Lk 5:14 - Meta’

¹⁴ Yeso nyaʼa ghà ɨ bɔ ni, “Tɨrə̀ tɔ ghà e ənû zɔ̂ əmbɨ wə̀d mɔʼɔ, àyɨə ndə̀ chwi e ɨnyod əmbɨ wə̀d mbàn Ŋwìə̀, əne nàʼ ɨghɨ ə̀fà ɨchî nɨ Mose nyaʼa ŋwaʼnɨ, ɨmbə̀ʼ bə̂d kyerɨ ni əpabɨ ze ə fə mì rɨ ɨgwɨ ne.”

Ikan feg

¹⁴ Yeso ya pati aməd gha, “Imbə̀ʼ àghò gha awe anug ne du abə wə̀d mɔ̀ʼɔ. Ane, ndò chwi ìwe nyɔd abə wə̀d mbàn Ŋwiye, nàʼ ighi àfàtì icheg ne mə̀nɔ̀ʼɔ̀ Muse gha, ni chwi aneni gha, àwàrikə̀m igun ìwe nyɔd fə mèg.”

Lk 5:14 ပူးပေါင်းရင်းမြစ်များ

Matìyò 10:18

Mbɨ bɨrɨ suŋ əwən wò ɨfě mɨ̀gɔmnà bə̀ fɔrɨ ɨfě mɨfɔ̀n dè əmɨ. Əze ə bɨrɨ ghɨ̀ ni mbə̀ berɨ əpan nɨ ghà ɨkə̂n chɔ̀m əmbɨ mɨ̀mə̌d bə̀ fɔrɨ əmbɨ ə bə̂d mbe nɨ kaʼi mɨ̀Jû.

Matìyò 12:16

Ənɨ wɨ̀ nyaʼa vɨ̀ əne, wɨ̀ nyaʼa patɨ mɨ̀mə̌d ni tɨ mbɨ tɔ ghɨ̀ ə ni bə̂d kyerɨ wə̀d we nɨ tə yeʼ wɨwən.

Matìyò 8:4

Yeso nyaʼa ghɨ̀ əne ghà ɨ bɔ ni, “Zə ni tɨ à gha əwe ənû zɔ̂ əmbɨ wə̀d mɔʼɔ, àyɨə ndə̀ wo chwi e ɨnyod əmbɨ wə̀d mbàn Ŋwìə̀, nàʼ əghɨ ə̀fà ze nɨ Mose nyaʼa sobɨ, ɨmbə̀ʼ bə̂d kyerɨ ni əpabɨ ze ə fə mì rɨ ɨgwɨ ne.”

Matìyò 9:30

Mbɨ nyaʼa wɨrɨ kɔ zə ɨsɨ. Əne Yeso nyaʼa jeŋgɨ patɨ mɨ̀mə̌d ghà ni, “Tɨ mbə̀ tɔ ghɨ əwən ni wə̀d mɔʼɔ kyerɨ ənû zɔ̂!”

Mk 1:44

Yeso nyaʼa ghɨ̀ əne ghà ɨ bɔ ni, “Zə ni tɨ à ghà e ənû ə mɔʼɔ əmbɨ ə wə̀d, àyɨə ndə̀ chwi e ɨnyod əmbɨ wə̀d mbàn Ŋwìə̀, nàʼ ɨghɨ ə̀fà ze nɨ Mose nyaʼa sobɨ, ɨmbə̀ʼ bə̂d kyerɨ ni əpabɨ ze ə fə mì rɨ ɨgwɨ ne.”

Mk 6:11

À mɨ yeʼ nɨ chəi mbɨ nɨŋ əwən əsɨ ə mɔʼɔ kɨ̀ nɨ chəi mbɨ zu ənû ze nɨ mbə̀ə ghàə̀, mbə̀ kud əgywɨ rɨ ənɨ mbə ɨwu ənɨ mbə̀ə nɔʼə. Əze ə bɨrɨ yeʼ ənweenɨ əmbɨ mɨ̀mə̌d ni mbɨ fə ton ɨkə̂n chɔ̀m. [Mə ghà rəsìʼ ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm bə̀ dììrɨ̀ mbe rɨ ə Gòmorà chè ɨchî nɨ wɨ̀ bɨrɨ diirɨ bə̂d mbe rɨŋga əsɨ ze.]”

Lk 17:14

Ənɨ Yeso nyaʼa zə mɨ̀mə̌d, wɨ̀ nyaʼa ghà əmbɨ mɨ̀mə̌d ni, “Mbə̀ wo chwi ə ɨnyod əmbɨ ə bə̂d mbàn Ŋwìə̀.” Ənɨ mbɨ nyaʼə wòə̀, əpabɨ ze nɨ nyaʼa ɨgun mɨ̀mə̌d ə nyaʼa mì.

Lk 5:13

Yeso nyaʼa sem əbɔ, betɨ əməd, ghà ni, “Mə ghaʼ nɨ ghɨ̀ əne. Ɨnyod, zeŋ!” Àmei əwu əwən, əpabɨ ze ə nyaʼa mì i.

Lk 9:5

À mɨ yeʼ nɨ chəi mbɨ nɨŋ əwən əsɨ ə mɔʼɔ, mbə̀ kud əgywɨ tɨ ənɨ mbə ɨwu ənɨ mbə̀ə jwɨ̀ə̀, ɨmbə̀ʼ əze ə bɨrɨ yeʼ ənweenɨ əmbɨ mɨ̀mə̌d ni mbɨ fə ton ɨkə̂n chɔ̀m.”