Lk 3:22 - Meta’

²² əne Əzwî ə Zeŋɨ ə nyaʼa swiʼi yeʼe ɨgwɨ məd ɨghabɨ tə̀bə̀ŋə. Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Ikan feg

²² Azwighi Ŋwiye swiʼi ikaŋ icheg bupə pè nàŋa igun məd. Gì mɔ̀ʼɔ ya ghàm ikaŋ àbɔ̀ŋɔ gha, “Àghò ya ìmə Ŋwan Mbaŋà ne mə̀ taŋ kɔ̀ŋ. Mə gyèndi ako imbə̀ʼ awe.”

Lk 3:22 ပူးပေါင်းရင်းမြစ်များ

Matìyò 12:18

“Mbə̀ zə, wɔ̂ yɨ mɨ wə̀d ə̀fàʼì we nɨ mə̀ fə chɔʼɔ. Mə ghaʼ əməd kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əməd. Mə bɨrɨ cha mɨ Əzwî ɨŋga məd, əne wɨ̀ bɨrɨ ghà əmbɨ ɨbeŋ mbe nɨ kaʼi mbɨ mɨ̀Jû ni mə bɨrɨ saʼ mɨ̀mə̌d ɨchî nɨ kuʼnɨ.

Matìyò 17:5

Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”

Matìyò 27:43

Wɨ̀ nyaʼa nuŋ i fîŋ ɨgun ə Ŋwiə̀, əne Ŋwìə̀ sɨ chɨ əməd rəŋgəʼ tɨ̀nîn əwù ze nɨ wɨ̀ kəb əməd, ɨmbə̀ʼ ɨghəm nɨ ɨ wɨə nyaʼə ghà ni, 'Mɔ̌ yɨə Wan Ŋwìə̀.'”

Matìyò 3:13

À nyaʼa ənɨ ə nyùmə̀ we, Yeso nyaʼa nɔ̀ʼ rɨ ə Galiliî wò əsɨ Jɔ̌n ənɨ wɨ̀ nyaʼa ɨgyɨ̂ Jodàn. Wɨ̀ nyaʼa wò ni wɨ̀ naʼ mɨnib ɨ bɔ.

Matìyò 3:16

Ənɨ Yeso nyaʼa fə nɨŋ mɨnib, wɨ̀ nyaʼa jwɨ̀ rɨŋga ɨgyɨ̀ we. Àmei əwu əwən, ɨkaŋ nyaʼa fìʼə̀, əne wɨ̀ nyaʼa zə Əzwî ə Ŋwiə̀ nɨ nyaʼə swiʼə yeʼe ɨgwɨ ɨghabɨ tə̀bə̀ŋə pè naŋ ɨgwɨ məd.

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

Mk 1:11

Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ Wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Mk 1:9

À nyaʼa ənɨ ə nyùmə̀ we, Yeso nyaʼa nɔ̀ʼ rɨ ə Nazàret ə Galiliî wò əsɨ Jɔ̌n, əne Jɔ̌n nyaʼa nàʼ mɨnib ɨ bɔ ɨŋga ɨgyɨ̂ Jodàn.

Mk 9:7

Pàʼ mɔʼɔ nyaʼa kubrɨ mɨ̀mə̌d, əne gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨə mɨ Wan nɨ mə̀ ghaʼi kwàʼ rɨŋgəʼ, mbə̀ zu ənû ze nɨ wɨə ghàə̀!”

Lk 2:14

“Tɨ̀ wumnɨ ə Ŋwìə̀ we nɨ yeʼ ɨkaŋ, əbɔrəbɔd ə nyɨ ɨgwɨ ə bə̂d mbe nɨ wɨ̀ ghaʼi ɨgwɨ ə si!”

Lk 4:21

Wɨ̀ nyaʼa kɔ gha əmbɨ mɨ̀mə̌d ni, “Tə̀chɔ̀ŋ, əsɨ ə̀ŋwàʼnɨ̀ zɔ̂ ə fə jwɨ̀ ənɨ rəsìʼ, mbə zu.”

Jn 1:32

Jɔ̌n nyaʼa ghà ɨnû mbe nɨ wɨ̀ nyaʼa zə ɨmbə̀ʼ əməd ni, “Mə nyaʼa zə Əzwî ənɨ zɨə nyaʼə swiʼi rɨkaŋ ɨghabɨ ə tə̀bə̀ŋə, pè chub ɨgwɨ məd.

Jn 12:28

Mɨ Mbǎʼ, ghɨ ni bə̂d wumnɨ əwe!” Ənɨ wɨ̀ nyaʼa ghà əne, gɨ̂ mɔʼɔ nyaʼa ghàm rɨkaŋ ghà ni, “Mə fə ghɨ̀ ni bə̂d wumnɨ əmɨ. Mə bɨrɨ wɨrɨ ghɨ əne ɨghəm cherə.”

Jn 5:37

Mbǎʼ we nɨ nyaʼa tom əmɨ yɨə bə̀ ə zərɨmbin ɨ num. Chəi mbə̀ kweʼ zu gɨ̂ məd kɨ̀ bè zə ɨfě məd.

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Kòlosè 1:13

Wɨ̀ fə chɨ əwa rɨŋga tɨkyerɨ-ɨbɔ məd we nɨə tùmbɨ̀ ɨsɨ firɨ, əne zɨ̀ ɨŋga ənû ɨfɔ̀n ə Wan məd we nɨ wɨ̀ ghaʼi kwàʼ rɨŋgəʼ.

1 Pità 2:4

Mbə yeʼe əsɨ məd we nɨ yeʼ ɨti we nɨ yeʼ ɨka. Bə̂d nyaʼa ton əməd, àyɨə Ŋwiə̀ nyaʼa chɔʼ əməd. Məd ə bɔ̀ŋ kwàʼ rɨŋgəʼ ɨfě Ŋwiə̀.