ghɨ̀ mbɨ num ə? Mə buʼ ɨbɔ ɨ ne ənɨ ɨkum Ŋwiə̀ ni tɨrə̀ chə e əmɨ!”

Lk 1:32

Wɨ̀ bɨrɨ yeʼ ədabɨ ə wə̀d. Mbɨ bɨrɨ tɔŋ əməd ənɨ Wan Ə̀chè-ɨsɨg. Ə̀nùŋɨ̀sɨg Ŋwìə̀ bɨrɨ nuŋ əməd ənɨ ɨfɔ̀n ɨchî nɨ wɨ̀ nyaʼa nuŋ ə Dèvîd nɨ nyaʼə mbǎʼ məd rəŋwe.

Lk 6:36

Mbə̀ diirɨ bə̂d àmei ɨchî nɨ ə Mbǎʼ ə dììrɨ̀ə̀ bə̂d.

Jn 13:35

Mbə mɨ ghaʼ mbə bɔŋgɔb, njɨ bə̂d mɨjìm bɨrɨ kyerɨ ni mbə̀ yɨ mbɨ mə̀mə̀ə̀nɨ̀-ɨnû.”

Jn 15:8

Ənû ze nɨ bɨrɨ nàʼ ɨwumnɨ əmbɨ mɨ Mbǎʼ yɨ ni mbə̀ kɔ rɨtam nɔnɔʼ. Əze ə bɨrɨ chwi ni mbə̀ yɨ mbɨ mə̀mə̀ə̀nɨ̀-ɨnû.

Ɨ̀fàʼì 14:17

Àyɨə məd ziə fə chwi ɨnweenɨ ni tə wɨ əŋgu ɨchî nɨ wɨə ghɨ̀ ɨ̀chɔ̀m ənɨ ə bə̂d. Ɨ wɨə ghɨ̀ ni mbə̀ŋ nɔ. Ɨ wɨə bə̀ ghɨ̀ ni mbə̀ berɨ tɨjɨg ənɨ ə nyùmə̀ we nɨ mbə̀ə kwəŋ ɨghɨ. Ɨ wɨə nàʼ ɨghɨjɨg ɨ nən. Ɨ wɨə bə̀ ghɨ̀ ni ɨghaʼi swi ɨŋga tə fîŋ.”

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

2 Timotì 3:2

Bə̂d bɨrɨ sɨə ghaʼ àmei ə ɨnyod, sɨə ghaʼ àmei ɨkab, sɨə nɔ ɨnyod, sɨə seenɨə, sɨə zɔ̀m ə bə̂d bə̀ sɨə ghɨ̀ rɨ̀zuə̀ əmbɨ mbə mɨ̀mbǎʼ fɔrɨ əmbɨ mbə mɨ̀nɨ̌ŋ. Chəi mbɨ bɨrɨ naʼ məben-əwe ɨmbə̀ʼ ɨnû mbe nɨ mbɨ ghɨ ənɨ mɨ̀mə̌d. Chəi mbɨ bɨrɨ ben ənû ə Ŋwiə̀.