Lk 4:32 - Meta’

³² Bə̂d mbe nɨ nyaʼa zu ɨnû mbe nyaʼa yiirɨ ɨchî nɨ wɨ̀ nyaʼə chwiə, ɨmbə̀ʼ ɨghəm nɨ ɨ wɨə nyaʼə ghàm ɨghabɨ ə wə̀d nɨ berɨ ɨka nɨ ghɨ əne.

Ikan feg

³² Anug ya chè bəd məjìm ne ya zughi inug mbe ne wì yaya ghàmà imbə̀ʼ icheg ne ìngam məd ya bèrì ika.

Lk 4:32 ပူးပေါင်းရင်းမြစ်များ

Mk 1:22

Bə̂d mbe nɨ nyaʼa zu ɨnû mbe nyaʼa yiirɨ ɨchî nɨ wɨ̀ nyaʼə chwi ɨnû, ɨmbə̀ʼ ɨghəm nɨ ɨ wɨə nyaʼə chwi ɨnû əmbɨ mɨ̀mə̌d ɨghabɨ ə wə̀d nɨ berɨ ɨka nɨ ghɨ əne, kaʼi ɨghabɨ ɨchî nɨ məchwiə̀ rɨ̀kə̌ nyaʼə chwiə.

Lk 2:47

Bə̂d mɨ̀jìm mbe nɨ nyaʼa zu ɨnû mbe nɨ wɨ̀ nyaʼə ghàə̀, nyaʼa yiirɨ ɨchî nɨ wɨ̀ kyerɨ ɨnû bə̀ yiirɨ ɨchî nɨ wɨ̀ nyaʼə wììrɨ̀ ɨnû.

Lk 4:33

Mbaŋə̀ mɔʼɔ nyaʼa ɨŋga nəb ə̀kàtɨ̀ ze ni əzwî rɨbɔ̀ŋ ə nyaʼa ɨŋga məd. Wɨ̀ nyaʼa kɔ kyeŋ rɨ̀kǎ ghà ni,

Lk 4:36

Bə̂d mɨ̀jìm mbe nɨ nyaʼa əŋgu nyaʼa yiirɨ, əne ghà mbənə mbənə ni, “À kɨ ɨkwɨ ɨŋgam ye wɔ̂ ə? Wɨ̀ berɨ ɨka nɨ gham əbɔʼ ɨzwî rɨbɔ̀ŋ mbɨ jwɨ̀ rɨŋga wə̀d!”

Jn 6:63

À yɨ Əzwî ə Ŋwiə̀ ə nàʼ ɨ̀tènɨ̀. Chəi ənɨ tɨ wə̀d mɨ̀sɔŋɨchù nàʼ ɨ̀tènɨ̀. Mɨŋgam mbe nɨ mə̀ fə gha ɨ nən yɨ rɨ əmbɨ Əzwî ə Ŋwìə̀. Ɨ mbɨə bə̀ nàʼ ɨ̀tènɨ̀.

Jn 7:46

Mənə̂ŋgɨ̀ mbàn Ŋwìə̀ mbe nyaʼa wììrɨ̀ ni, “Chəi wə̀d mɔʼɔ kweʼ ghàm ɨghabɨ ə mbaŋə̀ zɔ̂!”

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

1 Tèsàlonikà 1:5

Tɨ̀ kyerɨ əne ɨmbə̀ʼ ɨghəm nɨ tɨ̀ nyaʼa yeʼe əsɨ nən mbɨ ɨkə̂n chɔ̀m. Chəi tɨ̀ nyaʼa yeʼe mbɨ ɨkə̂n chɔ̀m àmei ənɨ ɨŋgam. Tɨ̀ nyaʼa bə̀ ghà ɨkə̂n chɔ̀m ənɨ ɨka we nɨ Əzwî ə Zeŋɨ ə nàʼə̀. Tɨ̀ nyaʼa bə̀ kàŋ chwi ɨchî nɨ tɨ̀ ben ni ɨnû mbe nɨ yeʼ ɨŋga ɨkə̂n chɔ̀m yɨ ɨnû rəsìʼ. Mbə kyerɨ ɨnû mbe nɨ tɨ̀ nyaʼa ghɨ̌ ənɨ tɨ̀ nyaʼa əkaʼ nən. Tɨ̀ wɨə nyaʼa ghɨ ɨnû mbɔ̂ jìm ɨmbə̀ʼ weerɨ əwən.

Tayitùs 2:15

Gha ɨnû mbɔ̂. Nɨŋ ɨka jìm we nɨ Kristo naʼ ɨ ne tìmbɨ̀ bə̂d əŋgu, bə̀ nɨŋ ghàm əbɔʼ mɨ̀mə̌d. Tɨrə̀ ben e ni wə̀d mɔʼɔ təənɨ əwe.