Lk 4:1 - Meta’

¹ Əzwî ə Zeŋɨ ə nyaʼa swi ɨŋga Yeso, əne wɨ̀ nyaʼa bə̀ndɨ̀ rɨ ɨgyɨ̂ Jodàn. Əzwî ze ə nyaʼa nɨŋ əməd

Ikan feg

¹ Yeso ya bə̀ndì igyi Jodàn tì Azwighi Ŋwiye inga məd iswighi. Azwighi Ŋwiye ya niŋ aməd ghò inga ibad zɔbi.

Lk 4:1 ပူးပေါင်းရင်းမြစ်များ

Matìyò 3:16

Ənɨ Yeso nyaʼa fə nɨŋ mɨnib, wɨ̀ nyaʼa jwɨ̀ rɨŋga ɨgyɨ̀ we. Àmei əwu əwən, ɨkaŋ nyaʼa fìʼə̀, əne wɨ̀ nyaʼa zə Əzwî ə Ŋwiə̀ nɨ nyaʼə swiʼə yeʼe ɨgwɨ ɨghabɨ tə̀bə̀ŋə pè naŋ ɨgwɨ məd.

Lk 2:27

Əzwî ə Zeŋɨ ə nyaʼa ŋwè əməd, wɨ̀ wò nyɨ ɨŋga mbàn Ŋwìə̀. Ənɨ mbǎʼ Yeso mbɨ ɨŋgɔb məd nyaʼa wo mbɨ Yeso ɨmbə̀ʼ mbɨ ghɨ mbɨ məd ɨchî nɨ mɨchî ɨmbə̀ʼ rɨkə nyaʼa chwiə,

Lk 3:3

Wɨ̀ nyaʼa wò ɨŋga ɨbeŋ jìm mbe nɨ nyaʼa ɨban ɨgyɨ̂ Jodàn, yènə̀ ghà ɨŋgam Ŋwiə̀ ni bə̂d beŋ tə fîŋ nɨŋ mɨnib ɨmbə̀ʼ Ŋwìə̀ waʼ ɨnû rɨbɔ̀ŋ mɨ̀mə̌d.

Lk 3:38

nɨ nyaʼə wan Enos, nɨ nyaʼə wan Sêt, nɨ nyaʼə wan Adàm, nɨ nyaʼə Wan Ŋwìə̀.

Lk 4:14

Yeso nyaʼa bə̀ndɨ̀ wò ə Galiliî. Əzwî ə Ŋwiə̀ ə nyaʼa fə nàʼ ɨka ɨ bɔ ɨ swi. Ɨnû ɨmbə̀ʼ əməd nyaʼa jàŋ ɨŋga əba əbeŋ ze əjìm.

Lk 4:18

“Əzwî Ə̀nùŋɨ̀sɨg ə zɨ ɨgwɨ num, ɨmbə̀ʼ ɨghəm nɨ Ə̀nùŋɨ̀sɨg fə zɔʼ əmɨ ni mə gha ɨkə̂n chɔ̀m əmbɨ ə bə̂d ɨkwaŋ. Wɨ̀ fə tom əmɨ ni mə̀ saʼ ni Ŋwìə̀ bɨrɨ chɨ bə̂d ndəŋ sàŋɨ̀, fɔrɨ ni mɨfɨgɨ̀ bɨrɨ zə ɨsɨ bə̀ fɔrɨ ni mbɨ bɨrɨ saŋ bə̂d mbe nɨ mbɨə nyèm mɨ̀mə̌d,

Jn 1:32

Jɔ̌n nyaʼa ghà ɨnû mbe nɨ wɨ̀ nyaʼa zə ɨmbə̀ʼ əməd ni, “Mə nyaʼa zə Əzwî ənɨ zɨə nyaʼə swiʼi rɨkaŋ ɨghabɨ ə tə̀bə̀ŋə, pè chub ɨgwɨ məd.

Jn 3:34

Ɨŋgam we nɨ wə̀d we nɨ Ŋwìə̀ tom ə ghàə̀ yɨ rɨ əmbɨ ə Ŋwiə̀, ɨmbə̀ʼ ɨghəm nɨ Əzwî ə Ŋwìə̀ ə zɨ ɨgwɨ məd nɨ chəi ənɨ tɨ̀ mbɨ mɨ̀g.

Ɨ̀fàʼì 1:2

wò pè əni ze nɨ Ŋwìə̀ nyaʼa nɨŋ əməd ɨkaŋ. Bɔŋ wɨ̀ nyaʼə sɨə wò ɨkaŋ, wɨ̀ nyaʼa chè ənjìm Əzwî ə Zeŋɨ nàʼ rɨkə əmbɨ ə bə̂d tom mbe nɨ wɨ̀ nyaʼa fə chɔʼɔ.

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Ɨ̀fàʼì 8:39

Ənɨ mbɨ nyaʼa kɔʼ jwɨ̀ rɨŋga ətuŋ ze, Əzwî Ə̀nùŋɨ̀sɨg ə nyaʼa nɨŋ ə Filip wo mbɨ məd. Chəi wə̀d kyeŋ we nyaʼa wɨrɨ zə əməd. Əne wɨ̀ nyaʼa kɔ wo i yènə̀ ghaʼə.