Lk 4:34 - Meta’

³⁴ “Aa! Yeso rɨ ə Nazàret! À berɨ ənû ə ye nɨ ghɨ̀ mbɨ na ə? À wa fə yeʼe ɨmbə̀ʼ nimnɨ əwa ə? Mə kyerɨ wə̀d we nɨ àwɔ̀ yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Ikan feg

³⁴ “Eyì! Yeso a Nazarèd; Aghi ne àghò bèrì ni ghì tì ina àkə aghə? Mə kyèri wə̀d ne àghò yaʼi ìwiwən. Imbə̀ʼ àghò yèʼe anìŋ ni nimni awa? Àghò ya Wə̀dtɔm Ŋwiye ne zḛ.”

Lk 4:34 ပူးပေါင်းရင်းမြစ်များ

Matìyò 8:29

Ənɨ ɨzwî rɨbɔ̀ŋ mbe nyaʼa zə ə Yeso, mbɨ nyaʼə kyeŋə ghàə̀ ni, “Àwɔ̀ Wan Ŋwìə̀, à berɨ ənû ə ye nɨ ghɨ̀ mbɨ na ə? À wa yeʼe əgha ɨ chə əwa bɔŋ nyùmə̀ sɨə kùʼ ə?”

Mk 1:24

Wɨ̀ nyaʼa kɔ kyeŋ rɨ̀kǎ ghàə̀ ni, “Yeso rɨ ə Nazàret! À berɨ ənû ə ye nɨ ghɨ̀ mbɨ nà ə? À wa yeʼe ɨmbə̀ʼ nimnɨ əwa ə? Mə kyerɨ wə̀d we nɨ à yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Mk 1:34

Yeso nyaʼa vɨ̀ bə̂d mɨ̀nɔnɔʼ nɨ nyaʼa wɔ̀nə̀ tɨkwɨrɨ ɨwɔn nɔnɔʼ. Wɨ̀ nyaʼa bə̀ chɨ̀ ɨzwî rɨbɔ̀ŋ nɔnɔʼ rɨŋga bə̂d. Chəi wɨ̀ nyaʼa ben ni ɨzwî rɨbɔ̀ŋ mbe ghàmə̀, ɨmbə̀ʼ ɨghəm nɨ mbɨ nyaʼa kyerɨ wə̀d we nɨ wɨ̀ yeʼ wɨwən.

Mk 5:7

kyeŋ ənɨ ə gɨ̂ nɨ kǎ ghà ni, “Yeso, Wan Ŋwìə̀ Ə̀chè-ɨsɨg, à berɨ ənû ə ye nɨ ghɨ̀ mbɨ num ə? Mə buʼ ɨbɔ ɨ ne ənɨ ɨkum Ŋwiə̀ ni tɨrə̀ chə e əmɨ!”

Lk 1:35

Aŋgɨrə̀ we nyaʼa wììrɨ̀ ɨ bɔ ni, “Əzwî ə Zeŋɨ bɨrɨ yeʼe ɨgwɨ ne, əne ɨka Ə̀chè-ɨsɨg bɨrɨ kubrɨ əwe. Mbɨ bɨrɨ tɔŋ wan zeŋɨ we nɨ à bɨrɨ gywɨ ni məd yɨə Wan Ŋwìə̀.

Lk 4:33

Mbaŋə̀ mɔʼɔ nyaʼa ɨŋga nəb ə̀kàtɨ̀ ze ni əzwî rɨbɔ̀ŋ ə nyaʼa ɨŋga məd. Wɨ̀ nyaʼa kɔ kyeŋ rɨ̀kǎ ghà ni,

Lk 4:41

Ɨzwî rɨbɔ̀ŋ nyaʼa bə̀ jwɨ̀ rɨŋga bə̂d mɨ̀nɔnɔʼ. Mbɨ nyaʼə kyeŋə ghàə̀ ni, “Àwɔ̀ yɨə Wan Ŋwìə̀!” Àyɨə wɨ̀ nyaʼa ghàm əbɔʼ mɨ̀mə̌d. Chəi wɨ̀ nyaʼa ben ni mbɨ ghàmə̀, ɨmbə̀ʼ ɨghəm nɨ mbɨ nyaʼa kyerɨ ni məd yɨə Wə̀d we nɨ Ŋwiə̀ zɔʼɔ.

Lk 8:28

Ənɨ wɨ̀ nyaʼa zə ə Yeso, wɨ̀ nyaʼa kyeŋ kwàʼ rɨ̀kǎ, gù ɨfě ɨ bɔ, kyeŋ ənɨ ə gɨ̂ kǎ kǎ ghà ni, “Yeso, Wan Ŋwìə̀ Ə̀chè-ɨsɨg! À berɨ ənû ə ye nɨ ghɨ̀ mbɨ num ə? Mə buʼ ɨbɔ ɨ ne ni tɨrə̀ chə e əmɨ!”

Lk 8:37

Bə̂d mɨ̀jìm rɨŋga ɨsɨ mbe nɨ nyaʼa kad ə Gèrasenès nyaʼa ghà əmbɨ Yeso ni wɨ̀ nɔʼɔ wò i, ɨmbə̀ʼ ɨghəm nɨ ɨfeŋ nyaʼa yim mɨ̀mə̌d. Əne wɨ̀ nyaʼa nyɨ əbaŋ ɨgyɨ̀ bə̀ndɨ̀ wò i.

Ɨ̀fàʼì 16:39

Əne mbɨ nyaʼa wò buʼ ɨbɔ əmbɨ mɨ̀mə̌d, nɨŋ mɨ̀mə̌d mbɨ jwɨ̀ rɨ ə nəb ndəŋ ze. Mbɨ nyaʼa sɨ ghà əmbɨ mɨ̀mə̌d ni mbɨ saŋ əsɨ ze.

Ɨ̀fàʼì 2:27

ɨmbə̀ʼ ɨghəm nɨ ka à bɨrɨ waʼ e əmɨ ɨŋga ɨsì kɨ̀ bè sàŋ ni e Wə̀d Zeŋɨ bɔb.

Ɨ̀fàʼì 3:14

Mbə nyaʼa ton Wə̀d Zeŋɨ nɨ Təm Kùʼnɨ̀, sɨ ghà yeʼ ni mbɨ naʼ mbaŋə̀ ze nɨ nyaʼa zwiirɨ wə̀d ɨ nən.

Ɨ̀fàʼì 4:27

À yɨ rəsìʼ ni Herɔ̀d mbɨ Pailèt nyaʼa fɔtɨ mbɨ ə bə̂d mbe nɨ kaʼi mɨ̀Jû bə̀ fɔtɨ mbɨ mɨ̀Izre ɨŋga əsɨ zɔ̂, əne taŋ mɨnaŋ ɨgwɨ ə Yeso, e wə̀d ə̀fàʼì we nɨ zeŋɨ, nɨ à nyaʼa zɔʼɔ,

Mə̀Hibrù 2:14

Əne ɨchî nɨ bɔn mbe berɨ nyamnyod mbɨ ənəm, məd ziə nyaʼa bə̀ yeʼ wə̀d mɨ̀sɔŋɨchù, ɨmbə̀ʼ ənjìm ɨvɨ məd, wɨ̀ bɨrɨ nimnɨ əməd we nɨ berɨ ɨka ɨgwɨ ɨvɨ, əne yɨə Debɨ̀rə̀.

Jems 2:19

À ben ni Ŋwiə̀ mei we mɔʼ. Zɨə bɔŋ! Ka àbei ɨzwî rɨbɔ̀ŋ, mbɨ bə̀ ben əne, àyɨə ɨ mbɨə benə bə̀ bindɨə.

1 Jɔn 3:8

Wə̀d we nɨə ghɨ̀ ɨnû rɨbɔ̀ŋ yɨə wə̀d Debɨ̀rə̀. À yɨ əne ɨmbə̀ʼ ɨghəm nɨ Debɨ̀rə̀ nyaʼa kɔ ghɨ̌ ənû rɨbɔ̀ŋ tɨ ənɨ Ŋwìə̀ nyaʼa tekɨ ɨsɨg. Wan Ŋwìə̀ nyaʼa yeʼe ɨmbə̀ʼ nimnɨ ɨnû mbe nɨ Debɨ̀rə̀ nyaʼə ghɨ̀ə̀.

Ɨnû 20:2

Wɨ̀ nyaʼa gywɨ̀ tɨ̀sɔ̀ʼɔ̀ jɔ ze, nɨ yeʼ jɔ ze nɨ nyaʼa rəŋwe, əne yɨə Debɨ̀rə̀ kɨ ə Satàn, əne kod əməd ɨghəm ɨwu chuʼ fibɨ̀.

Ɨnû 3:7

Ə̀nùŋɨ̀sɨg nyaʼa bə̀ gha ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Fìlàdelfià ni, 'Ɨŋgam wɔ̂ yɨ rɨ əmbɨ wə̀d we nɨ zeŋɨ, nɨə bə̀ ghà rəsìʼ. Məd ə berɨ əfiʼ ze nɨ yeʼ əzɨ ɨfɔ̀n Dèvîd. Wɨ̀ mɨ fiʼ nəb, chəi wə̀d nɨ tɨ̀ wɨ̀ wùb. Wɨ̀ mɨ wùb nəb, chəi wə̀d nɨ tɨ̀ wɨ̀ fìʼ.